မြစ်ကြီးနား  အောက်တိုဘာ ၂၅ ကချင်ပြည်နယ်အစိုးရအဖွဲ့ဝင် သယံဇာတရေးရာဝန်ကြီး ဦးတိန့်ဆောင် အောက်တိုဘာ ၂၄ ရက် ညနေပိုင်းက မြစ်ကြီးနားမြို့နယ်၊ မန်ခိန်ရပ်ကွက်၊ နယ်မြေ(၁၁)အတွင်းရှိ အင်ဂျန်ဒုံလော်ဝေါ်သာသနာဝင်းအတွင်း ယာယီခိုလှုံနေထိုင်လျက်ရှိသည့် ဝိုင်းမော်မြို့နယ်၊ မဒိန်ကျေးရွာမှ ယာယီတိမ်းရှောင်အိမ်ထောင်စုများနှင့်တွေ့ဆုံ၍ အခြေခံစားသောက်ကုန်များ ထောက်ပံ့ပေးအပ်သည်။ ရှေးဦးစွာ ပြည်နယ်ဝန်ကြီးက မိမိတို့ကချင်ပြည်နယ်အစိုးရအဖွဲ့အနေဖြင့် ပြည်နယ်အတွင်းရှိ ယာယီတိမ်းရှောင်များအား အမိုးအကာတို့ဖြင့် လုံခြုံစွာနေထိုင်နိုင်ရေးနှင့် နေ့စဉ်စားဝတ်နေရေး အဆင်ပြေစေရေးအတွက် အခြေခံစားသောက်ကုန်များကိုတတ်အားသ၍ ကူညီထောက်ပံ့ပေးလျက်ရှိပါကြောင်း အားပေးစကားပြောကြားပြီး ဝိုင်းမော်မြို့နယ်၊ မဒိန်ကျေးရွာမှ ယာယီတိုက်ပွဲရှောင် အိမ်ထောင်စု (၃၂)စုအတွက် အခြေခံစာသောက်ကုန်များဖြစ်သော ဆန် (၃၂)အိတ်၊ ဆီ (၃၂) ပိဿာနှင့် ကြက်ဥများကို ထောက်ပံ့ပေးအပ်ခဲ့သည်။ ထို့နောက် ယာယီတိမ်းရှောင်စခန်းမှ တာဝန်ခံ ဦးဟောင်းဂျုံးက စခန်းအတွက် လိုအပ်သည်များအား တင်ပြခဲ့ရာ ပြည်နယ်ဝန်ကြီးဦးတိန့်ဆောင်က တာဝန်ရှိသူများနှင့် ပေါင်းစပ်ညှိနှိုင်း ဖြည့်ဆည်းဆောင်ရွက်ပေးနိုင်ရေး…

မြစ်ကြီးနား အောက်တိုဘာ ၂၄ ပြည်နယ်ဝန်ကြီးချုပ်သည် ပြည်နယ်အစိုးရအဖွဲ့ဝင်ဝန်ကြီးများ ပြည်နယ်ဥပဒေချုပ်၊ ဌာနဆိုင်ရာတာဝန်ရှိသူများနှင့်အတူ မြစ်ကြီးနားမြို့ နန်းကွေ့ကျေးရွာ နယ်မြေ (၆)အတွင်းရှိ မနောမြေပညာရေးစင်တာအတွင်း ဖွင့်လှစ်သည့် အကြီးကိုကို စာကြည့်တိုက် (၁၆) ဖွင့်ပွဲသို့ တက်ရောက်ရာ ကျောင်းသား/ ကျောင်းသူများနှင့် ဘင်ခရာအဖွဲ့တို့ကို ကြိုဆိုဂုဏ်ပြုကြသည်။           ဆက်လက်၍ ဖွင့်ပွဲအခမ်းအနားကို စင်တာအတွင်း ကျင်းပပြုလုပ်ရာ ကျောင်းသား/ ကျောင်းသူလေးများက ဂျိမ်းဖောတိုင်းရင်းသားရိုးရာအကဖြင့် ဖျော်ဖြေတင်ဆက်ဖွင့်လှစ်ပေးကြပြီး