နောက်ဆုံးရသတင်း

မြစ်ကြီးနား မေ ၁၉ ကချင်ပြည်နယ်အစိုးရအဖွဲ့မှ ကြီးမှူးကျင်းပပြုလုပ်သည့် ပြည်နယ်အထွေထွေအုပ်ချုပ်ရေးဦးစီးဌာနမှ အရာထမ်း/ အမှုထမ်း ဝန်ထမ်းသား/သမီး ကျောင်းသား/ကျောင်းသူများအား နွေရာသီအင်္ဂလိပ်စာ (ထက်၊ လယ်၊ မူအဆင့်)သင်တန်းနှင့် ကွန်ပျူတာ(လယ်၊ ထက်အဆင့်)သင်တန်းဆင်းပွဲအား ယနေ့ နံနက် ၉ နာရီက ပြည်နယ်အစိုးရအဖွဲ့ရုံး မေခခန်းမ၌ ကျင်းပပြုလုပ်ရာ ပြည်နယ်ဝန်ကြီးချုပ် ဦးခက်ထိန်နန် တက်ရောက်ဂုဏ်ပြုဆုချီးမြှင့်သည်။ ဦးစွာ ပြည်နယ်ဝန်ကြီးချုပ်က အဖွင့်အမှာစကားပြောကြားရာတွင် ကမ္ဘာကြီးတိုးတက်ဖွံ့ဖြိုးလာသည်နှင့်အမျှ နည်းပညာနှင့်ဘာသာစကားအခြေခံများတတ်မြောက်ရန် အရေးကြီးပါကြောင်း၊ အင်္ဂလိပ်စာနှင့် ကွန်ပျူတာလေ့လာသင်ကြားရခြင်းဟာ မိမိတို့ဘဝတိုးတက်မြင့်မားလာရေးအတွက် များစွာအထောက်အကူဖြစ်စေမှာဖြစ်ကြောင်း၊ သင်ကြားပို့ချမှုများအား သင်တန်းတက်‌ရောက်နေသည့် ကာလတွင်သာမဟုတ်ဘဲ စဥ်ဆက်မပြတ်လေ့ကျင့်စေလိုကြောင်း၊ သင်တန်းတွင် သင်ကြားရရှိသော ပညာရပ်များကို လက်တွေ့ဘဝတွင် ကောင်းစွာပြန်လည်အသုံးချနိုင်အောင် ကြိုးစားကြရန် တိုက်တွန်းမှာကြားသည်။ ထို့နောက် သင်တန်းဆင်း ကျောင်းသား/သူလေးများက မြန်မာ့ကျောင်းသီချင်းဖြင့်လည်းကောင်း၊ အင်္ဂလိပ်သီချင်းအား သရုပ်ဖော်ပြသခြင်းများဖြင့် ဂုဏ်ပြုသီဆိုဖျော်ဖြေခဲ့ကြသည်။ ယင်းနောက်…

ဝိုင်းမော် မေ ၁၉ ကချင်ပြည်နယ်အစိုးရအဖွဲ့ဝင် စည်ပင်သာယာရေးဝန်ကြီး ဒေါက်တာသန်းဌေးအောင်သည် ဝိုင်းမော်မြို့နယ်အတွင်း မြို့အင်္ဂါရပ်နှင့်အညီ သန့်ရှင်းသာယာလှရေး၊ စိမ်းလန်းစိုပြည်ရေးနှင့် ရေစီးရေလာကောင်းမွန်ရေးအတွက် ယနေ့ နံနက် ၉ နာရီက သက်ဆိုင်ရာတာဝန်ရှိသူများနှင့်အတူ ကွင်းဆင်းစစ်ဆေးခဲ့ကြသည်။ ရှေးဦးစွာ ပြည်နယ်ဝန်ကြီးသည် ပြည်နယ်စည်ပင်သာယာရေးအဖွဲ့ ညွှန်ကြားရေးမှူး ဦးကျော်လင်း၊ ဝိုင်းမော်မြို့နယ်အုပ်ချုပ်ရေးမှူး၊ မြို့နယ်စည်ပင်သာယာရေးအဖွဲ့ အမှုဆောင်အရာရှိနှင့် သက်ဆိုင်ရာတာဝန်ရှိသူများနှင့်အတူ ဝိုင်းမော်မြို့နယ် သန့်ရှင်းသာယာလှပရေးနှင့် စိမ်းလန်းစိုပြည်ရေးအတွက် ရပ်ကွက်(၁)ရှိ မြို့ဝင်ဆိုင်းဘုတ်မြေယာရှုခင်း၊ စည်းလုံးခြင်းရုပ်ထုမြေယာရှုခင်း၊ Waingmaw Riverview မြေယာရှုခင်း၊ ဧရာမော်ပန်းခြံနှင့် ရပ်ကွက်(၄)သာဂရဘုန်းတော်ကြီး ကျောင်းရေကန်ဘေးရှိ မြေယာရှုခင်းတို့တွင် အရိပ်ရပန်းပင်များနှင့် အလှပန်းပင်များစိုက်ပျိုးထားရှိမှုအခြေအနေများကိုလည်းကောင်း၊ ဝိုင်းမော်-ဝါးရှောင်သွားလမ်းဘေး လော်ဝေါ်ရိုးရာမနောကွင်းရှေ့ မြောင်း အရှည်(၁၇၅၀)ပေရှိ မြေသား ရေနှုတ်မြောင်းအား ရေစီးရေလာကောင်းမွန်ရေးအတွက် တိုးချဲ့ပြင်ဆင်တူးဖော်ဆောင်ရွက်သွားမည့် အခြေအနေများကို လည်းကောင်း လှည့်လည်ကွင်းဆင်းကြည့်ရှုစစ်ဆေးပြီး လိုအပ်သည်များကို သက်ဆိုင်ရာတာဝန်ရှိသူများနှင့် ပေါင်းစပ်ညှိနှိုင်း…

မချမ်းဘော မေ ၁၉           ကချင်ပြည်နယ်အစိုးရအဖွဲ့၏ကြီးကြပ်စီမံမှုဖြင့် ဧရာဝတီမြစ်ဆုံ-မြစ်ညာမြစ်ဝှမ်းရေအား လျှပ်စစ်စီမံကိန်းဆိုင်ရာ အထောက်အကူပြုရေးနှင့် ပူးပေါင်းဆောင်ရွက်ရေး ကချင်ပြည်နယ်ဒေသခံကော်မတီအဖွဲ့ဝင်များက ရေအားလျှပ်စစ်စီမံကိန်းနှင့်စပ်လျဉ်း၍ မေ ၁၉ ရက်နေ့တွင် ပူတာအိုမြို့၌ ဂျိမ်းဖောနှင့် တိုင်းခမ်းတီစာပေနှင့် ယဉ်ကျေးမှုအသင်းအဖွဲ့ဝင်များ၊ ဒေသခံပြည်သူများအားလည်းကောင်း၊ မချမ်းဘောမြို့၌ ဌာနဆိုင်ရာများ၊ ဒေသခံတိုင်းရင်းသားများနှင့် တွေ့ဆုံချပြရှင်းလင်းပွဲများ ကျင်းပပြုလုပ်ခဲ့ကြသည်။           အဆိုပါ တွေ့ဆုံရှင်းလင်းဆွေးနွေးပွဲများကို ကချင်ပြည်နယ်အစိုးရအဖွဲ့ဝင် စီမံကိန်း၊ စီးပွားရေးနှင့် ဘဏ္ဍာရေးဝန်ကြီး ဦးချန်တန်ခင် ဦးဆောင်ခဲ့ခြင်းဖြစ်ပြီး နံနက်ပိုင်းတွင် ပူတာအိုမြို့ ဖုန်ကန်ရာဇီခန်းမ၌ ဂျိမ်းဖော့နှင့် တိုင်းခမ်းတီ စာပေနှင့်ယဉ် ကျေးမှုအသင်းအဖွဲ့များ၊ မြို့မိ/မြို့ဖများနှင့်တွေ့ဆုံကာ ပြည်နယ်ဝန်ကြီးက အဖွင့်အမှာစကားပြောကြားခဲ့ပြီး ဒေသခံကော်မတီအဖွဲ့ဝင်များဖြစ်ကြသည့် ဦးထွန်းထွန်းလှိုင်၊ ဦးနော်ထွဲ၊ ဦးမုန်ရိန်နော်၊ ဦးဂျန်ခုန့်(ခ) ဦးနော်ခုန့်တို့က ရေအားလျှပ်စစ်စီမံကိန်းနှင့်ပတ်သက်သော နည်းပညာဆိုင်ရာအချက်အလက်များ၊ ဘူမိဗေဒဆိုင်ရာပညာရှင်တွေ့ရှိချက်များ၊ လျှပ်စစ်စွမ်း အင်ရရှိမှုပေါ် မူတည်၍…

