နောက်ဆုံးရသတင်း

မြစ်ကြီးနား     နိုဝင်ဘာ ၁၂           ကချင်ပြည်နယ်အစိုးရအဖွဲ့အနေဖြင့် မြို့တော်မြစ်ကြီးနားမြို့အား ဧရာဝတီမြစ်ရေကြီးရေလျှံမှုမှ ကာကွယ်နိုင်ရေးအတွက် ရေလျှံတားတမံ၊ ကျောက်စီမြေထိန်းနံရံများ တည်ဆောက်ကာကွယ်နိုင်ရေး ဘဏ္ဍာနှစ်အလိုက် လုပ်ငန်းစီမံကိန်းများ ရေးဆွဲဆောင်ရွက်လျက်ရှိရာ ပြည်နယ်ဝန်ကြီးချုပ် ဦးခက်ထိန်နန်သည် နိုင်ဝင်ဘာ ၁၁ ရက် နံနက်ပိုင်းက မြစ်ကြီးနားမြို့ပေါ်၌ ရေထိန်းတံခါး တည်ဆောက်ရေးလုပ်ငန်းများနှင့် ကျောက်စီရေထိန်းနံရံတည်ဆောက်ခြင်းလုပ်ငန်းများအား ကွင်းဆင်းစစ်ဆေးခဲ့သည်။           ရှေးဦးစွာ ပြည်နယ်ဝန်ကြီးချုပ်သည် ပြည်နယ်အစိုးရအဖွဲ့ဝင် ဝန်ကြီးများ၊ ပြည်နယ်အဆင့် ဌာနဆိုင်ရာတာဝန်ရှိသူများနှင့်အတူ မြစ်ကြီးနားမြို့ ပမ္မတီး(ရေကြည်ရပ်ကွက်)အတွင်း မြစ်ရေမြင့်တက်လာပါက အစောဆုံးရေဝင်ရောက်လေ့ရှိသည့် ရေကြည်ချောင်းပေါက်နေရာ၌ ၂၀၂၅-၂၀၂၆ ဘဏ္ဍာရေးနှစ်၊ ပြည်နယ်အစိုးရအဖွဲ့၏ ငွေလုံးငွေရင်းရန်ပုံငွေဖြင့် ပြည်နယ်ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနက တာဝန်ယူတည်ဆောက်လျက်ရှိသော ရေကြည်ချောင်းရေထိန်းတံခါးတည်ဆောက်ခြင်းလုပ်ငန်းစီမံကိန်းနေရာသို့ သွားရောက်ပြီး ရှင်းလင်းဆောင်၌ အကျယ်(၈)ပေ၊ အမြင့် (၈)ပေရှိ တံခါး (၇)ပေါက်ပါဝင်သည့် သံကူကွန်ကရစ်ရေထုတ်ရေထိန်းတံခါးဆိုင်ရာအချက်အလက်များနှင့် စပ်လျဉ်း၍ ပြည်နယ်ဦးစီးမှူး၏…

ပြည်နယ်ဝန်ကြီးချုပ်သည် ပြည်နယ်အစိုးရအဖွဲ့ရုံး မလိခခန်းမ၌ ပြည်နယ်ဝန်ကြီးများ၊ ပြည်နယ်အဆင့်ဌာနဆိုင်ရာတာဝန်ရှိသူများ၊ တိုင်းရင်းသားစာပေနှင့်ယဉ်ကျေးမှုအသင်းအဖွဲ့များမှ ခေါင်းဆောင်များနှင့်တွေ့ဆုံ၍ မြစ်ကြီးနားမြို့ ၌ ကျင်းပပြုလုပ်သွားမည့် ၂၀၂၅ ခုနှစ်၊ ရိုးရာကောက်သစ်စား(အင်လုံအင်နန်ရှား)ပွဲတော်နှင့် လူမျိုးပေါင်းစုံ ယဉ်ကျေးမှုဖလှယ်ပွဲ အခမ်းအနားများ အောင်မြင်စွာ ကျင်းပပြုလုပ်နိုင်ရေး