နောက်ဆုံးရသတင်း

မြစ်ကြီးနား  အောက်တိုဘာ ၂၉           ကချင်ပြည်နယ်အစိုးရအဖွဲ့၏ ကြီးကြပ်လမ်းညွှန်မှုဖြင့် ပြည်နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် အခြေခံပညာဦးစီးဌာနတို့ ပူးပေါင်းကျင်းပသည့် စတုတ္ထအကြိမ်မြောက် စာကြည့်တိုက်များ ဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေးပွဲတော်ကို ယနေ့ နံနက် ၉ နာရီက မြစ်ကြီးနားမြို့ အမှတ်(၅) အခြေခံပညာအထက်တန်းကျောင်း အင်ဂျန်းခန်းမ၌ ကျင်းပပြုလုပ်သည်။ ရှေးဦးစွာ ကျောင်းသား/ ကျောင်းသူလေးများက “အလှဆုံးပန်းများ ပွင့်ကြပြီ” တေးသီချင်းဖြင့် သရုပ်ပြဖျော်ဖြေ၍ အခမ်းအနားကို ဖွင့်လှစ်ပေးကြပြီး ပြည်နယ်ဝန်ကြီးက ပြည်နယ်၏လူစွမ်းအားအရင်းအမြစ်ဖွံ့ဖြိုးရေးအတွက် အကျိုးထိရောက်စေသည့် ယခုလိုပွဲတော်များ ကျင်းပပေးခြင်းဖြင့် ကျောင်းစာကြည့်တိုက်များ ပိုမိုဖွံ့ဖြိုးလာမည်ဖြစ်ပြီး ကျောင်း သား/ ကျောင်းသူလေးများအနေဖြင့်လည်း စာကြည့်တိုက်မှာစာဖတ်ခြင်း၊ ဗဟုသုတရှာဖွေခြင်းစသည့် အလေ့အထကောင်းများ ပိုမိုရရှိလာမည်ဖြစ်ပါကြောင်း ပြောကြားသည်။ ထို့နောက် ပွဲတော်အတွင်း ကျောင်းသားလူငယ်လူရွယ်များအတွက် ဉာဏစွမ်းရည်ပြိုင်ပွဲများအဖြစ် လူထုအခြေပြုဗဟိုဌာန(မြစ်ကြီးနား)တွင် ကျင်းပခဲ့သော ကျပန်းနှင့်ပုံပြင်ပြောပြိုင်ပွဲများတွင် ဆုရရှိခဲ့သည့်…

မြစ်ကြီးနား အောက်တိုဘာ ၂၈           ကချင်ပြည်နယ်၊ မြစ်ကြီးနားမြို့ အရှေ့လယ်ကုန်းရပ်ကွက်အတွင်းရှိ သောင်ဦးကျောင်းတိုက်၏ ဦးစီးပဓာနနာယက ဆရာတော် ဘဒ္ဒန္တဥတ္တရမထေရ်မြတ်ကြီး သက်တော်(၈၆)နှစ်၊ သိက္ခာတော်(၆၆)ဝါ၏ အန္တိမအဂ္ဂိဈာပနသာဓုကီဠနပူဇော်ပွဲသဘင်အခမ်းအနားကို ယနေ့နံနက်ပိုင်းတွင် အဆိုပါကျောင်းတိုက်ဗိမ္မာန်တော်၌ ကျင်းပပြုလုပ်ရာ မြောက်ပိုင်းတိုင်းစစ်ဌာန ချုပ်တိုင်းမှူး ဗိုလ်ချုပ်အောင်ဇော်ထွေးနှင့်ဇနီး၊ တပ်မတော်အရာရှိကြီးများ၊ ပြည်နယ်အစိုးရအဖွဲ့ဝင် လုံခြုံရေးနှင့်နယ်စပ် ရေးရာဝန်ကြီး ဗိုလ်မှူးကြီးကျော်သူရ ဦးဆောင်သည့် အစိုးရအဖွဲ့ဝင်ဝန်ကြီးများ၊ ပြည်နယ်ဥပဒေချုပ်တို့ တက်ရောက်ကြည်ညိုပူဇော်ကြသည်။           ရှေးဦးစွာ ဈာပါနပူဇော်ပွဲသဘင်အခမ်းအနားကို ပြည်နယ်သံဃနာယကအကျိုးတော်ဆောင် ဓမ္မရက္ခိတဝန်းသိုကျောင်းတိုက်ဆရာတော် ဘဒ္ဒန္တကေတုမာလာအမှူးပြုသော ဆရာတော်၊ သံဃာတော်များကဦးဆောင်၍ ရဟန်းတော်များ၊ တပည့်သာဝကများ၊ ဘာသာရေးအသင်းအဖွဲ့အသီးသီးမှ တာဝန်ရှိသူများ၊ လူမှုပရဟိတကူညီရေးအသင်းအဖွဲ့များ၊ ဝတ်အသင်းအဖွဲ့များက သဗ္ဗေသင်္ခါရာအနိစ္စာတိ အစချီသောသုံးဂါထာကို ဆင်ခြင်ရွတ်ပွား၍ ငါးပါးသီလခံယူဆောက်တည်ကြပြီး ဆရာတော်ကြီး၏ ထေရုပ္ပတ္တိအကျဉ်းကို ဖတ်ကြားနာယူကြသည်။           ဆက်လက်၍ တိုင်းမှူးနှင့်ဇနီး၊ ပြည်နယ်အစိုးရအဖွဲ့ဝင်ဝန်ကြီးများ၊ ပြည်နယ်ဥပဒေချုပ်၊ ပြည်နယ်အစိုးရအဖွဲ့အတွင်းရေးမှူးနှင့်…

မြစ်ကြီးနား   အောက်တိုဘာ ၂၇           ကချင်ပြည်နယ်အတွင်း အဓိကပြည်ပပို့ကုန် စိုက်ပျိုးရေးသီးနှံတစ်မျိုးဖြစ်သည့် ငှက်ပျောသီးနှံတွင်ပိုးသတ်ဆေးဓာတ်ကြွင်းကင်းစင်ရေး၊ စိုက်ပျိုးရေးဆိုင်ရာအလေ့အကျင့်ကောင်းများဖြင့် အရည်အသွေးမြင့်မားသည့် သီးနှံများ စိုက်ပျိုးထုတ်လုပ်နိုင်ရေးအတွက် နည်းပညာပေးဆွေးနွေးပွဲကို ပြည်နယ်စိုက်ပျိုးရေးဦးစီးဌာနကဦးဆောင်၍ ဦးစီးဌာနရုံး အစည်း အဝေးခန်းမ၌ ယနေ့နံနက်ပိုင်းတွင် ကျင်းပပြုလုပ်ခဲ့ကြပြီး အပြန်အလှန်ဆွေးနွေးခဲ့ကြသည်။           အဆိုပါ  နည်းပညာရေးဆွေးနွေးပွဲတွင် ပြည်နယ်စိုက်ပျိုးရေးဦးစီးဌာန ပြည်နယ်ဦးစီးမှူး ဦးသိန်းစိုးက စိုက်ပျိုးရေးထုတ်ကုန်များပြည်ပဈေးကွက်တင်ပို့ရာတွင် အရည်အသွေးပြည့်ဝသည့် သီးနှံထုတ်ကုန်များဖြစ်စေရေးနှင့် ပြည်တွင်းစားသုံးသူများအစားအစာ ဘေးကင်းလုံခြုံမှုရှိရေး၊ သီးနှံထုတ်ကုန်များတွင် ပိုးသတ်ဆေးဓာတ်ကြွင်းကင်းစင်ရေးသည် အရေးကြီးကြောင်း