သတင်းနှင့်မီဒီယာ

မြစ်ကြီးနား     သြဂုတ် ၃၀           ကချင်ပြည်နယ်၊ မြစ်ကြီးနားတက္ကသိုလ်တွင် လူ့စွမ်းအားအရင်းအမြစ် ဖွံ့ဖြိုးတိုးတက်ရေး၊ လောင်းကစားနှင့် မူးယစ်ဆေးဝါး အန္တရာယ်အသိပညာပေးဟောပြောပွဲ အခမ်းအနားကို သြဂုတ် ၃၀ ရက် နံနက် ၉ နာရီက တက္ကသိုလ်ဗဟိုခန်းမ၌ ကျင်းပပြုလုပ်ရာ ပြည်နယ်ဝန်ကြီးချုပ် ဦးခက်ထိန်နန် တက်ရောက် အမှာစကားပြောကြားသည်။           ဟောပြောပွဲတွင် ပြည်နယ်ဝန်ကြီးချုပ်က တက္ကသိုလ် ကျောင်းသား/ ကျောင်းသူ လူငယ် လူရွယ်များသည် တိုင်းပြည်ဖွံ့ဖြိုးတိုးတက်ရေး အားကိုးရဆုံးဖြစ်သော လူ့စွမ်းအား အရင်းအမြစ်များ ဖြစ်သည့်အတွက် အပေါင်းအသင်းမှားခြင်း၊ အတွေးအခေါ်လွဲမှားခြင်းတို့ကြောင့် မူးယစ်ဆေးဝါး သုံးစွဲ ခြင်း၊ လောင်းကစားပြုလုပ်သည့် လမ်းမှားမရောက်အောင် မိမိတို့အနေဖြင့် ကြိုးစားထိန်းကြောင်း သွားရမည်ဖြစ်ပါကြောင်း၊ ယခုလို အသိပညာပေးဆွေးနွေးပွဲများကို ကျင်းပပေးခြင်းဖြင့် မျိုးဆက်သစ် လူငယ်များကို အညွန့်ချိုးနေသည့်၊ ကောင်းကျိုးမပေးသည့် မူးယစ်ဆေးဝါးဆိုးကျိုးနှင့်…

မြစ်ကြီးနား     သြဂုတ် ၂၉           ကချင်ပြည်နယ်အစိုးရအဖွဲ့အနေဖြင့် ပြည်နယ်အတွင်းစားရေရိက္ခာဖူလုံစေရေး၊ လယ်ယာမြေ များအားလုံး စိုက်ပျိုးနိုင်ရေး ကြိုးပမ်းဆောင်ရွက်လျက်ရှိရာ ပြည်နယ်ဝန်ကြီးချုပ် ဦးခက်ထိန်နန် သည် ပြည်နယ်ဝန်ကြီးများ၊ ဌာနဆိုင်ရာတာဝန်ရှိသူများနှင့်အတူ သြဂုတ် ၂၈ ရက် ညနေ ၃ နာရီခွဲက ဝိုင်းမော်မြို့နယ်အတွင်းရှိ မိုးစပါးစိုက်ကွင်းများအား ကွင်းဆင်းစစ်ဆေးဆောင်ရွက်ခဲ့သည်။           ရှေးဦးစွာ ပြည်နယ်ဝန်ကြီးချုပ်နှင့်အဖွဲ့ဝင်များသည် ဝိုင်းမော်မြို့နယ် မဒိန်ကျေးရွာအတွင်း ပြည်နယ်ရန်ပုံငွေဖြင့် အဆင့်မြှင့်တင်ဖော်ထုတ်ပေးခဲ့သော စနစ်ကျစက်မှုလယ်ယာ ဧက ၁၀၀ စိုက် ကွင်းသို့ သွားရောက်ပြီး ဒေသခံတောင်သူများနှင့် ရင်းရင်းနှီးနှီးတွေ့ဆုံကာ စိုက်ကွင်းအတွင်း မှော်ဘီ-၂ စပါး၊ ဆင်းဧကရီ-၃ မျိုးစပါး၊ ငွေတိုးမျိုးစပါးခင်းများ စိုက်ပျိုးအောင်မြင်ဖြစ်ထွန်းမှု အခြေအနေများ၊ အချိန်နှင့်တစ်ပြေးညီ မြေသြဇာကြဲပက်ပေးနိုင်ရေး၊ စိုက်ကွင်းအတွင်း ရေသွင်းမြောင်းများ၊ လမ်း ကျော်ရေမြောင်းများ စနစ်တကျဆောင်ရွက်ပေးနိုင်ရေးနှင့် မိုးစပါးအပြီး…