ပြည်နယ်ဝန်ကြီးချုပ်က ကျောင်းသား/ ကျောင်းသူများ စာပေကို ဖတ်ရှုလေ့လာသည့် အလေ့အထကျောင်းများ ဖြစ်ပေါ်ထွန်းကားလာစေရေး စာကြည့်တိုက်များ ပြန်လည်ဖွံ့ဖြိုးရေးအတွက် နိုင်ငံတော်မှ ကြိုးပမ်းဆောင်ရွက်နေသကဲ့သို့ ယခုလို စာကြည့်တိုက်ဖွင့်လှစ်ပေးသည့် အကြီးကိုကိုအား ကျေးဇူးတင်ရှိပါကြောင်း၊ ထို့အပြင် လူငယ်များအနေဖြင့်လည်း စာပေ၏တန်ဖိုးကိုနည်းလည်ပြီး စာပေက ရသည့်အတွေး အခေါ်အသိပညာဗဟုသုတများကို လက်တွေ့ဘဝနယ်ပယ်တွင် အသုံးပြုခြင်းဖြင့် အနာဂတ်တွင် ခေါင်းဆောင်ကောင်းများ ဖြစ်လာမည်ဖြစ်ပါကြောင်း…

မြစ်ကြီးနား  အောက်တိုဘာ ၂၄           ကချင်ပြည်နယ်အတွင်းရှိ တိုင်းရင်းသားမျိုးနွယ်စုများအားလုံးအကြား ချစ်ကြည်ရင်းနှီးမှု၊ စည်းလုံးညီညွတ်မှုနှင့် ညီအစ်ကိုသားချင်းစိတ်ဓာတ်ကို မြှင့်တင်နိုင်ရန်အတွက် တတိယအကြိမ် မြောက် ကျင်းပပြုလုပ်မည့် တိုင်းရင်းသားရေးရာဝန်ကြီးဖလား မျိုးနွယ်စုပေါင်းစုံ အမျိုးသားဘောလုံးပြိုင်ပွဲတွင် ဝင်ရောက်ယှဉ်ပြိုင်ကြမည့် ဘောလုံးအသင်းများအား အားကစားဝတ်စုံနှင့် ထောက်ပံ့ငွေများပေးအပ်ပွဲအခမ်းအနားကို ယနေ့ နံနက် ၉ နာရီက ပြည်နယ်မိုးလုံလေလုံအားကစားခန်းမ၌ ကျင်းပပြုလုပ်သည်။           အခမ်းအနားသို့ ပြည်နယ်ဝန်ကြီးချူပ် ဦးခက်ထိန်နန်၊ တိုင်းရင်းသားလူမျိုးများရေးရာဝန်ကြီးဌာန၊ ဒုတိယဝန်ကြီး ဦးဇော်အေးမောင်၊ ပြည်နယ်ဝန်ကြီးများ၊ ဒေါက်တာဆလိုင်းငွန်းကျုံးလျန်နှင့် တာဝန်ရှိသူများ၊ ဒေသတွင်းရှိ တိုင်းရင်းသားစာပေနှင့်ယဉ်ကျေးမှုအသင်းများမှ ဥက္ကဋ္ဌများနှင့် တာဝန်ရှိသူများ၊ ဘောလုံးအသင်းများ တက်ရောက်ခဲ့ကြသည်။           ရှေးဦးစွာ ပြည်နယ်ဝန်ကြီးချုပ်က ဘောလုံးအားကစားနည်းသည် တိုင်းရင်းသားအားလုံးကို ပိုမိုရင်းနှီးချစ်ခင်မှု၊ ညီညွတ်မှုနှင့် ကျန်းမာပျော်ရွှင်မှုဆီကို ပို့ဆောင်ပေးတဲ့ အကောင်းဆုံးအားကစားနည်းတစ်ခုဖြစ်ပါကြောင်း၊ ယခုပြိုင်ပွဲသည် အားကစားနည်းတစ်မျိုးသားမက တိုင်းရင်းသားအားလုံး၏ ယဉ်ကျေးမှုအမွေအနှစ်များကို ဂုဏ်ယူစွာပြသရာနေရာ၊…

