2026 – Kachin State Government

ကချင်ပြည်နယ်ဝန်ကြီးချုပ် မြစ်ကြီးနားမြို့၌ ၂၀၂၆ ခုနှစ် မြန်မာ့ရိုးရာယဉ်ကျေးမှုမဟာသင်္ကြန်ပွဲတော် စည်ကားသိုက် မြိုက်စွာကျင်းပနိုင်ရေး ပြင်ဆင်တည်ဆောက်နေမှုများအား ကြည့်ရှုစစ်ဆေး၊ ချီဖွေနှင့်ဆော့လော်မြို့နယ်များမှ ယာယီတိမ်းရှောင်ပြည်သူများအတွက် ယာယီနေအိမ်များ မိုးမကျမီ အပြီးတည်ဆောက်နိုင်ရေး ကွင်းဆင်းစစ်ဆေး

admin3 days ago2 days ago01 min

မြစ်ကြီးနား ဧပြီ ၂ ကချင်ပြည်နယ်၏ မြို့တော်မြစ်ကြီးနားမြို့၌ (၂၀၂၆ ခုနှစ်) မြန်မာသက္ကရာဇ် ၁၃၈၇ ခုနှစ် မြန်မာ့ရိုးရာယဉ်ကျေးမှုမဟာသင်္ကြန်ပွဲတော်ကို မိရိုးဖလာယဉ်ကျေးမှုနှင့်အညီ လမ်းလျှောက်သင်္ကြန်ပွဲတော်များဖြင့် စည်ကားသိုက်မြိုက်စွာ ကျင်းပနိုင်ရေး စီမံဆောင်ရွက်လျက်ရှိရာ ပြည်နယ်ဝန်ကြီးချုပ် ဦးခက်ထိန်နန်သည် တာဝန်ရှိသူများနှင့်အတူ ဧပြီ ၂ ရက် နံနက်ပိုင်းက ကွင်းဆင်းစစ်ဆေးခဲ့ကြသည်။ ထိုသို့ ကွင်းဆင်းစစ်ဆေးရာတွင် ပြည်နယ်ဝန်ကြီးချုပ်သည် ပြည်နယ်အစိုးရအဖွဲ့ဝင် ဝန်ကြီး များ၊ သင်္ကြန်ပွဲတော်ကျင်းပရေးဦးစီးကော်မတီအဖွဲ့ဝင်များနှင့်အတူ မြစ်ကြီးနားမြို့ ဆွမ်ပရာဘွမ်လမ်းမကြီးပေါ်တွင် ပြုလုပ်ကျင်းပသွားမည့် လမ်းလျှောက်သင်္ကြန်ပွဲတော်အတွင်း ဗဟိုမဏ္ဍပ် ၁၂၂ ပေ × ၃၆ ပေ × ၄ ပေ အတိုင်းအတာဖြင့် တည်ဆောက်လျက်ရှိသည့် အခြေအနေများနှင့် လမ်းလျှောက်သင်္ကြန်အတွက် လမ်းအရှည်ပေ ၉၀၀ ဧရိယာအတွင်း ရေပိုက်များ တပ်ဆင်သွယ်တန်း နေမှုအခြေအနေများကို…

တတိယအကြိမ် ကချင်ပြည်နယ်လွှတ်တော် ပထမပုံမှန်အစည်းအဝေး တတိယနေ့ ကျင်းပ၊ လွှတ်တော်ကော်မတီ (၃)ရပ် အတည်ပြုဖွဲ့စည်း

