သတင်းနှင့်မီဒီယာ

ကချင်ပြည်နယ်ဝန်ကြီးချုပ် ဥပဒေရေးရာအသိပညာပေးရှင်းလင်းဆွေးနွေးခြင်းအခမ်းအနားနှင့် မုတ်သုံဦး MSME ထုတ်ကုန်ပြပွဲ/ ပြိုင်ပွဲနှင့် ဈေးရောင်းပွဲတော် ပိတ်ပွဲနှင့် ဆုချီးမြှင့်ပွဲသို့တက်ရောက်ချီးမြှင့်

admin2 days ago24 hours ago01 mins

မြစ်ကြီးနား ဇွန် ၈ ကချင်ပြည်နယ်ဥပဒေချုပ်ရုံးကကြီးမှူး၍ ဌာနဆိုင်ရာဝန်ထမ်းများအား ဥပဒေရေးရာအခြေခံသဘောတရားများကို သိရှိနားလည်စေရန် ရည်ရွယ်ဆောင်ရွက်သည့် ဥပဒေရေးရာအသိပညာပေးရှင်းလင်းဆွေးနွေးပွဲကို ယနေ့ နံနက်ပိုင်းက ပြည်နယ်အစိုးရအဖွဲ့ရုံး မလိခခန်းမ၌ ကျင်းပပြုလုပ်ရာ ပြည်နယ်ဝန်ကြီးချုပ် ဦးခက်ထိန်နန်၊ ပြည်နယ်အစိုးရအဖွဲ့ဝင်ဝန်ကြီးများ၊ ပြည်နယ်အဆင့်ဌာနဆိုင်ရာများ တက်ရောက်ခဲ့ကြသည်။ ရှေးဦးစွာ ရှင်းလင်းဆွေးနွေးပွဲတွင် ပြည်နယ်ဝန်ကြီးချုပ်က ဌာနဆိုင်ရာအကြီးအကဲများအနေဖြင့် ဥပဒေအသိပညာကို ကျယ်ကျယ်ပြန့်ပြန့်သိရှိနားလည်သဘောပေါက်ခြင်းဖြင့် မိမိတို့၏ ဌာနဆိုင်ရာလုပ်ငန်းများကို ဥပဒေအမြင်ဖြင့် ရှုမြင်သုံးသပ်ကာ ဆောင်ရွက်တတ်လာစေမည်ဖြစ်သည့်အပြင် လုပ်ငန်းများအကောင်အထည်ဖော်ရာတွင် ဥပဒေရေးရာပြဿနာများကို ဌာန၏ရည်မှန်းချက်ပန်းတိုင်များနှင့် လိုက်လျောညီထွေဖြစ်စေပြီး ဘက်ပေါင်းစုံမှ ပြောင်းလဲရှုမြင်၍ ဖြေရှင်းနိုင်စေမည်ဖြစ်ပါကြောင်း ပြောကြားသည်။ ထို့နောက်ပြည်နယ်ဥပဒေချုပ် ဒေါ်နန်းလှလှအေးက တရားဥပဒေစိုးမိုးရေးနှင့်ဥပဒေအသိပညာပြန့်ပွားရေးကို ဥပဒေရေးရာဝန်ကြီးဌာနက အဓိကထားဆောင်ရွက်လျက်ရှိသည့် အခြေအနေများနှင့် ယနေ့ ပြည်သူအတွက် ကြိုးပမ်းဆောင်ရွက်မည့် အစီအစဉ်ဖြင့် ညွှန်ကြားရေးမှူးနှင့် ရာထူးတူပုဂ္ဂိုလ်များကို ရည်ရွယ်ပြုလုပ်ဆွေးနွေးခြင်းဖြစ်ပါကြောင်း ရှင်းလင်းပြောကြားသည်။ …

