မြစ်ကြီးနား   အောက်တိုဘာ ၃          ၂၀၂၅ ခုနှစ်၊ တိုင်းဒေသကြီးနှင့် ပြည်နယ် အသက် (၂၅)နှစ်အောက် အမျိုးသမီးဘောလုံးပြိုင်ပွဲသို့ ဝင်ရောက်ယှဉ်ပြိုင်ကြမည့် ကချင်ပြည်နယ်လက်ရွေးစင်ဘောလုံးအသင်းအား အောင်နိုင်ရေးအလံနှင့် ထောက်ပံ့ငွေများ ချီးမြှင့်ပေးအပ်ပွဲ အခမ်းအနားကို ယနေ့ မွန်းလွဲ ၁ နာရီခွဲက ပြည်နယ်အားကစားနှင့်ကာယပညာဦးစီးဌာနရုံး အစည်းအဝေးခန်းမ၌ ကျင်းပပြုလုပ်ရာ ပြည်နယ်ဝန်ကြီးချုပ် ဦးခက်ထိန်နန် တက်ရောက်အားပေးသည်။           ရှေးဦးစွာ အသက်(၂၅)နှစ်အောက် လက်ရွေးစင်အမျိုးသမီးဘောလုံးအသင်း အုပ်ချုပ်သူ၊ နည်းပြများနှင့် အားကစားသမားများက တစ်ဦးချင်း ဂါရဝပြုမိတ်ဆက်ခဲ့ကြပြီး ပြည်နယ်ဝန်ကြီးချုပ်က ပြည်နယ်နှင့်တိုင်းဒေသကြီး အသက် (၂၅)နှစ်အောက် အမျိုးသမီးဘောလုံးပြိုင်ပွဲကို ကချင်ပြည်နယ်အနေဖြင့် ဂုဏ်သိက္ခာ၊ စွမ်းရည်နှင့် အားမာန်များကို ကိုယ်စားပြုပြီး ယှဉ်ပြိုင်နိုင်ရေး ယနေ့ အောင်နိုင်ရေးအလံကို ပေးအပ်သွားမည်ဖြစ်ပါကြောင်း၊ ဘောလုံးအားကစားနည်းသည် စွမ်း ရည်၊ ဉာဏ်ရည်ဉာဏ်သွေးနှင့် စိတ်ဓာတ်သတ္တိ…

မြစ်ကြီးနား   အောက်တိုဘာ ၃          ပြည်နယ်ဝန်ကြီးချုပ်နှင့်ဇနီးဒေါ်နန်ဆိုင်း၊ ပြည်နယ်အစိုးရအဖွဲ့ဝင် ဝန်ကြီးများနှင့် ၎င်းတို့၏ ဇနီးများ၊ ပြည်နယ်အဆင့်ဌာနဆိုင်ရာတာဝန်ရှိသူများသည် ၂၀၂၅ ခုနှစ် အောက်တိုဘာလ ၂ ရက်နေ့ ညနေပိုင်းတွင် မြစ်ကြီးနားမြို့ စီတာပူ (ဆွတ်ငိုင်တောင်) ရပ်ကွက်အတွင်းရှိ ယာယီတိမ်းရှောင်စခန်း၌ ဖားကန့်မြို့နယ်အတွင်းမှ အိမ်ထောင်စုများအား သွားရောက်တွေ့ဆုံ သည်။           ထိုသို့ တွေ့ဆုံစဉ် ပြည်နယ်ဝန်ကြီးချုပ်နှင့် ဇနီးတို့က စခန်းအတွင်းရှိ အိမ်ထောင်စု (၁၄၄) စုတို့အတွက် ငွေကျပ် (၁၃၈၉၆၀၀၀)တန်ဖိုးရှိ ဆန် (၂၄)ပြည်ပါအိတ် ၁၄၄ အိတ်နှင့် ကြက်ဥ (၄၃၂၀)လုံးတို့ ထောက်ပံ့ပေးအပ်ခဲ့ကြပြီး ပြည်နယ်လူမှုရေးရာဝန်ကြီး ဦးမိုးမင်းသိန်းက စခန်းအတွက် အိမ်သုံးဆိုလာများကို ထောက်ပံ့ပေးအပ်ခဲ့ကြရာ စခန်းတာဝန်ခံက ကျေးဇူးတင်စကားနှင့် အိမ်ထောင်စုများ နေထိုင်စားသောက်ရေးအတွက် လိုအပ်ချက်များကို တင်ပြဆွေးနွေးသည်။          …