admin3 days ago2 days ago01 min

မြစ်ကြီးနား ဧပြီ ၂ တတိယအကြိမ် ကချင်ပြည်နယ်လွှတ်တော် ပထမပုံမှန်အစည်းအဝေး တတိယနေ့ကို ကချင်ပြည်နယ်၊ မြစ်ကြီးနားမြို့ မန်ခိန်ရပ်ကွက်အတွင်းရှိ ပြည်နယ်လွှတ်တော်ရုံး၊ အစည်းအဝေးခန်းမ၌ ယနေ့နံနက် ၁၀ နာရီက ကျင်းပပြုလုပ်ခဲ့ကြပြီး လွှတ်တော်ကော်မတီ(၃)ရပ်ကို ဆွေးနွေးအတည်ပြုခဲ့ကြသည်။ ရှေးဦးစွာ ပြည်နယ်လွှတ်တော်ဥက္ကဋ္ဌ ဦးရားဝမ်ဂျုံက တတိယအကြိမ် ကချင်ပြည်နယ်လွှတ်တော်ပထမပုံမှန်အစည်းအဝေး တတိယနေ့အထမြောက်ကြောင်းနှင့်စတင်ကျင်းပကြောင်းကြေညာပြီး ပြည်နယ်လွှတ်တော်ကိုယ်စားလှယ်များ ခွင့်ပန်ကြားခြင်းနှင့် လွှတ်တော်၏အဆုံးအဖြတ်ကို ရယူကြသည်။ ဆက်လက်၍ ပြည်နယ်လွှတ်တော်ဥက္ကဋ္ဌက ပြည်နယ်လွှတ်တော်အစည်းအဝေး ဒုတိယနေ့တွင် တင်သွင်းခဲ့သော ဥပဒေကြမ်းကော်မတီ ဖွဲ့စည်းရေးနှင့်စပ်လျဉ်း၍ ကော်မတီဥက္ကဋ္ဌအဖြစ် ဦးမြအုန်း ဖားကန့်မြို့နယ်၊ ကိုယ်စားလှယ်အမှတ်(၁)အပါအဝင် အဖွဲ့ဝင်အဖြစ် ကိုယ်စားလှယ် (၉)ဦးတို့ဖြင့်လည်းကောင်း၊ တိုင်းရင်းသားလူမျိုးများ အရေးဆိုင်ရာကော်မတီတွင် ကော်မတီဥက္ကဋ္ဌအဖြစ် ဦးချန်းဂျောင်ဆားရ်၊ ဝိုင်းမော်မြို့နယ် ကိုယ်စားလှယ်အမှတ် (၂)အပါအဝင် အဖွဲ့ဝင်အဖြစ် ကိုယ်စားလှယ် (၇)ဦးတို့…

ကချင်ပြည်နယ်မြို့တော် မြစ်ကြီးနားမြို့၌ ၂၀၂၆ ခုနှစ် မြန်မာ့ရိုးရာယဉ်ကျေးမှု မဟာသင်္ကြန်ပွဲတော်ကို ဗဟိုမဏ္ဍပ်၊ ယိမ်းအကအလှများနှင့်အတူ လမ်းလျှောက်သင်္ကြန်ပွဲတော် တို့ဖြင့် မိရိုးဖလာအစဉ်အလာနှင့်အညီ စည်ကားသိုက်မြိုက်စွာကျင်းပနိုင်ရေး စီစဉ်ဆောင်ရွက်လျက်ရှိ

admin4 days ago3 days ago01 min

မြစ်ကြီးနား ဧပြီ ၁ ခရစ်သက္ကရာဇ် ၂၀၂၆ ခုနှစ် (မြန်မာသက္ကရာဇ် ၁၃၈၇ ခုနှစ်)တွင် ကျရောက်တော့မည့် မြန်မာ့ရိုးရာယဉ်ကျေးမှု မဟာသင်္ကြန်ပွဲတော်ကို ကချင်ပြည်နယ်၏မြို့တော် မြစ်ကြီးနားမြို့၌ မိရိုးဖလာယဉ်ကျေးမှုနှင့်အညီ စည်ကားသိုက်မြိုက်စွာ ကျင်းပပြုလုပ်နိုင်ရေး စီစဉ်ဆောင်ရွက်လျက်ရှိပြီး ယခုနှစ်တွင် ဆွမ်ပရာဘွမ်လမ်းမကြီးပေါ်တွင်လည်းကောင်း၊ မင်းရပ်ပြည်သူ့ရင်ပြင်တွင်လည်းကောင်း၊ ဧရာဝတီရှုခင်းသာအပန်းဖြေစခန်းနေရာတွင်လည်းကောင်း လမ်းလျှောက်သင်္ကြန်ပွဲတော်များကို ကျင်းပပြုလုပ်သွားမည်ဖြစ်ကြောင်း ကျင်းပရေးဦးစီးကော်မတီထံမှသိရသည်။ ယခုနှစ်တွင် မဟာသင်္ကြန်ပွဲတော်ကို ဆွမ်ပရာဘွမ်လမ်းမကြီး ကျောက်စိမ်းတုံးမီးပွိုင့်မှ မီးရထားသံလမ်းကူးနေရာအထိ လမ်းအရှည် ပေ ၉၅၀ ပေါ်တွင် ဗဟိုမဏ္ဍပ်ကို ၁၂၂ ပေ × ၃၆ ပေ × ၄ ပေ အတိုင်းအတာဖြင့် တည်ဆောက်လျက်ရှိပြီး လမ်းလျှောက်သင်္ကြန်ပွဲတော်ကိုလည်း အဆိုပါ ဆွမ်ပရာဘွမ်လမ်းမကြီးပေါ်တွင် ကျင်းပပြုလုပ်သွားမည်ဖြစ်ကြောင်းနှင့် လမ်းလျှောက်သင်္ကြန်အတွင်း စတုဒီသာမဏ္ဍပ်များ၊ မြန်မာ့တို့၏ဒြပ်မဲ့ယဉ်ကျေးမှုအမွေအနှစ် ရိုးရာသနပ်ခါး…

