မြစ်ကြီးနား   အောက်တိုဘာ ၈          ကချင်ပြည်နယ်အစိုးရအဖွဲ့အနေဖြင့် ဒေသတွင်း စားရေရိက္ခာဖူလုံရေးအတွက် ဆန်နှင့် စားဆီ ဖူလုံရေး အစီအစဉ်များ ချမှတ်ဆောင်ရွက်လျက်ရှိရာ မိုးစပါးရိပ်သိမ်းပြီး ရိုးပြတ်ကျန်လယ်များတွင် ဆီထွက်သီးနှံများ တိုးချဲ့စိုက်ပျိုးနိုင်ရေးအတွက် ဆီထွက်သီးနှံစိုက်ပျိုးမည့် မြစ်ကြီးနားနှင့် ဝိုင်းမော်မြို့နယ်များအတွင်းရှိ တောင်သူများထံ မျိုးကောင်းမျိုးသန့်မျိုးစေ့များ ထောက်ပံ့ပေးအပ်ပွဲ အခမ်းအနားကို အောက်တိုဘာ ၈ ရက် နံနက် ၈ နာရီခွဲက မြစ်ကြီးနားခရိုင်စိုက်ပျိုးရေးဦးစီးဌာနရုံး၌ ကျင်းပပြုလုပ်သည်။          ရှေးဦးစွာ ဆီထွက်သီးနှံစိုက်ပျိုးမည့် တောင်သူများနှင့် တွေ့ဆုံပြီး ပြည်နယ်ဝန်ကြီးချုပ်က မိမိတို့ပြည်နယ်အနေဖြင့် ဆန်ဖူလုံမှုအနေဖြင့် ၁၀၄ ရာခိုင်နှုန်းကျော်ရှိသော်လည်း စားဆီဖူလုံမှုတွင် လိုအပ်ချက်များစွာရှိနေသေးပါကြောင်း၊ သို့ဖြစ်ပါ၍ ဖူလုံမှုရှိသည့် ဆန်ကို ပိုမိုဖူလုံအောင် စိုက်ပျိုးရမည့် ဖြစ်သကဲ့သို့ ဆီဖူလုံမှုရှိအောင်လည်း တိုးချဲ့စိုက်ပျိုးနိုင်ရေးနှင့် ပန်းတိုင်အထွက်နှုန်းရရှိရေးကို အလေးအနက်ထားကြိုးစားကြရမည်ဖြစ်ပါကြောင်း၊ ထို့ကြောင့် လယ်သီးထပ်အဖြစ်…

မြစ်ကြီးနား   အောက်တိုဘာ ၈           ပြည်နယ်ဝန်ကြီးချုပ်နှင့် အဖွဲ့ဝင်များသည် သီတင်းကျွတ်လပြည့်ကျော် (၁)ရက်နေ့  ညနေပိုင်းတွင် မြစ်ကြီးနားမြို့ပေါ်ရှိ ရှေးဟောင်းသမိုင်းဝင် စေတီတော်ကြီးများဖြစ်သည့် လောကမာန်အောင် ဆုတောင်းပြည့်စေတီတော်ကြီး၌ လည်းကောင်းနှင့် ရန်ကြီးအောင်ရပ်ကွက်အတွင်းရှိ အံတော်ရှင်စေတီတော်ကြီး၌ လည်းကောင်း ဆီမီး (၁၀၀၀)ထွန်းညှိပူဇော်ခြင်း၊ ပန်းရေချမ်းဆီမီးကပ်လှူပူဇော်ခြင်း စသည့်ကောင်းမှုကုသိုလ်များကို စုပေါင်းဆောင်ရွက်ခဲ့ကြပြီး ကုသိုလ်ကောင်းမှုပြုရန်လာရောက်ကြသည့် ဘုရားဖူးပြည်သူများအား စတုဒီသာအဖြစ်ကြာဇံဟင်းခါးနှင့်ကောက်ညှင်းပေါင်း၊ လက်ဘက်ရည်တို့ဖြင့် ဧည့်ခံကျွေးမွေးပေးခဲ့ကြသည်။           ယင်းနောက် ပြည်နယ်ဝန်ကြီးချုပ်နှင့် အဖွဲ့ဝင်များသည် မြစ်ကြီးနာမြို့ မင်းရပ်ရပ်ကွက်၊ ဧရာဝတီမြစ်ကမ်းဘေးရှိ မင်းရပ်ပြည်သူအားကစားကွင်းအတွင်းနှင့် ဧရာဦးပန်းခြံအတွင်း သီတင်းကျွတ်မီးထွန်းပွဲတော်အဖြစ် အများပြည်သူ လွတ်လပ်ပျော်ရွှင်စွာ အပန်းဖြေအနားယူနိုင်ရေး ရောင်စုံစလိုက်မီးများဖြင့် အလှဆင်ထားခြင်း၊ နိုင်ငံကျော်အဆိုတော် နောနော်နှင့် ဒေသခံတိုင်းရင်းသားအဆိုရှင်များ၏ စင်တင်တေးဂီတအစီအစဉ်များဖြင့် ယခင်နှစ်များနှင့်မတူ အထူးစည်ကားလျက်ရှိသည့် အခြေအနေများကို လှည့်လည်ကြည့်ရှုအားပေးခဲ့ကြပြီး လာရောက်လည်ပတ် ပျော်ရွှင်သူများအတွက် ပြည်နယ်အဆင့်ဌာနဆိုင်ရာများ၏ ဒါနကုသိုလ်အဖြစ်…