လုပ်ငန်းညှိနှိုင်းအစည်းအဝေးကို ကျင်းပပြုလုပ်ခဲ့သည်။           ထိုသို့ ကျင်းပရာတွင် ပြည်နယ်ဝန်ကြီးချုပ်က ရိုးရာကောက်သစ်စားပွဲကို မနောကွင်း မဂျွယ်ခန်းမ၌လည်းကောင်း၊ လူမျိုးပေါင်းစုံယဉ်ကျေးမှုဖလှယ်ပွဲကို မြစ်ကြီးနားတက္ကသိုလ်ဘွဲ့နှင်းသဘင်ခန်းမ၌လည်းကောင်း ရိုးရာယဉ်ကျေးမှုစုံလင်စွာဖြင့် အနှစ်သာရပြည့်ဝစွာ ကျင်းပပြုလုပ်သွားရမည်ဖြစ်သည့်အတွက် လိုအပ်သည်များပေါင်းစပ်ညှိနှိုင်းဆောင်ရွက်ရေးနှင့် လိုအပ်ချက်များမရှိစေရေး အလေးထားဆောင်ရွက်သွားကြရေး တိုက်တွန်းမှာကြားသည်။           ထို့နောက် တက်ရောက်လာကြသည့် ပြည်နယ်အစိုးရအဖွဲ့ဝင်များနှင့် ပြည်နယ်အဆင့်ဌာန ဆိုင်ရာများ၊ တိုင်းရင်း သားစာပေနှင့်ယဉ်ကျေးမှုအဖွဲ့တာဝန်ရှိသူများက ပွဲတော်များကျင်းပနိုင်‌ရေးအတွက် ကြိုတင်ပြင်ဆင်ဆောင်ရွက်ထားရှိမှုများ၊ ညှိနှိုင်းပေါင်းစပ်ပေးရမည့်ကိစ္စရပ်များနှင့် အတည်ပြုဆောင်ရွက်ရမည့် အစီအမံများကို ဆွေးနွေးတင်ပြကြရာ ပြည်နယ်ဝန်ကြီးချုပ်က လိုအပ်သည်များကို သက်ဆိုင်ရာလုပ်ငန်းဆပ်ကော်မတီအလိုက် ညှိနှိုင်းပေါင်းစပ်ဆောင်ရွက်ပေးခဲ့သည်။          …

မြစ်ကြီးနား  နိုဝင်ဘာ  ၁၂ ကချင်ပြည်နယ်အစိုးရအဖွဲ့ဝင် သယံဇာတရေးရာဝန်ကြီး ဦးတိန့်ဆောင်သည်  ပြည်နယ် ဓာတ်သတ္တု(ရွှေ) ရောင်း ဝယ်ခြင်းဝန်ဆောင်မှုလုပ်ငန်းကနဦးစိစစ်ရေးအဖွဲ့တာဝန်ရှိသူများနှင့်အတူ သယံဇာတနှင့်ပတ်ဝန်းကျင်ထိန်းသိမ်းရေးဝန်ကြီးဌာန၏ ခွင့်ပြုချက်နှင့်အညီ ရောင်းချခြင်း ရှိ/မရှိ မြစ်ကြီးနားမြို့ပေါ်ရှိ Shopping Mall ကုန်တိုက်များနှင့် ရောင်း ဝယ်ရေး Centre ဧရိယာများအတွင်း ဓာတ်သတ္တု(ရွှေ) ရောင်းဝယ်ခြင်းဝန်ဆောင်မှုလုပ်ငန်းများအား နိုဝင်ဘာ ၁၁ ရက် မွန်းလွဲပိုင်းက ကွင်းဆင်းစစ်ဆေးခဲ့ကြောင်းသိရသည်။ ထိုသို့ ကွင်းဆင်းစစ်ဆေးရာတွင် ပြည်နယ်ဝန်ကြီးနှင့်ပြည်နယ် ဓာတ်သတ္တု(ရွှေ) ရောင်းဝယ်ခြင်းဝန်ဆောင်မှုလုပ်ငန်း ကနဦးစိစစ်ရေးအဖွဲ့ဝင်များသည် JZ Centre အတွင်း၌ လက်ဝတ်ရတနာများ၊ ရွှေနှင့်ရွှေကြမ်းဖြင့်ပြုလုပ်သော အနုပညာပစ္စည်းများနှင့် အသုံးအဆောင်ပစ္စည်းများအား ဌာန၏ညွှန်ကြားချက်များနှင့်အညီ ခွင့်ပြုချက်ရှိ/မရှိကို ကွင်းဆင်းစစ်ဆေးခဲ့ကြပြီး ပြည်နယ်ဝန်ကြီးက ညွှန်ကြားချက်များနှင့်အညီ ရောင်းဝယ်ဖောက်ကားရေး၊ ညွှန်ကြားချက်များနှင့်အညီ လိုက်နာဆောင်ရွက်ခြင်းမရှိပါက လိုအပ်သလိုစိစစ်အရေးယူဆောင်ရွက်ခြင်းများကို လုပ်ထုံးလုပ်နည်းနှင့်အညီ ဆောင်ရွက်ကြရေး သက်ဆိုင်ရာတာဝန်ရှိသူများနှင့် ညှိနှိုင်းပေါင်းစပ်ဆောင်ရွက်ပေးခဲ့သည်။ အလားတူ…

မြစ်ကြီးနား   နိုဝင်ဘာ ၇           ပြည်နယ်ဝန်ကြီးချုပ်သည် နိုဝင်ဘာ ၆ ရက် နံနက် ၈ နာရီခွဲကလည်း မြစ်ကြီးနားမြို့ ပြည်သူ့အားကစားကွင်းအတွင်းရှိ မိုးလုံလေလုံအားကစားခန်းမ၌ ကျင်းပပြုလုပ်သည့် ကချင်ပြည်နယ်ဝန်ကြီးချုပ်ဖလား၊ အသက် ၂၅ နှစ်အောက်၊ ကလပ်ပေါင်းစုံ (အမျိုးသား/အမျိုးသမီး) ဘော်လီဘောပြိုင်ပွဲ ဖွင့်ပွဲအခမ်းအနားကို တက်ရောက်ခဲ့ကြသည်။           ဖွင့်ပွဲအခမ်းအနားတွင် ပြည်နယ်ဝန်ကြီးချုပ်က ဘော်လီဘောအားကစားနည်းသည် ပြည်နယ်အတွင်း ‌ရေပန်းစားလူကြိုက်များသည့် အားကစားနည်းတစ်ခုဖြစ်ပြီး ကျန်းမာ‌ရေးအတွက်သာမက စည်းလုံးညီညွတ်မှု၊ ညီကို‌မောင်နှမစိတ်ဓာတ်၊ စည်းကမ်းရှိမှုနှင့် ယှဉ်ပြိုင်မှုစိတ်ဓာတ်များကို ပြုစုပျိုးထောင်းပေးသည့် ဂုဏ်သတ္တိလည်းရှိပါကြောင်း၊ ယနေ့ပြိုင်ပွဲမှ ထူးချွန်ပြီး အရည်အချင်းရှိသည့် ကစားသမားများကို စိစစ်ရွေးချယ်ပြီး ပြည်နယ်ကိုယ်စားပြုအဖြစ် ဆက်လက်လေ့ကျင့်ပေးသွားမည်ဖြစ်ကြောင်း တိုက်တွန်းပြောကြားသည်။ ထို့နောက် ပြည်နယ်ဝန်ကြီးချုပ်နှင့် တာဝန်ရှိသူများက ပြိုင်ပွဲတွင်ပါဝင်ယှဉ်ပြိုင်ကြမည့် အမျိုးသားဘောလီဘောအသင်း(၁၀)သင်းနှင့် အမျိုးသမီးအသင်း (၆)သင်းတို့မှ အုပ်ချုပ်သူ၊ နည်းပြနှင့်…

