မြစ်ကြီးနား နိုဝင်ဘာ ၂၁           ကချင်ပြည်နယ်ဝန်ကြီးချုပ် ဦးခက်ထိန်နန်သည် ယနေ့နံနက်(၉)နာရီက စီတာပူရပ်ကွက်အတွင်းရှိ Hotel AUTUMN တွင် ပြည်နယ်အစိုးရအဖွဲ့ ရန်ပုံငွေဖြင့် ဖွင့်လှစ်ပေးခဲ့သော ဟိုတယ် ဆိုင်ရာဝန်ဆောင်မှု သင်တန်း(၃)မျိုးနှင့် အာဆီယံအသိအမှတ်ပြု နိုင်ငံအဆင့် သင်ကြားရေးဆရာအဖြစ်သင်တန်း (ASEAN National Trainer)ဆင်းပွဲသို့ တက်ရောက်ခဲ့သည်။           အဆိုပါ သင်တန်းဆင်းပွဲတွင် လူ့စွမ်းအားအရင်းအမြစ်ဖွံ့ဖြိုးတိုးတက်ရေးကော်မတီ (ကချင်ဇုန်)၏ ဒုတိယဥက္ကဋ္ဌ ဦးထွန်းထွန်းမင်း(အထွေထွေမန်နေဂျာ၊ Jade Garden Hotel)က သင်တန်းတွင် ဟိုတယ်ဆိုင်ရာဝန်ဆောင်မှုသင်တန်း (၃)မျိုးနှင့် အာဆီယံအသိအမှတ်ပြု နိုင်ငံအဆင့်သင်ကြားရေးဆရာဖြစ် သင်တန်းဖွင့်လှစ်ခဲ့မှုအခြေအနေများကို ဗီဒီယိုကလစ်ဖြင့် ရှင်းတင်းတင်ပြသည်။           ဆက်လက်၍ ပြည်နယ်ဝန်ကြီးချုပ်က ယခုလိုသင်တန်းများဖွင့်လှစ်ပေးခြင်းအားဖြင့် ဟိုတယ်နှင့်တည်းခိုရိပ်သာများတွင် အလုပ်လုပ်ကိုင်နေကြသော ဝန်ထမ်းများ၏ အရည်အသွေးပိုမိုမြင့်မားတိုးတက်လာမည်ဖြစ်သကဲ့သို့ ဒေသခံတိုင်ရင်းသားညီအစ်ကို မောင်နှမများ၏ အလုပ်အကိုင်အခွင့်အလမ်းများလည်းပိုမိုပေါ်ပေါက်လာမည်ဖြစ်ပါကြောင်း၊ ပြည်နယ်အတွင်း ဟိုတယ်လုပ်ငန်းများတိုး တက်အောင်မြင်စေရေးအတွက်…

ဝိုင်းမော်         နိုဝင်ဘာ ၂၀           ကချင်ပြည်နယ်အစိုးရအဖွဲ့ဝင် တိုင်းရင်းသားရေးရာဝန်ကြီး ဦးကျော်မင်းခိုင်သည် ယနေ့ နံနက် ၉ နာရီက ဗန်းမော်ခရိုင် ဗန်းမော်နှင့်မိုးမောက်မြို့နယ်များ၊ မိုးညှင်းခရိုင်၊ ဖားကန့်မြို့နယ်တို့မှ ဝိုင်းမော်မြို့နယ်၊ မိုင်းနား‌ကျေးရွာအုပ်စု၊ မိုင်းနား RC စခန်းအတွင်း၌ ယာယီတိမ်းရှောင်နေထိုင်လျက်ရှိကြသော အိမ်ထောင်စုများနှင့် ရင်းရင်းနှီးနှီးသွားရောက် တွေ့ဆုံအားပေးပြီး အခြေခံစားသောက်ကုန်များကို သွားရောက်ထောက်ပံ့ပေးအပ်သည်။           