မြစ်ကြီးနား  အောက်တိုဘာ ၂၄           ကချင်ပြည်နယ်အစိုးရအဖွဲ့၏ ကြီးကြပ်လမ်းညွှန်မှုဖြင့် ပြည်နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် အခြေခံပညာဦးစီးဌာနတို့ ပူးပေါင်းကျင်းပသည့် စာကြည့်တိုက်များဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေးပွဲတော်ကို ယနေ့ နံနက် ၉ နာ ရီခွဲက မြစ်ကြီးနားမြို့ တပ်ကုန်း(အင်ဂျန်ဒုံ)ရပ်ကွက် အမှတ်(၆)အခြေခံပညာအထက်တန်းကျောင်း ခန်းမ၌ကျင်းပရာ ပြည်နယ်သယံဇာတရေးရာဝန်ကြီး ဦးတိန့်ဆောင် တက်ရောက်သည်။ ရှေးဦးစွာ ကျောင်းသား/ ကျောင်းသူလေးများက “အလှဆုံးပန်းများ ပွင့်ကြပြီ” တေးသီချင်းဖြင့် သရုပ်ပြဖျော်ဖြေ၍ အခမ်းအနားကို ဖွင့်လှစ်ပေးကြပြီး ပြည်နယ်ဝန်ကြီးက ယခုလိုပွဲတော်များကျင်းပပေးခြင်းဖြင့် ကျောင်းစာကြည့်တိုက်များ ပိုမိုဖွံ့ဖြိုးလာမည်ဖြစ်ပြီး ကျောင်းသား/ ကျောင်းသူလေးများအနေဖြင့်လည်း စာကြည့်တိုက်မှာ စာဖတ်ခြင်း၊ ဗဟုသုတရှာဖွေခြင်းစသည့် အလေ့အထကောင်းများပိုမိုရရှိလာမည်ဖြစ်ပါကြောင်း၊ သို့ဖြစ်ပါ၍ ပြည်နယ်၏လူစွမ်းအားအရင်းအမြစ်ဖွံ့ဖြိုးရေးအတွက် အကျိုးထိရောက်စေသည့် ယခုလိုပွဲတော်များကို ယခု ၂၀၂၅ – ၂၀၂၆ ပညာသင်နှစ်အတွင်း ပြည်နယ် အတွင်းရှိ မြို့နယ်များအလိုက် (၁၇)ကြိမ်ထိ…

မြစ်ကြီးနား  အောက်တိုဘာ ၂၄           တိုင်းရင်းသားလူမျိုးများရေးရာဝန်ကြီးဌာန၊ ဒုတိယဝန်ကြီး ဦးဇော်အေးမောင်သည် ပြည်နယ်အစိုးရအဖွဲ့ဝင် တိုင်းရင်းသားရေးရာဝန်ကြီး ဦးကျော်မင်းခိုင်နှင့်အတူ အောက်တိုဘာ ၂၄ ရက် နံနက်ပိုင်းက မြစ်ကြီးနားမြို့ ဧရာရပ်ကွက်ရှိ အားကစားနှင့်ကာယပညာဦးစီးဌာနအစည်းအဝေးခန်းမ၌  ပြည်နယ်အတွင်းရှိ တိုင်းရင်းသားစာပေနှင့်ယဥ်ကျေးမှုအသင်း/အဖွဲ့မှတာဝန်ရှိသူများနှင့် တွေ့ဆုံဆွေးနွေးခဲ့သည်။           ထိုသို့တွေ့ဆုံရာတွင်  ဒုတိယဝန်ကြီး ဦးဇော်အေးမောင်က