ကချင်ပြည်နယ်မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့က မိုးကောင်းမြို့နယ်၊ နမ္မတီးမြို့ရှိ တိုက်နယ်ဆေးရုံ၌ ကိုယ်ဝန်ဆောင်မိခင်များအား အာဟာရထောက်ပံ့ခြင်းနှင့် မေတ္တာရှင်နေ့ကလေးထိန်းကျောင်းရှိ ကလေးငယ်များအား အာဟာရများကျွေးမွေး
မြစ်ကြီးနား သြဂုတ် ၁၄ ကချင်ပြည်နယ်အမျိုးသမီးရေးရာနှင့် မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ဝင်များက မိုးကောင်းမြို့နယ်၊ နမ္မတီးမြို့၌ တိုက်နယ်ဆေးရုံရှိ ကိုယ်ဝန်ဆောင်မိခင်များအား အာဟာရထောက်ပံ့ခြင်းနှင့် မေတ္တာရှင်နေ့ကလေးထိန်း ကျောင်းရှိ ကလေးငယ်များအား အာဟာရများကျွေးမွေးခြင်းကို သြဂုတ် ၁၃ ရက်က ကွင်းဆင်းဆောင်ရွက်ကြသည်။ ရှေးဦးစွာ ပြည်နယ်မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့နာယက ဒေါ်နန်ဆိုင်း၊ နာယကအဖွဲ့ဝင်များ၊ အဖွဲ့ ဥက္ကဋ္ဌနှင့် အဖွဲ့ဝင်များက ခရိုင်/ မြို့နယ်အမျိုးသမီးရေးရာအဖွဲ့ဝင်များနှင့်အတူ နမ္မတီးမြို့ တိုက်နယ်ဆေးရုံသို့ သွားရောက်ခဲ့ကြပြီး တိုက်နယ်ဆေးရုံအတွင်း ဆေးဝါးကုသမှုခံယူနေကြသော ကိုယ်ဝန်ဆောင်မိခင်များအား ရင်းရင်းနှီးနှီးတွေ့ဆုံကာ တိုက်နယ်ဆေးရုံ အုပ်ဒေါက်တာစိုင်းထွန်းက ကိုယ်ဝန်ဆောင်မိခင်အား အာဟာပြည့်ဝစွာစားသုံးတတ်စေရန်နှင့် သတိထားလိုက်နာဆောင်ရွက်ကြရမည့် အချက်အလက်များအား အသိပညာပေးဟောပြောသည်။ ထို့နောက် ပြည်နယ်မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ နာယကက ကိုယ်ဝန်ဆောင်မိခင်များအား အားပေးစကားပြောကြားပြီး နာယကနှင့်အဖွဲ့ဝင်များက အာဟာရပြည့်စားသောက်ဖွယ်ရာများနှင့် တိုက်နယ်ဆေးရုံ ကျန်းမာရေးဝန်ထမ်းများအတွက် ချီးမြှင့်ငွေများကို အသီးသီးထောက်ပံ့ပေးအပ်ခဲ့ကြသည်။…