ကချင်ပြည်နယ်ဝန်ကြီးချုပ် မြို့သန့်ရှင်းသာယာလှပရေး အခြေခံပညာကျောင်းများနှင့် မြို့ပေါ်ရပ်ကွက်များအတွင်း စုပေါင်းသန့်ရှင်းရေးဆောင်ရွက်မှုအား ကြည့်ရှုစစ်ဆေး၊ မြို့နယ်စည်ပင်သာယာရေးအဖွဲ့၏ ၂၀၂၆ ခုနှစ်၊ မိုးရာသီစုပေါင်းသစ်ပင်စိုက်ပျိုးပွဲသို့တက်ရောက်၊ ဗန်းမော်ခရိုင်အတွင်းမှ ယာယီတိမ်းရှောင်မိသားစုများနှင့် ဝန်ထမ်းများအား ဆန်အိတ်များထောက်ပံ့နှင့် မိုင်းနားကျေးရွာ၊ ကျွန်းတောစခန်းသို့ ရွေ့ပြောင်းနေထိုင်ကြသည့် ယာယီတိမ်းရှောင်မိသားစုများအား တွေ့ဆုံအားပေးထောက်ပံ့၊ မုတ်သုံဦး MSME ဈေးရောင်းပွဲတော်အတွင်း ဒေသထွက်ကုန်ပစ္စည်းများအား ကြည့်ရှုစစ်ဆေး

admin4 days ago2 days ago01 mins

မြစ်ကြီးနား ဇွန် ၆ ကချင်ပြည်နယ်အစိုးရအဖွဲ့အနေဖြင့် မြို့သန့်ရှင်းသာယာလှပရေးနှင့် ကျောင်းသား/ ကျောင်းသူများ ကျန်းမာပျော်ရွှင်စွာ ပညာသင်ကြားနိုင်ရေးအတွက် အပတ်စဉ်စနေနေ့တိုင်း စုပေါင်းသန့်ရှင်းရေးလုပ်ငန်းများကို ဆောင်ရွက်လျက်ရှိရာ ပြည်နယ်ဝန်ကြီးချုပ် ဦးခက်ထိန်နန်သည် ယနေ့နံနက်ပိုင်းတွင် မြို့ပေါ် အခြေခံပညာကျောင်းများနှင့် ရပ်ကွက်များအတွင်း စုပေါင်းသန့်ရှင်း‌ရေးလုပ်ငန်းများ ဆောင်ရွက်နေမှုကိုလှည့်လည်ကြည့်ရှုအားပေးခဲ့ကြသည်။ ထိုသို့ လှည့်လည်ကြည့်ရှုအားပေးရာတွင် ပြည်နယ်ဝန်ကြီးချုပ်သည် ပြည်နယ်အစိုးရအဖွဲ့ဝင်ဝန်ကြီးများ၊ ဌာနဆိုင်ရာတာဝန်ရှိသူများနှင့်အတူ စုပေါင်းသန့်ရှင်းရေးလုပ်ငန်းများ ဆောင်ရွက်လျက်ရှိသည့် မြစ်ကြီးနားမြို့ ဒူကထောင်ရပ်ကွက်အတွင်းရှိ အမှတ်(၇) အခြေခံပညာမူလတန်းကျောင်း၌ ကျောင်းအုပ်ကြီးနှင့် ဆရာ၊ ဆရာမများ၊ ဌာနဆိုင်ရာများ၊ ကျောင်းသားမိဘများစုပေါင်း၍ ကျောင်းဝင်းအတွင်းနှင့် အပြင်ဘက်တို့တွင် စုပေါင်းသန့်ရှင်းရေးလုပ်ငန်းများ ဆောင်ရွက်နေမှုကိုလည်းကောင်း၊ မြစ်ကြီးနားမြို့ အောင်နန်းရပ်ကွက်၊ အနော်ရထာလမ်းမကြီးတစ်လျှောက် လမ်းဘေး ဝဲ/ ယာ တို့တွင် စုပေါင်းသန့်ရှင်းရေးလုပ်ငန်းများ ဆောင်ရွက်နေမှုကိုလည်းကောင်း၊ ရမ်ပူရပ်ကွက် သာသနာ့ရံသီ ဘုန်းတော်ကြီးကျောင်းပတ်ဝန်းကျင်၌ စုပေါင်းသန့်ရှင်းရေးလုပ်ငန်းများ ဆောင်ရွက်နေမှုကိုလည်းကောင်း…