ရှင်းလင်းပြောကြားခဲ့သည်။ ထို့နောက် နည်းပညာပေးဆွေးနွေးပွဲသို့ တက်ရောက်လာကြသည့် ကချင်ပြည်နယ်သီးနှံစိုက်ပျိုးထုတ်လုပ်သူများအသင်းဥက္ကဋ္ဌနှင့် တာဝန်ရှိသူများ၊ ဒေသတွင်းငှက်ပျောစိုက်ပျိုးထုတ်လုပ်သည့် ကုမ္ပဏီလုပ်ငန်းရှင်များ၊ တောင်သူများနှင့် အသင်းအဖွဲ့အသီးသီးမှ တာဝန်ရှိသူများအား ပြည်နယ်သီးနှံကာကွယ်ရေးဌာနခွဲ၊ တာဝန်ခံဦးဟို(မ်)နာ(သ်)က ပိုးသတ်ဆေးဓာတ်ကြွင်းကင်းစင်ရေးအတွက် ဖျက်ပိုးများအား ဘက်စုံကာကွယ်‌ရေးနည်းလမ်းများအသုံးပြု၍ ကာကွယ်နှိမ်းနင်းခြင်း၊ ပိုးသတ်ဆေးအားစနစ်တကျနှင့် အန္တရာယ်ကင်းရှင်းစွာအသုံးပြုရေး၊ လိုက်နာဆောင်ရွက်ရေး၊ ပိုးသတ်ဆေးဓာတ်ကြွင်း…

မြစ်ကြီးနား  အောက်တိုဘာ  ၂၇ ကချင်ပြည်နယ်အစိုးရအဖွဲ့ဝင် သယံဇာတရေးရာဝန်ကြီး ဦးတိန့်ဆောင်သည့် ဌာနဆိုင်ရာတာဝန်ရှိသူများနှင့်အတူ အောက်တိုဘာ ၂၇ ရက် မွန်းလွဲ ၂ နာရီက ဝိုင်းမော်မြို့နယ်၊ မိုင်းနားကျေးရွာအုပ်စု၊ မိုင်းနား RC အသင်းတော်ဘုရားကျောင်းဝင်းနှင့် မြစ်ကြီးနားမြို့ တပ်ကုန်း(အင်ဂျန်ဒုံ)ရပ်ကွက်အတွင်းရှိ ယာယီခိုလှုံနေထိုင်လျက်ရှိသော အိမ်ထောင်စုများအား သွား‌ရောက်တွေ့ဆုံထောက်ပံ့ပေးခဲ့ကြသည်။ ရှေးဦးစွာ မိုင်းနားကျေးရွာ၊ မိုင်းနား RC ဘုရားကျောင်းဝင်းအတွင်းရှိ ခန်းမ၌ ယာယီအိမ်ထောင်စုများအား သွားရောက်တွေ့ဆုံပြီး ပြည်နယ်ဝန်ကြီးက မိမိတို့ကချင်ပြည်နယ်အစိုးရအဖွဲ့အနေဖြင့် ပြည်နယ်အတွင်းရှိ ယာယီတိမ်း ရှောင်များအား အမိုးအကာတို့ဖြင့် လုံခြုံစွာနေထိုင်နိုင်ရေးနှင့် နေ့စဉ်စားဝတ်နေရေးအဆင်ပြေစေရေးအတွက် အခြေခံစား သောက်ကုန်များကို တတ်အားသ၍ ကူညီထောက်ပံ့ပေးလျက်ရှိပါကြောင်း အားပေးပြောကြားကာ မခေါယန် (RC)စခန်းနှင့် မိုင်နား(RC)စခန်းများတွင် ယာယီခိုလှုံနေထိုင်သော ဗန်းမော်၊ မိုးမောက်၊ ဖားကန့်၊ နန့်ဆန်ယန်၊ ဂါးရာယန်၊ မလန်းယန်၊ စန်းကား၊ အောင်မြေ(၁)၊ ရွှေညောင်ပင်နှင့်…

မြစ်ကြီးနား  အောက်တိုဘာ ၂၇           ချီဖွေသာသနာပြု ‌အောင်မြေ(၁/၂)သာသနာပြုဘုန်းတော်ကြီးကျောင်းများသို့ ပြည်နယ်တိုင်းရင်းသားရေးရာဝန်ကြီး ဌာန ကထိန်သင်္ကန်းဆက်ကပ်လှူဒါန်းပွဲကို ယနေ့နံနက်ပိုင်းက မြစ်ကြီးနားမြို့တောင်တန်းသာသနာပြုကျောင်းတိုက်၌ ကျင်းပပြုလုပ်ရာ ရှေးဦးစွာ တောင်တန်းသာသနာပြု (ဗဟို)ကျောင်းတိုက်ဆရာတော်အမှူးပြုသော ဆရာတော်၊ သံဃာ တော်များအား  ပြည်နယ်ဝန်ကြီး ချုပ်နှင့်ဇနီး၊ ပြည်နယ်အဆင့်ဌာနဆိုင်ရာများက သိမ်ဆင်းဒါနအဖြစ် ဆွမ်း၊ ကွမ်းနှင့် ဝတ္ထုငွေများ လောင်းလှူပူဇော်ခဲ့ကြသည်။           ထို့နောက် တောင်တန်းသာသနာပြု(ဗဟို)ဗိမ္မာန်တော်၌ ကထိန်သင်္ကန်းဆက်ကပ်လှူဒါန်းပွဲကို ကျင်းပရာ နမောတဿ သုံးကြိမ်ရွတ်ဆို ဘုရားကန်တော့ဖွင့်လှစ်ပြီး ဆရာတော်/ သံဃာတော်များထံမှ ငါးပါးသီလခံယူဆောက်တည်ကြကာ ပရိတ်တရားတော်များ နာယူခဲ့ကြသည်။           ဆက်လက်၍ ပြည်နယ်ဝန်ကြီးနှင့်ဇနီး မိသားစုတို့က ဆရာတော်/ သံဃာတော်များထံ ကထိန်သင်္ကန်းနှင့် ပစ္စည်း (၉)ပါး လှူဖွယ်ပစ္စည်းများ၊ ဝတ္တုငွေများကို ဆက်ကပ်လှူဒါန်းခဲ့ကြကာ အနုမောဒနာတရားတော်များ နာယူခဲ့ကြပြီး လှူဒါန်းမှုအစုစုတို့အတွက် ရေစက်သွန်းချအမျှပေးဝေကာ…

မြစ်ကြီးနား အောက်တိုဘာ ၂၆              ကချင်ပြည်နယ်ခရိုင်/မြို့နယ်အထွေထွေအုပ်ချုပ်ရေးဦးစီးဌာန ဝန်ထမ်းမိသားစုများစုပေါင်း၍ ပဉ္စမအကြိမ်မြောက် စုပေါင်းမဟာဘုံကထိန်ပွဲကို ယနေ့ နံနက်ပိုင်းက မြစ်ကြီးနားမြို့၊ ကျွန်းပင်သာရပ်ကွက်၊ ပြည်လုံးချမ်းသာကျောင်း တိုက်တွင်ကျင်းပပြုလုပ်ရာ ကချင်ပြည်နယ်အစိုးရ အဖွဲ့ အတွင်းရေးမှူး၊ ဦးခင်မောင်လွင် (ပြည်နယ်အုပ်ချုပ်ရေးမှူး၊ ကချင် ပြည်နယ်အထွေထွေ အုပ်ချုပ်ရေးဦးစီးဌာန)က ဝန်ထမ်းမိသားစုများနှင့်အတူ ပုရိမဝါမှ ထမြောက်တော်မူကြကုန်သော သံဃာတော်အရှင်သူမြတ်တို့အား ကထိန်လျာဆန်း မြတ်သင်္ကန်းနှင့် လှူဖွယ်ဝတ္ထုအစုစုတို့ကို