မြစ်ကြီးနား     ဇူလိုင် ၁၅           ကချင်ပြည်နယ်၏မြို့တော် မြစ်ကြီးနားအား သန့်ရှင်းသာယာလှပပြီး ခေတ်မီစနစ်ကျသော မြို့ဖြစ်လာစေရေးအတွက် ၂၀၂၃-၂၀၂၄ ဘဏ္ဍာရေးနှစ် ပြည်နယ်အစိုးရအဖွဲ့ ငွေလုံးငွေရင်း ထောက်ပံ့ ရန်ပုံငွေဖြင့်မြို့နယ်စည်ပင်သာယာရေးလုပ်ငန်းများဆောင်ရွက်နေမှုအား ပြည်နယ်သယံဇာတရေးရာ ဝန်ကြီး ဦးတိန့်ဆောင်သည် ဇူလိုင်လ ၁၄ ရက် ညနေ ၃နာရီအချိန်က ကွင်းဆင်းစစ်ဆေးခဲ့သည်။           ထိုသို့ ကွင်းဆင်းစစ်ဆေးရာတွင် ပြည်နယ်သယံဇာတရေးရာဝန်ကြီး ဦးတိန့်ဆောင်သည် ပြည်နယ်စည်ပင်သာယာရေးအဖွဲ့၊ ညွှန်ကြားရေးမှူး ဦးကျော်လင်း၊ မြို့နယ်စည်ပင်သာယာရေးအဖွဲ့ တာဝန်ရှိသူများနှင့်အတူ မြို့တွင်းရေစီးရေလာကောင်းမွန်‌စေရေးအတွက် စီတာပူရပ်ကွက် မုန်ကျိန် နယ်မြေ၊ တက္ကသိုလ်လမ်းမကြီးဘေးတွင် မြေသားရေနုတ်မြောင်းတူးဖော်ခြင်းနှင့် ကွန်ကရစ်တံတား (၁)စင်း၊ ကွန်ကရစ်ရေပြွန်(၁)စင်း၊ ကျောက်စီရေမြောင်း(၁)ခု တည်‌ဆောက်နေမှုနှင့် စီတာပူ အ.ထ.က အနောက်ဘက်လမ်းအား သဲကျောက်ဖို့ကာ လမ်းသားမြှင့်တင်၍ ကတ္တရာလမ်းခင်းခြင်း လုပ်ငန်း ဆောင်ရွက်နေမှုကို ကြည့်ရှုစစ်ဆေးပြီး အဆိုပါရပ်ကွက်ရှိ…

မြစ်ကြီးနား     ဇူလိုင် ၁၄           ကချင်ပြည်နယ်အစိုးရအဖွဲ့၏ စီမံကြီးကြပ်မှုဖြင့် ပြည်နယ်ရင်းနှီးမြှုပ်နှံမှုနှင့် ကုမ္ပဏီများညွှန် ကြားမှုဦးစီးဌာနမှ ကြီးမှူး၍ ပြည်နယ်အတွင်းရှိ ဌာနဆိုင်ရာများအတွက် phpMyAdmin Application Software အသုံးပြုကာ ရုံးတွင်းမှတ်တမ်းများကို Database ပြုလုပ်၍ စနစ်တကျ စီမံခန့်ခွဲနိုင်ရေး ဖွင့်လှစ်ပေးခဲ့သော Introduction to Database System သင်တန်း အမှတ်စဉ်(၂)သင်တန်းဆင်းပွဲကို ဇူလိုင် ၁၄ ရက် နံနက် ၁၀ နာရီက အဆိုပါရုံး မဂျွယ်ဂင်တောင်ခန်းမ၌ ကျင်းပပြုလုပ်သည်။           သင်တန်းဆင်းပွဲတွင် ပြည်နယ်ဝန်ကြီးချုပ် ဦးခက်ထိန်နန်က ၂၀၂၃ ခုနှစ်၊ မေလမှ ဇူလိုင်လ အတွင်း တစ်ပတ်လျှင် ၂ ရက် ဖွင့်လှစ်သင်ကြားပေးခဲ့သော ယခုသင်တန်းမှ Database ၊ SQL ၊…