ပြည်ထောင်စုစာရင်းစစ်ချုပ်နှင့် တိုင်းဒေသကြီး/ ပြည်နယ်စာရင်းစစ်ချုပ်များ၏ လုပ်ငန်းညှိနှိုင်းဆွေးနွေးပွဲ အမှတ်စဉ် (၁/၂ဝ၂၆) လမ်းညွှန်မှာကြားချက်အား ထပ်ဆင့်ရှင်းလင်းခြင်းအခမ်းအနားကို ကချင်ပြည်နယ်စာရင်းစစ်ချုပ်ရုံး၌ ကျင်းပ

admin5 days ago5 days ago01 mins

မြစ်ကြီးနား ဇွန် ၅ ပြည်ထောင်စုစာရင်းစစ်ချုပ်နှင့် တိုင်းဒေသကြီး/ ပြည်နယ်စာရင်းစစ်ချုပ်များ၏ လုပ်ငန်းညှိနှိုင်း ဆွေးနွေးပွဲအမှတ်စဉ် (၁/၂၀၂၆) လမ်းညွှန်မှာကြားချက်အား ထပ်ဆင့်ရှင်းလင်းခြင်းအခမ်းအနားကို ကချင် ပြည်နယ်စာရင်းစစ်ချုပ်ရုံး အစည်း အဝေးခန်းမ၌ ယနေ့နံနက် ၁၀ နာရီခွဲက ကျင်းပခဲ့သည်။ အခမ်းအနားတွင် ကချင်ပြည်နယ်စာရင်းစစ်ချုပ် ဒေါ်ခင်လေးနွယ်က ပြည်ထောင်စုစာရင်းစစ်ချုပ်နှင့် တိုင်းဒေသကြီး/ ပြည်နယ်စာရင်းစစ်ချုပ်များ၏ လုပ်ငန်းညှိနှိုင်းဆွေးနွေးပွဲ အမှတ်စဉ်(၁/၂၀၂၆)တွင် ပြည်ထောင်စုစာရင်းစစ်ချုပ်နှင့် ဒုတိယ ပြည်ထောင်စုစာရင်းစစ်ချုပ်တို့၏ လမ်းညွှန်မှာကြားချက်များနှင့် Working Levelဆွေးနွေးချက်များကို ဆွေးနွေးပြောကြားခဲ့သည်။ ထို့နောက် ကချင်ပြည်နယ်စာရင်းစစ်ချုပ်ရုံး ညွှန်ကြားရေးမှူး ဒေါ်လှအုန်းခိုင်က လုပ်ငန်းညှိနှိုင်း ဆွေးနွေးပွဲတွင် စီမံရေးရာကိစ္စရပ်များအား ထပ်ဆင့်ရှင်းလင်းဆွေးနွေးခဲ့ပြီး အခမ်းအနားသို့ တက်ရောက်လာကြသည့် ခရိုင်/မြို့နယ်စာရင်းစစ်ရုံးများက လုပ်ငန်းဆိုင်ရာအချက်အလက်များနှင့် လိုအပ်ချက်များကိုတင်ပြကြရာ ကချင်ပြည်နယ်စာရင်းစစ်ချုပ်က ပြန်လည်ရှင်းလင်းဆွေးနွေးခဲ့ပြီး လိုအပ်ချက်များကို ဖြည့်ဆည်းဆောင်ရွက်ပေးခဲ့သည်။ ဆက်လက်၍ ၂၀၂၆ ခုနှစ် ကချင်ပြည်နယ်နေ့အခမ်းအနားတွင်…

ကချင်ပြည်နယ်ဝန်ကြီးချုပ် စီတာပူ မနောကွင်းအတွင်း (၃)ရက်ကြာ ဖွင့်လှစ်ရောင်းချမည့် မုတ်သုံဦး MSME ထုတ် ကုန်ပြပွဲ/ ပြိုင်ပွဲနှင့် ဈေးရောင်းပွဲ‌တော်အားဖွင့်လှစ်၊ ၂၀၂၆ ခုနှစ်၊ ကမ္ဘာ့ပတ်ဝန်းကျင်ထိန်းသိမ်းရေးနေ့ အခမ်းအနားနှင့် ပူတာအိုခရိုင်အတွင်းရှိ ကျောင်းသား/ ကျောင်းသူများအတွက် တပ်မတော်လေယာဉ်ဖြင့် ကျောင်းသုံးပစ္စည်းများ ပို့ဆောင်ပေးနေမှုအား ကြည့်ရှုအားပေး၊ မြန်မာနိုင်ငံရင်းနှီး မြှုပ်နှံမှုဥပဒေ၊ နည်းဥပဒေ၊ လုပ်ထုံးလုပ်နည်းများ ရှင်းလင်းဆွေးနွေးပွဲသို့တက်ရောက်၊ မြစ်ကြီးနားမြို့နှင့် ဝိုင်းမော်မြို့နယ်အတွင်းရှိ ယာယီတိမ်းရှောင် စခန်းများမှ အိမ်ထောင်စုများအား သွားရောက်တွေ့ဆုံထောက်ပံ့