ဆက်ကပ်လှူဒါန်းခဲ့သည်။           ထို့နောက် နမောတဿ သုံးကြိမ်ရွတ်ဆို ဘုရားကန်တော့ဖွင့်လှစ်ပြီး ဆရာတော်/ သံဃာတော်များထံမှ ငါးပါးသီလခံယူဆောက်တည်ကြကာ ပရိတ်တရားတော်များ နာယူခဲ့ကြပြီး လှူဒါန်းမှုအစုစုတို့အတွက် ရေစက်သွန်းချ အမျှပေးဝေပြီး ဆရာတော်/သံဃာတော်များအား နေ့ဆွမ်းဆက်ကပ်လှူဒါန်းခဲ့ကြောင်းသိရသည်။

မြစ်ကြီးနား  အောက်တိုဘာ ၂၅ ကချင်ပြည်နယ်အစိုးရအဖွဲ့ဝင် သယံဇာတရေးရာဝန်ကြီး ဦးတိန့်ဆောင် အောက်တိုဘာ ၂၄ ရက် ညနေပိုင်းက မြစ်ကြီးနားမြို့နယ်၊ မန်ခိန်ရပ်ကွက်၊ နယ်မြေ(၁၁)အတွင်းရှိ အင်ဂျန်ဒုံလော်ဝေါ်သာသနာဝင်းအတွင်း ယာယီခိုလှုံနေထိုင်လျက်ရှိသည့် ဝိုင်းမော်မြို့နယ်၊ မဒိန်ကျေးရွာမှ ယာယီတိမ်းရှောင်အိမ်ထောင်စုများနှင့်တွေ့ဆုံ၍ အခြေခံစားသောက်ကုန်များ ထောက်ပံ့ပေးအပ်သည်။ ရှေးဦးစွာ ပြည်နယ်ဝန်ကြီးက မိမိတို့ကချင်ပြည်နယ်အစိုးရအဖွဲ့အနေဖြင့် ပြည်နယ်အတွင်းရှိ ယာယီတိမ်းရှောင်များအား အမိုးအကာတို့ဖြင့် လုံခြုံစွာနေထိုင်နိုင်ရေးနှင့် နေ့စဉ်စားဝတ်နေရေး အဆင်ပြေစေရေးအတွက် အခြေခံစားသောက်ကုန်များကိုတတ်အားသ၍ ကူညီထောက်ပံ့ပေးလျက်ရှိပါကြောင်း အားပေးစကားပြောကြားပြီး ဝိုင်းမော်မြို့နယ်၊ မဒိန်ကျေးရွာမှ ယာယီတိုက်ပွဲရှောင် အိမ်ထောင်စု (၃၂)စုအတွက် အခြေခံစာသောက်ကုန်များဖြစ်သော ဆန် (၃၂)အိတ်၊ ဆီ (၃၂) ပိဿာနှင့် ကြက်ဥများကို ထောက်ပံ့ပေးအပ်ခဲ့သည်။ ထို့နောက် ယာယီတိမ်းရှောင်စခန်းမှ တာဝန်ခံ ဦးဟောင်းဂျုံးက စခန်းအတွက် လိုအပ်သည်များအား တင်ပြခဲ့ရာ ပြည်နယ်ဝန်ကြီးဦးတိန့်ဆောင်က တာဝန်ရှိသူများနှင့် ပေါင်းစပ်ညှိနှိုင်း ဖြည့်ဆည်းဆောင်ရွက်ပေးနိုင်ရေး…

