ကချင်ပြည်နယ်ဝန်ကြီးချုပ် ဦးခက်ထိန်နန် ပူတာအိုဒေသစားရေရိက္ခာဖူလုံရေးနှင့် ဒေသဖွံ့ဖြိုး တိုးတက်ရေးလုပ်ငန်းများ ကွင်းဆင်းစစ်ဆေး
မြစ်ကြီးနား ဖေဖော်ဝါရီ ၁၄ မြန်မာပြည်မြောက်ဖျား ကချင်ပြည်နယ် ပူတာအိုဒေသ စားရေရိက္ခာဖူလုံရေးနှင့် ဒေသဖွံ့ဖြိုး တိုးတက်ရေးလုပ်ငန်းများအား ပြည်နယ်ဝန်ကြီးချုပ် ဦးခက်ထိန်နန်သည် ဖေဖော်ဝါရီ ၁၄ ရက် နံနက် ၁၀ နာရီခွဲက ပူတာအိုခရိုင်၊ ပူတာအိုမြို့သို့ လေကြောင်းခရီးဖြင့် သွားရောက်ပြီး ကွင်းဆင်းစစ်ဆေးခဲ့ ကြသည်။ ရှေးဦးစွာ ပြည်နယ်ဝန်ကြီးချုပ် ဦးခက်ထိန်နန်၊ ပြည်နယ်သယံဇာတရေးရာဝန်ကြီး ဦးတိန့် ဆောင်၊ ပြည်နယ်အဆင့် ဌာနဆိုင်ရာတာဝန်ရှိသူများနှင့်အတူ ပူတာအိုလေဆိပ်သို့ ရောက်ရှိပြီး လေဆိပ်၌ ပူတာအိုအခြေချစစ်ဗျူဟာမှူး ဗိုလ်မှူးကြီးမင်းသီဟ၊ ခရိုင်/မြို့နယ်စီမံအုပ်ချုပ်ရေးအဖွဲ့ ဝင်များ၊ ခရိုင်/ မြို့နယ်အဆင့်ဌာနဆိုင်ရာတာဝန်ရှိသူများနှင့်အတူ လေဆိပ်ဝင်းအတွင်း “ပူတာအိုမြို့ မှ လှိုက်လှဲစွာကြိုဆိုပါ၏” ဆိုင်းဘုတ်အား မြန်မာ-အင်္ဂလိပ် (၂)ဘာသာဖြင့် တပ်ဆင်ထားရှိမှု အခြေ အနေနှင့် လေဆိပ်အဆောက်အအုံနှင့် လေဆိပ်ဝင်းအတွင်း သန့်ရှင်းသာယာလှပရေး၊…