မြစ်ကြီးနား     သြဂုတ် ၂၇           ကချင်ပြည်နယ်အတွင်းရှိ ကန်ပိုက်တီနယ်စပ်ဂိတ်မှ တစ်ဆင့် မြန်မာ-တရုတ်နှစ်နိုင်ငံနယ်စပ် ကုန်စည်တင်ပို့ရာတွင် ပြည်နယ်အတွင်းမှ စိုက်ပျိုးရေးထွက်ကုန်သီးနှံ ပို့ကုန်များနှင့် သီးနှံထုတ်ပိုး သည့် သွင်းကုန်ပစ္စည်းများအတွက် ကုန်စည်စီးဆင်းရာတွင် လွယ်ကူမြန်ဆန်စေရေးအတွက် လုပ်ငန်း ညှိနှိုင်းအစည်းအဝေးကို ယနေ့ မွန်းလွဲ ၂ နာရီက ပြည်နယ်အစိုးရအဖွဲ့ရုံး မလိခခန်းမ၌ ကျင်းပ ပြုလုပ်သည်။           လုပ်ငန်းညှိနှိုင်းအစည်းအဝေးတွင် ပြည်နယ်ဝန်ကြီးချုပ် ဦးခက်ထိန်နန်က ပြည်နယ်မှ ထွက်ရှိ သည့် စိုက်ပျိုးရေးသီးနှံထုတ်ကုန်များကို တရုတ်နိုင်ငံသို့ တင်ပို့လျက်ရှိသည့်အပြင် စိုက်ပျိုးရေးသုံး ပစ္စည်းသွင်းကုန်များ၊ လူသုံးကုန်နှင့် စားသောက်ကုန်ပစ္စည်းများကိုလည်း တရုတ်နိုင်ငံမှ သွင်းကုန် အဖြစ် တင်သွင်းလျက်ရှိပါကြောင်း၊ သို့ဖြစ်ပါ၍ နှစ်နိုင်ငံကုန်စည်စီးဆင်းရာတွင် စိုက်ပျိုးရေးသီးနှံ ပို့ကုန်အမယ်သစ်များ အပါအဝင် ရှောက်ကောသီးနှံတိုးချဲ့တင်ပို့နိုင်ရေး ထုတ်ပြန်ထားသည့် အမိန့် ညွှန်ကြားချက်များနှင့်အညီ ဖြစ်စေရေး…

မြစ်ကြီးနား     သြဂုတ် ၂၆           ကချင်ပြည်နယ်အစိုးရအဖွဲ့က ဦးဆောင်၍ မြို့ / ရွာများ သန့်ရှင်းသာယာလှပလာစေရေး အတွက် အပတ်စဉ် စနေနေ့တိုင်း စုပေါင်းသန့်ရှင်းရေးလုပ်ငန်းများကို ဆောင်ရွက်လျက်ရှိရာ သြဂုတ် ၂၆ ရက် နံနက် ၇ နာရီခွဲက မြစ်ကြီးနားမြို့ အောင်နန်းရပ်ကွက်အတွင်းရှိ အမှတ် (၃) အခြေခံပညာအထက်တန်းကျောင်း၌ စုပေါင်းသန့်ရှင်းရေး ဆောင်ရွက်ခဲ့ကြသည်။           ထို့သို့ သန့်ရှင်းရေးလုပ်ငန်းများဆောင်ရွက်နေမှုကို ပြည်နယ်ဝန်ကြီးချုပ် ဦးခက်ထိန်နန် နှင့် ပြည်နယ်ဝန်ကြီးများသည် အမှတ်(၃) အခြေခံပညာအထက်တန်းကျောင်းဝင်းအတွင်း ပြည်နယ်/ ခရိုင်/ မြို့နယ်အဆင့်ဌာနဆိုင်ရာ အရာထမ်း/ အမှုထမ်းများ၏ သစ်ပင်ခြုံနွယ်များ ခုတ်ထွင် ရှင်းလင်းပေးခြင်း၊ အမှိုက်များကောက်ယူသိမ်းဆည်းခြင်းနှင့် ရေနုတ်မြောင်းများ တူးဖော် ပေးခြင်းတို့ကို စုပေါင်းဆောင်ရွက်ခဲ့ကြသည်။           ထို့အပြင် ပြည်နယ်ဝန်ကြီးချုပ်နှင့် အဖွဲ့ဝင်များသည် မြစ်ကြီးနားမြို့…