တတိယအကြိမ် ကချင်ပြည်နယ်လွှတ်တော် ပထမပုံမှန်အစည်းအဝေး ဒုတိယနေ့ ကျင်းပ၊ ကော်မတီ (၃)ရပ် ဖွဲ့စည်းရေး လွှတ်တော်သို့တင်ပြ

admin5 days ago5 days ago01 mins

မြစ်ကြီးနား မတ် ၃၁ တတိယအကြိမ် ကချင်ပြည်နယ်လွှတ်တော် ပထမပုံမှန်အစည်းအဝေးဒုတိယနေ့ကို ကချင်ပြည်နယ်၊ မြစ်ကြီးနားမြို့ မန်ခိန်ရပ်ကွက်အတွင်းရှိ ပြည်နယ်လွှတ်တော်ရုံး၊ အစည်းအဝေးခန်းမ၌ ယနေ့နံနက် ၁၀ နာရီက ကျင်းပပြုလုပ်ခဲ့ကြပြီး လွှတ်တော်ကော်မတီ(၃)ရပ်ကို ဖွဲ့စည်းရေး လွှတ်တော်သို့ တင်ပြခဲ့ကြသည်။ ရှေးဦးစွာ ပြည်နယ်လွှတ်တော်ဥက္ကဋ္ဌ ဦးရားဝမ်ဂျုံးက တတိယအကြိမ် ကချင်ပြည်နယ်လွှတ်တော် ပထမပုံမှန်အစည်းအဝေး ဒုတိယနေ့အထမြောက်ကြောင်းနှင့် စတင်ကျင်းပကြောင်းကြေညာပြီး ပြည်နယ်လွှတ်တော်ကိုယ်စားလှယ်များ ခွင့်ပန်ကြားခြင်းနှင့် လွှတ်တော်၏အဆုံးအဖြတ်ကို ရယူကြသည်။ ဆက်လက်၍ ပြည်နယ်လွှတ်တော်ဥက္ကဋ္ဌက ပြည်ထောင်စုလွှတ်တော်နာယကထံ ပေးပို့လာသော ဝမ်းမြောက်ဂုဏ်ယူကြောင်းသဝဏ်လွှာအား ဖတ်ကြားတင်ပြပြီး ပြည်နယ်လွှတ်တော်က မှတ်တမ်းတင်ကြောင်းကြေညာကာ ဥပဒေကြမ်းကော်မတီဖွဲ့စည်းရေးနှင့်စပ်လျဉ်း၍ ရှင်းလင်းပြောကြားသည်။ ထို့နောက် ပြည်နယ်လွှတ်တော်ဒုတိယဥက္ကဋ္ဌက ဥပဒေကြမ်းကော်မတီ၏ တာဝန်၊ လုပ်ပိုင်ခွင့်၊ ရပိုင်ခွင့်၊ သက်တမ်းတို့နှင့်စပ်လျဉ်း၍ ရှင်းလင်းတင်ပြရာ ပြည်နယ်လွှတ်တော်ဥက္ကဋ္ဌက ဥပဒေကြမ်းကော်မတီတွင် ပါဝင်သင့်သည့်…