မြစ်ကြီးနား   အောက်တိုဘာ ၇           ပြည်နယ်ဝန်ကြီးချုပ်သည် အောက်တိုဘာလ ၇ ရက်နေ့ မွန်းလွဲပိုင်းက ပြည်နယ်ဝန်ကြီးများ၊ ဌာနဆိုင်ရာတာဝန်ရှိသူများနှင့်အတူ ဝိုင်းမော်မြို့နယ်၊ ဝါးရှောင်ကျေးရွာအုပ်စုအတွင်းရှိ ယာယီတိမ်းရှောင်မိသားစုများအတွက် ယာယီခိုလှုံနေထိုင်နိုင်ရေးအတွက် မန်ခိန်ရပ်ကွက်၊ ပြည်နယ်လွှတ်တော်ရုံးအနီးရှိ အထွေထွေအုပ်ချုပ်ရေးဦးစီးဌာန(ရုံးချုပ်)ပိုင် မြေဧရိယာ (၁၂ ဒဿမ ၁၃)ဧကပေါ်တွင် ယာယီနေအိမ်များ တိုးချဲ့ဆောက်လုပ်နေရာချထားပေးနိုင်ရေး ရပ်မိ/ရပ်ဖများ၊ ဘာသာရေးအသင်းအဖွဲ့များ၊ ဌာနဆိုင်ရာတာဝန်ရှိသူများနှင့် ကွင်းဆင်းစစ်ဆေးခဲ့ကြပြီး လိုအပ်သည်များကို ညှိနှိုင်း ဆောင်ရွက်ပေးခဲ့သည်။           ထို့နောက် ပြည်နယ်ဝန်ကြီးချုပ်နှင့် အဖွဲ့ဝင်များသည် ချီဖွေခရိုင်မှ ဌာနဆိုင်ရာများနှင့် ပြည်သူများအတွက် အဆိုပါရပ်ကွက်အတွင်း နေရာချထားပေးခဲ့သည့် ချီဖွေယာယီတိမ်းရှောင်စခန်းသို့ သွားရောက်ပြီး စခန်းနေအိမ်ထောင်စုများနှင့် ရင်းရင်းနှီးနှီးတွေ့ဆုံအားပေးစကားပြောကြားကာ ပြည်နယ်ဝန်ကြီးချုပ်နှင့် တာဝန်ရှိသူများက အိမ်ထောင်စုများအတွက် ဆန်အိတ် (၅၀)အား ထောက်ပံ့ပေးအပ်ခဲ့ကြပြီး စခန်းနေအိမ်ထောင်စုများ၏ လိုအပ်ချက်များ တင်ပြမှုအပေါ် ဌာနဆိုင်ရာတာဝန်ရှိသူများနှင့် ညှိနှိုင်းပေါင်းစပ်၍…