admin5 days ago5 days ago01 mins

မြစ်ကြီးနား ဇွန် ၅ ကချင်ပြည်နယ်အတွင်း စိုက်ပျိုးရေးနှင့် မွေးမြူရေးထွက်ကုန်များအား တန်ဖိုးမြှင့် စားသောက်ကုန် လူသုံးကုန် ပစ္စည်းများအဖြစ် တိုးတက်ထုတ်လုပ်နိုင်ရေး၊ ဒေသတွင်း MSMEလုပ်ငန်းများ တိုးတက်မြင့်မား လာစေရေးအတွက် ကချင်ပြည်နယ်အစိုးရအဖွဲ့က ဦးဆောင်ကြီးကြပ်မှုဖြင့် စီတာပူရပ်ကွက်၊ မနောကွင်း အတွင်း (၃)ရက်ကြာကျင်းပမည့် မုတ်သုံဦး MSME ထုတ်ကုန် ပြပွဲ/ ပြိုင်ပွဲနှင့် ဈေးရောင်းပွဲတော်အား ယနေ့ နံနက်ပိုင်းက ပြည်နယ်ဝန်ကြီးချုပ် ဦးခက်ထိန်နန် ဦးဆောင်သည့် ပြည်နယ်အစိုးရအဖွဲ့ဝင်များ၊ ပြည်နယ်လွှတ်တော်ဥက္ကဋ္ဌနှင့် ကိုယ်စားလှယ်များ၊ ဌာနဆိုင်ရာများ၊ တိုင်းရင်းသားစာပေနှင့်ယဉ်ကျေးမှုအဖွဲ့များ၊ ဒေသတွင်း MSMEလုပ်ငန်းရှင်များ တက်ရောက်ခဲ့ကြပြီး စည်ကားသိုက်မြိုက်စွာ ကျင်းပပြု လုပ်ခဲ့ကြသည်။ ရှေးဦးစွာ ပွဲတော်ကျင်းပပြုလုပ်မည့် မနောကွင်းအတွင်း မဂျွယ်ခန်းမရှေ့ရှိ မုတ်သုံဦး MSME ထုတ်ကုန်ပြပွဲ/ ပြိုင်ပွဲနှင့် ဈေးရောင်းပွဲတော်မုဒ်ဦး၌ ဖွင့်ပွဲ…

ကချင်ပြည်နယ်အတွင်း မြစ်ကြီးနား-မိုးကောင်း-မိုးညှင်း မီးရထားခရီးစဉ်တိုးချဲ့ပြေးဆွဲနိုင်ရေး ဇူလိုင်လအတွင်း လမ်းပိုင်းပြုပြင်ခြင်းလုပ်ငန်းများအား အပြီးဆောင်ရွက်သွားမည်ဖြစ်ပြီး ရထားလမ်းဖွင့်လှစ်နိုင်တော့မည်ဖြစ်

admin6 days ago5 days ago01 mins

မြစ်ကြီးနား ဇွန် ၄ မြန်မာ့မီးရထားအနေဖြင့် ကချင်ပြည်နယ်အတွင်း မီးရထားပြေးဆွဲခြင်းလုပ်ငန်းကို မြစ်ကြီးနား- မိုးကောင်း၊ မိုးကောင်း-မြစ်ကြီးနားသာ ပြေးဆွဲနိုင်ခဲ့ရာမှ ယခုအခါတွင် မြစ်ကြီးနား-မိုးကောင်းမှ မိုးညှင်းမြို့ အထိ မီးရထားခရီးစဉ် တိုးချဲ့ပြေးဆွဲနိုင်ရေး ကချင်ပြည်နယ်အစိုးရအဖွဲ့အနေဖြင့် ကြိုးပမ်းဆောင်ရွက်လျက်ရှိရာ လာမည့်ဇူလိုင်လအတွင်း လမ်းပိုင်းပြုပြင်ခြင်းလုပ်ငန်းများအား ပြီးစီးအောင် ဆောင်ရွက်သွားမည်ဖြစ်ကြောင်း ယနေ့ မွန်းလွဲပိုင်းတွင် ပြည်နယ်အစိုးရအဖွဲ့၏ မြစ်ကြီးနား-မိုးကောင်း-မိုးညှင်း မီးရထား ခရီးစဉ်တိုးချဲ့ပြေးဆွဲနိုင်ရေးနှင့် ရထားလမ်းဖွင့်လှစ်နိုင်ရေး လုပ်ငန်းညှိနှိုင်းအစည်းအဝေးမှ သိရသည်။ မြန်မာ့မီးရထားအနေဖြင့် အဆိုပါ မီးရထားခရီးစဉ် တိုးချဲ့ပြေးဆွဲနိုင်ရေးအတွက် မိုးကောင်း-မိုးညှင်းလမ်းပိုင်း၍ ရထားလမ်းပြုပြင်ထိန်းသိမ်းခြင်းလုပ်ငန်းများ ဆောင်ရွက်လျက်ရှိရာ ရထားလမ်း (၅၂ ဒဿမ ၂၅)မိုင်ရှိသည့်အနက် လမ်းပိုင်းပြုပြင်မှု (၃၉)မိုင်၊ ရာခိုင်နှုန်းအားဖြင့် ၇၄ ဒဿမ ၆၄ ရာခိုင်နှုန်း ပြီးစီးပြီဖြစ်သဖြင့် ရထားလမ်းပိုင်းအတွင်းရှိ ဘူတာ (၈) ဘူတာပြီးစီးခဲ့ပြီးဖြစ်ကြောင်းနှင့်…