ရှေးဦးစွာ ပြည်နယ်ဝန်ကြီးသည် ခရိုင်နှင့် မြို့နယ်အုပ်ချုပ်ရေးနှင့်စီမံခန့်ခွဲရေးကော်မတီ ဥက္ကဋ္ဌများ၊ ဌာနဆိုင်ရာတာဝန်ရှိသူများနှင့်အတူ ဝိုင်းမော်မြို့နယ်၊ မိုင်းနားကျေးရွာ၊ မိုင်းနား (RC) စခန်းတွင် ယာယီခိုလှုံနေထိုင်လျက်ရှိသော အိမ်ထောင်စုများနှင့်ရင်းရင်းနှီးနှီးတွေ့ဆုံ၍ ကျန်းမာရေးအထူးဂရုစိုက်ကြရန်၊ မိမိတို့ပြည်နယ်အစိုးရအဖွဲ့အနေဖြင့်လည်း အေးသောရာသီရောက်ရှိပြီဖြစ်သည့်အတွက် ခြုံစောင်များကို မိသားစုအလိုက် တတ်နိုင်သလောက်ထောက်ပံ့ပေးနိုင်ရေး စီစဉ်ဆောင်ရွက်ပေးသွားမည်ဖြစ်ပါကြောင်း၊ ထို့အပြင်မိသားစုများအတွက်အတတ်နိုင်ဆုံးစဉ်ဆက်မပြတ်ထောက်ပံ့နိုင်ရေး စီစဉ်ဆောင်ရွက်ပေးသွားမည်ဖြစ်ပါကြောင်း အားပေးပြောကြားသည်။           ထို့နောက် ပြည်နယ်ဝန်ကြီးက ဗန်းမော်ခရိုင်၊ ဗန်းမော်နှင့်…

မြစ်ကြီးနား     နိုဝင်ဘာ ၁၉           ကချင်ပြည်နယ်အစိုးရအဖွဲ့ဝင် တိုင်းရင်းသားရေးရာဝန်ကြီး ဦးကျော်မင်းခိုင်သည် ယနေ့ နံနက်ပိုင်းက မြစ်ကြီးနားမြို့ အောင်နန်းရပ်ကွက်နှင့် ရမ်ပူရပ်ကွက်များအတွင်း ဗန်းမော်မြို့နယ်အတွင်းမှ ယာယီတိမ်းရှောင်နေထိုင်လျက်ရှိကြသော အိမ်ထောင်စုများအား ရင်းရင်းနှီးနှီးသွားရောက် တွေ့ဆုံအားပေးပြီး အခြေခံစားသောက်ကုန်များကို သွားရောက်ထောက်ပံ့ပေးအပ်သည်။           ရှေးဦးစွာ ပြည်နယ်ဝန်ကြီးသည် ဗန်းမော်ခရိုင်နှင့် မြို့နယ်အုပ်ချုပ်ရေးနှင့်စီမံခန့်ခွဲရေး ကော်မတီဥက္ကဋ္ဌများ၊ ဌာနဆိုင်ရာတာဝန်ရှိသူများနှင့်အတူ အောင်နန်းရပ်ကွက် အီဒါကွင်းအတွင်းရှိ ယာယီခိုလှုံနေထိုင်လျက်ရှိသော အိမ်ထောင်စု (၉၀)တို့အား ရင်းရင်းနှီးနှီးတွေ့ဆုံ၍ ဆောင်းရာသီရောက်ရှိပြီဖြစ်သည့်အတွက် ကျန်းမာရေးအထူးဂရုစိုက်ကြရန်၊ မိမိတို့ပြည်နယ်အစိုးရအဖွဲ့အနေဖြင့်လည်း ခြုံစောင်များကို မိသားစုအလိုက် တတ်နိုင်သလောက်ထောက်ပံ့ပေးနိုင်ရေး စီစဉ်ဆောင်ရွက်ပေးလျက်ရှိပါကြောင်း၊ ထို့အပြင် မိသားစုများ အဆင်ပြေစွာ နေထိုင်စားသောက်နိုင်ရေးအတွက် အတတ်နိုင်ဆုံး စဉ်ဆက်မပြတ်ထောက်ပံ့နိုင်ရေး စီစဉ်ဆောင်ရွက်ပေးသွားမည်ဖြစ်ပါကြောင်း အားပေးပြောကြားသည်။           ထို့နောက် ပြည်နယ်ဝန်ကြီးက ဗန်းမော်မြို့နယ်အတွင်းမှ ယာယီတိမ်းရှောင်နေထိုင်လျက်ရှိသော အိမ်ထောင်စု (၉၀)တို့အတွက် ဆန်(၆)ပြည်ပါအိတ်…

မြစ်ကြီးနား နိုဝင်ဘာ ၁၈           ကချင်ပြည်နယ်အစိုးရအဖွဲ့အနေဖြင့် ပြည်တွင်းနေရပ်စွန့်ခွာပြည်သူများ ယာယီနေထိုင်စားသောက်မှုအဆင်ပြေစေရေးအတွက် ဖြည့်ဆည်းဆောင်ရွက်ပေးလျက်ရှိရာ ပြည်နယ်ဝန်ကြီးချုပ် ဦးခက်ထိန်နန်သည် ယနေ့ မွန်းလွဲ ၃ နာရီက ဝိုင်းမော်မြို့နယ် နောင်ချိန်းကျေးရွာအုပ်စုအတွင်းရှိ ယာယီတိမ်းရှောင်စခန်း (၁၉)ခုမှ အိမ်ထောင်စုများအား သွားရောက်တွေ့ဆုံအားပေးခဲ့ကြသည်။           ထိုသို့တွေ့ဆုံရာတွင် အမျိုးသားကာကွယ်ရေးနှင့် လုံခြုံရေးကောင်စီ၏ ဗဟိုအကြံပေးအဖွဲ့ဝင် ဒေါ်ဒွဲဘူ၊ ပြည်နယ်ဝန်ကြီးချုပ်နှင့် ဇနီးဒေါ်နန်ဆိုင်း၊ ပြည်နယ်သယံဇာတရေးရာဝန်ကြီးနှင့် ပြည်နယ်လူမှုရေးရာဝန်ကြီး၊ တာဝန်ရှိသူများက အဆိုပါ ယာယီတိမ်းရှောင်စခန်း (၁၉)မှ အိမ်ထောင်စု (၂၄၀၄)စုတို့အတွက် ဆန်အိတ် (၅၀၀)၊ ဆီပိဿာ (၅၀၀)နှင့် ကြက်ဥအလုံး (၅၀၀၀)တို့နှင့်အတူ ကျောင်းသုံးစာရေးကိရိယာအစုံ ဒါဇင်(၃၀၀)တို့ကို အသီးသီးထောက်ပံ့ပေးအပ်ခဲ့ရာ စခန်းတာဝန်ခံများက စခန်းအလိုက် မိသားစုများနေအိမ်စားသောက်မှုဆိုင်ရာ လိုအပ်ချက်များ၊ ကျန်းမာရေး၊ ပညာရေးနှင့် စိုက်ပျိုးမွေးမြူရေးကဏ္ဍဆိုင်ရာကိစ္စရပ်များကို အသီးသီးတင်ပြကြသည်။ တင်ပြမှုများအပေါ် ပြည်နယ်ဝန်ကြီးချုပ်က အိမ်ထောင်စု၏…