မြစ်ကြီးနား   အောက်တိုဘာ  ၂           ကချင်ပြည်နယ်အစိုးရအဖွဲ့ဝင် တိုင်းရင်းသားရေးရာဝန်ကြီးဖလား မျိုးနွယ်စုပေါင်းစုံ (အမျိုးသား) ဘောလုံးပြိုင်ပွဲအောင်မြင်စွာ ကျင်းပပြုလုပ်နိုင်ရေးနှင့် တိုင်းရင်းသားရေးရာစာစောင်အတွက် စာမူများရေးသားပေးပို့နိုင်ရေးတို့အတွက်  လုပ်ငန်းညှိနှိုင်းအစည်းအဝေးကို ယနေ့ နံနက် ၁၀ နာရီက မြစ်ကြီးနားမြို့ ပြည်နယ်အားကစားနှင့်ကာယပညာဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့သည်။           ရှေးဦးစွာ ပြည်နယ်တိုင်းရင်းသားရေးရာဝန်ကြီး ဦးကျော်မင်းခိုင်က ဒေသတွင်းတိုင်းရင်းသားမျိုးနွယ်စုများအားလုံးပါဝင်သည့် ဘောလုံးအားကစားပြိုင်ပွဲများ ကျင်းပပေးခြင်းဖြင့် တိုင်းရင်းသားမျိုးနွယ်စုများ တစ်စုနှင့်တစ်စု ပိုမိုရင်းနှီးချစ်ကြည်လာစေပြီး တိုင်းရင်းသားလူငယ်မောင်မယ်များ မူးယစ်ကင်းစင်ကာ ပိုမိုကျန်းမာကြံ့ခိုင်သော၊ စုစည်းညီညွတ်သော လူမှုအသိုက်အဝန်း ဖြစ်လာစေရေးအတွက် ရည်ရွယ်၍ နှစ်စဉ်ကျင်းပပေးခြင်းဖြစ်ပါကြောင်း တိုက်တွန်းပြောကြား သည်။           ထို့နောက် ပြည်နယ်အားကစားနှင့်ကာယပညာဦးစီးဌာန၊ ပြည်နယ်ဦးစီးမှူးက ဘောလုံးပြိုင်ပွဲအတွက် ပွဲစဉ်ဇယားရေးဆွဲသတ်မှတ်နိုင်ရေး အားကစားဆိုင်ရာ နည်းစနစ်လုပ်ထုံးလုပ်နည်းများကို ရှင်းလင်းဆွေးနွေးပြောကြားပြီး တက်ရောက်လာကြသည့် ပြည်နယ်အဆင့်ဌာနဆိုင်ရာ တာဝန်ရှိသူများ၊ ကချင်မျိုးနွယ်စု (၆)စု၊…

မြစ်ကြီးနား   အောက်တိုဘာ ၂          ကချင်ပြည်နယ်ဝန်ကြီးချုပ်သည်၂၀၂၅ ခုနှစ်၊ အောက်တိုဘာ (၇)ရက်နေ့မှ (၁၁)ရက်နေ့ မွန်းလွဲပိုင်းတွင် ကချင် ပြည်နယ်အစိုးရအဖွဲ့ရုံး မလိခခန်းမ၌ကျင်းပပြုလုပ်သည့် ကချင်ပြည်နယ်လယ်ယာမြေစီမံခန့်ခွဲမှုအဖွဲ့၏ (၃/၂၀၂၅) လုပ်ငန်းညှိနှိုင်း အစည်းအဝေးသို့ တက်ရောက်သည်။           ပြည်နယ်လယ်ယာမြေစီမံခန့်ခွဲမှုအဖွဲ့ ဥက္ကဋ္ဌ၊ ပြည်နယ်ဝန်ကြီးချုပ် ဦးခက်ထိန်နန်က လယ်ယာမြေများကို အခြားနည်းအသုံးပြုခွင့်အတွက် လျှောက်ထားရာတွင်လည်းကောင်း၊ ခွင့်ပြုမိန့်မရှိဘဲ အသုံးပြုနေခြင်းများကို လည်းကောင်း ဥပဒေလုပ်ထုံး၊ လုပ်နည်းအမိန့်ညွှန်ကြားချက်များနှင့်အညီ အရေးယူဆောင်ရွက်ခြင်းများ၊ ကြပ်မတ်စစ်ဆေးဆောင်ရွက်ခြင်းများ၊ အသိပညာပေးရန် လိုအပ်သည်များကို စနစ်တကျဆောင်ရွက်သွားကြရမည်ဖြစ်ပါကြောင်း၊ သို့ဖြစ်ပါ၍ လုပ်ထုံးလုပ်နည်းနှင့်အညီ စိစစ်ခွင့်ပြုခြင်း၊ အရေးယူဆောင်ရွက်ခြင်းများကို ဥပဒေနှင့်အညီ ဆောင်ရွက်ကြရမည် ဖြစ်ကြောင်း တိုက်တွန်းမှာကြားသည်။           ထို့နောက် ပြည်နယ်လယ်ယာမြေစီမံခန့်ခွဲမှုအဖွဲ့၊ အတွင်းရေးမှူး၊ ပြည်နယ်မြေစာရင်းဦးစီးဌာန၊ ပြည်နယ်ဦးစီးမှူး ဦးတင်ထွန်းအောင်က ပြည်နယ်လယ်ယာမြေစီမံခန့်ခွဲမှုအဖွဲ့သို့ တင်ပြလျှောက်ထားလာသည့် လယ်ယာမြေကို အခြားနည်းအသုံးပြုခွင့်လျှောက်ထားတင်ပြလာသည့်…

မြစ်ကြီးနား   အောက်တိုဘာ ၂          ၂၀၂၅ ခုနှစ်၊ အောက်တိုဘာ (၇)ရက်နေ့မှ (၁၁)ရက်နေ့အထိ နေပြည်တော်တွင် ကျင်းပပြုလုပ်သွားမည့် (၂၆)ကြိမ်မြောက် မြန်မာ့ရိုရာယဉ်ကျေးမှု အဆို၊ အက၊ အရေး၊ အတီးပြိုင်ပွဲသို့ ဝင်ရောက်ယှဉ်ပြိုင်နိုင်ရေး စခန်းသွင်းလေ့ကျင့်ပြင်ဆင်ဆောင်ရွက်ထားရှိသည့် ကချင်ပြည်နယ်မှ ပြိုင်ပွဲဝင်များ၊ အုပ်ချုပ်သူများနှင့် နည်းပြအဖွဲ့များအား ပြည်နယ်အစိုးရအဖွဲ့က အောင်နိုင်ရေးအလံနှင့် ထောက်ပံ့ချီးမြှင့်ငွေများ ပေးအပ်ပွဲအခမ်းအနားကို ယနေ့ နံနက်ပိုင်းတွင် ပြည်နယ်အစိုးရအဖွဲ့ရုံး မေခခန်းမ၌ ကျင်းပပြုလုပ်သည်။           အခမ်းအနားတွင် ပြည်နယ်ဝန်ကြီးချုပ် ဦးခက်ထိန်နန်က နိုင်ငံတော်အနေဖြင့် မြန်မာ့ရိုးရာယဉ်ကျေးမှု အနုသုခုမဆိုင်ရာဆိုင်ရာပညာရပ်များကို မြတ်နိုးတန်ဖိုးထားပြီး ထိန်းသိမ်းစောင့်ရှောက်လက်ဆင့်ကမ်းနေကြသည့် ပညာရှင်များနှင့် ဝါသနာရှင် မျိုးဆက်သစ်လူငယ်များ၏ ကြိုးပမ်းအားထုတ်မှုများကို အလေးအနက်ထားပြီး ပြိုင်ပွဲကြီးကို စဉ်ဆက်မပြတ်ကျင်းပနေခြင်းပင်ဖြစ်ပါကြောင်း၊ သို့ဖြစ်ပါ၍ မြန်မာတို့၏ အမျိုးဂုဏ်၊ ဇာတိဂုဏ်နှင့် အမျိုးသားယဉ်ကျေးမှု စရိုက် လက္ခဏာများကို…