ဝိုင်းမော်         ဇူလိုင် ၁၃           ကချင်ပြည်နယ်၊ ဝိုင်းမော်မြို့နယ်၊ မဒိန်ကျေးရွာအုပ်စု မဒိန်ကွင်းအား ပြည်နယ်အစိုးရအဖွဲ့ ရန်ပုံငွေဖြင့် ဖော်ထုတ်ပြီးစီးခဲ့သော စက်မှုလယ်ယာစနစ်ကျ လယ်ယာမြေဧက ၁၀၀ စိုက်ကွင်း အတွင်း မိုးစပါးပန်းတိုင်အထွက် နှုန်းပြည့်မီစေရေးနှင့် စက်မှုလယ်ယာစနစ်သို့ ပြောင်းလဲကျင့်သုံးနိုင် ရေး တောင်သူအသိပညာပေး ကောက်စိုက်စက်ဖြင့် စပါးစိုက်ပျိုးခြင်း စွမ်းရည်ပြိုင်ပွဲ ကို ဇူလိုင် ၁၃ ရက် နံနက် ၉ နာရီက အဆိုပါ ဧက ၁၀၀ စိုက်ကွင်းအတွင်း ကျင်းပပြုလုပ်သည်။           ကောက်စိုက်စက်ဖြင့် စပါးစိုက်ပျိုးခြင်းစွမ်းရည်ပြိုင်ပွဲတွင် ပြည်နယ်ဝန်ကြီးချုပ်ဦးခက်ထိန်နန် က မိမိတို့အစိုးရအဖွဲ့အနေဖြင့် နိုင်ငံ့စီးပွားမြှင့်တင်နိုင်ရေးအတွက် စိုက်ပျိုးမွေးမြူရေးကို အခြေခံ သည့် ကုန်ထုတ်လုပ်မှုတိုးတက်မြှင့်မားလာစေရေးနှင့် ကျေးလက်နေတောင်သူများ၏ လူမှုစီးပွားဘဝ ပိုမိုဖြစ်ထွန်းလာစေရေး ပြည်နယ်၏ စိုက်ပျိုးစွမ်းအားမြှင့်တင်နိုင်ရေး အားလုံးက ဝိုင်းဝန်းကြိုးပမ်း…

မြစ်ကြီးနား     ဇူလိုင် ၁၂           ကချင်ပြည်နယ်အတွင်း ဒေသတွင်း ဖြစ်ထွန်းအောင်မြင်လျက်ရှိသည့် ရှိရင်းစွဲ အရင်းအမြစ် ကုန်ကြမ်းများဖြင့် One Region One Product ထုတ်ကုန်လုပ်ငန်းများအဖြစ် သက်ဆိုင်ရာခရိုင် အလိုက် အရည်အသွေးမြင့်မားစွာ တိုးမြှင့်ထုတ်လုပ်နိုင်ရေး နိုင်ငံ့စီးပွားမြှင့်တင်ရေးရန်ပုံငွေ စီမံခန့်ခွဲမှု ကော်မတီအဖွဲ့ဝင်များ၏ လုပ်ငန်းညှိနှိုင်းအစည်းအဝေးကို ဇူလိုင် ၁၂ ရက် မွန်းလွဲ ၁ နာရီက ပြည်နယ် အစိုးရအဖွဲ့ရုံး မလိခခန်းမ၌ ကျင်းပပြုလုပ်ရာ ပြည်နယ်ဝန်ကြီးချုပ် ဦးခက်ထိန်နန် တက်ရောက် အမှာစကားပြောကြားသည်။           လုပ်ငန်းညှိနှိုင်းအစည်းအဝေးတွင် ပြည်နယ်ဝန်ကြီးချုပ်က ဒေသတွင်း စားရေရိက္ခာဖူလုံရေး နှင့် ပြည်နယ်စီးပွားရေးဖွံ့ဖြိုးတိုးတက်ခိုင်မာစေရေး၊ ဒေသတွင်း ပြည်သူများ၏ လူမှုစီးပွားဘဝဖွံ့ဖြိုး တိုးတက်လာစေရေးအတွက် သီးထပ်သီးညှပ်များ စိုက်ပျိုးရေးနှင့်အတူ စိုက်ပျိုးစွမ်းအားမြှင့်တင်နိုင် ရန် လိုအပ်ပါကြောင်း၊ ထို့အတူ ဒေသတွင်း…

မြစ်ကြီးနား     ဇူလိုင် ၁၁           ကချင်ပြည်နယ်အတွင်း ကိုဗစ်-၁၉ ရောဂါ ထိန်းချုပ်ရေး၊ ကာကွယ်တာဆီးရေးဆိုင်ရာ လုပ်ငန်းစဉ်များနှင့် စပ်လျဉ်း၍ ပြည်နယ်ကိုဗစ်-၁၉ ထိန်းချုပ်ရေးနှင့်အရေးပေါ်တုံ့ပြန်ရေးကော်မတီ အဖွဲ့ဝင်များနှင့် ခရိုင်၊ မြို့နယ်ကော်မတီအဖွဲ့ ဥက္ကဋ္ဌများနှင့်လုပ်ငန်းညှိနှိုင်းအစည်းအဝေးကို ဇူလိုင် ၁၁ ရက် ညနေ ၃ နာရီက ပြည်နယ်အစိုးရအဖွဲ့ရုံး မလိခခန်းမ၌ ကျင်းပပြုလုပ်သည်။           လုပ်ငန်းညှိနှိုင်းအစည်းအဝေးတွင် ပြည်နယ်ဝန်ကြီးချုပ် ဦးခက်ထိန်နန်က ကချင်ပြည်နယ် အနေဖြင့် ကိုဗစ်-၁၉ ရောဂါပိုးတွေ့ရှိမှု အနည်းငယ်တွေ့ရှိလာပါကြောင်း၊ သို့ဖြစ်ပါ၍ မိမိတို့အနေဖြင့် ကာကွယ်ဆေးထိုးလုပ်ငန်းနှင့် အသိပညာပေးလုပ်ငန်းများကို ထိထိရောက်ရောက်လုပ်ဆောင်သွား ရန်လိုအပ်ပါကြောင်း၊ ကာကွယ်ဆေးများကို ဦးတည်အုပ်စုအလိုက် စနစ်တကျ စီမံချက်ရေးဆွဲပြီး ထိုးနှံပေးသွားရန်နှင့် ခရိုင်၊ မြို့နယ်များအလိုက် ကာကွယ်ဆေးကျန်ရှိမှုအခြေအနေ၊ ဆေးထိုးအဖွဲ့၊ ကြီးကြပ်ရေးအဖွဲ့၊ တည်နေရာနှင့် လုံခြုံရေးအဖွဲ့များအနေဖြင့် ဗဟိုကော်မတီ၏ ညွှန်ကြားချက်နှင့်…

