ကချင်ပြည်နယ်ဝန်ကြီးချုပ် နောင်ချိန်းကျေးရွာ၊ ကက်သလစ်အသင်းတော်၌ ယာယီနေရပ်စွန့်ခွာ အိမ်ထောင်စုများအား ချီးမြှင့်ငွေများပေးအပ်
မြစ်ကြီးနား ဖေဖော်ဝါရီ ၂၀ ကချင်ပြည်နယ်၊ မြစ်ကြီးနားခရိုင်၊ ဝိုင်းမော်မြို့နယ်၊ နောင်ချိန်းကျေးရွာအတွင်းရှိ ကက်သလစ်အသင်းတော်၌ အကြမ်းဖက်မှု ဖြစ်စဉ်များကြောင့် ယာယီနေရပ်စွန့်ခွာခဲ့ကြသည့် အိမ်ထောင်စုများအား အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုရန်ပုံငွေမှ ပေးအပ်ချီးမြှင့်သည့် ချီးမြှင့်ငွေများကို ပြည်နယ်ဝန်ကြီးချုပ် ဦးခက်ထိန်နန်က တာဝန်ရှိသူများနှင့်အတူ ဖေဖော်ဝါရီ ၁၉ ရက် နံနက် ၉ နာရီကသွားရောက်တွေ့ဆုံအားပေးချီးမြှင့်ခဲ့ကြသည်။ ထိုသို့ တွေ့ဆုံစဉ် ပြည်နယ်ဝန်ကြီးချုပ်က အိမ်ထောင်စုများအား ရင်းရင်းနှီးနှီးနှုတ်ဆက်အားပေးစကားပြောကြားခဲ့ပြီး နိုင်ငံတော်အကြီးအကဲကိုယ်တိုင် အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုရန်ပုံငွေမှ အိမ်ထောင်စုများအတွက် ချီးမြှင့်ငွေများကို ကျန်ရှိမှုမရှိစေရေး စနစ်တကျစာရင်းကောက်ယူပြီး ယနေ့ ပြည်သူများလက်ဝယ်အရောက် စနစ်တကျပေးအပ်ခြင်းဖြစ်ပါကြောင်း ပြော ကြားကာ ဝိုင်းမော်မြို့နယ်အတွင်းရှိ ရွှေညောင်ပင်၊ အောင်မြေ၊ နောင်ဟီး၊ စန်းကား၊ နောင်စီပေါ၊ မုတ်လွဲ၊ နန်ဆန်ယန်၊ ဒဘတ်ယန်၊ ကဇူး၊ ဂါးရာယန်၊ မဒိန်၊ ဝါရှောင်၊…