မြစ်ကြီးနား   အောက်တိုဘာ ၇          ၂၀၂၅ ခုနှစ် ပါတီစုံဒီမိုကရေစီ အထွေထွေရွေးကောက်ပွဲ အောင်မြင်စွာကျင်းပပြုလုပ်နိုင်ရေးအတွက် အထောက် အကူဖြစ်စေရေး ပြည်သူလူထုအတွက် ရွေးကောက်ပွဲ နှိုးဆော်အသိပညာပေးခြင်းဆိုင်ရာ မြေစိုက်ပိုစတာ (Billboard) များ စိုက်ထူဖွင့်လှစ်ခြင်း အခမ်းအနားများကို ယနေ့ နံနက် (၈)နာရီက မြစ်ကြီးနားမြို့ပေါ် ရပ်ကွက်များတွင် ဆောင်ရွက်ခဲ့ကြသည်။           ထိုသို့ အခမ်းအနားများသို့ ပြည်နယ်ဝန်ကြီးချုပ်နှင့်ဇနီး ဒေါ်နန်ဆိုင်း၊ ပြည်နယ်တရားလွှတ်တော်တရားသူကြီးချုပ်၊ ပြည်နယ်အစိုးရအဖွဲ့ဝင်ဝန်ကြီးများနှင့် ၎င်းတို့၏ ဇနီးများသည် တာဝန်ရှိသူများနှင့်အတူ တက်ရောက်ခဲ့ကြပြီး ရှေးဦးစွာ မြစ်ကြီးနားမြို့ ဧရာရပ်ကွက်အတွင်း မြို့နယ်စုပေါင်းရုံးရှေ့ ဇော်ဂျွန်းလမ်းပေါ်တွင် ရွေးကောက်ပွဲအောင်မြင်စွာ ကျင်းပနိုင်ရေး ပြည်သူလူထုအား ၂၀၂၅ ခုနှစ်၊ ပါတီစုံဒီမိုကရေစီ အထွေထွေရွေးကောက်ပွဲအတွက် “နိုင်ငံသားအခွင့်အရေးမဆုံးရှုံးဖို့ မဲပေး ကြပါစို့” ဟု အသိပညာပေး နှိုးဆော် စာသားများပါဝင်သည့်…

မြစ်ကြီးနား   အောက်တိုဘာ ၇          မြန်မာသက္ကရာဇ် ၁၃၈၇ ခုနှစ်၊ သီတင်းကျွတ်လပြည့်နေ့ (အဘိဓမ္မာအခါတော်နေ့)၌ ကချင်ပြည်နယ်အစိုးရအဖွဲ့၏ ကြီးကြပ်စီမံမှုဖြင့် ပြည်နယ်၏မြို့တော်မြစ်ကြီးနားမြို့၌ မြို့ပေါ်ရှိ ရှေးဟောင်းသမိုင်းဝင် စေတီတော်မြတ်ကြီးများတွင် ဆီမီး (၁၀၀၀) ထွန်းညှိပူဇော်ခြင်း၊ မီးပုံးပျံများ လွှတ်တင်ပူဇော်ခြင်းနှင့် စတုဒီသာများ ဧည့်ခံကျွေးမွေးခြင်းတို့ဖြင့် အေးချမ်းပျော်ရွှင် စည်ကားသိုက်မြိုက်စွာ ကျင်းပပြုလုပ်ခဲ့ကြသည်။           ထိုသို့ သီတင်းကျွတ်လပြည့်နေ့ (အဘိဓမ္မာအခါတော်နေ့) ညနေပိုင်းတွင်  ပြည်သူများလွတ် လပ်ပျော်ရွှင်စွာ အနားယူခြင်း၊ ကုသိုလ်ကောင်းမှုပြုခြင်းများကို ပြည်နယ်ဝန်ကြီးချုပ် ဦးခက်ထိန်နန် နှင့် ဇနီးဒေါ်နန်ဆိုင်း၊ ပြည်နယ်တရားလွှတ်တော်တရားသူကြီးချုပ် ဒေါ်အေးအေးမော်၊ ပြည်နယ်အစိုးရအဖွဲ့ဝင် ဝန်ကြီးများနှင့် ၎င်းတို့၏ ဇနီးများ၊ တာဝန်ရှိသူများသည် ရှေးဦးစွာ မြစ်ကြီးနားမြို့ သီတာရပ်ကွက်အတွင်းရှိ ရှေးဟောင်းသမိုင်းဝင် စေတီတစ်ဆူဖြစ်သည့် လောကမာန်အောင် ဆုတောင်းပြည့်စေတီသို့ သွားရောက်ပြီး သီတင်းကျွတ်ပွဲတော်တွင် ဆီမီး…