မြစ်ကြီးနား   အောက်တိုဘာ ၁           ကချင်ပြည်နယ်ဝန်ကြီးချုပ်ဦးခက်ထိန်နန်သည် ၂၀၂၅ ခုနှစ်၊ အောက်တိုဘာလ ၁ ရက်နေ့ မွန်းလွဲပိုင်းတွင် ပြည်နယ်အစိုးရအဖွဲ့ရုံး မလိခခန်းမ၌ ကျင်းပပြုလုပ်သည့် ပြည်နယ်အဆင့်ဌာနဆိုင်ရာတာဝန်ရှိသူများနှင့်အတူ ၂၀၂၅ ခုနှစ်၊ သီတင်း ကျွတ်မီးထွန်းပွဲတော်၊ (၁၅) ကြိမ်မြောက် စုပေါင်းမဟာဘုံကထိန်ပွဲတော်နှင့် တန်ဆောင်တိုင်ပွဲတော်များ အောင်မြင်စွာကျင်းပနိုင်ရေး လုပ်ငန်းညှိနှိုင်းအစည်းအဝေးသို့ တက်ရောက်ခဲ့ပါသည်။           လုပ်ငန်းညှိနှိုင်းအစည်းအဝေးတွင် ပြည်နယ်ဝန်ကြီးချုပ်က နှစ်စဉ်ကျင်းပသည့် အခမ်းအနားများဖြစ်သည့်နည်းတူ၊ ရိုးရာဓလေ့ထုံးစံများနှင့်အညီ ခမ်းခမ်းနားနားသိုက်သိုက်ဝန်းဝန်းဖြင့် စည်ကားသိုက်မြိုက်အောင်မြင်စွာကျင်းပပြုလုပ်နိုင်ရေး စနစ်တကျစီစဉ်ဆောင်ရွက်သွားရမည်ဖြစ်ပါကြောင်း၊ သို့ဖြစ်ပါ၍ ဆပ်ကော်မတီအသီးသီးမှ တာဝန်ရှိသူများအနေဖြင့် လုပ်ငန်းတာဝန် များအပေါ် လိုအပ်ချက်များ၊ ကြိုတင်ချိတ်ဆက်ဆောင်ရွက်ထားရမည့်ကိစ္စရပ်များအပေါ် ပွင့်ပွင့်လင်းလင်းဆွေးနွေးကြစေလိုကြောင်း တိုက်တွန်းမှာကြားသည်။           ထို့နောက် ပြည်နယ်လူမှုရေးရာဝန်ကြီးက အခမ်းအနားများ ကျင်းပပြုလုပ်သွားမည့် အစီအမံများကို ရှင်းလင်းတင်ပြပြီး တက်ရောက်လာကြသည့် ပြည်နယ်အစိုးရအဖွဲ့ဝင်များနှင့် တာဝန်ရှိသူများက သီတင်းကျွတ်ပွဲတော်…

မြစ်ကြီးနား   အောက်တိုဘာ  ၁          ကချင်ပြည်နယ် ရွေးကောက်ပွဲကော်မရှင်အဖွဲ့ခွဲရုံးနှင့် ခရိုင်/မြို့နယ်ရွေးကောက်ပွဲကော်မရှင်အဖွဲ့ခွဲရုံးများအနေဖြင့် လာမည့်ရွေးကောက်ပွဲတွင် မဲဆန္ဒရှင်ပြည်သူများ ဆန္ဒမဲပေးနိုင်ရေးအတွက် မဲဆန္ဒရှင်စာရင်းများထုတ်ပြန်ကြေညာခြင်းကို ယမန်နေ့နံနက်ပိုင်းမှစတင်၍ မြစ်ကြီးနား မြို့နယ်အတွင်းရှိ ရပ်ကွက်/ ‌ကျေးရွာ ရွေးကောက်ပွဲကော်မရှင်အဖွဲ့ခွဲရုံးများတွင် ကြော်ငြာဘုတ်များဖြင့်ကြေညာထားပြီဖြစ်ကြောင်း သိရသည်။ ထိုသို့ ကြေညာထားရှိမှုကို ပြည်နယ်‌ရွေးကောက်ပွဲကော်မရှင်ဥက္ကဌ ဦးကျော်အေး၊ အတွင်း‌ရေးမှူးနှင့် အဖွဲ့ဝင်များ၊ ပြည်နယ်ရွေးကောက်ပွဲအရာရှိနှင့် ပြည်နယ်အဆင့်ဌာနဆိုင်ရာ အဖွဲ့ဝင်များက