ကချင်ပြည်နယ်ဝန်ကြီးချုပ် မြစ်ကြီးနားမြို့၌ ရေဘေးအန္တရာယ်ရှာဖွေကယ်ဆယ်ရေး ဇာတ်တိုက်လေ့ကျင့်မှု အခမ်းအနား၊ မဲပေးစက်ပြင်ဆင်ထိန်းသိမ်းခြင်းသင်တန်းဖွင့်ပွဲ တက်ရောက်

admin6 days ago5 days ago01 mins

မြစ်ကြီးနား ဇွန် ၄ ကချင်ပြည်နယ်အစိုးရအဖွဲ့အနေဖြင့် နှစ်စဉ်မိုးရာသီရောက်တိုင်း မြစ်ရေကြီးမြင့်မှုကြောင့် ကာကွယ်ရေးလုပ်ငန်း စီမံကိန်းများကို ဆောင်ရွက်လျက်ရှိသကဲ့သို့ ရေဘေးအန္တရာယ်နှင့်စပ်လျဉ်း၍ ရှာဖွေကယ်ဆယ်ရေးလုပ်ငန်းများ အလျင်အမြန်ဆောင်ရွက်နိုင်ရေး အသိပညာပေးခြင်းနှင့် ဇာတ်တိုက်လေ့ကျင့်ခြင်းများကို ကြိုတင်ကာကွယ်ရေးလုပ်ငန်းစဉ်အဖြစ် ဆောင်ရွက်လျက်ရှိရာ ပြည်နယ်ဝန်ကြီးချုပ် ဦးခက်ထိန်နန်သည် ယနေ့ နံနက် ၉ နာရီက ရေဘေးအန္တရာယ်နှင့် စပ်လျဉ်း၍ မြစ်ကြီးနားမြို့ ကျွန်းပင်သာရပ်ကွက်အတွင်း ဧရာဝတီမြစ်ဆိပ်ရှိ မီးသတ်ဦးစီးဌာန၏ ရေကင်းကြည့်စခန်း (ကချင်စု)ရုံး၌ ကျင်းပသည့် ရေဘေးအန္တရာယ်ရှာဖွေကယ်ဆယ်ရေး ဇာတ်တိုက်လေ့ကျင့်မှုအခမ်းအနားသို့ တက်‌ရောက်ခဲ့သည်။ အဆိုပါ အခမ်းအနားတွင် ပြည်နယ်ဝန်ကြီးချုပ်က ကချင်ပြည်နယ်အနေနဲ့ ရာသီဥတုပြောင်းလဲမှု ဖြစ်စဉ်များကြောင့် နှစ်စဉ်နှစ်တိုင်း ရေဘေးအန္တရာယ်၊ ရေကြီး/‌ရေလျှံမှု ဘေးအန္တရာယ်များ ဖြစ်ပွားလေ့ရှိသဖြင့် ယခုလို ကြိုတင်ပြင်ဆင်စုဖွဲ့ပြီး ဇာတ်တိုက်လေ့ကျင်ဆောင်ရွက်ထားရခြင်းဖြင့် အရေးပေါ် ရှာဖွေကယ်ဆယ်ရေးလုပ်ငန်းများကို ချက်ချင်းတုံပြန်ဆောင်ရွက်နိုင်မည်ဖြစ်ပါကြောင်း၊ သို့ဖြစ်ပါ၍ ရှာဖွေကယ်ဆယ်ရေးတပ်ဖွဲ့ဝင်များအနေဖြင့် သဘာဝ‌ဘေးအန္တရာယ်ဖြစ်ပွားလာပါက သက်ဆိုင်ရာအဖွဲ့အစည်းများနှင့်…