မြစ်ကြီးနား     သြဂုတ် ၂၅           မြန်မာပြည်မြောက်ဖျားပိုင်း ကချင်ပြည်နယ် ပူတာအိုခရိုင်၊ ပူတာအိုဒေသဝမ်းစာဖူလုံရေးနှင့် ဒေသတွင်း ကဏ္ဍပေါင်းစုံ/ ဘက်ပေါင်းစုံ ဖွံ့ဖြိုးတိုးတက်လာရေးအတွက် ပြည်နယ်ဝန်ကြီးချုပ် ဦးခက်ထိန်နန်သည် ပြည်နယ်အဆင့်ဌာနဆိုင်ရာတာဝန်ရှိသူများ၊ ပူတာအိုခရိုင်စီမံအုပ်ချုပ်ရေးအဖွဲ့ ဥက္ကဋ္ဌနှင့် ပူတာအိုဒေသရပ်မိ/ရပ်ဖများနှင့် သြဂုတ် ၂၅ ရက် မွန်းလွဲ ၂ နာရီက ပြည်နယ်အစိုးရအဖွဲ့ရုံး မလိခ ခန်းမ၌ ပေါင်းစပ်ညှိနှိုင်းဆွေးနွေးခဲ့ကြသည်။           လုပ်ငန်းညှိနှိုင်းအစည်းအဝေးတွင် ပြည်နယ်ဝန်ကြီးချုပ် ဦးခက်ထိန်နန်က ပူတာအိုဒေသအား (၃)နှစ်အတွင်း ဒေသဝမ်းစာဖူလုံစေရေးအတွက် ရည်မှန်းချက်ထား ကြိုးပမ်းဆောင်ရွက်ခဲ့ပါကြောင်း၊ ပူတာအိုဒေသအတွင်း သွားလာရခက်ခဲပြီးဝေးလံသောနေရာများစွာ ကျန်ရှိသေးသဖြင့် မိမိတို့အနေ ဖြင့် နိုင်ငံ့စီးပွားမြှင့်တင်ရေးမတည်ရန်ပုံငွေကျပ် ၁၁၃၅ သန်းခွဲဝေချထားပေးခဲ့ပြီး ဒေသအတွက် တစ်နေ့လျှင် (၁၈)တန်ကျ ဆန်စက်ကိုလည်း တည်ထောင်ပေးနိုင်ခဲ့ပါကြောင်း၊ ထို့အပြင် ခရီးသွား လုပ်ငန်း ဖွံ့ဖြိုးတိုးတက်လာစေရေးအတွက်ကိုလည်း ကဏ္ဍပေါင်းစုံမှ…