မြစ်ကြီးနား       အောက်တိုဘာ ၆ ၁၃၈၇ ခုနှစ်၊ သီတင်းကျွတ်လပြည့်နေ့ (အဘိဓမ္မာအခါတော်နေ့)၌ ကချင်ပြည်နယ် မြစ်ကြီးနားမြို့ရှိ ရှေးဟောင်းသမိုင်းဝင် လောကမာန်အောင်ဆုတောင်းပြည့်စေတီတော်၌ ကုသိုလ်ကောင်းမှုပြုသူများဖြင့် အထူးစည်ကားလျက်ရှိသည်။ စေတီတော်ဝင်ရာလမ်းတစ်လျှောက်၌ မုန့်ဆိုင်တန်းများ၊ ကလေးကစားစရာပစ္စည်းအရောင်းဆိုင်များဖြင့် လည်ပတ်စားသောက်လျက်ရှိသူများဖြင့် စည်ကားလျက်ရှိသည့်အပြင် မြစ်ကြီးနားမြို့ သီတာရပ်ကွက်အတွင်းရှိ ရပ်တော်မူစေတီတော်ကြီးနှင့် လျောင်းတော်မူစေတီတော်တို့တွင်လည်း ကုသိုလ်ကောင်းမှုပြုသူများ၊ လည်ပတ်သူများဖြင့် စည်းကားလျက်ရှိသည်။ ထို့အပြင် မြို့လယ်ရှိ စိမ်းမြဧရာပန်းခြံနှင့် ကလေးကစားကွင်း၌လည်း မိသားစုလိုက်လာရောက်လည်ပတ် ကစားသူများဖြင့် ယခင်နှစ်များထက် စည်ကားလျက်ရှိကြောင်း သိရသည်။

မြစ်ကြီးနား   အောက်တိုဘာ  ၆           ပညာရေးဝန်ကြီးဌာန၏ ၂၀၂၄- ၂၀၂၅ ပညာသင်နှစ်၊ တက္ကသိုလ်ပေါင်းစုံ ဘောလုံးပြိုင်ပွဲဝင်ရောက်ယှဉ်ပြိုင်နိုင်ရေး မြစ်ကြီးနားဇုန်အဆင့် တက္ကသိုလ်များ(အမျိုးသား) ဘောလုံးပြိုင်ပွဲဖွင့်ပွဲနှင့် ဆုချီးမြှင့်ပွဲ အခမ်းအနားကို အောက်တိုဘာ ၅ ရက် ညနေ ၃ နာရီက မြစ်ကြီးနားတက္ကသိုလ် ဘောလုံးကွင်း၌ ကျင်းပပြုလုပ်သည်။           ရှေးဦးစွာ ပြည်နယ်ဝန်ကြီးချုပ် ဦးခက်ထိန်နန်က ယနေ့ နိုင်ငံတော်ဖွံ့ဖြိုးတိုးတက်ရေး လုပ်ငန်းစဉ်များတွင် လူငယ်များအနေဖြင့် အဓိကစွမ်းအားစုများဖြစ်သည့်အတွက် နိုင်ငံတော်အနေဖြင့် လူငယ်ကဏ္ဍမြှင့်တင်ဆောင်ရွက်ရာတွင် ဗလငါးတန်နှင့် ပြည့်စုံစေရန် လေ့ကျင့်ပျိုး ထောင်ပေးလျက်ရှိပါကြောင်း၊ ပညာဝန်ကြီးဌာနအနေဖြင့်လည်း တက္ကသိုလ်ပေါင်းစုံ ဘောလုံး ပြိုင်ပွဲကို ယခုလအတွင်း ကျင်းပပြုလုပ်ပေးသွားမည်ဖြစ်သည့်အတွက် ယနေ့ ကချင်ပြည်နယ်ကိုယ်စားပြု မြစ်ကြီးနားဇုန် (အမျိုးသား) ဘောလုံးအသင်း လက်ရွေးစင်ကစားသမားများ ရွေးချယ်ဆောင်ရွက်သွားမည်ဖြစ်ပါကြောင်း၊ သို့ဖြစ်ပါ၍ ပြိုင်ပွဲဝင်များအနေဖြင့် လက်‌ရွေးစင်အဖြစ်…