ကချင်ပြည်နယ်ဝန်ကြီးချုပ် သူနာပြုသိပ္ပံ (မြစ်ကြီးနား)မှ သူနာပြု-သားဖွားဒီပလိုမာ ၃ နှစ်သင်တန်း ပထမနှစ်သင်တန်းသား/သူများ၏ ဂျူတီကုတ်နှင့် ဦး‌ဆောင်းအပ်နှင်းခြင်း အခမ်းအနား တက်ရောက်၊ မြစ်ကြီးနားမြို့ရှိ ဝိုင်းမော်မြို့နယ်မှ ယာယီတိမ်းရှောင်မိသားစုများအား သွားရောက်တွေ့ဆုံထောက်ပံ့

admin7 days ago6 days ago01 mins

မြစ်ကြီးနား ဇွန် ၃ ကျန်းမာရေးဝန်ကြီးဌာန၊ ကျန်းမာရေးလူ့စွမ်းအားအရင်းအမြစ်ဦးစီးဌာန၊ သူနာပြုသိပ္ပံ(မြစ်ကြီးနား)၏ သူနာပြု-သားဖွားဒီပလိုမာ (၃)နှစ်သင်တန်း ပထမနှစ်သင်တန်းသား၊ သင်တန်းသူများအား ဂျူတီကုတ်နှင့် ဦးဆောင်းအပ်နှင်းခြင်း အခမ်းအနားကို ယနေ့ နံနက်ပိုင်းက သူနာပြုသိပ္ပံ(မြစ်ကြီးနား)၏ အစည်းအဝေးခန်းမ၌ ကျင်းပပြုလုပ်ရာ ပြည်နယ်ဝန်ကြီးချုပ် ဦးခက်ထိန်နန်နှင့် တာဝန်ရှိသူများ တက်ရောက်ခဲ့ကြသည်။ ရှေးဦးစွာ အခမ်းအနားတွင် ပြည်နယ်ဝန်ကြီးချုပ်က ဒီကနေ့ ကျင်းပတဲ့အခမ်းအနားကတော့ ၂၀၂၆ ပညာသင်နှစ် အတွက် သူနာပြုသိပ္ပံ(မြစ်ကြီးနား)တွင် ဖွင့်လှစ်သည့် သူနာပြု-သားဖွားဒီပလိုမာ ၃ နှစ် သင်တန်းတွင် တက်‌ရောက်ခွင့်ရရှိခဲ့ကြသည့် ပထမနှစ်သင်တန်းသား/သင်တန်းသူ(၄၉)ဦးတို့အား သူနာပြုများ၏ အဆောင်အယောင်ဖြစ်သော ဂျူတီကုတ်နှင့် ဦးဆောင်းအပ်နှင်းသွားမည်ဖြစ်သည့်အတွက် များစွာဂုဏ်ယူပါကြောင်း၊ သို့ဖြစ်ပါ၍ သင်တန်းသား၊ သင်တန်းသူများအနေဖြင့် သူနာပြုအတတ်ပညာများကို အမှန်တကယ်ကျွမ်းကျင်၍ အရည်အသွေးပြည့်ဝသော သူနာပြုကောင်းများဖြစ်လာအောင် ကျင့်ဝတ်များနှင့်အညီ ထိန်းသိမ်းစောင့်ရှောက်တတ်အောင် ကြိုးစားသင်ယူကြရန်…

