ကချင်ပြည်နယ်ဝန်ကြီးချုပ် ပညာရေးဘွဲ့ ပထမနှစ် စာပေးစာယူသင်တန်း(၁/၂၀၂၂) သင်တန်းသား/ သူများအား ကြိုဆိုပွဲသို့ တက်ရောက်အမှာစကားပြောကြား

မြစ်ကြီးနား ဧပြီ ၂၂

ခေတ်မီတိုးတက်နေသော ယနေ့ခေတ်တွင် နိုင်ငံ့သားကောင်းများကို မွေးထုတ်လေ့ကျင့်ပေး ရေးသည် ဆရာ၊ ဆရာမများ၏ ပင်မတာဝန်အဖြစ် သဘောထားပြီး တက်ကြွစွာ ပူးပေါင်းဆောင်ရွက် ကြရန် လိုအပ်ကြောင်း ဧပြီ ၂၂ ရက် နံနက် ၉ နာရီတွင် မြစ်ကြီးနားပညာရေးဒီဂရီကောလိပ်၌ ကျင်းပ ပြုလုပ်သည့် ပညာရေးဘွဲ့(B.Ed) ပထမနှစ်စာပေးစာယူသင်တန်း(၁/၂၀၂၂) ဖွင့်ပွဲနှင့် သင်တန်းသား/ သင်တန်းသူများအား ကြိုဆိုပွဲတွင် ပြည်နယ်ဝန်ကြီးချုပ် ဦးခက်ထိန်နန်က ထည့်သွင်းပြောကြား သည်။

ဆက်လက်၍ ပြည်နယ်ဝန်ကြီးချုပ်က သင်တန်းသား၊ သင်တန်းသူ ဆရာ၊ ဆရာမ (၆၃၄)ဦး တို့အား ဆရာ၊ ဆရာမများ အနေဖြင့် လုပ်ငန်းခွင်မှ လာရောက်ကြသည့်အတွက် အတွေ့အကြုံ ရင့်ကျက်သူများဖြစ်၍ သင်တန်းမှ သင်ကြားသောဘာသာရပ်များကို နက်နက်နဲနဲလေ့လာသင်ယူကြ ရုံသာမကဘဲ ပညာသင်ကြားရေး အလေ့အကျင့်ကောင်းများကို ပိုမိုပြုစုပျိုးထောင်ပေးခြင်းဖြစ်သည့် အတွက် ဇွဲ၊ လုံ့လ၊ ဝီရိယထားပြီး သင်တန်းကာလအတွင်း လေ့ကျင့်သင်ယူခြင်းအားဖြင့် အနာဂတ် လူငယ်များကို လမ်းဆင့်ကမ်းသင်ကြားနိုင်ရေးလည်း ကြိုးပမ်းဆောင်ရွက်ကြစေလိုကြောင်း တိုက် တွန်းပြောကြားသည်။

ထို့နောက် ကျောင်းအုပ်ကြီးဒေါ်ဥမ္မာမြင့်က သင်တန်းဖွင့်လှစ်ပေးရခြင်း၏ ရည်ရွယ်ချက်များ၊ သင်တန်းကာလအတွက် ကြိုတင်ပြင်ဆင်ဆောင်ရွက်ထားရှိမှု အခြေအနေများကို ရှင်းလင်းတင်ပြီး ပြည်နယ်ဝန်ကြီးချုပ်၊ ပြည်နယ်ဝန်ကြီးများက သင်တန်းသားဆရာ/ဆရာမများအား ရင်းရင်းနှီးနှီး နှုတ်ဆက်ခဲ့ကြသည်။