ကချင်ပြည်နယ်ဝန်ကြီးချုပ် တရုတ်ပြည်သူ့သမ္မတနိုင်ငံ နန်နင်းမြို့ Guangxi Economic and Trade Vocational Institute(GXETVI) သို့ ပညာတော်သင်သွားရောက်ကြမည့် ကျောင်းသား/ ကျောင်းသူများနှင့် Grade-12 စာစစ်မည့် ဆရာ၊ ဆရာမများအား တွေ့အုံအားပေးချီးမြှင့်၊ တိုင်းရင်း သားရေးရာဝန်ကြီးဌာန၏ (၅)နှစ်တာဆောင်ရွက်ခဲ့သည့် လုပ်ငန်းအတွေ့အကြုံများ ရှင်းလင်းတင်ပြ၊ အစိုးရဓမ္မာစရိယစာမေးပွဲ ဖြေဆိုနေသည့် သံဃာတော်များအား အလှူငွေများလှူဒါန်း

admin6 days ago5 days ago01 mins

မြစ်ကြီးနား မတ် ၃၀ ကချင်ပြည်နယ်၊ မြစ်ကြီးနားတက္ကသိုလ်မှ တရုတ်ပြည်သူ့သမ္မတနိုင်ငံ နန်နင်းမြို့ရှိ Guangxi Economic and Trade Vocational Institute(GXETVI) သို့ Diploma in Fashion and Apparel Design (ဖက်ရှင်နှင့် အထည်အလိပ်ဒီဇိုင်း) သာသာရပ်ကို (၃)နှစ်သွားရောက်သင်ယူကြမည့် ကျောင်းသား/ ကျောင်းသူများနှင့် Grade-12 စာမေးပွဲစစ်ဆေးပေးကြမည့် ဆရာ၊ ဆရာမများနှင့် တွေ့ဆုံပွဲအခမ်းအနားကို ယနေ့နံနက်ပိုင်းက မြစ်ကြီးနားတက္ကသိုလ်ဘွဲ့နှင်းသဘင်ခန်းမ၌ ကျင်းပပြု လုပ်သည်။ အဆိုပါ တွေ့ဆုံပွဲတွင် ပြည်နယ်ဝန်ကြီးချုပ် ဦးခက်ထိန်နန်က ပညာတော်သင်သွားရောက်ကြမည့် မောင်တို့၊ မယ်တို့အနေဖြင့် ဖက်ရှင်နှင့် အထည်အလိပ်ဒီဇိုင်းဘာသာရပ်သည် ယနေ့ခေတ်ကာလ၏ လူမှုစီးပွားနယ်ပယ်တွင် အလွန်အရေးပါပြီး အားကိုးအားထားပြုရသည့် အသက်မွေးဝမ်းကျောင်းအတတ်ပညာရပ်တစ်ခုဖြစ်သည့်အပြင် နိုင်ငံတကာအဆင့်မီ ပညာ ရပ်များကို သွားရောက်ဆည်းပူးနိုင်ရေးအတွက် မိခင်တက္ကသိုလ်နှင့်…

(၈၁) နှစ်မြောက် တပ်မတော်နေ့ကို ဂုဏ်ပြုသောအားဖြင့် ပြည်နယ်အစိုးရအဖွဲ့ ရန်ပုံငွေဖြင့် တည်ဆောက်ပြီးစီးသည့် မိုးကောင်းမြို့နယ် ဗန်းမောက်ကုန်းကျေးရွာ ကုန်ထုတ်လမ်း ကွန်ကရစ်လမ်းသစ်ဖွင့်လှစ်

admin6 days ago5 days ago01 min

မိုးကောင်း မတ် ၃၀ (၈၁)နှစ်မြောက်တပ်မတော်နေ့ကို ဂုဏ်ပြုသောအားဖြင့်ကချင်ပြည်နယ်ဝန်ကြီးချုပ် ဦးခက်ထိန်နန်သည် ပြည်နယ်အစိုးရအဖွဲ့ဝင် ဝန်ကြီးများ၊ ပြည်နယ်အဆင့်ဌာနဆိုင်ရာ တာဝန်ရှိသူများနှင့်အတူ မတ်လ ၂၉ ရက် နံနက်ပိုင်းက ပြည်နယ်အစိုးရအဖွဲ့ငွေလုံးငွေရင်း ရန်ပုံငွေဖြင့် တည်ဆောက်ပြီးစီးသည့် မိုးကောင်းမြို့နယ်၊ ပင်းဘောကျေးရွာအုပ်စု၊ ဗန်းမောက်ကုန်းကျေးရွာတွင်းလမ်း ကွန်ကရစ်လမ်းသစ်ဖွဲ့ပွဲသို့ တက်ရောက်ခဲ့ကြသည်။ ရှေးဦးစွာ လမ်းသစ်ကို ပြည်နယ်ဝန်ကြီးချုပ်၊ ပြည်နယ်လမ်းပန်းဆက်သွယ်‌ရေးရာဝန်ကြီး၊ ပြည်နယ်တိုင်းရင်းသားရေးရာဝန်ကြီးနှင့် တာဝန်ရှိသူများက ပင်းဘောကျေးရွာအုပ်စု၊ ဗန်းမောက်ကုန်း ကျေးရွာတွင်းလမ်း အရှည် (၅၀၀၀)ပေ၊ အကျယ် (၁၄) ပေရှိ ကွန်ကရစ်လမ်းသစ်အား ဖဲကြိုးဖြတ်ဖွင့်လှစ်ပေးပြီး ကျေးရွာနေပြည်သူများနှင့်အတူ ကွန်ကရစ်လမ်းသစ်အား လှည့်လည်ကြည့်ရှုစစ်ဆေးခဲ့ကြသည်။ ထို့နောက် အခြေခံပညာအထက်တန်းကျောင်း (ဗန်းမောက်ကုန်း)၌ ကျင်းပသည့် (၈၁) နှစ် မြောက်တပ်မတော်နေ့ကို ဂုဏ်ပြုသောအားဖြင့် ကွန်ကရစ်လမ်းနှင့် ကမ်းထိန်းနံရံ…