မြစ်ကြီးနားမြို့နယ်အတွင်း၌ မဲဆန္ဒရှင်စာရင်းထုတ်ပြန်ထားသော ဒူကထောင်ရပ်ကွက်၊ မြေမြင့်၊ မြို့သစ်ကြီး၊ တပ်ကုန်း စသည့် ရပ်ကွက်ရွေးကောက်ပွဲကော်မရှင်အဖွဲ့ခွဲရုံးများ၌ မဲဆန္ဒရှင်စာရင်းများ ကြေညာထားရှိမှုအခြေအနေများအား လှည့်လည်ကြည့်ရှုစစ်ဆေးခဲ့ကြသည်။ ထို့အပြင်  ဗန်းမော်မြို့နယ်အတွင်းရှိ မဲဆန္ဒရှင်စာရင်းများကို ပြည်နယ်ရွေးကောက်ပွဲကော်မရှင်အဖွဲ့ရုံး၌ ကပ်ထားကြေညာထားရှိမှုကိုလည်း ကြည့်ရှုစစ်ဆေးခဲ့ကြပြီး အများပြည်သူ မိမိတို့ ကြည့်ရှုစစ်ဆေးလာပါက စနစ်တကျ ရှင်းလင်းပြသပေးရေးနှင့် လုပ်ထုံးလုပ်နည်းနှင့်အညီ ကြေညာချက်များကို နားလည်ရှင်းလင်းအောင် အသိပေးဟောပြောဆောင်ရွက်ကြရေး ညှိနှိုင်းပေါင်းစပ်ဆောင်ရွက်ပေးခဲ့ကြသည်။…

မြစ်ကြီးနား    အောက်တိုဘာလ ၁ အားကစားနှင့်လူငယ်ရေးရာဝန်ကြီးဌာနနှင့် ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး Jeng Phang နော်တောင်သည် မြစ်ကြီးနားမြို့တွင် ကချင်ပြည်နယ်ရှိ အားကစားအဆောက်အဦများ၏ အခြေအနေများကို ကွင်းဆင်းကြည့်ရှုစစ်ဆေးခဲ့ပြီး တိုက်ပွဲရှောင်ပြည်သူများအား အကူအညီများ ထောက်ပံ့ပေးအပ်ခဲ့ပါသည်။ ပြည်ထောင်စုဝန်ကြီးသည် ပထမဦးစွာ ကချင်ပြည်နယ်ပြည်သူ့အားကစားကွင်းအတွင်း မြက်ခင်းအသစ် စိုက်ပျိုးနိုင်ရေးအတွက် ပြင်ဆင်ဆောင်ရွက်နေမှုလုပ်ငန်းများကို ကြည့်ရှုစစ်ဆေးခဲ့ပါသည်။ ထို့နောက် ငြိမ်းချမ်းသာယာ ရေကူးကန်၊ ငြိမ်းချမ်းသာယာ ဖူဆယ်ရုံ၊ ကြက်တောင်အားကစားခန်းမ၊ ဘော်လီဘောရုံနှင့် မြစ်ကြီးနားခရိုင်အားကစားကွင်းတို့ကို လှည့် လည်ကြည့်ရှုကာ လိုအပ်ချက်များကို ညွှန်ကြားခဲ့ပါသည်။ ဆက်လက်၍ ပြည်ထောင်စုဝန်ကြီးသည် အသက်(၂၅)နှစ်အောက်(အမျိုးသမီး)ဘောလုံးအသင်း၏ လေ့ကျင့်နေမှုကို ကြည့်ရှုကာ အားကစားသမားများအား အားပေးစကားပြောကြားခဲ့ပါသည်။ ထို့နောက် ပြည်ထောင်စုဝန်ကြီးသည် နောင်ရာရပ်ကွက်တွင် ခိုလှုံနေထိုင်သည့် တိုက်ပွဲရှောင် အိမ်ထောင်စုများအား စားသောက်ကုန်နှင့် အားကစားပစ္စည်းများ ထောက်ပံ့ ပေးအပ်ခဲ့ပါသည်။ ထို့အပြင် အံတော်ရှင်ဘုန်းတော်ကြီးကျောင်း၌လည်း…