မြစ်ကြီးနား      မေ      ၁၈           “ နိုင်ငံတစ်နိုင်ငံ၏လွတ်လပ်ရေး၊ အချုပ်အခြာအာဏာနှင့် နယ်မြေတည်တံ့ခိုင်မြဲရေးအတွက် နိုင်ငံသားတိုင်းတွင် တာဝန်ရှိသည် ” ဟူသည့် ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ (၂၀၀၈)ပါ ပြဋ္ဌာန်းချက်များကို လက်တွေ့အကောင်အထည်ဖော်ခဲ့ပြီး ပြည်သူ့စစ်မှုထမ်းဥပဒေအရ ပြည်သူ့စစ်မှုထမ်းအမှတ်စဉ်(၂/၂၀၂၄)တွင် မိမိဆန္ဒအလျောက် စိတ်အားထက်သန်စွာပါဝင် စာရင်းပေးပြီး တာဝန်ထမ်းဆောင်ခဲ့ကြသော ပြည်သူ့စစ်မှုထမ်းများသည် ယခုအခါ သတ်မှတ်စစ်မှုထမ်း ကာလပြည့်မြောက်ခဲ့ပြီဖြစ်သည်။           ထိုသို့စစ်မှုထမ်းတာဝန်ကျေပွန်စွာထမ်းဆောင်ခဲ့ကြသည့် နိုင်ငံ့သားကောင်းပြည်သူ့စစ်မှုထမ်းများအား ပြည်သူ့စစ်မှုထမ်းဆောင်ပြီးကြောင်း လက်မှတ်ပုံစံ(၁၂)နှင့် ပြည်သူ့စစ်မှုထမ်းတံဆိပ်  ချီးမြှင့်ပေးအပ်ခြင်းအခမ်းအနားကို မြောက်ပိုင်းတိုင်းစစ်ဌာနချုပ်ရှိ ဗလမင်းထင်ခန်းမ၌  မေလ ၁၈ ရက်နေ့၊ နံနက်ပိုင်းက ကျင်းပပြုလုပ်ခဲ့သည်။ ရှေးဦးစွာ ကချင်ပြည်နယ်အစိုးရအဖွဲ့၊ ဝန်ကြီးချုပ် ဦးခက်ထိန်နန်က  ပြည်သူ့စစ်မှုထမ်း သင်တန်းဆင်းစစ်သည်များအနေဖြင့် နိုင်ငံတော်ရဲ့လုံခြုံရေးကို တာဝန်ကျေပွန်အောင် ထမ်းဆောင်ခဲ့ကြပြီးဖြစ်သလို ဆက်လက်ပြီးလည်း မိမိတို့နိုင်ငံတော်ကြီး ဘက်စုံဖွံ့ဖြိုးတိုးတက်ရေးအတွက် ပူးပေါင်းပါဝင်ဆောင်ရွက်နိုင်ပါစေကြောင်း ဂုဏ်ပြုပြောကြားသည်။…

မြစ်ကြီးနား     မေ ၁၈           ကချင်ပြည်နယ်အစိုးရအဖွဲ့၏ ကြီးကြပ်စီမံမှုဖြင့် ဧရာဝတီမြစ်ဆုံ-မြစ်ညာမြစ်ဝှမ်းရေအား လျှပ်စစ်စီမံကိန်းဆိုင်ရာ အထောက်အကူပြုရေးနှင့် ပူးပေါင်းဆောင်ရွက်ရေး ကချင်ပြည်နယ်ဒေသခံ ကော်မတီအဖွဲ့ဝင်များက ရေအားလျှပ်စစ်စီမံကိန်းနှင့် စပ်လျဉ်း၍ ဒေသခံပြည်သူများ ရှင်းလင်းစွာ သိရှိနားလည်ရေးအတွက် တွေ့ဆုံဆွေးနွေးပွဲများကို မြို့နယ်များတွင် အဆက်မပြတ်ကျင်းပပြုလုပ်လျက်ရှိရာ ယနေ့ နံနက်ပိုင်းနှင့် မွန်းလွဲပိုင်းတွင် ပူတာအိုခရိုင်၊ ပူတာအိုမြို့ ဖုန်ကန်ရာဇီခန်းမ၌ ဒေသခံရဝမ်နှင့် လီဆူတိုင်းရင်းသားမျိုးနွယ်စုများနှင့် တွေ့ဆုံရှင်းလင်းဆွေးနွေးပွဲများကို ကျင်းပပြုလုပ်ခဲ့ကြသည်။           အဆိုပါတွေ့ဆုံရှင်းလင်းဆွေးနွေးပွဲများသို့ပြည်နယ်အစိုးရအဖွဲ့ဝင်စီမံကိန်း၊စီးပွားနှင့်ဘဏ္ဍာရေးဝန်ကြီး ဦးချန်တန်ခင် ဦးဆောင်ခဲ့ခြင်းဖြစ်ပြီး ရဝမ်တိုင်းရင်းသားမျိုးနွယ်စုများနှင့် တွေ့ဆုံရှင်းလင်းရာ၌ ရဝမ်တိုင်းရင်းသားလူမျိုးရေးရာဝန်ကြီး ဦးမယစ်ယောရှုက လည်းကောင်း၊ လီဆူတိုင်းရင်းသားမျိုးနွယ်စုများနှင့် တွေ့ဆုံရှင်းလင်းပွဲ၌ လီဆူတိုင်းရင်းသားလူမျိုးရေးရာဝန်ကြီး ဦးလီပေါ်ရဲ့က လည်းကောင်း အမှာစကားများ ပြောကြားခဲ့ကြပြီး ဒေသခံကော်မတီအဖွဲ့ဝင်များဖြစ်ကြသည့် ဦးထွန်းထွန်းလှိုင်၊ ဦးနော်ထွဲ၊ ဦးမုန်ရိန်နော်၊ ဦးဂျန်ခုန့်(ခ) ဦးနော်ခုန့်တို့က ရေအားလျှပ်စစ်စီမံကိန်းနှင့်ပတ်သက်သော နည်းပညာဆိုင်ရာအချက်အလက်များ၊ ဘူမိဗေဒဆိုင်ရာပညာရှင်တွေ့ရှိချက်များ၊…

မြစ်ကြီးနား     မေ  ၁၇ ကချင်ပြည်နယ်အစိုးရအဖွဲ့ဝင် စည်ပင်သာယာရေးဝန်ကြီး ဒေါက်တာသန်းဌေးအောင်သည် မြစ်ကြီးနားမြို့ မြို့အင်္ဂါရပ်နှင့်အညီ သန့်ရှင်းသာယာလှပရေးအတွက် ယမန်နေ့ နံနက်ပိုင်းက မြစ်ကြီး နားမြို့ ပြည်သူ့ဆေးရုံကြီးဝန်းအတွင်း စုပေါင်းသန့်ရှင်းရေးလုပ်ငန်းများ ဆောင်ရွက်နေမှုအား ကွင်းဆင်းစစ်ဆေးခဲ့သည်။ ထိုသို့ စုပေါင်းသန့်ရှင်းရေးဆောင်ရွက်ရာတွင် ပြည်နယ်ဝန်ကြီးက မြို့နယ်စည်ပင်သာယာရေး အဖွဲ့ဝန်ထမ်းများ၊ မီးသတ်ဦးစီးဌာနဝန်ထမ်းများနှင့် အကျဉ်းဦးစီးဌာနဝန်ထမ်းများနှင့် ဆေးရုံဝန်ထမ်းများက ဆေးရုံဝန်းအတွင်းရှိ ချုံနွယ်များ ရှင်းလင်းခြင်း၊ အမှိုက်များစနစ်တကျသိမ်းဆည်းခြင်း၊ ရေစီးရေလာကောင်းမွန်ရေးအတွက် ရေနုတ်မြောင်းများ ရှင်းလင်းခြင်း၊ သစ်ပင်နှင့် သစ်ကိုင်းများ ခုတ်ထွင်ရှင်းလင်းခြင်းတို့အပြင် လူနာများနှင့် ပြည်သူများသွားလာအသုံးပြုသည့် နေရာများ သန့်ရှင်းသာယာလှပရေးတို့ ဆောင်ရွက်နေမှုများအား လိုက်လံကြည့်ရှုအားပေးခဲ့ပြီး လိုအပ်သည်များကို သက်ဆိုင်ရာတာဝန်ရှိသူများအား လမ်းညွှန်မှာကြားခဲ့ကြောင်း သိရသည်။ ထို့ပြင် မြို့သန့်ရှင်းသာယာရေးလုပ်ငန်းများကို စည်ပင်သာယာ ရေးနယ်နိမိတ်အတွင်းရှိ ရပ်ကွက်/ ကျေးရွာများတွင်လည်း အပတ်စဉ်ဆက်လက်ဆောင်ရွက်သွားမည်ဖြစ်ကြောင်း သိရသည်။

မြစ်ကြီးနား     မေ  ၁၇ ကချင်ပြည်နယ်အစိုးရအဖွဲ့ဝင် တိုင်းရင်းသားရေးရာဝန်ကြီးများသည် ယမန်နေ့ နံနက်ပိုင်းက မြစ်ကြီးနားမြို့ရှိ ကျောင်းထိုင်ဘုန်းကြီးသင်တန်းကျောင်း၌ ကျင်းပသည့် နွေရာသီပညာပါရမီ ယဉ်ကျေးလိမ္မာ၊ အင်္ဂလိပ်စာနှင့် ကွန်ပျူတာသင်တန်းအောင်လက်မှတ်ပေးအပ်ပွဲနှင့် ဆုချီးမြှင့်ပွဲ အခမ်းအနားသို့ တက်‌ရောက်ခဲ့သည်။ အခမ်းအနားကို နမောတဿ (၃)ကြိမ် ရွတ်ဆို၍ ဖွင့်လှစ်ခဲ့ကာ ကျောင်းအုပ်ဆရာတော်ထံမှ ငါးပါးသီလခံယူဆောက်တည်ကြပြီး ပြည်နယ်အစိုးရအဖွဲ့ဝင် ဗမာတိုင်းသားရေးရာဝန်ကြီး ဦးစိုးသိန်းက အားပေးအမှာစကား ပြောကြားခဲ့သည်။ ထို့နောက် ပြည်နယ်ဗမာတိုင်းသားရေးရာဝန်ကြီးနှင့် ရှမ်းတိုင်းရင်းသားရေးရာဝန်ကြီး ဦးတင်အောင်နှင့် သက်ဆိုင်ရာတာဝန်ရှိသူများက ယဉ်ကျေးလိမ္မာ၊ အင်္ဂလိပ်စာနှင့် ကွန်ပျူတာသင်တန်းများတွင် ထူးချွန်စွာအောင်မြင်ခဲ့ကြသည့် သင်တန်းသား/သင်တန်းသူ (၅၅၁)ဦးတို့အား ဆုတံဆိပ်များ၊ အောင်လက်မှတ်များနှင့် ဂုဏ်ပြုဆုငွေများကို အသီးသီးပေးအပ်ချီးမြှင့်ခဲ့ကြပြီး ပြည်နယ်တိုင်းရင်းသားရေးရာဝန်ကြီးများနှင့် အလှူရှင်များက ကျောင်းအုပ်ဆရာတော်ထံ  လှူဖွယ် ဝတ္ထုများ ဆက်ကပ်လှူဒါန်းခဲ့ကြသည်။ အဆိုပါ နွေရာသီပညာပါရမီသင်တန်းကို မတ်လ ၃ ရက်နေ့မှ…