မြစ်ကြီးနား   အောက်တိုဘာ  ၅ “ပညာရပ်များပေါင်းစုဖွဲ့လို့ သင်ကြားရေးအသွင်သစ်ကို ဖော်ဆောင်စို့” ဆောင်ပုဒ်ဖြင့် ၂၀၂၅ ခုနှစ်၊ အောက်တိုဘာလ ၅ ရက်နေ့တွင် ကျရောက်သည့် ကမ္ဘာ့ဆရာများနေ့ အထိမ်းအမှတ်အခမ်းအနားကို ယနေ့ နံနက် ၉ နာရီက ကချင်ပြည်နယ်၊ မြစ်ကြီးနားမြို့၊ အမှတ်(၁) အခြေခံပညာအထက်တန်းကျောင်း၊ အေးမြသီတာခန်းမ၌ကျင်းပရာ အခမ်းအနားကို ကျောင်းသား/ ကျောင်းသူလေးများက “မြတ်ဆရာသခင် ကန်တော့ပန်းဆင်” ဂုဏ်ပြုတေးသီချင်းဖြင့် သီဆိုဖွင့်လှစ်ခဲ့ကြ သည်။ ရှေးဦးစွာ ပြည်ထောင်စုသမ္မတမြန်မာနိုင်ငံတော်ယာယီသမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်ထံမှ ကမ္ဘာ့ဆရာများနေ့ အထိမ်းအမှတ်အခမ်းအနားသို့ ပေးပို့လာသည့် သဝဏ်လွှာကို ကချင်ပြည်နယ်ဝန်ကြီးချုပ် ဦးခက်ထိန်နန်က ဖတ်ကြားခဲ့သည်။ ထို့နောက် မြစ်ကြီးနားမြို့ အမှတ် (၄) အခြေခံပညာအထက်တန်းကျောင်းမှ ကျောင်းသား/ ကျောင်းသူလေးများက “ခိုင်မာလာနှင်းဆီ” သီချင်းဖြင့် ကပြဖျော်ဖြေမှုကိုလည်းကောင်း၊…

မြစ်ကြီးနား   အောက်တိုဘာ ၄          ကချင်ပြည်နယ်၊ မြစ်ကြီးနားမြို့၌ ဗန်းမော်ခရိုင်အတွင်းရှိ မြို့နယ်များမှ ယာယီတိမ်းရှောင်၍ ရမ်ပူရပ်ကွက်အတွင်း ခိုလှုံနေထိုင်လျက်ရှိသော အိမ်ထောင်စုများအား ပြည်နယ်ဝန်ကြီးချုပ် ဦးခက်ထိန်နန်သည် ယနေ့ မွန်းလွဲ ၃ နာရီက အခြေခံပညာအထက်တန်းကျောင်းခွဲ (ရမ်ပူ-၁)၌ သွားရောက်တွေ့ဆုံအားပေးထောက်ပံ့သည်။           ထိုသို့ တွေ့ဆုံစဉ် စခန်းတာဝန်ခံတစ်ဦးက အမှတ်(၂ နှင့် ၃) စခန်းများအတွင်း နေထိုင်စားသောက်မှုဆိုင်ရာလိုအပ် ချက်များနှင့် စပ်လျဉ်း၍တင်ပြရာ ပြည်နယ်ဝန်ကြီးချုပ်က လိုအပ်ချက်များအပေါ် ဌာနဆိုင်ရာတာဝန်ရှိသူများနှင့် ညှိနှိုင်းပေါင်းစပ်ဖြည့်ဆည်းဆောင်ရွက်ပေးခဲ့သည်။           ထို့နောက် ပြည်နယ်ဝန်ကြီးချုပ်က ရမ်ပူရပ်ကွက် အီဒါကွင်း စခန်း (၂)နှင့် (၃)မှ ယာယီတိမ်းရှောင် အိမ်ထောင်စု (၁၄၄)စုတို့အတွက် ဆန် (၂၄) ပြည်ပါအိတ် (၁၄၄)အိတ်၊ ဆီ (၁၄၄) ပိဿာနှင့် ကြက်ဥ…

မြစ်ကြီးနား   အောက်တိုဘာ ၄            ပြည်နယ်ဝန်ကြီးချုပ်သည် ၂၀၂၅ ခုနှစ် အောက်တိုဘာလ ၄ ရက်နေ့ နံနက် ၇ နာရီတွင် မြစ်ကြီးနားမြို့ Northern Star ဂေါက်ကွင်း၌ သီတင်းကျွတ်အထိမ်းအမှတ် ဂေါက်သီးရိုက်ပြိုင်ပွဲသို့ တက်ရောက်ခဲ့ပြီး ပြည်နယ်ဝန်ကြီးချုပ်၊ မြောက်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်အောင်ဇော်ထွေး၊ ဒုတိယတိုင်းမှူးနှင့် တပ်မတော်အရာရှိကြီးများ၊ ပြည်နယ်အစိုးရ အဖွဲ့ဝင်များနှင့် တာဝန်ရှိသူများက ဂေါက်သီးရိုက်ပြိုင်ပွဲ စတင်နိုင်ရေးအတွက် Smoke Ball ကို ရိုက်၍ ဖွင့်လှစ်ပေးခဲ့ကြကြောင်း သိရသည်။