ဗန်းမော်         သြဂုတ် ၂၄           ကချင်ပြည်နယ် ဗန်းမော်ခရိုင်အတွင်း တရားမဝင်ကုန်သွယ်မှုများ တိုက်ဖျက်ရေးအထူးအဖွဲ့ များ၏ လုပ်ငန်းဆောင်ရွက်မှု အခြေအနေများနှင့် ပြည်ပပို့ကုန် စိုက်ပျိုးမွေးမြူရေးထုတ်ကုန်များ အဓိကထား ထုတ်လုပ်တင်ပို့နိုင်ရေးအတွက် ပြည်နယ်အစိုးရအဖွဲ့ဝင် လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီးအောင်ကြည်လင်းသည် သြဂုတ် ၂၃ ရက် မွန်းလွဲ ၁ နာရီက ဗန်းမော်မြို့ ညောင်ပင်ရပ်ကွက်ရှိ မြသီတာဧည့်ရိပ်သာ အစည်းအဝေးခန်းမ၌ တာဝန်ရှိသူများနှင့် လုပ်ငန်းညှိနှိုင်း အစည်းအဝေးကို ကျင်းပပြုလုပ်သည်။           လုပ်ငန်းညှိနှိုင်းအစည်းအဝေးတွင် ပြည်နယ်တရားမဝင်ကုန်သွယ်မှုများ တိုက်ဖျက်ရေးအထူး အဖွဲ့ဥက္ကဋ္ဌ၊ ပြည်နယ်လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးအောင်ကြည်လင်းက နိုင်ငံ့စီးပွား မြှင့်တင်နိုင်ရေးအတွက် စိုက်ပျိုးရေးနှင့် မွေးမြူရေးလုပ်ငန်းများကို တိုးတက်အောင်မြင်အောင် ဆောင်ရွက်ကြရေး၊ ဒေသတွင်း စားသုံးဆီဖူလုံရေးနှင့် ပြည်ပသို့ တင်ပို့ရောင်းချနိုင်သည့် လယ်ယာ ထွက်ကုန်များကို အဓိကထား စိုက်ပျိုးထုတ်လုပ်ကြရန်နှင့်…

မြစ်ကြီးနား     သြဂုတ် ၂၄           ကချင်ပြည်နယ်အစိုးရအဖွဲ့နှင့် တရုတ်ပြည်သူ့သမ္မတနိုင်ငံ၊ နုကျန်းပြည်နယ်ခွဲ ကွန်မြူနစ် ပါတီ၊ ပါတီကော်မတီအတွင်းရေးမှူး ဦးဆောင်သော ကိုယ်စားလှယ်အဖွဲ့တို့ မြန်မာ-တရုတ် နှစ်နိုင်ငံ၊ ကချင်ပြည်နယ်နှင့် နုကျန်းပြည်နယ်ခွဲတို့အကြား နယ်စပ်ကုန်သွယ်ရေးနှင့်ကဏ္ဍစုံဖွံ့ဖြိုးတိုးတက်ရေး အတွက် ပူးပေါင်းဆောင်ရွက်နိုင်ရန် သြဂုတ် ၂၄ ရက် မွန်းလွဲ ၁ နာရီက ပြည်နယ်အစိုးရအဖွဲ့ရုံး မလိခ ခန်းမ၌ ချစ်ကြည်ရင်းနှီးစွာ တွေ့ဆုံဆွေးနွေးခဲ့ကြသည်။           ထိုသို့ တွေ့ဆုံရာတွင် ပြည်နယ်ဝန်ကြီးချုပ် ဦးခက်ထိန်နန်က ကချင်ပြည်နယ်နှင့် တရုတ်နိုင်ငံ တို့၏ နယ်နိမိတ်ထိစပ်မှုသည် (၆၁၃.၆၄)မိုင် ရှည်လျားသည့်အပြင် တရုတ်ပြည်ဘက်တွင်လည်း ကချင်နှင့် ရှမ်းတိုင်းရင်းသားများ နေထိုင်လျက်ရှိသည့်အတွက် မိမိတို့သည် ဆွေမျိုးပေါက်ဖော်များပင် ဖြစ်ပါကြောင်း၊ ထို့အပြင် ယနေ့ တွေ့ဆုံမှုသည် ကချင်ပြည်နယ်နှင့် နုကျန်းပြည်နယ်ခွဲတို့ တံခါးဖွင့် လမ်းဖွင့်၍…