မြစ်ကြီးနား     မေ   ၁၆           မြစ်ကြီးနားမြို့ သန့်ရှင်းသာယာလှပရေးနှင့် အခြေခံပညာကျောင်းများဖွင့်လှစ်ချိန်တွင် ကျောင်းများ သန့်ရှင်းသာယာလှပရေးနှင့် စိမ်းလန်းစိုပြေရေးအတွက် ပြည်နယ်အစိုးရအဖွဲ့က ဦးဆောင်၍ စုပေါင်းသန့်ရှင်းရေးလုပ်ငန်းများကို ဆောင်ရွက်လျက်ရှိရာ ပြည်နယ်ဝန်ကြီးချုပ် ဦးခက်ထိန်နန်သည် ယနေ့ နံနက် ၇ နာရီက မြစ်ကြီးနားမြို့ပေါ် အခြေခံပညာအထက်တန်းကျောင်းများ၌ စုပေါင်းသန့်ရှင်းရေးလုပ်ငန်းများကို ကွင်းဆင်းစစ်ဆေးခဲ့ကြသည်။           ထို့သို့ ကွင်းဆင်းစစ်ဆေးရာတွင် ပြည်နယ်ဝန်ကြီးချုပ်သည် ပြည်နယ်ဝန်ကြီးများ၊ ပြည်နယ်အဆင့်ဌာနဆိုင်ရာများနှင့်အတူ မြစ်ကြီးနားမြို့ သန့်ရှင်းသာယာလှပရေးနှင့်အခြေခံပညာကျောင်းများ ဖွင့်လှစ်ချိန်တွင် သန့်ရှင်းသာယာသော ကျောင်းပတ်ဝန်းကျင်ဖြစ်ပေါ်စေရေးအတွက် ဇီးလွန်ရပ်ကွက်ရှိ  အမှတ်(၁၂)အခြေခံပညာအထက်တန်းကျောင်းနှင့်ပမ္မတီးရပ်ကွက်ရှိ အခြေခံပညာအထက်တန်းကျောင်း(ပမ္မတီး)တို့တွင် ဌာနဆိုင်ရာတာဝန်ရှိသူများ၊ ရပ်ကွက်နေပြည်သူများ၊ ဆရာ/ ဆရာမများနှင့် ကျောင်းသား/ကျောင်းသူများက ကျောင်းဝင်းအတွင်းနှင့် ကျောင်းပတ်ဝန်းကျင်တို့တွင် စုပေါင်းသန့်ရှင်းရေးလုပ်ငန်းများ ဆောင်ရွက်နေမှုကို လိုက်လံကြည့်ရှုအားပေးခဲ့ကြပြီး ကျောင်းဖွင့်နိုင်ရေးအတွက် ကျောင်းလိုအပ်ချက်များကို ဌာနဆိုင်ရာများနှင့် ပေါင်းစပ်ဖြည့်ဆည်းဆောင်ရွက်ပေးခဲ့သည်။           ထို့အပြင် ဒေသတွင်း…

မြစ်ကြီးနား     မေ ၁၅           ကချင်ပြည်နယ်အတွင်း စားရေရိက္ခာဖူလုံရေး၊ စားသုံးဆီဖူလုံရေးတို့အတွက် ဆီထွက်သီးနှံ၊ နွေစပါး၊ မိုးစပါးသီးနှံများ စိုက်ပျိုးထုတ်လုပ်မှု တိုးမြှင့်ဆောင်ရွက်နိုင်ရေး ပြည်နယ်ဝန်ကြီးချုပ် ဦးခက်ထိန်နန်သည် ပြည်နယ်ဝန်ကြီးများ၊ ဌာနဆိုင်ရာတာဝန်ရှိသူများနှင့် လုပ်ငန်းညှိနှိုင်းအစည်းအဝေးကို ယနေ့ မွန်းလွဲ ၂ နာရီက ပြည်နယ်အစိုးရအဖွဲ့ရုံး မလိခခန်းမ၌ ကျင်းပပြုလုပ်သည်။           အဆိုပါ လုပ်ငန်းအစည်းအဝေးတွင် စားရေရိက္ခာဖူလုံရေးအတွက် စားသုံးဆီဖူလုံရေးတို့အတွက် ပြည်နယ်ဝန်ကြီးချုပ်က ဒေသတွင်း စားသုံးမှုဖူလုံမှုရှိမှသာ မိမိနိုင်ငံတစ်ဝန်းလုံးဖူလုံလာမည်ဖြစ်သည့်အတွက် စနစ်တကျသော