ရွေးကောက်ပွဲနှင့်စပ်လျဉ်းသည့် သိသင့်/သိထိုက်သည့် ရွေးကောက်ပွဲဆိုင်ရာအချက်အလက်များ၊ ၂၀၀၈ ဖွဲ့စည်းပုံအခြေခံဥပဒေပါ တိုင်းရင်းသားတို့၏ အခွင့်အရေးနှင့် ရပိုင်ခွင့်များ၊ တိုင်းရင်းသားအခွင့်အရေးဆိုင်ရာများနှင့် တိုင်းရင်းသားအခွင့်အရေးများ ကာကွယ်စောင့်ရှောက်သည့် ဥပဒေ၊ နည်း ဥပဒေပါအချက်အလက်များအပေါ် ပြည့်ပြည့်ဝဝသိရှိနားလည်စေရေး အသိပညာပေးဆွေးနွေးပြောကြားခဲ့သည်။ ဆက်လက်၍ တက်ရောက်လာကြသည့် ပြည်နယ်အတွင်းရှိ ဌာနေတိုင်းရင်းသားများဖြစ်ကြသည့် ကချင်မျိုးနွယ်စု (၆)မျိုး၊ ရှမ်းမျိုးနွယ်စု (၅)မျိုး၊ ဗမာတိုင်းရင်းသားအပါအဝင် ရခိုင်တိုင်းရင်းသား၊ ကရင်နှင့်ချင်းတိုင်းရင်းသား စာပေနှင့်ယဥ်ကျေးမှုအသင်းအဖွဲ့မှ ဥက္ကဋ္ဌများနှင့် ဝာာဝန်ရှိသူများက မျိုးနွယ်စုများအလိုက်…

မြစ်ကြီးနား အောက်တိုဘာ ၂၃ ပြည်နယ်အစိုးရအဖွဲ့ရုံး မေခခန်းမ၌ သဲဖြူဆရာတော်အားအမှူးထား၍ ပြည်နယ်အစိုးရအဖွဲ့၏ပံ့ပိုးစီစဉ်မှု၊ အလှူရှင် များ၏ လှူဒါန်းမှုဖြင့် ဒေသခံပြည်သူများအား စက္ခုဒါနအဖြစ် အခမဲ့မျက်စိစမ်းသပ်ခွဲစိတ်ကုသပေးခြင်းလုပ်ငန်းကို စေတနာအပြည့်ဖြင့် စမ်းသပ်ကုသဆောင်ရွက်ပေးခဲ့ကြသော မျက်စိအထူးကုဆရာဝန်ကြီးများ၊ ကချင်ပြည်နယ်အခမဲ့ဆေးဝါးကုသရေး ဖောင်ဒေးရှင်းအဖွဲ့ဝင်များ၊ ကြက်ခြေနီတပ်ဖွဲ့၊ မိခင်နှင့်ကလေးစောင့်‌ရှောက်ရေးအသင်းဝင်များနှင့် လူမှုကူညီရေးအသင်းအဖွဲ့များအား ဂုဏ်ပြုပွဲအခမ်းအနားကို ကျင်းပပြုလုပ်သည်။           အဆိုပါ ဂုဏ်ပြုပွဲတွင် ပြည်နယ်ဝန်ကြီးချုပ်က ယခုကဲ့သို့ ပြည်နယ်အတွင်း ဒေသခံပြည်သူများ၏ စက္ခုနှစ်ကွင်းအလင်းရအောင် စိတ်စေတနာအပြည့်ဖြင့် ဆောင်ရွက်ပေးကြသူများအားလုံးကို ပြည်နယ်အစိုးရအဖွဲ့က မှတ်တမ်းတင်ဂုဏ်ယူပါကြောင်း ဂုဏ်ပြုပြောကြားကာ မျက်စိအထူးကုဆရာဝန်ကြီးများ၊ ပြည်သူ့ကျန်းမာရေးဦးစီးဌာန၊ ဆေးရုံအုပ်နှင့် ကျန်းမာရေးဝန်ထမ်းများ၊ ပူးပေါင်းပါဝင်ကူညီပေးကြအဖွဲ့အစည်းများအား ဂုဏ်ပြုချီးမြှင့်ငွေနှင့် ဂုဏ်ပြုလက်ဆောင်များကို ပေးအပ်ချီးမြှင့်ခဲ့ကြပြီး တိုင်းရင်းသားရိုးရာအကအလှများဖြင့် ဖျော်ဖြေတင်ဆက်မှုများဖြင့် ဂုဏ်ပြုညစာကို အတူတကွသုံးဆောင်ခဲ့ကြကြောင်း သိရသည်။