မြောက်ပိုင်းတိုင်းစစ်ဌာနချုပ်၌ (၈၁) နှစ်မြောက် တပ်မတော် နေ့ စစ်ရေးပြအခမ်းအနားနှင့် (၈၁)နှစ်မြောက် တပ်မတော် နေ့ အထိမ်းအမှတ်မလိခပန်းဥယျာဉ်ဖွင့်လှစ်

admin1 week ago1 week ago01 min

မြစ်ကြီးနား မတ် ၂၇ (၈၁)နှစ်မြောက် တပ်မတော်နေ့စစ်ရေးပြအခမ်းအနားကို ကချင်ပြည်နယ်၊ မြစ်ကြီးနားမြို့ မြောက်ပိုင်းတိုင်းစစ်ဌာန ချုပ်၊ စစ်ရေးပြကွင်း၌ မတ် ၂၇ ရက် နံနက် ၇ နာရီက ကျင်းပပြုလုပ်ခဲ့ရာ ရှေးဦးစွာစစ်ရေးပြမှူးနှင့် စစ်ရေးပြတပ်ခွဲများက စစ်ကြောင်းပုံဖြင့်ချီတက်၍ စစ်ရေးပြအစီအစဉ်များအတိုင်း ဆောင်ရွက်ခဲ့ကြသည်။ ထို့နောက် မြောက်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်အောင်ဇော်ထွေးနှင့် တိုင်းစစ်ဌာနချုပ်မှ တပ်မတော်အရာရှိကြီးများ၊ ပြည်နယ်အစိုးရအဖွဲ့ဝင်များ၊ ပြည်နယ်လွှတ်တော်ဥက္ကဋ္ဌနှင့် ကိုယ်စားလှယ်တော်များ၊ ပြည်နယ်အဆင့်ဌာနဆိုင်ရာများ၊ တပ်နယ်များမှ တပ်ရင်း/တပ်ဖွဲ့မှူးများ၊ အရာရှိစစ်သည်မိသားစုဝင်များ၊ စစ်မှုထမ်းဟောင်းအဖွဲ့ဝင်များ၊ ပြည်သူ့စစ်အဖွဲ့ဝင်များနှင့် ဖိတ်ကြားထားသော ဧည့်သည်တော်များက နိုင်ငံတော်အလံနှင့် ကျဆုံးလေပြီးသော တပ်မတော်သားများအား အလေးပြုကြသည်။ ဆက်လက်၍ တိုင်းမှူးက တပ်မတော်နေ့ မိန့်ခွန်းပြောကြားပြီး တက်ရောက်လာကြသည့် တပ်မတော်အရာရှိစစ်သည် မိသားစုများနှင့် ဖိတ်ကြားထားသော ဧည်သည်တော်များအား ရင်းရင်းနှီးနှီး…