မြစ်ကြီးနား  နိုဝင်ဘာ ၇           ပြည်ထဲရေးဝန်ကြီးဌာန၊ အထွေထွေအုပ်ချုပ်ရေးဦးစီးဌာန၏ (၃၇)နှစ်မြောက် နှစ်ပတ်လည် နေ့ အထိမ်းအမှတ် အခမ်းအနားကို ကချင်ပြည်နယ်အထွေထွေအုပ်ချုပ်ရေးဦးစီးဌာနနှင့် ခရိုင်၊ မြို့ နယ်များ စုပေါင်း၍ ယနေ့ နံနက်ပိုင်းတွင် ပြည်နယ်အစိုးရအဖွဲ့ရုံး မေခခန်းမ၌ ကျင်းပပြုလုပ်ခဲ့ကြပြီး ဝန်ထမ်းသား/သမီး တက္ကသိုလ်ဝင်တန်းအောင်မြင်သူများနှင့် အငြိမ်းစာဝန်ထမ်းများအား ဂုဏ်ပြုချီး မြှင့်ခဲ့ကြသည်။           ရှေးဦးစွာ အခမ်းအနားကို အထွေထွေအုပ်ချုပ်ရေးဦးစီးဌာန ဝန်ထမ်းများက ဒို့ GA သီချင်းဖြင့် သီဆိုဖျော်ဖြေဖွင့်လှစ်ခဲ့ကြပြီး ပြည်နယ်ဝန်ကြီးချုပ် ဦးခက်ထိန်နန်က အထွေထွေအုပ်ချုပ်ရေးဦးစီး ဌာနဝန်ထမ်းများသည် အစိုးရကို တာဝန်ခံပြီး နိုင်ငံတော်အပေါ် လိုက်နာစောင့်ထိန်းရမည့် ကျင့်ဝတ် များ၊ ပြည်သူလူထုအပေါ် လိုက်နာစောင့်ထိန်းရမည့် ကျင့်ဝတ်များနှင့်အညီ ပြည်သူကိုဗဟိုပြုလျက် ပြည်သူ့အကျိုး စီးပွားကို ဦးဆောင်ရွက်ကြသည့်သူများပင် ဖြစ်ပါကြောင်း၊ ဝန်ထမ်းများအနေဖြင့် တည်ဆဲဥပဒေ၊…

မြစ်ကြီးနား နိုဝင်ဘာ ၆           ပြည်နယ်အစိုးရအဖွဲ့ရုံး မလိခခန်းမ၌ ပြည်နယ်ဝန်ကြီးချုပ်သည် ပြည်နယ်တရားလွှတ်တော် တရားသူကြီးချုပ်၊ ပြည်နယ်အစိုးရအဖွဲ့ဝင်များ၊ ပြည်နယ်အဆင့်ဌာနဆိုင်ရာတာဝန်ရှိသူများနှင့်အတူ ယခုလအတွင်း ကျင်းပပြုလုပ်သွားမည့် ၂၀၂၅ ခုနှစ်၊ ရိုးရာကောက်သစ်စားပွဲတော်နှင့် ဌာနေတိုင်းရင်းသားမျိုးနွယ်စုများနှင့် လူမျိုးပေါင်းစုံပါဝင်သည့် ရိုးရာယဉ်ကျေးမှုဖလှယ်ပွဲ ကျင်းပနိုင်ရေးလုပ်ငန်းညှိနှိုင်းအစည်းအဝေးကို ကျင်းပပြုလုပ်သည်။           အဆိုပါ လုပ်ငန်းညှိနှိုင်းအစည်းအဝေးတွင် ပြည်နယ်ဝန်ကြီးချုပ်က ရိုးရာကောက်သစ်စားပွဲကို နှစ်စဉ်ရိုးရာအစဉ် အလာနှင့်အညီ အားလုံးပါဝင်ပြီး အနှစ်သာရရှိရှိ ကျင်းပပြုလုပ်နိုင်ရေး ကြိုတင်စီစဉ်ဆောင်ရွက်သွားကြရမည်ဖြစ်သည့်အပြင် လူမျိုးပေါင်းစုံ ယဉ်‌ကျေးမှုဖလှယ်ပွဲကိုလည်း ဌာနေ တိုင်းရင်းသားမျိုးနွယ်စုများအပြင် အခြားသော တိုင်းရင်းသားများအားလုံးပါဝင်နိုင်ရေး စီစဉ်ဖိတ်ကြားပြီး မိမိတို့၏ရည်မှန်းချက်ဖြစ်သည့် ငြိမ်းချမ်း၍ပိုမိုချစ်ခင်စည်းလုံးသော လူမှုအသိုက်အဝန်းဖြစ်ပေါ်လာစေရေး အဓိပ္ပါယ်ပြည့်ဝစွာကျင်းပနိုင်ရေး စီစဉ်ဆောင်ရွက်ပေးရမည်ဖြစ်ပါကြောင်း တိုက်တွန်းမှာကြားသည်။           ထို့နောက် တက်ရောက်လာကြသည့် ပြည်နယ်အစိုးရအဖွဲ့ဝင်ဝန်ကြီးများနှင့် ဆပ်ကော်မတီအသီးသီးမှ တာဝန်ရှိသူ များက မနောကွင်း မဂျွယ်ခန်းမ၌ ကျင်းပပြုလုပ်မည့်…

မြစ်ကြီးနား  နိုဝင်ဘာ ၆           ၂၀၂၅ ခုနှစ် နိုဝင်ဘာလ ၆ ရက်နေ့ နံနက် ၈ နာရီက ပြည်နယ်ဝန်ကြီးချုပ်သည် ပြည်နယ်အစိုးရအဖွဲ့ဝင်ဝန်ကြီးများဖြစ်ကြသည့် သယံဇာတရေးရာဝန်ကြီး၊ လမ်းပန်းဆက်သွယ်ရေးဝန်ကြီး၊ ပြည်နယ်အဆင့်ဌာနဆိုင်ရာတာဝန်ရှိသူများနှင့်အတူ မြစ်ကြီးနားမြို့၌ တံတားဦးစီးဌာန၊ တံတားအထူးအဖွဲ့(၁)က တာဝန်ယူတည်ဆောက်လျက်ရှိသော မန္တလေး-လားရှိုး-ဗန်းမော်-မြစ်ကြီးနားလမ်းပေါ်ရှိ ဗလမင်းထင်တံတား အမှတ်(၂)တည်ဆောက်ရေးလုပ်ငန်းခွင်သို့သွားရောက်ပြီး ရှင်းလင်းဆောင်၌ လမ်းဦးစီးဌာန၊ ပြည်နယ်ဦးစီးမှူးနှင့် တံတားအထူးအဖွဲ့ ဒုတိယညွှန်ကြားရေးမှူးတို့က အမှတ်(၂)တံတားတည် ဆောက်ရေး စီမံကိန်းလုပ်ငန်းများအတွက် ဘဏ္ဍာနှစ်အလိုက် အကောင်အထည်ဖော်ဆောင်ရွက်ခဲ့မှု အခြေအနေများနှင့် လက်ရှိဆောင်ရွက်လျက်ရှိသည့် ရေလယ်တိုင်အမှတ် (၅)နှင့် အမှတ်(၆) တည်ဆောက်ခြင်းလုပ်ငန်းများနှင့်စပ်လျဉ်း၍ ရှင်းလင်းတင်ပြမှုအပေါ် ပြည်နယ်လမ်းပန်းဆက်သွယ်ရေးဝန်ကြီးက ဖြည့်စွက်ရှင်းလင်းတင်ပြရာ လိုအပ်သည်များကို ပြည်နယ်ဝန်ကြီးချုပ်က ညှိနှိုင်းပေါင်းစပ်ဆောင်ရွက်ပေးခဲ့သည်။           ထို့နောက် အမြန်ရေယာဉ်များဖြင့် ရေလယ်တိုင်အမှတ် (၅) တည်ဆောက်ရေးလုပ်ငန်းခွင်သို့ သွားရောက်ခဲ့ကြပြီး တာဝန်ရှိသူများက လုပ်ငန်းခွင်အတွင်း ရေလယ်တိုင်…