မြစ်ကြီးနား     နိုဝင်ဘာ ၁၆           လျှပ်စစ်စွမ်းအားဝန်ကြီးဌာန၊ ပြည်ထောင်စုဝန်ကြီး ဦးဉာဏ်ထွန်းသည် ဌာနဆိုင်ရာတာဝန်ရှိသူများနှင့်အတူ နိုဝင်ဘာ ၁၅ ရက် မွန်းလွဲပိုင်းက ကချင်ပြည်နယ်၊ မြစ်ကြီးနားမြို့ရှိ ပြည်နယ် လျှပ်စစ်အင်ဂျင်နီယာရုံး၌ ပြည်နယ်အတွင်း လျှပ်စစ်ဓာတ်အားဖြန့်ဖြူးပေးနေမှု အခြေအနေများနှင့်ပတ်သက်၍ တွေ့ဆုံညှိနှိုင်းအစည်းအဝေးသို့ တက်ရောက်ခဲ့သည်။           အဆိုပါ တွေ့ဆုံညှိနှိုင်းအစည်းအဝေးသို့ ပြည်‌ထောင်စုဝန်ကြီးနှင့်အတူ ကချင်ပြည်နယ်အတွင်းရှိ ပြည်နယ်/ ခရိုင်/ မြို့နယ်လျှပ်စစ်အင်ဂျင်နီယာများ၊ မြို့နယ်လျှပ်စစ်မှူးများ၊ ပြည်နယ်/ ခရိုင်/ မြို့နယ်များရှိ လျှပ်စစ်ဝန်ထမ်းများ၊ လျှပ်စစ်ဓာတ်အားပို့လွှတ်ရေးနှင့်ကွပ်ကဲရေးဦးစီးဌာနမှ ဝန်ထမ်းများနှင့် ရေအားလျှပ်စစ်အကောင်အထည်ဖော်ရေးဦးစီးဌာနမှ ဝန်ထမ်းများ တက်ရောက်ခဲ့ကြသည်။           ရှေးဦးစွာ ပြည်ထောင်စုဝန်ကြီးက လက်ရှိဓာတ်အား လိုအပ်ချက်ကို ပိုမိုဖြည့်ဆည်းပေးနိုင်ရန်အတွက် လျှပ်စစ်ဓာတ်အားပိုမိုတိုးတက်ထုတ်လုပ်နိုင်ရေး နည်းမျိုးစုံဖြင့် ကြိုးပမ်းဆောင်ရွက်လျက်ရှိပါကြောင်း၊ ထုတ်လုပ်ရရှိသော လျှပ်စစ်ဓာတ်အားများကိုလည်း ပြည်သူများထံသို့ ပိုမိုတိုးတက်ဖြန့် ဖြူးပေးနိုင်ရေးအတွက် ပို့လွှတ်ရေးဓာတ်အားလိုင်းများနှင့် ဖြန့်ဖြူရေးဓာတ်အားလိုင်းများ…

မြစ်ကြီးနား     နိုဝင်ဘာ ၁၄           နိုင်ငံတော်လုံခြုံရေးနှင့် အေးချမ်းသာယာရေးကော်မရှင်အဖွဲ့ဝင် နယ်စပ်ရေးရာဝန်ကြီးဌာနနှင့် တိုင်းရင်းသားလူမျိုးများရေးရာဝန်ကြီးဌာန၊ ပြည်နယ်ထောင်စုဝန်ကြီး ဒုတိယဗိုလ်ချုပ်ကြီး ရာပြည့်၊ အမျိုးသားကာကွယ်ရေးနှင့်လုံခြုံရေး ကောင်စီဗဟိုအကြံပေးအဖွဲ့ဝင်များသည် နိုဝင်ဘာ ၁၄ ရက် မွန်းလွဲပိုင်းက မြစ်ကြီးနားမြို့ ကချင်ပြည် နယ်အစိုးရအဖွဲ့ရုံး မလိခခန်းမ၌ ပြည်နယ်အတွင်းရှိ တိုင်းရင်းသားစာပေနှင့် ယဉ်ကျေးမှုအသင်းအဖွဲ့ များနှင့် တွေ့ဆုံခဲ့ကြသည်။           ထိုသို့ တွေ့ဆုံရာတွင် ပြည်ထောင်စုဝန်ကြီး၊ ကချင်ပြည်နယ်ဝန်ကြီးချုပ်၊ အမျိုးသားကာကွယ်ရေးနှင့် လုံခြုံရေးကောင်စီဗဟိုအကြံပေး အဖွဲ့ဝင်များ၊ ပြည်နယ်တရားလွှတ်တော်တရားသူကြီးချုပ်၊ ပြည်နယ်အစိုးရအဖွဲ့ဝင်များအား တက်ရောက်လာကြသည့် တိုင်းရင်းသားစာပေနှင့်ယဉ်ကျေးမှု အသင်းအဖွဲ့များမှ ခေါင်းဆောင်များက ဂါဝရပြုမိတ်ဆက်ခဲ့ကြသည်။           ထို့နောက် ပြည်ထောင်စုဝန်ကြီး ဒုတိယဗိုလ်ချုပ်ကြီးရာပြည့်က ကချင်ပြည်နယ်ဟုဆိုသော်လည်း တိုင်းဒေသကြီး/ ပြည်နယ်များနည်းတူ တိုင်းရင်းသားပေါင်းစုံ စုပေါင်းနေထိုင်ကြသည်ကို  တွေ့ရှိရပါကြောင်း၊ ထို့ကြောင့် တိုင်းရင်းသားအားလုံး စည်းလုံးညီညွတ်ရေးသည် အရေးကြီးပါကြောင်း၊…

မြစ်ကြီးနား     နိုဝင်ဘာ ၁၄ ၂၀၂၅ ခုနှစ် နိုဝင်ဘာ ၁၄ ရက်နေ့တွင် ကျရောက်သည့် (၁၀၅)နှစ်မြောက် အမျိုးသားအောင်ပွဲ နေ့အထိမ်းအမှတ် အခမ်းအနားကို  မြစ်ကြီးနားမြို့ ဧရာရပ်ကွပ်ရှိ အမှတ်(၁) အခြေခံပညာအထက် တန်းကျောင်း အေးမြသီတာခန်းမ၌ ယနေ့ နံနက် ၈ နာရီက ကျင်းပရာ ကချင်ပြည်နယ်ဝန်ကြီးချုပ် ဦးခက်ထိန်နန် တက်ရောက်၍ အထိမ်းအမှတ်နေ့ပြိုင်ပွဲများတွင် ဆုရ ကျောင်းသား/ကျောင်းသူများအား ဂုဏ်ပြုဆုများ ပေးအပ်ချီးမြှင့်ခဲ့ကြသည်။ ရှေးဦးစွာ အခမ်းအနားကို အမှတ်(၁) အခြေခံပညာအထက်တန်းကျောင်းမှ ကျောင်းသား/ ကျောင်းသူလေးများက ဗိုလ်ရှုသဘင်အကဖြင့် ကြပြဖျော်ဖြေ ဖွင့်လှစ်ပေးကြပြီး ပြည်ထောင်စုသမ္မတ မြန်မာနိုင်ငံတော် ယာယီသမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ ဗိုလ်ချုပ်မှူးကြီး သတိုးမဟာသရေစည်သူ သတိုးသီရီသုဓမ္မ မင်းအောင်လှိုင်ထံမှ (၁၀၅) နှစ်မြောက် အမျိုးသားအောင်ပွဲနေ့ အခမ်းအနားသို့…

မြစ်ကြီးနား     နိုဝင်ဘာ  ၁၃ ကချင်ပြည်နယ်မိခင်နှင့် ကလေးစောင့်ရှောက်မှုကြီးကြပ်ရေးအဖွဲ့၏ (၃၄)ကြိမ်မြောက် နှစ်ပတ်လည်အစည်းအဝေးထပ်ဆင့်ရှင်းလင်းခြင်း အခမ်းအနားကို ပြည်နယ်အစိုးရအဖွဲ့ရုံးဝင်းအတွင်းရှိ ဆမားဒူဝါဆင်ဝါးနော်ခန်းမ၌ ယနေ့ နံနက် ၈ နာရီခွဲက ကျင်းပပြုလုပ်ခဲ့ရာ ပြည်နယ်မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ဝင်များ၊ ခရိုင်၊ မြို့နယ်၊ မြို့အသင်းခွဲများတက်ရောက်ခဲ့ကြသည်။ ရှေးဦးစွာ ကချင်ပြည်နယ်မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့နာယက၊ ပြည်နယ်ဝန်ကြီးချုပ်၏ဇနီး ဒေါ်နန်ဆိုင်းက (၃၄)ကြိမ်မြောက် နှစ်ပတ်လည်အစည်းအဝေးတွင် အသင်းကြီး၏ ရှေ့လုပ်ငန်းစဉ်များအ‌ပေါ် ကချင်ပြည်နယ်အတွင်းလုပ်ငန်းစဉ်အလိုက် အကောင်အထည်ဖော်ဆောင်ရွက်နိုင်ရေး ခရိုင်၊မြို့နယ်၊မြို့အသင်းခွဲများအားလုံးက တစ်ပြေးညီ တစ်ညီတစ်ညွတ်တည်း ကြိုးပမ်းဆောင်ရွက်ကြရေး ရှင်းလင်းပြောကြားပြီး ပြည်နယ်ကြီးကြပ်ရေးအဖွဲ့ ဥက္ကဋ္ဌဒေါ်သန္တာဝင်း က (၃၄) ကြိမ်မြောက် နှစ်ပတ်လည်အစည်းအဝေးဆုံးဖြတ်ချက်များအား ထပ်ဆင့်ရှင်းလင်းတင်ပြခြင်းနှင့် ရှေ့လုပ်ငန်းစဉ်များအား ရှင်းလင်းတင်ပြပြီး ပြည်နယ်ကြီးကြပ်ရေးအဖွဲ့နှင့်အတူ  ခရိုင်/ မြို့နယ်၊ မြို့အသင်းခွဲများ၏ လုပ်ငန်းများစဉ်များအပေါ်  လှုပ်ရှားဆောင်ရွက်နိုင်ခဲ့သည့် ဂုဏ်ပြုဗီဒီယိုကလစ် ဖွင့်လှစ်ပြသမှုအား ကြည့်ရှုအားပေးခဲ့ကြသည်။ ထို့နောက် ပြည်နယ်ကြီးကြပ်‌ရေးအဖွဲ့ အတွင်းရေးမှူး…

မြစ်ကြီးနား     နိုဝင်ဘာ ၁၃           ကချင်ပြည်နယ်အစိုးရအဖွဲ့၏ ကြီးကြပ်စီမံမှုဖြင့် တိုင်းရင်းသားစာပေနှင့် ယဉ်ကျေးမှုအသင်းအဖွဲ့များ ပူးပေါင်းပါဝင်သည့် ၂၀၂၅ ခုနှစ်၊ ရိုးရာကောက်သစ်စား(အင်လုံအင်နန်ရှား)ပွဲတော်ကို ကချင်ပြည်နယ်၊ မြစ်ကြီးနားမြို့ရှိ အထင်ကရနေရာတစ်ခုဖြစ်သည့် စီတာပူမနောကွင်းအတွင်းရှိ မဂျွယ်ခန်းမ၌ ရိုးရာအစဉ်အလာနှင့်အညီ ကျင်းပပြုလုပ်သွားမည်ဖြစ်ရာ ပြည်နယ်ဝန်ကြီးချုပ် ဦးခက်ထိန်နန်သည် ပြည်နယ်ဝန်ကြီးများ၊ တာဝန်ရှိသူများနှင့်အတူ နိုဝင်ဘာ ၁၃ ရက် နံနက်ပိုင်းက ပွဲတော်ကျင်းပနိုင်ရေးကြိုတင်ပြင်ဆင်ဆောင်ရွက်နေမှုများကို ကြည့်ရှုစစ်ဆေးခဲ့ကြသည်။           ထိုသို့ ကွင်းဆင်းစစ်ဆေးရာတွင် ပြည်နယ်ဝန်ကြီးချုပ်နှင့် အဖွဲ့ဝင်များသည် မနောကွင်းအဝင်ပေါက်မှတစ်ဆင့် မဂျွယ်ခန်းမ၌ ကျင်းပမည့် ပွဲတော်သို့  လာရောက်ကြသည့် ဧည့်သည်တော်များအား ဘင်ခရာအတီးအမှုတ်အဖွဲ့တို့နှင့် ကချင်ရိုးရာဧည့်ကြိုတေးသီချင်းဖြင့် သီဆိုဖျော်ဖြေ၍ ကြိုတင်ဆောင်ရွက်ကြမည့် အစီအစဉ်များ၊ အမှတ်(၁) အခြေခံပညာအထက်တန်းကျောင်းမှ ဘင်ခရာနှင့် ပန်းပွားအဖွဲ့တို့က ကြိုဆိုခေါ်ဆောင်သွားမည့် အစီအစဉ်များနှင့် မဂျွယ်ခန်းမရှေ့ ပွဲတော်မုဒ်ဦး၌ ဖဲကြိုးဖြတ်ဖွင့်လှစ်သွားမည့် အစီအစဉ်များ၊…

မြစ်ကြီးနား  နိုဝင်ဘာ  ၁၂ ကချင်ပြည်နယ်အစိုးရအဖွဲ့ဝင် သယံဇာတရေးရာဝန်ကြီး ဦးတိန့်ဆောင်သည်  ပြည်နယ် ဓာတ်သတ္တု(ရွှေ) ရောင်း ဝယ်ခြင်းဝန်ဆောင်မှုလုပ်ငန်းကနဦးစိစစ်ရေးအဖွဲ့တာဝန်ရှိသူများနှင့်အတူ သယံဇာတနှင့်ပတ်ဝန်းကျင်ထိန်းသိမ်းရေးဝန်ကြီးဌာန၏ ခွင့်ပြုချက်နှင့်အညီ ရောင်းချခြင်း ရှိ/မရှိ မြစ်ကြီးနားမြို့ပေါ်ရှိ Shopping Mall ကုန်တိုက်များနှင့် ရောင်း ဝယ်ရေး Centre ဧရိယာများအတွင်း ဓာတ်သတ္တု(ရွှေ) ရောင်းဝယ်ခြင်းဝန်ဆောင်မှုလုပ်ငန်းများအား နိုဝင်ဘာ ၁၁ ရက် မွန်းလွဲပိုင်းက ကွင်းဆင်းစစ်ဆေးခဲ့ကြောင်းသိရသည်။ ထိုသို့ ကွင်းဆင်းစစ်ဆေးရာတွင် ပြည်နယ်ဝန်ကြီးနှင့်ပြည်နယ် ဓာတ်သတ္တု(ရွှေ) ရောင်းဝယ်ခြင်းဝန်ဆောင်မှုလုပ်ငန်း ကနဦးစိစစ်ရေးအဖွဲ့ဝင်များသည် JZ Centre အတွင်း၌ လက်ဝတ်ရတနာများ၊ ရွှေနှင့်ရွှေကြမ်းဖြင့်ပြုလုပ်သော အနုပညာပစ္စည်းများနှင့် အသုံးအဆောင်ပစ္စည်းများအား ဌာန၏ညွှန်ကြားချက်များနှင့်အညီ ခွင့်ပြုချက်ရှိ/မရှိကို ကွင်းဆင်းစစ်ဆေးခဲ့ကြပြီး ပြည်နယ်ဝန်ကြီးက ညွှန်ကြားချက်များနှင့်အညီ ရောင်းဝယ်ဖောက်ကားရေး၊ ညွှန်ကြားချက်များနှင့်အညီ လိုက်နာဆောင်ရွက်ခြင်းမရှိပါက လိုအပ်သလိုစိစစ်အရေးယူဆောင်ရွက်ခြင်းများကို လုပ်ထုံးလုပ်နည်းနှင့်အညီ ဆောင်ရွက်ကြရေး သက်ဆိုင်ရာတာဝန်ရှိသူများနှင့် ညှိနှိုင်းပေါင်းစပ်ဆောင်ရွက်ပေးခဲ့သည်။ အလားတူ…