(၈၁)နှစ်မြောက် တပ်မတော်နေ့ကို ကြိုဆိုဂုဏ်ပြုသောအား ဖြင့် မြစ်ကြီးနားမြို့၏ဂုဏ်ဆောင် မြို့တော်ခန်းမဖွင့်လှစ်

admin1 week ago1 week ago01 mins

မြစ်ကြီးနား မတ် ၂၆ (၈၁) နှစ်မြောက် တပ်မတော်နေ့ကို ကြိုဆိုဂုဏ်ပြုသောအားဖြင့် ကချင်ပြည်နယ်၊ မြစ်ကြီးနားမြို့ ၌ ပြည်နယ်အစိုးရအဖွဲ့၏ ငွေလုံးငွေရင်းခွင့်ပြုဘဏ္ဍာရန်ပုံငွေဖြင့် တည်ဆောက်ပြီးစီးခဲ့သော မြို့အင်္ဂါရပ်လျော်ညီပြီး ကချင်ရိုးရာယဉ်ကျေးမှုအနုပညာလက်ရာများဖြင့် ပေါင်းစပ်ထားသော ခေတ်မီမြို့တော်ခန်းမကို မတ် ၂၆ ရက် နံနက် ၈ နာရီက ဖွင့်လှစ်ခဲ့သည်။ အဆိုပါ မြို့တော်ခန်းမသစ်ကို ကချင်ပြည်နယ်အစိုးရအဖွဲ့အနေဖြင့် ယခင်က ခေတ်နှင့်မလျော်ညီတော့သည့် မြို့တော်ခန်းမဟောင်းအားဖျက်သိမ်းပြီး အဆိုပါမြေနေရာ၌ ခေတ်နှင့်လျော်ညီပြီး ကချင်ရိုးရာအငွေ့အသက်များ ပါဝင်သည့် ခေတ်မီမြို့တော်ခန်းမသစ် (၁၈၅ပေ × ၁၂၄ ပေ× ၃၃ပေ) အာရ်စီကွန်ကရစ်အဆောက်အဦအား ပြည်နယ်၏ဂုဏ်ယူစရာ နေရာတစ်ခုအဖြစ် ပေါ်လွင်အောင် ၂၀၂၃-၂၀၂၄ ဘဏ္ဍာရေးနှစ်မှစတင်တည်ဆောက်ခဲ့ခြင်းဖြစ်ကာ ၂၀၂၄-၂၀၂၅ ဘဏ္ဍာ ရေးနှစ်နှင့် ၂၀၂၅-၂၀၂၆ ဘဏ္ဍာရေးနှစ်တို့တွင် ပြည်နယ်ခွင့်ပြုရန်ပုံငွေကျပ် စုစုပေါင်း (၄…

ကချင်ပြည်နယ်အမျိုးသမီးရေးရာအဖွဲ့၏ (၂၂) ကြိမ်မြောက် နှစ်ပတ်လည် အစည်းအဝေး ထပ်ဆင့်ရှင်းလင်းခြင်း အခမ်း အနားကျင်းပ

admin1 week ago1 week ago01 min

မြစ်ကြီးနား မတ် ၂၆ မြန်မာအမျိုးသမီးများ၏ဘဝ ဖွံ့ဖြိုးတိုးတက်‌ရေးနှင့်ကာကွယ်စောင့်ရှောက်ရေးလုပ်ငန်းများကို တစိုက်မတ်မတ် အားသွန်ခွန်စိုက်လုပ်ကိုင်‌ဆောင်ရွက်နိုင်ရေး ကချင်ပြည်နယ်အမျိုးသမီးရေးရာအဖွဲ့၏ (၂၂) ကြိမ်မြောက် နှစ်ပတ်လည်အစည်းအဝေး ထပ်ဆင့်ရှင်းလင်းခြင်းအခမ်းအနားကို ပြည်နယ်အစိုးရအဖွဲ့ရုံး မလိခခန်းမ၌ ယနေ့နံနက် ၁၀ နာရီက ကျင်းပခဲ့သည်။ ရှေးဦးစွာ ပြည်နယ်အမျိုးသမီးရေးအဖွဲ့ နာယက ဒေါ်နန်ဆိုင်းက အမျိုးသမီးများ၏ ကျန်းမာရေး၊ ပညာရေး၊ အကြမ်းဖက်မှု၊ အသက်မွေးဝမ်းကျောင်းမှု၊ စီးပွားရေး၊ အရေးပေါ်အခြေအနေများ၊ လူ့အခွင့်အရေး၊ မီဒီယာ၊ သဘာဝပတ်ဝန်းကျင်၊ အမျိုးသမီးငယ်ရွယ်စသည့်လုပ်ငန်းများကို ပြည်နယ်/ခရိုင်/မြို့နယ် အမျိုးသမီးရေးရာအဖွဲ့များအနေဖြင့် ခိုင်မာသည့် မိမိတို့အင်အားစုကြီး၏ခွန်အားကိုအသုံးပြုပြီး ထိရောက်အောင်မြင်စွာဆောင်ရွက်ကြရန် လိုအပ်ပါကြောင်း ပြောကြားသည်။ ထို့နောက် ပြည်နယ်အမျိုးသမီးရေးရာအဖွဲ့ ဥက္ကဋ္ဌ ဒေါ်သန္တာဝင်းက မြန်မာနိုင်ငံအမျိုးသမီးရေးရာအဖွဲ့ချုပ်၏ (၂၂)ကြိမ်မြောက် နှစ်ပတ်လည်အစည်းဝေးတွင်ချမှတ်ခဲ့သော လမ်းညွှန်ချက်များ၊ ရှေးလုပ်ငန်းစဉ်များ၊ လုပ်ငန်းစီမံချက်များနှင့် ၂၀၂၅ ခုနှစ်အတွင်း ပြည်နယ်/ခရိုင်/မြို့နယ် အမျိုးသမီးရေးရာအဖွဲ့များ၏ လှုပ်ရှားဆောင်ရွက်ခဲ့မှုများအား ပါဝါပွိုင့်ဖြင့် ရှင်းလင်းတင်ပြခဲ့သည်။…

