မြစ်ကြီးနား ဒီဇင်ဘာ ၂၁
၂၀၂၅ ခုနှစ်၊ ဇန်နဝါရီ ၁၀ ရက်နေ့တွင် ကျရောက်မည့် (၇၇)နှစ်မြောက် ကချင်ပြည်နယ်နေ့ အထိမ်းအမှတ် အခမ်းအနားကို နှစ်စဉ်ရိုးရာမပျက် စည်ကားသိုက်မြိုက်စွာ ကျင်းပပြုလုပ်ရာတွင် ရိုးရာမနောအက၊ ဒေသထွက်စိုက်ပျိုးမွေးမြူရေးထုတ်ကုန်ပြခန်းများ၊ သစ်သီးဝလံပြပွဲပြိုင်ပွဲများဖြင့် စည်ကားသိုက်မြိုက်စွာ ကျင်းပပြုလုပ်သွားမည်ဖြစ်ကြောင်း ဒီဇင်ဘာ ၂၀ ရက် မွန်းလွဲ ၃ နာရီတွင် ကျင်းပပြုလုပ်သည့် လုပ်ငန်းညှိနှိုင်းအစည်းမှ သိရသည်။
အဆိုပါ လုပ်ငန်းညှိနှိုင်းအစည်းအဝေးကို ပြည်နယ်အစိုးရအဖွဲ့ဝင် သယံဇာတရေးရာဝန်ကြီး ဦးတိန့်ဆောင်နှင့် ပြည်နယ်နေ့ အခမ်းအနား ဖြစ်မြောက်ရေးအတွက် အခမ်းအနားပြင်ဆင်ရေး ဆပ်ကော်မတီ၊ မနောပွဲကျင်းပရေးဆပ်ကော်မတီ၊ ပြခန်းဆပ်ကော်မတီအဖွဲ့ဝင်များနှင့် ကျင်းပပြု လုပ်ခဲ့ခြင်းဖြစ်ပြီး (၇၇)နှစ်မြောက် ကချင်ပြည်နယ်နေ့ အခမ်းအနားကို ပြည်နယ်အစိုးရအဖွဲ့ရုံးဝင်း အတွင်း ပင်မအဆောင်ရှေ့မျက်ခင်းပြင်၌ ကျင်းပပြုလုပ်နိုင်ရေး မနောတိုင်၊ မနောကွင်း ပုံစံတူတည် ဆောက်သွားမည်ဖြစ်ပြီး ဇန်နဝါရီ (၉)ရက်နေ့တွင် မနောကွင်း ဖွင့်လှစ်ပြီးနှင့် အဖွင့်မနောအကကို ရိုးရာနှင့်အညီ အတူတကွ ဆင်နွှဲနိုင်ရေး၊ ဇန်နဝါရီ ၁၀ ရက် လူထုအခမ်းအနား ကျင်းပပြုလုပ်နိုင်ရေး ကြိုတင်ပြင်ဆင်ဆောင်ရွက်သွားရမည့်ကိစ္စရပ်များ၊ ပြည်နယ်နေ့ အထိမ်းအမှတ် ဂုဏ်ပြုဆုတံဆိပ်၊ ဆုပစ္စည်းနှင့် ဂုဏ်ပြုမှတ်တမ်းလွှာများ ပေးအပ်ချီးမြှင့်သွားမည့် အစီအစဉ်များနှင့်ဒေသထွက်စိုက်ပျိုး ရေးထွက်ကုန်ပြခန်း၊ မွေးမြူရေးထုတ်ကုန်ပြခန်းနှင့် ရိုးရာယက္ကန်းပြခန်း၊ ဝါးလက်မှုပညာပြခန်း စသည့် ပြခန်းများ ခင်းကျင်းပြသနိုင်ရေး ညှိနှိုင်းပေါင်းစပ်ဆွေးနွေးခဲ့ကြသည်။
ထို့အပြင် အဆိုပါ ကချင်ပြည်နယ်နေ့ အခမ်းအနားတွင် အားကစားပြိုင်ပွဲများ ထည့်သွင်း ကျင်းပပြုလုပ်သွားမည်ဖြစ်သည့်အပြင် ဒေသထွက်သစ်သီးဝလံပြပွဲ၊ ပြိုင်ပွဲနှင့် ဆုချီးမြှင့်ပွဲများကို တစ်ပါတည်း ကျင်းပပြုလုပ်သွားမည်ဖြစ်ပြီး ဇန်နဝါရီ (၈)ရက်နေ့မှ စတင်၍ ဇန်နဝါရီ ၁၀ ရက်နေ့ အထိ စည်ကားသိုက်မြိုက်စွာ ကျင်းပပြုလုပ်သွားမည်ဖြစ်ကြောင်း သိရသည်။