ကချင်ပြည်နယ်စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီး ဦးရဲရင့်ဆွေ စိုက်ပျိုးမွေးမြူရေး ဒေသထွက်ကုန်များကို တန်ဖို့းမြှင့်ထုတ်ကုန်များအဖြစ် တိုးမြှင့်ထုတ်လုပ်နိုင်ရေး ဒေသခံMSMEလုပ်ငန်းရှင်များနှင့် တွေ့ဆုံဆွေးနွေး

admin7 days ago6 days ago01 mins

မြစ်ကြီးနား ဇွန် ၃ ကချင်ပြည်နယ်အတွင်း စိုက်ပျိုးမွေးမြူရေး ဒေသထွက်ကုန်များကို တန်ဖိုးမြှင့် ထုတ်ကုန်များအဖြစ် တိုးမြှင့်ထုတ်လုပ်နိုင်ရေးအတွက် ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးရဲရင့်ဆွေသည် ယနေ့ မွန်းလွဲပိုင်းက မြစ်ကြီးနားမြို့ ရန်ကြီးအောင်ရပ်ကွက်ရှိ ပြည်နယ်အသေးစားစက်မှုလက်မှုလုပ်ငန်းဦးစီးဌာန လေ့ကျင့်ပျိုးထောင်ရေးစင်တာ၌ ‌ဒေသခံလုပ်ငန်းရှင်များနှင့် တွေ့ဆုံဆွေးနွေးခဲ့သည်။ ထိုသို့တွေ့ဆုံရာတွင် ပြည်နယ်ဝန်ကြီးက နိုင်ငံတော်အနေဖြင့် ‌အသေးစား၊ အငယ်စား MSME စီးပွားရေးလုပ်ငန်းများ မြှင့်တင်နိုင်ရေးအတွက် အားပေးကူညီလျက်ရှိသည့်အပြင် “နိုင်ငံတော်ရွှေသီးဖို့ ကုန်ထုတ်လုပ်မှု အားပေးစို့” ဆိုသည့် ဆောင်ပုဒ်နှင့်အညီ လုပ်ငန်းရှင်များအနေဖြင့် တန်ဖိုးမြှင့်ထုတ်ကုန် များကို မိမိတို့ဒေသအတွက် ဖူလုံမှုရှိစေရုံသာမက အခြားတိုင်းဒေသကြီးနှင့်ပြည်နယ်၊ ပြည်ပနိုင်ငံများသို့ တင်ပို့ရောင်းချနိုင်သည်အထိ ထုတ်ကုန်များ ပိုမိုတိုးမြှင့်ထုတ်လုပ်နိုင်ရေး ကြိုးစားဆောင်ရွက်ကြရမည်ဖြစ်ပါကြောင်း၊ သို့ဖြစ်ပါ၍ လုပ်ငန်းရှင်များအနေဖြင့် အရည်အသွေးမြှင့်ထုတ်ကုန်များကို တိုးမြှင့်ထုတ်လုပ်နိုင်ရေးနှင့် စျေးကွက်အတွင်း ကျယ်ကျယ်ပြန့်ပြန့် ‌ရောက်ရှိရေးအတွက်…

ပြည်ထောင်စုရွေးကောက်ပွဲကော်မရှင်အဖွဲ့ဝင် (ကချင်ပြည်နယ်တာဝန်ခံ) မြစ်ကြီးနားမြို့၌ မြန်မာအီလက်ထရောနစ်မဲပေးစက် (MEVM)များ ထိန်းသိမ်းထားရှိမှု အခြေအနေအား ကြည့်ရှုစစ်ဆေး