မြစ်ကြီးနား     ဇူလိုင် ၁၀           ကချင်ပြည်နယ်၏ မြို့တော်မြစ်ကြီးနားမြို့အား မြို့တော်အင်္ဂါရပ်နှင့်အညီ ခေတ်မီဖွံ့ဖြိုးတိုး တက်ပြီး သန့်ရှင်းသာယာလှပလာစေကာ စနစ်ကျသော လူနေမှုပတ်ဝန်ကျင်ကောင်းများဖြစ်ပေါ်လာ စေရေး ကြိုးပမ်းအကောင်အထည်ဖော်ဆောင်ရွက်လျက်ရှိသော မြို့နယ်စည်ပင်သာယာရေးအဖွဲ့ ဝန်ထမ်းသားသမီး ကျောင်းသား/ ကျောင်းသူများအတွက် ပညာသင်ထောက်ပံ့ကြေးနှင့် ဝန်ထမ်းများ အတွက် အခြေခံစားသောက်ကုန်များ ထောက်ပံ့ပေးအပ်ခြင်းအခမ်းအနားကို ဇူလိုင် ၁၀ ရက် မွန်းလွဲ ၁ နာရီက မြစ်ကြီးနားတက္ကသိုလ်ဘွဲ့နှင်းသဘင်ခန်းမ၌ ကျင်းပပြုလုပ်သည်။           အခမ်းအနားတွင် ပြည်နယ်ဝန်ကြီးချုပ်က စည်ပင်သာယာရေးအဖွဲ့များအနေဖြင့် ပြည်သူ လူထုနှင့် တိုက်ရိုက်ဆက်ဆံရပြီး ဝန်ဆောင်မှုပေးနေရသည့် ဌာနဖြစ်ပါကြောင်း၊ မြို့ပြများ သန့်ရှင်း သာယာလှပရေးအတွက် အဓိကတာန်ရှိသည်နှင့်အညီ ကြိုးပမ်းဆောင်ရွက်လျက်ရှိသည်ကိုလည်း အသိအမှတ်ပြုဂုဏ်ယူသည့်အနေဖြင့် ယနေ့အခမ်းအနားတွင် ဝန်ထမ်းသားသမီးများအား ပညာ စရိတ်ထောက်ပံ့ကြေးနှင့် အရာထမ်း၊ အမှုထမ်းများနှင့် နေ့စားဝန်ထမ်း စုစုပေါင်း (၄၀၀)…

မြစ်ကြီးနား     ဇူလိုင် ၁၀           ကချင်ပြည်နယ်၏ မြို့တော်မြစ်ကြီးနားမြို့အား မြို့တော်အင်္ဂါရပ်နှင့်အညီ ခေတ်မီဖွံ့ဖြိုးတိုး တက်ပြီးသန့်ရှင်းသာယာလှပလာစေကာ စနစ်ကျသော လူနေမှုပတ်ဝန်းကျင်ကောင်းများဖြစ်ပေါ်လာ စေရေး ပန်းမြို့တော်အဖြစ် အကောင်အထည်ဖော်နိုင်ရေးနှင့် ဒေသတွင်း စားရေရိက္ခာဖူလုံစေရေး အတွက် မိုးစပါးအပြင် သီးထပ်သီးညှပ်များ စိုက်ပျိုးနိုင်ရေး ပြည်နယ်ဝန်ကြီးချုပ် ဦးခက်ထိန်နန်သည် ဇူလိုင် ၁၀ ရက် နံနက် ၉ နာရီက မြစ်ကြီးနား တက္ကသိုလ်ဘွဲ့နှင်းသဘင်ခန်းမ၌ ပန်းချစ်သူများအသင်း၊ Kachin State Clean & Green Team (KCG)အသင်းဝင်များ၊ တောင်သူများနှင့် အတူ လုပ်ငန်းညှိနှိုင်း ဆွေးနွေးခဲ့ကြသည်။           လုပ်ငန်းညှိနှိုင်းအစည်းအဝေးတွင် ပြည်နယ်ဝန်ကြီးချုပ် ဦးခက်ထိန်နန်က မြို့တော်မြစ်ကြီး နားမြို့သည် ယခင်ကထက်များစွာဖွံ့ဖြိုးတိုးတက်လာသည်နှင့်အညီ မြို့နေပြည်သူများအနေဖြင့် စည်းကမ်းတကျအမှိုက်စွန့်ပစ်တတ်စေရန်နှင့် သန့်ရှင်းသပ်ရပ်ပြီး လူမှုပတ်ဝန်းကျင်စိမ်းလန်း စိုပြေ လာစေရေးအတွက်…