မြစ်ကြီးနား     သြဂုတ် ၂၃           ကချင်ပြည်နယ်အားကစားနှင့်ကာယပညာဦးစီးဌာန၊ပြည်နယ်ဖူဆယ်ဘောလုံးဆပ်ကော်မတီ တို့ ပူးပေါင်းကျင်းပသည့် ပြည်နယ်ဝန်ကြီးချုပ်ဖလား အလွတ်တန်းဖူဆယ်ဘောလုံးပြိုင်ပွဲကို မြစ်ကြီးနားမြို့နယ်အတွင်းရှိ ဖူဆယ်ဘောလုံးကလပ်များ ပါဝင်ယှဉ်ပြိုင်ခဲ့ကြရာ သြဂုတ် ၂၃ ရက် နံနက် ၉ နာရီက ဗိုလ်လုပွဲနှင့် ဆုချီးမြှင့်ပွဲ အခမ်းအနားကို ငြိမ်းချမ်းသာယာဖူဆယ်အားကစားရုံ၌ ကျင်းပပြုလုပ်သည်။           အခမ်းအနားသို့ ပြည်နယ်ဝန်ကြီးချုပ် ဦးခက်ထိန်နန်နှင့် ဇနီးဒေါ်နန်ဆိုင်း၊ ပြည်နယ်ဝန်ကြီး များနှင့် ၎င်းတို့၏ ဇနီးများ၊ ပြည်နယ်အဆင့်ဌာနဆိုင်ရာများ၊ ဖူဆယ်ဘောလုံးဝါသနာရှင်များ တက် ရောက်ခဲ့ကြပြီး ဗိုလ်လုပွဲစဉ်အဖြစ် ဒူဒူအသင်းနှင့် ထိန်လင်းအသင်းတို့၏ ယှဉ်ပြိုင်ကစားမှုကို ကြည့် ရှုအားပေးခဲ့ကြရာ ဒူဒူအသင်းက ၁၀ ဂိုး ၃ ဂိုးဖြင့် အနိုင်ရဗိုလ်စွဲသည်။           ထို့နောက် ဆုချီးမြှင့်ပွဲ အခမ်းအနားကို ဆက်လက်ကျင်းပရာ ပြည်နယ်စီးပွားရေးရာဝန်ကြီး ဦးမျိုးဆွေက…

မြစ်ကြီးနား     သြဂုတ် ၂၂           ကချင်ပြည်နယ်အစိုးရအဖွဲ့ တိုင်းရင်းသားရေးရာဝန်ကြီး ကြီးမှူး၍ တိုင်းရင်းသားလူမျိုးများ ရေးရာဝန်ကြီးဌာန၊ တိုင်းရင်းသားစာပေနှင့် ယဉ်ကျေးမှုဦးစီးဌာနနှင့် ရှမ်းမျိုးနွယ်စုများ၏ ပထမ အကြမ် စုပေါင်းဝါသိုသင်္ကန်းဆက်ကပ်လှူဒါန်းပွဲ အခမ်းအနားကို သြဂုတ် ၂၂ ရက် နံနက် ၉ နာရီခွဲက မန်ခိန်ရပ်ကွက်၊ တိုင်းရင်းသားလူမျိုးများရေးရာဝန်ကြီးဌာန၊ ကချင်ပြည်နယ်ညွှန်ကြားရေးမှူးရုံး၌ ကျင်းပပြုလုပ်သည်။           ရှေးဦးစွာ အခမ်းအနားကို စိန္တာမဏိလိုရာပြည့်ကျောင်းတိုက် ပဓာနနာယကဆရာတော် ဘဒ္ဒန္တ စိန္တိတ အမှူးပြု‌သော ဆရာတော်/ သံဃာတော်များနှင့် ပြည်နယ်အစိုးရအဖွဲ့ဝင် တိုင်းရင်းသားရေးရာ ဝန်ကြီး ဦးကျော်မင်းခိုင်နှင့် ဇနီး ဒေါ်သွဲ့လေးအောင်၊ ဦးစီးဌာနအရာထမ်း၊ အမှုထမ်းများနှင့် ရှမ်းမျိုးစု များမှ တာဝန်ရှိသူများက နမောတဿ (၃)ကြိမ် ရွတ်ဆိုဘုရားကန်တော့ဖွင့်လှစ်ခဲ့ကြပြီး ဆရာတော် ထံမှ ငါးပါးသီလခံယူဆောက်တည်ကြကာ ပရိတ်တရားတော်များကို နာယူကြသည်။…