ကချင်ပြည်နယ်သယံဇာတရေးရာဝန်ကြီး မြစ်ကြီးနားမြို့၌ ပထမဆုံးအကြိမ် ကျင်းပပြုလုပ်သည့် Cleaning Campaign သို့ တက်‌ရောက်

admin2 weeks ago1 week ago01 mins

မြစ်ကြီးနား မတ် ၂၅ ပတ်ဝန်းကျင်သန့်ရှင်းသာယာစေရေးနှင့် လူမှုတာဝန်ယူစိတ်မြှင့်တင်နိုင်စေရေးရည်ရွယ်၍ Cleaning Campaign အဖြစ် မြစ်ကြီးနားမြို့၊ မင်းရပ်ပြည်သူ့အားကစားကွင်းနှင့် ကမ်းနားလမ်းတလျှောက်တို့တွင် မတ် ၂၄ ရက် နံနက်ပိုင်းက ပတ်ဝန်းကျင်သန့်ရှင်းရေးလုပ်ငန်းများ စုပေါင်းဆောင်ရွက်ခဲ့ကြသည်။ ထိုသို့ဆောင်ရွက်ရာတွင် ပြည်နယ်အစိုးရအဖွဲ့ဝင် သယံဇာတရေးရာဝန်ကြီး ဦးတိန့်ဆောင် တက်ရောက်အားပေးခဲ့ပြီး မြစ်ကြီးနားမြို့နယ်စည်ပင်သာယာရေးအဖွဲ့ဝန်ထမ်းများနှင့် ပြည်တွင်းလူငယ်မိသဟာရအသင်းမှ ဒေသခံလူငယ်များ စုစုပေါင်းအင်းအား (၄၅၀)ခန့်တို့စုပေါင်း၍ မြစ်ကြီးနားမြို့ မင်းရပ်ရပ်ကွက် ပြည်သူ့အာကစားကွင်းအတွင်း/အပြင်နှင့် ကမ်းနားလမ်းတလျှောက် (၃ ဒဿမ ၄) ဧကကျော်အား အမိုက်ကောက်ခြင်း၊ သစ်ပင်ခြုံနွယ်များ ရှင်းလင်းခဲ့ကြသည်။ ထို့အတူ ညနေပိုင်းတွင်လည်း ပြည်နယ်မိုးလုံလေလုံအားကစားခန်းမ၌ Cleaning Campaign တွင် ပူးပေါင်းပါဝင်ကူညီဆောင်ရွက်ခဲ့သည့် စည်ပင်သာယာရေးအဖွဲ့ဝန်ထမ်းများနှင့် ပြည်တွင်းလူငယ်မိသဟာရအသင်းအဖွဲ့အား အခမ်းအနားဖြင့် ဂုဏ်ပြုခဲ့ကြသည်။ အဆိုပါ ဂုဏ်ပြုပွဲတွင် ပြည်နယ်ဝန်ကြီးနှင့် တာဝန်ရှိသူများသည် ပြည်တွင်းလူငယ်မိသဟာရအသင်းမှ…