ကချင်ပြည်နယ်ဝန်ကြီးချုပ် ပမ္မတီးရှိ တောင်သူများအတွက် လက်ဆွဲကောက်စိုက် စက်/ မျိုးစေ့ချကိရိယာများနှင့် သွင်းအားစုများထောက်ပံ့ပေးအပ်၊ ကောက်စိုက်စက်များဖြင့် မိုးစပါးစိုက်ပျိုးခြင်း တောင်သူအသိပညာပေးကွင်းသရုပ်ပြသမှုအား ကြည့်ရှုအားပေး

မြစ်ကြီးနား သြဂုတ် ၂၈

ကချင်ပြည်နယ်အစိုးရအဖွဲ့အနေဖြင့် ဒေသတွင်းမိုးစပါးစိုက်ပျိုးမှု တိုးတက်မြင့်မားလာစေရေးနှင့် ပန်းတိုင်အထွက်နှုန်းရရှိရေးတို့အတွက် ကြိုးပမ်းဆောင်ရွက်လျက်ရှိရာ ပြည်နယ်ဝန်ကြီးချုပ် ဦးခက်ထိန်နန်သည် တာဝန်ရှိသူများနှင့်အတူ ယနေ့ နံနက် (၈)နာရီက မြစ်ကြီးနားမြို့ ပမ္မတီးရပ်ကွက်၊ ပမ္မတီးအနောက်မြောက်ကွင်းအတွင်းရှိ တောင်သူ ဦးချစ်ဆွေ၏ လယ်၌ မိုးစပါးစိုက် တောင်သူများနှင့်တွေ့ဆုံသည်။

ထိုသို့ တွေ့ဆုံစဉ် ပြည်နယ်ဝန်ကြီးချုပ်က ပြည်နယ်အတွင်းစပါးစိုက်ပျိုးထုတ်လုပ်ရာတွင် ပြောင်းလဲလာသည့် ရာသီဥတုနှင့် လိုက်လျောညီသည့် ခေတ်မီနည်းစနစ်များကိုအသုံးပြုပြီး စိုက်ပျိုးထုတ်လုပ်နိုင်ရန် လိုအပ်ပြီဖြစ်ပါကြောင်း၊ မျိုး၊ မြေ၊ ရေ၊ နည်းစနစ်များ စနစ်တကျမှန်ကန်စွာပေါင်းစပ်ပြီး ပန်းတိုင်အထွက်နှုန်းရရှိအောင် ‌ဆောင်ရွက်ရမည်ဖြစ်ပါကြောင်း၊ ယခင်နှစ်က ပြည်နယ်အတွင်း စပါးစိုက်ဧက စုစုပေါင်း (၄၇၄၄၇၇)ဧက ရှိသည့်အနက် ကြဲပက်စိုက်ပျိုးခြင်းအနေဖြင့် (၁၇၉၄၁၆) ဧကရှိကြောင်း စာရင်းများအရသိရှိရပြီး ကြဲပက်စိုက်ပျိုးခြင်းသည် မျိုးစေ့ကုန်ကျမှုများခြင်း၊ အစိတ်အကျဲ မညီညာသည့်အတွက် စပါးအရည်အသွေးကျဆင်းပြီး အထွက်နည်းပါးသည်ကို တွေ့ရှိရပါကြောင်း၊ ယနေ့ မိုးစပါးကို ကောက်စိုက်စက်၊ လက်ဆွဲကေက်စိုက်စက်များဖြင့် စိုက်ပျိုးခြင်းဖြင့် စပါးအထွက်နှုန်းကို ပိုမိုရရှိစေမည်ဖြစ်သည့်အပြင် သွင်းအားစုများ အချိန်ကိုက်အချိုးကျ စနစ်တကျထည့်သွင်းပေးခြင်းအားဖြင့် မိမိတို့၏ ရည်မှန်းချက်ဖြစ်သည့် ပန်းတိုင်အထွက်နှုန်းရရှိစေရုံသာမက တောင်သူဝင်ငွေတိုးပွားလာမည်ဖြစ်ပါကြောင်း တိုက်တွန်းပြောကြားသည်။

ထို့နောက် ပြည်နယ်ဝန်ကြီးချုပ်၊ ပြည်နယ်အစိုးရအဖွဲ့ဝင် ဝန်ကြီးများနှင့် ပြည်နယ်စိုက်ပျိုးရေးဦးစီးဌာန ပြည်နယ်ဦးစီးမှူးတို့က ကွင်းအတွင်းရှိ မိုးစပါးစိုက်တောင်သူများအတွက် ပြည်နယ်အစိုးရအဖွဲ့ဘဏ္ဍာရန်ပုံငွေဖြင့် ဝယ်ယူဖြည့်တင်းပေးခဲ့သည့် လက်စွဲကောက်စိုက်စက်များ၊ စပါးမျိုးစေ့ချကိရိယာများနှင့်အတူ သဘာဝမြေသြဇာအိတ်များ၊ EM ဘိုကာရှီ မြေသြဇာအိတ်များ၊ ရွက်ဖျန်းအားတိုးဆေးများ စသည့်သွင်းအားစုများကို အသီးသီးထောက်ပံ့ပေးအပ်ခဲ့ကြရာ တောင်သူတစ်ဦးက ထောက်ပံ့ပေးအပ်သည့်အတွက် ကျေးဇူးတင်စကားပြန်လည်ပြောကြားပြီး မိုးစပါးစိုက်ပျိုးရေးအပြင် ဆောင်းသီးနှံစိုက်ပျိုးရေးအတွက် လိုအပ်ချက်များကို တင်ပြဆွေးနွေးကြရာ ပြည်နယ်ဝန်ကြီးချုပ်က လိုအပ်သည်များကို ပြည်နယ်အဆင့်ဌာနဆိုင်ရာ တာဝန်ရှိသူများနှင့် ညှိနှိုင်းပေါင်းစပ်၍ ဖြေရှင်းဆောင်ရွက်ပေးခဲ့သည်။

ယင်းနောက် ပြည်နယ်ဝန်ကြီးချုပ်နှင့် အဖွဲ့ဝင်များသည် ပြည်နယ်အဆင့်ဌာနဆိုင်ရာများ၊ ဒေသခံတောင်သူများနှင့်အတူ တောင်သူ ဦးချစ်ဆွေ၏ မိုးစပါးစိုက်လယ်၌ စိုက်ပျိုးရေးဦးစီးဌာနနှင့် စက်မှုလယ်ယာဦးစီးဌာနတို့ ပူးပေါင်း၍ လက်မှုလယ်ယာမှ စက်မှုလယ်ယာစနစ်သို့ ကူးပြောင်းနိုင်ရေးအတွက် (၆) တန်းသွားကောက်စိုက်စက်ပါဝင်သည့် ဒီဇယ်အင်ဂျင် ကောက်စိုက်စက်များဖြင့် မိုးစပါးစိုက်ပျိုးခြင်း တောင်သူအသိပညာပေး ကွင်းသရုပ်ပြသမှုအား ကြည့်ရှုအားပေးခဲ့ကြကြောင်း သိရသည်။

Post Views: 3

Related News