အလားတူ ပြည်နယ်ဝန်ကြီးချုပ် နံနက် ၈ နာရီက မြစ်ကြီးနားမြို့ စီတာပူရပ်ကွက်၌ ပြည်နယ်အစိုးရအဖွဲ့၏ အစီအစဉ်ဖြင့် ဆောင်ရွက်ပေးခဲ့သည့် တက္ကသိုလ်ခရစ်ယာန်မိတ်သဟာယ အသင်း(UCF) ဆိုင်းဘုတ်နှင့် အဝင်လမ်းသစ် ခင်းကျင်းဆောင်ရွက်ပြီးစီးမှုအတွက် ကျေးဇူးတော် ချီးမွမ်းပွဲ အခမ်းအနားသို့ တက်ရောက်ပြီး သိက္ခာတော်ရဆရာတော်များ၊ အသင်းဥက္ကဋ္ဌ၊ အသင်းဝင် ကျောင်းသားဟောင်းများနှင့်အတူ ဓမ္မတေးသီချင်းသီဆိုခြင်း၊ ဓမ္မဒေသနာတော်များ ကြားနာခြင်း၊ ကျေးဇူးတော်ချီးမွမ်းခြင်း၊ ဝတ်ပြုဆုတောင်းခဲ့ခြင်းများ ဆောင်ရွက်ခဲ့ကြပြီး အသင်း၏ ဝတ်ပြုဆောင် အဆောက်အအုံပြင်ဆင်ဆောက်လုပ်နိုင်ရေးအတွက် ညှိနှိုင်းဆွေးနွေးခဲ့ကြသည်။

ထိုအပြင် ပြည်နယ်ဝန်ကြီးချုပ်သည် ပြည်နယ်ဝန်ကြီးများ၊ ဌာနဆိုင်ရာတာဝန်ရှိသူများနှင့် အတူ တရုတ်ပြည်သူ့သမ္မတနိုင်ငံ၊ ထိန်ချုံးပြည်နယ်ခွဲအစိုးရမှ ကန်ပိုက်တီနယ်စပ်ဂိတ်မှ တစ်ဆင့် ပြန်လည်ပို့ဆောင်လာမည့် မြန်မာနိုင်ငံသားများအား ၂၉၈ ဦးတို့အား စိစစ်လက်ခံပြီး မြစ်ကြီးနားမြို့၌ အသွားအလာ ကန့်သတ်၍ Quarantine ထားရှိနိုင်ရေး ခရိုင်အားကစားနှင့် ကာယပညာဦးစီးဌာန၊ မိုးလုံလေလုံအားကစားခန်းမ၌ လည်းကောင်း၊ သီတဂူစက္ကုဒါနဆေးရုံ၌ လည်းကောင်း ကြိုတင် ပြင်ဆင်ဆောင်ရွက်ထားရှိမှု အခြေအနေများကို လှည့်လည်ကြည့်ရှုစစ်ဆေးခဲ့ပြီး လိုအပ်သည်များကို ဌာနဆိုင်ရာများနှင့် ပေါင်းစပ်ညှိနှိုင်း၍ ဖြည့်ဆည်းဆောင်ရွက်ပေးခဲ့သည်။

ထို့နောက် ပြည်နယ်ဝန်ကြီးချုပ်သည် မြစ်ကြီးနားပြည်သူ့ဆေးရုံကြီးအတွင်း ဆေးဝါးကုသမှု ခံယူနေသော လူနာများအား ရင်းရင်းနှီးနှီး သွားရောက်တွေ့ဆုံအားပေးကာ မြစ်ကြီးနားမြို့ ယာဉ်တိုက်မှုဖြစ်စဉ်တွင် မိဘနှစ်ဦးလုံးဆုံးပါးသွားသော ကလေးငယ်အား ထောက်ပံ့ငွေကျပ် ၃ သိန်း နှင့် ဆေးရုံတွင် တက်ရောက်ဆေးဝါးကုသမှုခံယူနေသော လူနာများအားလုံးအတွက် ထောက်ပံ့ငွေ များနှင့် တာဝန်ကျ ဆရာဝန်၊ သူနာပြုများအတွက် ထောက်ပံ့ငွေများကို ထောက်ပံ့ပေးအပ်ခဲ့ကြ ကြောင်း သိရှိရသည်။

Weather Forecast

Visitor