မြစ်ကြီးနား     ဇူလိုင် ၈           ပြည်ထဲရေးဝန်ကြီးဌာနကွပ်ကဲမှုအောက်ရှိ ကချင်ပြည်နယ်အတွင်းမှ တပ်ဖွဲ့/ ဦးစီးဌာနများ၏ ဓမ္မစကြာနှင့် အနတ္တလက္ခဏသုတ် အလွတ်ရွတ်ဆို ပူဇော်ပြိုင်ပွဲ အခမ်းအနားကို ဇူလိုင် ၈ ရက်က ပြည်နယ်အစိုးရအဖွဲ့ရုံးဝင်းအတွင်းရှိ ဆမားဒူဝါဆင်ဝါးနော်ခန်းမ၌ ကျင်းပပြုလုပ်သည်။           ရှေးဦးစွာ ဓမ္မစကြာနှင့်အနတ္တလက္ခဏသုတ် အလွတ်ရွတ်ဆိုပူဇော်ပြိုင်ပွဲ ဖွင့်ပွဲအခမ်းနားကို နံနက် ၈ နာရီက ကျင်းပပြုလုပ်ရာ ပြည်နယ်အစိုးရအဖွဲ့ဝင် စီးပွားရေးရာဝန်ကြီး ဦးမျိုးဆွေက ဗုဒ္ဓ မြတ်စွာဘုရား၏ တရားဦးလဲဖြစ်သည့် ဓမ္မစကြာနှင့် အနတ္တလက္ခဏသုတ်ကို ရွတ်ဖတ်ပူဇော်ခြင်း အားဖြင့် ပြည်ထဲရေးဝန်ကြီးဌာနအောက်ရှိ တပ်ဖွဲ့/ ဦးစီးဌာနများ၏ မိသားစုအချင်းချင်းတွင် လည်း ကောင်း၊ ပတ်ဝန်းကျင်ရှိလူများနှင့်လည်းကောင်း၊ ရင်းနှီးမှု၊ ယုံကြည်မှု၊ တစ်ဦးကိုတစ်ဦးရိုင်းပင်းကူညီ မှု၊ ညီညွတ်မှုများကို ဖြစ်ပေါ်စေကြောင်း၊ ယခုလိုပြိုင်ပွဲကျင်းပခြင်း၊ ရွတ်ဆိုပူဇော်ရခြင်းသည် များစွာ လေးစားဂုဏ်ယူဖွယ်ရာဖြစ်သည့်အပြင်…

မြစ်ကြီးနား     ဇူလိုင် ၈           ပြည်ထဲရေးဝန်ကြီးဌာန ကွပ်ကဲမှုအောက်ရှိ ကချင်ပြည်နယ်အတွင်းမှ တပ်ဖွဲ့/ ဦးစီးဌာနများ၏ ဓမ္မစကြာနှင့်အနတ္တလက္ခဏသုတ် အလွတ်ရွတ်ဆို ပူဇော်ပြိုင်ပွဲကို ဇူလိုင် ၈ ရက်က နံနက်ပိုင်းမှ စတင်၍ ဝန်ကြီးဌာနအောက်ရှိ ပြည်နယ်အထွေထွေအုပ်ချုပ်ရေးဦးစီးဌာန၊ ပြည်နယ်ရဲတပ်ဖွဲ့၊ ပြည်နယ်အထူးစုံစမ်းစစ်ဆေးရေးဦးစီးဌာန၊ ပြည်နယ်အကျဉ်းဦးစီးဌာနနှင့် ပြည်နယ်မီးသတ်ဦးစီး ဌာနမှ ဝတ်အသင်းများက အလှည့်ကျယှဉ်ပြိုင်ခဲ့ကြရာ ညနေပိုင်းတွင် ဆုရအသင်းများအား ဂုဏ်ပြု ဆုချီးမြှင့်ပွဲ အခမ်းအနားကို ကျင်းပပြုလုပ်သည်။           ဂုဏ်ပြုဆုချီးမြှင့်ပွဲ အခမ်းအနားသို့ မြစ်ကြီးနားမြို့ ဓမ္မရက္ခိတဝန်းသိုကျောင်းတိုက်၊ တိုက်အုပ် ဆရာတော်ဘဒ္ဒန္တသီလာနန္ဒ၊ ကျောင်းထိုင်သင်တန်းကျောင်း လက်ထောက်နာယကဆရာတော်ဘဒ္ဒန္တ ပညာသာရအမှူးထား၍ ပြည်နယ်ဝန်ကြီးချုပ် ဦးခက်ထိန်နန်နှင့်ဇနီးဒေါ်နန်ဆိုင်း၊ ပြည်နယ်တရား လွှတ်တော်တရားသူကြီးချုပ်၊ ပြည်နယ်အစိုးရအဖွဲ့ဝင် ဝန်ကြီးများနှင့် ၎င်းတို့၏ ဇနီးများ၊ ပြည်နယ် ဥပဒေချုပ်၊ ပြည်နယ်အစိုးရအဖွဲ့ အတွင်းရေးမှူးနှင့် ပြိုင်ပွဲကျင်းပရေးဦးစီးကော်မတီအဖွဲ့ဝင်များ…

မြစ်ကြီးနား     ဇူလိုင် ၈           ကချင်ပြည်နယ်အစိုးရအဖွဲ့အနေဖြင့် ပြည်နယ်၏ မြို့တော်သန့်ရှင်းသာယာလှပရေးနှင့် စနစ် ကျသော လူနေမှုပတ်ဝန်းကျင်ကောင်းများ ပေါ်ထွန်းလာစေရေးအတွက် အပတ်စဉ် စနေနေ့တိုင်း ဌာနဆိုင်ရာအဖွဲ့အစည်းများနှင့် စုပေါင်းသန့်ရှင်းရေးလုပ်ငန်းကို ဆောင်ရွက်လျက်ရှိရာ ဇူလိုင် ၈ ရက် နံနက် ၇ နာရီခွဲက မြစ်ကြီးနားမြို့ စီတာပူရပ်ကွက်အတွင်းရှိ အခြေခံပညာအထက်တန်းကျောင်း (စီတာပူ)၌ စုပေါင်းသန့်ရှင်းရေးလုပ်ငန်း ဆောင်ရွက်ခဲ့ကြသည်။           ထို့သို့ သန့်ရှင်းရေးလုပ်ငန်းဆောင်ရွက်ရာတွင် ပြည်နယ်ဝန်ကြီးချုပ် ဦးခက်ထိန်နန်၊ ပြည်နယ် တရားလွှတ်တော်တရားသူကြီးချုပ် ဦးတူးဂျာ၊ ပြည်နယ်အစိုးရအဖွဲ့ဝင် ဝန်ကြီးများ၊ ပြည်နယ်ဥပဒေ ချုပ်၊ ပြည်နယ်/ ခရိုင်/ မြို့နယ်အဆင့်ဌာနဆိုင်ရာများ၊ လူမှုကူညီရေးအသင်းအဖွဲ့များနှင့်အတူ အခြေခံပညာအထက်တန်းကျောင်း (စီတာပူ) ကျောင်းဝင်းအတွင်း သစ်ပင်ခြုံနွယ်များ ခုတ်ယူရှင်း လင်းပေးခြင်း၊ အမှိုက်များကောက်ယူခြင်း၊ စာသင်ခုံအဟောင်းများ ကောက်ယူစွန့်ပစ်ခြင်းများကို အတူတကွ စုပေါင်းဆောင်ရွက်ခဲ့ကြသည်။…