မြစ်ကြီးနား   အောက်တိုဘာ ၁           ၂၀၂၅ ခုနှစ်၊ အောက်တိုဘာ ၁ ရက်နေ့တွင် ကျရောက်သော (၆၁)နှစ်မြောက် မြန်မာနိုင်ငံရဲတပ်ဖွဲ့နေ့ အထိမ်းအမှတ် အခမ်းအနားကို ယနေ့ နံနက် ၉ နာရီက ကချင်ပြည်နယ်၊ မြစ်ကြီးနားမြို့၊ ပြည်သူ့အားကစားကွင်းအတွင်း မိုးလုံလေလုံအားကစားခန်းမ၌ ကျင်းပပြုလုပ်ခဲ့ကြပြီး ပြည်နယ်အတွင်း မှုခင်းကျဆင်းရေး၊ ရပ်ရွာအေးချမ်းသာယာရေး၊ တရားဥပဒေစိုးမိုးရေး လုပ်ငန်းတာဝန်များကို စွမ်းစွမ်းတမံတာဝန်ထမ်းဆောင်ခဲ့ကြသော ရဲတပ်ဖွဲ့ဝင်များအား ဂုဏ်ပြုဆုများ ချီးမြှင့်ပေးအပ်ခဲ့ကြသည်။           ရှေးဦးစွာ ပြည်နယ်ဝန်ကြီးချုပ် ဦးခက်ထိန်နန်က ရဲတပ်ဖွဲ့ဝင်များအား ဂုဏ်ပြုအမှာစကား ပြောကြားရာတွင် မြန်မာနိုင်ငံရဲတပ်ဖွဲ့က ဦးထိပ်ပန်ဆင်ထားသော သစ္စာ၊ သမာဓိ၊ သတ္တိ ဆိုသည့် ဆောင်ပုဒ်နှင့်အညီ နိုင်ငံတော်နှင့် ပြည်သူအပေါ် သစ္စာရှိစွာ တာဝန်ထမ်းဆောင်သွားရမည် ဖြစ်ပါကြောင်း၊ ထိုသို့ တာဝန်ထမ်းဆောင်ရာတွင်လည်း အမှန်တရားအတွက် စွန့်လွှတ်စွန့်စားစိတ်ဖြင့်…

မြစ်ကြီးနား   အောက်တိုဘာ ၁             ပြည်နယ်ဝန်ကြီးချုပ်နှင့် တာဝန်ရှိသူများသည် ၂၀၂၅ ခုနှစ်၊ အောက်တိုဘာ ၁ ရက်နေ့ နံနက်  ၈ နာရီက အံတော်ရှင် တောင်တန်းသာသနာပြုကျောင်းတိုက်အတွင်းရှိ တောင်တန်းသာသနာပြု ဓမ္မဗိမ္မာန်တော်၌ “ဘဝ ချမ်းသာအခွင့်အရေးများ ရရှိရေး သက်ကြီးသူများ ဦးဆောင်ပါဝင်ပေး” ဟူသော ဆောင်ပုဒ်ဖြင့် ကျင်းပပြုလုပ်သည့် ၂၀၂၅ ခုနှစ်၊ အပြည်ပြည်ဆိုင်ရာ သက်ကြီးရွယ်အိုများနေ့ အထိမ်းအမှတ်အခမ်းအနားသို့ တက်ရောက်ပြီး ကချင်ပြည်နယ်အတွင်းရှိ အသက် ၈၅ နှစ်နှင့်အထက် သက်ကြီး ဘိုးဘွားများအား ဂါဝရပြုပူဇော်ကန်တော့ခဲ့ကြသည်။            အဆိုပါ ခမ်းအနားတွင် ပြည်နယ်ဝန်ကြီးချုပ် ဦးခက်ထိန်နန်က သက်ကြီးပုဂ္ဂိုလ်များသည် လေးစားထိုက်ဂုဏ်ပြုထိုက်သူများဖြစ်ပါကြောင်း၊ မိမိတို့အနေဖြင့်လည်း သက်ကြီးဘိုး/ဘွားများ၏ ဘဝလုံခြုံမှုရှိစေရေးနှင့် သက်ကြီးရွယ်အိုများ၏ စွမ်းအားနှင့် အတွေ့အကြုံများကို အတုယူ၍ အခွင့်အလမ်းများကို ဖန်တီးဆောင်ရွက်ပေးသွားရမည်ဖြစ်ကြောင်း၊…