admin7 days ago6 days ago01 mins

မြစ်ကြီးနား ဇွန် ၃ ပြည်ထောင်စုရွေးကောက်ပွဲကော်မရှင်အဖွဲ့ဝင်(ကချင်ပြည်နယ်တာဝန်ခံ) ဦးခင်ဇော်သည် ယနေ့ မွန်းလွဲပိုင်းက ၂၀၂၅ ခုနှစ် ပါတီစုံဒီမိုကရေစီအထွေထွေရွေးကောက်ပွဲတွင် ကချင်ပြည်နယ်အတွင်းရှိ မြို့နယ် ၁၂ မြို့နယ်တွင် အသုံးပြုခဲ့သည့် မြန်မာအီလက်ထရောနစ်မဲပေးစက် (MEVM)များ နှင့် ဆက်စပ်ပစ္စည်းများအား မြစ်ကြီးနားမြို့၌ စနစ်တကျထိန်းသိမ်းထားရှိမှု အခြေအနေများကို သွားရောက် ကြည့်ရှုစစ်ဆေးခဲ့သည်။ ထိုသို့ ကွင်းဆင်းစစ်ဆေးရာတွင် ပြည်ထောင်စုရွေးကောက်ပွဲကော်မရှင်အဖွဲ့ဝင် (ကချင်ပြည်နယ်တာဝန်ခံ)သည် ပြည်နယ်အစိုးရအဖွဲ့ဝင် လျှပ်စစ်၊စွမ်းအင်၊စက်မှုနှင့် လမ်းပန်းဆက်သွယ် ရေးဝန်ကြီး ဦး‌အောင်နိုင်၊ ပြည်နယ်‌ရွေးကောက်ပွဲကော်မရှင်အဖွဲ့ခွဲ ဥက္ကဋ္ဌနှင့် အဖွဲ့ဝင်များ၊ အတွင်း ရေးမှူး၊ သက်ဆိုင်ရာတာဝန်ရှိသူများနှင့်အတူ မြစ်ကြီးနားမြို့၌ မြန်မာအီလက်ထရောနစ်မဲပေးစက် (MEVM)များနှင့် ဆက်စပ်ပစ္စည်းများ ထိန်းသိမ်းထားရှိမှုအခြေအနေနှင့် (MEVM)စက်တွင် အသုံးပြုသည့် ဘတ္ထရီနှင့် အားသွင်းစက်များကို စနစ်တကျထိန်းသိမ်းထားရှိမှုအခြေအနေများကို ကွင်းဆင်းကြည့်ရှုစစ်ဆေးခဲ့ကြပြီး ပြည်နယ်တာဝန်ခံက မဲပေးစက်များအားထိန်းသိမ်းထားရှိရာတွင် စက်များသည် ကြီးကြပ်ကန့်သတ် ပစ္စည်းများဖြစ်၍…

ကချင်ပြည်နယ်ဝန်ကြီးချုပ် ၂၀၂၆ ခုနှစ်၊ တိုင်းဒေသကြီးနှင့် ပြည်နယ်အားကစားပြိုင်ပွဲများသို့ သွားရောက်ယှဉ်ပြိုင်မည့် ပြည်နယ်လက်ရွေးစင် ဘော်လီဘောအသင်းနှင့် ရေကူးအသင်းတို့အား အောင်နိုင်ရေးအလံနှင့် ချီးမြှင့်ငွေများ ပေးအပ်

admin1 week ago6 days ago01 min

မြစ်ကြီးနား ဇွန် ၂ ၂၀၂၆ ခုနှစ်၊ တိုင်းဒေသကြီးနှင့် ပြည်နယ်အားကစား ပြိုင်ပွဲများသို့ သွားရောက်ယှဉ်ပြိုင်မည့် ပြည်နယ်လက်ရွေးစင် အမျိုးသမီးဘော်လီဘောအသင်းနှင့် ရေကူးအသင်းတို့အား ကချင်ပြည်နယ်ဝန်ကြီးချုပ် ဦးခက်ထိန်နန်သည် ယနေ့ နံနက် ၉ နာရီက မြစ်ကြီးနားမြို့ရှိ ပြည်နယ်အားကစားနှင့်ကာယပညာဦးစီးဌာန အစည်းအဝေးခန်းမ၌ အားကစားသမားများအား တွေ့ဆုံပြီး အောင်နိုင်ရေးအလံ ပေးအပ်ခဲ့သည်။ ‌အခမ်းအနားတွင် ပြည်နယ်ဝန်ကြီးချုပ်က ယနေ့ပြည်နယ်ကိုယ်စားပြု သွားရောက်ယှဉ်ပြိုင်ကြမည့် အားကစားသမားများအနေဖြင့် မိမိကိုယ်တိုင်၏ စွမ်းဆောင်ရည်အပေါ် ယုံကြည်မှုရှိပြီး ပြိုင်ပွဲမှ ချမှတ်ထားသည့် စည်းမျဉ်းစည်းကမ်းများကို လိုက်နာကာ အားကစားသမားကောင်းစိတ်ဓာတ်၊ အကျင့်စာရိတ္တကောင်းတို့ဖြင့် ပြိုင်ဘက်အားကစားသမားများအပေါ် လေးစားမှုဖြင့် ယှဉ်ပြိုင်သွားကြရန် လိုအပ်ပါကြောင်းနှင့် ယနေ့ ပေးအပ်လိုက်သည့် အောင်နိုင်ရေးအလံသည် ပြည်နယ်တစ်ခုလုံး၏ ချစ်ခြင်းမေတ္တာ၊ စုစည်းမှုနှင့် မျှော်လင့်ချက်များကို ကိုယ်စားပြုသည့်အတွက် ပြည်နယ်ဂုဏ်ဆောင်…