မြစ်ကြီးနား နိုဝင်ဘာ ၅             ကချင်ပြည်နယ်အစိုးရအဖွဲ့ကကြီးမှူး၍ မြန်မာရိုးရာအစဉ်အလာနှင့်အညီ ၂၀၂၅ ခုနှစ်၊ တန်ဆောင်တိုင်ပွဲတော်ကို ဆီမီးထွန်းညှိပူဇော်ခြင်း၊ ဧရာဝတီမြစ်အတွင်း ရှင်ဥပဂုတ္တမထေရ်မြတ်ကြီးနှင့်အတူ ဆီမီး (၂၀၀၀၀)ထွန်းညှိ၍ ရေမျှောပူဇော်ခြင်း၊ မီးပုံးပျံများ လွှတ်တင်ပူဇော်ခြင်းနှင့် တိုင်းရင်းသားရိုးရာ အကပဒေသာဖျော်ဖြေပွဲများဖြင့်  တန်ဆောင်မုန်းလပြည့်နေ့ (သာမညဖလအခါတော်နေ့) ညနေ ၆ နာရီက မြစ်ကြီးနားမြို့၌ စည်ကားသိုက်မြိုက်စွာကျင်းပပြုလုပ်ခဲ့ကြသည်။           ရှေးဦးစွာ တန်ဆောင်တိုင်ပွဲတော်သို့ ပြည်နယ်ဝန်ကြီးချုပ် ဦးခက်ထိန်နန်နှင့် ဇနီးဒေါ်နန်ဆိုင်း၊ မြောက်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်အောင်ဇော်ထွေးနှင့် ဇနီး၊ အမျိုးသားကာကွယ်ရေးနှင့်လုံခြုံရေးကောင်စီ၏ ဗဟိုအကြံပေးအဖွဲ့ဝင် ဒေါ်ဒွဲဘူ၊ တပ်မတော်အရာရှိကြီးများ၊ ပြည်နယ်အစိုးရအဖွဲ့ဝင်များ၊ တာဝန်ရှိသူများတက်ရောက်ခဲ့ကြပြီး တန်ဆောင်တိုင်ပွဲတော် ဖွင့်ပွဲအခမ်းအနားကို  မြစ်ကြီးနားမြို့၊ သီတာရပ်ကွက်အတွင်းရှိ ရှေးဟောင်းသမိုင်းဝင် လောကမာရ်အောင် ဆုတောင်းပြည့်စေတီတော်မုဒ်ဦး၌ ကျင်းပပြုလုပ်ရာ တိုင်းရင်းသားမျိုးနွယ်စုပေါင်းစုံနှင့်အတူ ပြည်နယ်ဝန်ကြီးချုပ်၊ တိုင်းမှူး၊ ပြည်နယ်တရားလွှတ်တော်တရားသူကြီးချုပ်၊ ပြည်နယ်လူမှုရေးရာဝန်ကြီးတို့က…

မြစ်ကြီးနား  နိုဝင်ဘာ ၄           ကချင်ပြည်နယ် မြစ်ကြီးနားမြို့ရှိ သမိုင်းဝင်အောင်ဇေရန်အောင်စေတီတော်မြတ်ကြီး၏ တန်ဆောင်တိုင်ပွဲတော် ပထမအကြိမ် မသိုးသင်္ကန်းရက်ခတ်ပြိုင်ပွဲ၊ ဆီမီး (၁၀၀၀)ထွန်းညှိပူဇော်ပွဲနှင့် နိဗ္ဗာန်ဈေးပွဲတော်အခမ်းအနားများကို ကချင်ပြည်နယ် ဗုဒ္ဓကလျာဏယုဝအသင်း (YMBA) နှင့် မြစ်ကြီးနားမြို့နယ်ဗုဒ္ဓကလျာဏယုဝအသင်းတို့က ပူးပေါင်းကျင်းပရာ နိုဝင်ဘာ ၄ ရက် ညနေပိုင်းက ဖွင့်ပွဲအခမ်းအနားကျင်းပပြုလုပ်ရာ ပြည်နယ်ဝန်ကြီးချုပ် ဦးခက်ထိန်နန်နှင့် ဇနီးဒေါ်နန်ဆိုင်း၊ မြောက်ပိုင်းတိုင်းစစ်ဌာနချုပ် တိုင်းမှူးနှင့် ဇနီး၊ တာဝန်ရှိသူများ တက်ရောက်ခဲ့ကြသည်။           ရှေးဦးစွာ စေတီတော်ရင်ပြင်၌ မြစ်ကြီးနားမြို့ပေါ်မှ ပြိုင်ပွဲဝင်ရက်ကန်းစင်များနှင့် ဝိုင်အမ်ဘီအေ အသင်းသူ/သားများနှင့် ဧည့်ပရိတ်သတ်များ၊ အကဲဖြတ်အမှတ်ပေးဒိုင်များက သတ်မှတ်နေရာအသီးသီး၌ နေရာယူခဲ့ကြပြီး အောင်ဇေရန်အောင်တပ်ဦးကျောင်းတိုက် ဆရာတော် သဒ္ဓမဇောတိက ဓဇ၊ မင်္ဂလဓမ္မဇောတိကဓဇ ဒေါက်တာဥတ္တမသီရိက ကြီးမှူး၍ အခမ်းအနားကို နမောတဿ (၃)ကြိမ် ရွတ်ဆိုဘုရားကန်တော့ဖွင့်လှစ်ခဲ့ကြသည်။           ဆက်လက်၍…

မြစ်ကြီးနား နိုဝင်ဘာ  ၄ ကချင်ပြည်နယ်အစိုးရအဖွဲ့ကကြီးမှူး၍ နှစ်စဉ်ကောက်ဦးပေါ်ချိန်တွင် ကျင်းပမြဲဖြစ်သည့် အင်လုံအင်နန်ရှားပွဲဟုခေါ်ဆိုသည့် ရိုးရာကောက်သစ်စားပွဲတော်နှင့် ဒေသတွင်းရှိ တိုင်းရင်းသားလူမျိုးပေါင်းစုံ ပါဝင်သည့် ယှဉ်ကျေးမှုဖလှယ်ပွဲ အခမ်းအနားများကို မြစ်ကြီးနားမြို့၌ (၂) ရက်ကြာ စည်ကားသိုက်မြိုက်စွာ ကျင်းပပြုလုပ်သွားမည်ဖြစ်ကြောင်း စက်တင်ဘာ ၃ ရက် မွန်းလွဲ ၁ နာရီက ပြည်နယ်အစိုးရအဖွဲ့ရုံး အစည်းအဝေးခန်းမ (၂) ၌ ကျင်းပသည့်လုပ်ငန်းညှိနှိုင်းအစည်းအဝေးမှ သိရသည်။ အဆိုပါ လုပ်ငန်းညှိနှိုင်းအစည်းအ‌ဝေးတွင်  ဆပ်ကော်မတီဥက္ကဋ္ဌ၊ ပြည်နယ်သယံဇာတရေးရာဝန်ကြီး ဦးတိန့်ဆောင်နှင့် ဆပ်ကော်မတီအသီးသီးမှ ပြည်နယ်အဆင့်ဌာနဆိုင်ရာ တာဝန်ရှိသူများတက်ရောက်ခဲ့ကြပြီး ပွဲတော်များကျင်းပရာတွင် ရိုးရာကောက်သစ်စားပွဲတော်ကို မြစ်ကြီးနားမြို့ စီတာပူရပ်ကွက် မနောကွင်းအတွင်းရှိ မဂျွယ်ခန်းမ၌ ဌာနေတိုင်းရင်းသားမျိုးနွယ်စုများ၊ ဌာနဆိုင်ရာများ၊ ဒေသခံတောင်သူများ အစုံအညီတက်ရောက်စေပြီး တစ်နှစ်တာ စိုက်ပျိုးရာသီပြီးဆုံး၍ ကောက်ရိတ်သိမ်းချိန်တွင် အဦးအဖျားရရှိသည့် ကောက်ဦးဆန်ကို အတူတကွကျေးဇူးတော်ချီးမွမ်း၍ ချက်ပြုတ်စားသောက်နိုင်ရေး စီစဉ်ဆောင်ရွက်သွားမည်ဖြစ်သည်။…