မြစ်ကြီးနား  အောက်တိုဘာ ၂၅           ကချင်ပြည်နယ်အစိုးရအဖွဲ့အနေဖြင့် ဒေသတွင်း စားရေရိက္ခာဖူလုံရေး၊ စားသုံးဆီဖူလုံရေးတို့အတွက် နွေစပါး/ မိုးစပါးနှင့် ဆီထွက်သီးနှံများ တိုးချဲ့စိုက်ပျိုးနိုင်ရေး၊ ပန်းတိုင်အထွက်နှုန်းရရှိရေး ကြိုးပမ်းဆောင်ရွက်လျက်ရှိရာ ပြည်နယ်ဝန်ကြီးချုပ် ဦးခက်ထိန်နန်သည် အောက်တိုဘာ ၂၄ ရက် မွန်းလွဲပိုင်းက ပြည်နယ်အစိုးရအဖွဲ့ရုံး မလိခခန်းမ၌ ဌာနဆိုင်ရာတာဝန်ရှိသူများနှင့် ညှိနှိုင်းဆွေးနွေးခဲ့ကြသည်။           အဆိုပါ ညှိနှိုင်းဆွေးနွေးပွဲတွင် ပြည်နယ်ဝန်ကြီးချုပ်က ဒေသတွင်း စားရေရိက္ခာဖူလုံရေးအတွက် မြို့နယ်အလိုက် အောက်ခြေအထိ ကွင်းဆင်းဆောင်ရွက်ခဲ့မှုကြောင့် ဆန်ဖူလုံမှုရှိသော်လည်း စားဆီဖူလုံမှုမှာ လိုအပ်ချက်များစွာ ရှိနေပါကြောင်း၊ သို့ဖြစ်ပါ၍ မိမိတို့ပြည်နယ်အစိုးရအဖွဲ့အနေဖြင့် စိုက်ပျိုးဧကများ တိုးချဲ့ဖော်ထုတ်ပေးနိုင်ရေး၊ မျိုးကောင်းမျိုးသန့် မျိုးစေ့များ တိုးချဲ့ထောက်ပံ့ပေးနိုင်ရေး၊ စိုက်ပျိုးနည်းစနစ်မှန်ကန်စေ‌ရေး စဉ်ဆက်မပြတ် ကြိုးစားအားထုတ်လျက်ရှိပါကြောင်း၊ ခရိုင်၊ မြို့နယ်တာဝန်ရှိသူများအနေဖြင့်လည်း မြေပြင်ကွင်းဆင်းစစ်ဆေးပြီး လိုအပ်ချက်များ ဖြည့်ဆည်းပေးနိုင်ရေး စာရင်းကောက်ယူခြင်း၊ ကူညီ‌ဆောင်ရွက်ခြင်းများကို ကြိုးစားဆောင်ရွက်ပေးရမည်ဖြစ်ပါကြောင်း၊ မိမိတို့အနေဖြင့်…

မြစ်ကြီးနား  အောက်တိုဘာ ၂၄           တိုင်းရင်းသားလူမျိုးများရေးရာဝန်ကြီးဌာန၊ ဒုတိယဝန်ကြီး ဦးဇော်အေးမောင်သည် ပြည်နယ်အစိုးရအဖွဲ့ဝင် တိုင်းရင်းသားရေးရာဝန်ကြီး ဦးကျော်မင်းခိုင်နှင့်အတူ အောက်တိုဘာ ၂၄ ရက် နံနက်ပိုင်းက မြစ်ကြီးနားမြို့ ဧရာရပ်ကွက်ရှိ အားကစားနှင့်ကာယပညာဦးစီးဌာနအစည်းအဝေးခန်းမ၌  ပြည်နယ်အတွင်းရှိ တိုင်းရင်းသားစာပေနှင့်ယဥ်ကျေးမှုအသင်း/အဖွဲ့မှတာဝန်ရှိသူများနှင့် တွေ့ဆုံဆွေးနွေးခဲ့သည်။           ထိုသို့တွေ့ဆုံရာတွင်  ဒုတိယဝန်ကြီး ဦးဇော်အေးမောင်က ရွေးကောက်ပွဲနှင့်စပ်လျဉ်းသည့် သိသင့်/သိထိုက်သည့် ရွေးကောက်ပွဲဆိုင်ရာအချက်အလက်များ၊ ၂၀၀၈ ဖွဲ့စည်းပုံအခြေခံဥပဒေပါ တိုင်းရင်းသားတို့၏ အခွင့်အရေးနှင့် ရပိုင်ခွင့်များ၊ တိုင်းရင်းသားအခွင့်အရေးဆိုင်ရာများနှင့် တိုင်းရင်းသားအခွင့်အရေးများ ကာကွယ်စောင့်ရှောက်သည့် ဥပဒေ၊ နည်း ဥပဒေပါအချက်အလက်များအပေါ် ပြည့်ပြည့်ဝဝသိရှိနားလည်စေရေး အသိပညာပေးဆွေးနွေးပြောကြားခဲ့သည်။ ဆက်လက်၍ တက်ရောက်လာကြသည့် ပြည်နယ်အတွင်းရှိ ဌာနေတိုင်းရင်းသားများဖြစ်ကြသည့် ကချင်မျိုးနွယ်စု (၆)မျိုး၊ ရှမ်းမျိုးနွယ်စု (၅)မျိုး၊ ဗမာတိုင်းရင်းသားအပါအဝင် ရခိုင်တိုင်းရင်းသား၊ ကရင်နှင့်ချင်းတိုင်းရင်းသား စာပေနှင့်ယဥ်ကျေးမှုအသင်းအဖွဲ့မှ ဥက္ကဋ္ဌများနှင့် ဝာာဝန်ရှိသူများက မျိုးနွယ်စုများအလိုက်…

မြစ်ကြီးနား  အောက်တိုဘာ ၂၄           ကချင်ပြည်နယ်အစိုးရအဖွဲ့၏ ကြီးကြပ်လမ်းညွှန်မှုဖြင့် ပြည်နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် အခြေခံပညာဦးစီးဌာနတို့ ပူးပေါင်းကျင်းပသည့် စာကြည့်တိုက်များဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေးပွဲတော်ကို ယနေ့ နံနက် ၉ နာ ရီခွဲက မြစ်ကြီးနားမြို့ တပ်ကုန်း(အင်ဂျန်ဒုံ)ရပ်ကွက် အမှတ်(၆)အခြေခံပညာအထက်တန်းကျောင်း ခန်းမ၌ကျင်းပရာ ပြည်နယ်သယံဇာတရေးရာဝန်ကြီး ဦးတိန့်ဆောင် တက်ရောက်သည်။ ရှေးဦးစွာ ကျောင်းသား/ ကျောင်းသူလေးများက “အလှဆုံးပန်းများ ပွင့်ကြပြီ” တေးသီချင်းဖြင့် သရုပ်ပြဖျော်ဖြေ၍ အခမ်းအနားကို ဖွင့်လှစ်ပေးကြပြီး ပြည်နယ်ဝန်ကြီးက ယခုလိုပွဲတော်များကျင်းပပေးခြင်းဖြင့် ကျောင်းစာကြည့်တိုက်များ ပိုမိုဖွံ့ဖြိုးလာမည်ဖြစ်ပြီး ကျောင်းသား/ ကျောင်းသူလေးများအနေဖြင့်လည်း စာကြည့်တိုက်မှာ စာဖတ်ခြင်း၊ ဗဟုသုတရှာဖွေခြင်းစသည့် အလေ့အထကောင်းများပိုမိုရရှိလာမည်ဖြစ်ပါကြောင်း၊ သို့ဖြစ်ပါ၍ ပြည်နယ်၏လူစွမ်းအားအရင်းအမြစ်ဖွံ့ဖြိုးရေးအတွက် အကျိုးထိရောက်စေသည့် ယခုလိုပွဲတော်များကို ယခု ၂၀၂၅ – ၂၀၂၆ ပညာသင်နှစ်အတွင်း ပြည်နယ် အတွင်းရှိ မြို့နယ်များအလိုက် (၁၇)ကြိမ်ထိ…