စိုက်ပျိုးရေးလုပ်ငန်းများနှင့် စနစ်ကျသည့် မွေးမြူရေးလုပ်ငန်း များကို တိုးမြှင့်လုပ်ဆောင်သွားကြရမည်ဖြစ်ပါကြောင်း၊ သို့ဖြစ်ပါ၍ နွေစပါး၊ မိုးစပါးအပြင် ဆီထွက်သီးနှံများနှင့် အခြားသီးနှံများ တိုးချဲ့စိုက်ပျိုးနိုင်‌ရေးလုပ်ငန်းရှင်များ၊ တောင်သူများနှင့် မြေပြင်အထိ ကွင်းဆင်းစည်းရုံးဆောင်ရွက်ပြီး လိုအပ်ချက်များကို ဝိုင်းဝန်းကူညီဖြည့်ဆည်းပေးရေးကို အလေးအနက်ထား မှာကြားလိုပါကြောင်း၊ ထို့အတူ စားရေရိက္ခာဖူလုံရေးအတွက် အဓိကကျသည့်…

မြစ်ကြီးနား မေ ၁၅           ကချင်ပြည်နယ်အတွင်း တရားမဝင်ကုန်သွယ်မှုများ လျော့နည်းပပျောက်စေရေးနှင့် တရားဝင်ကုန်သွယ်မှုလမ်းကြောင်းပေါ်သို့ ရောက်ရှိစေရေးအတွက် ပြည်နယ်တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ (၅/၂၀၂၆)  လုပ်ငန်းညှိနှိုင်းအစည်းအဝေးကို ယနေ့ နံနက် ၁၀ နာရီက ပြည်နယ်အစိုးရအဖွဲ့ရုံး မလိခခန်းမ၌ ကျင်းပပြုလုပ်သည်။           အဆိုပါ လုပ်ငန်းညှိနှိုင်းအစည်းအဝေးတွင် ပြည်နယ်တရားမဝင်ကုန်သွယ်မှုတိုက်ဖျက်ရေး အထူးအဖွဲ့ ဥက္ကဋ္ဌ၊ ဗိုလ်မှူးကြီးကျော်သူရက တရားမဝင်ကုန်သွယ်မှုများနှင့်စပ်လျဉ်း၍ ပြည်နယ်/ ခရိုင်အထူးအဖွဲ့များအနေဖြင့် မိမိတို့ဒေသအတွင်း တရားမဝင်ကုန်သွယ်မှုများ ဖြတ်သန်းသယ်ဆောင်မှုမရှိစေရေး၊ ဖမ်းဆီးမှုလျော့နည်းမှုမရှိစေရေး သက်ဆိုင်ရာပူးပေါင်းအဖွဲ့များဖြင့် တားဆီးဖမ်းဆီးနိုင်ရေး စနစ်တကျကြပ်မတ်ဆောင်ရွက်သွားကြရေးနှင့် တရားမဝင်ကုန်သွယ်မှုတိုက်ဖျက်ရေးဦးဆောင်ကော်မတီက ချမှတ်ပြဋ္ဌာန်းထားသည့်အတိုင်း အလေးအနက်ထားအကောင်အထည်ဖော်ဆောင်ရွက် သွားကြရေး မှာကြားသည်။           ထို့နောက် တက်ရောက်လာကြသည့် ပြည်နယ်နှင့် ခရိုင်ကော်မတီအဖွဲ့ဝင်များက တရားမဝင်ကုန်သွယ်မှုများ လျော့နည်းပပျောက်စေရေးအတွက် ဆောင်ရွက်လျက်ရှိသည့် အစီအမံများနှင့် စစ်ဆေးဖမ်းဆီးနိုင်ရေး ဆောင်ရွက်သွားမည့် အစီအစဉ်များကို သက်ဆိုင်ရာကဏ္ဍအလိုက် အသီးသီးရှင်းလင်းတင်ပြကြရာ ပြည်နယ်ဝန်ကြီးက…