မြစ်ကြီးနား  အောက်တိုဘာ ၂၃ ပြည်နယ်ဝန်ကြီးချုပ်သည် ပြည်နယ်တရားလွှတ် တော်တရားသူကြီးချုပ်၊ ပြည်နယ်အစိုးရအဖွဲ့ဝင်ဝန်ကြီးများ၊ ပြည်နယ်ဥပဒေချုပ်တို့နှင့်အတူ မြစ်ကြီးနားမြို့ရှိ သီရိရာမဂျာနကီဟိန္ဒူဘုရားကျောင်း၌ ကျင်းပပြုလုပ်သည့် ဟိန္ဒူဘာသာဝင်များ၏ အထွဋ်အမြတ်ပွဲတော်တစ်ခုဖြစ်သည့် ဒီပါဝလီမီးထွန်းပွဲတော်သို့ တက်ရောက်ခဲ့ကြရာ ဟိန္ဒူဘာသာဝင်များက ရင်းရင်းနှီးနှီးကြိုဆိုနှုတ်ဆက်ခဲ့ကြသည်။           ယင်းနောက် ဘုရားကျောင်းဂေါပကအဖွဲ့ကိုယ်စား ဥက္ကဋ္ဌ ဦးဆန်ဂျေူကူးမားက ၎င်းတို့၏ အထွဋ်အမြတ်ပွဲတော်သို့ တက်ရောက်အားပေးချီးမြှင့်ပေးသည့် ကချင်ပြည်နယ်အစိုးရအဖွဲ့အား ကျေးဇူးတင်ဝမ်းမြောက်ဝမ်းသာပါကြောင်းနှင့် ဒီပါဝလီနေ့ ဖြစ်ပေါ်လာပုံသမိုင်းကြောင်းကို ရှင်းလင်းတင်ပြသည်။           ဆက်လက်၍ ပြည်နယ်ဝန်ကြီးချုပ်က မိမိတို့အနေဖြင့် ယခုလို ဟိန္ဒူဘာသာဝင်များ၏ အထွဋ်အမြတ်နေ့ဖြစ်သည့် ဒီပါဝလီနေ့ကို တက်ရောက်ခွင့်၊ ပါဝင်ဆင်နွှဲခွင့်ရရှိသည့်အတွက် အထူးကျေးဇူးတင်ရှိပါကြောင်း၊ ဘာသာတရားအမျိုးမျိုး ကွဲပြားသော်လည်း ဘာသာတရားတိုင်းသည် စစ်မှန်သောငြိမ်းချမ်းရေးနှင့် လောကပါလတရားထွန်းကားရေးကို အဓိက သွန်သင်ဆုံးမခြင်းများတွင် တူညီသောအနှစ်သာရရှိကြပါကြောင်း၊ ထို့ကြောင့် မိမိတို့ ယုံကြည်ကိုးကွယ်သော ဘာသာ တရား၏ သွန်သင်ဆုံးမမှုကို…

မြစ်ကြီးနား အောက်တိုဘာ ၂၃           ကချင်ပြည်နယ်အတွင်းရှိ တိုင်းရင်းသားမျိုးနွယ်စုများ၊ ဒေသခံများအား ၂၀၀၈ ခုနှစ်၊ ဖွဲ့စည်းပုံအခြေခံဥပဒေပါ ဥပဒေများကို သိရှိနားလည်ပြီး ဥပဒေများနှင့် နိုင်ငံသားအခွင့်အရေး၊ တိုင်းရင်းသားအခွင့်အရေးများနှင့် ရပိုင်ခွင့်များကို ပြည့်ပြည့်ဝဝသိရှိနားလည်စေရန်ရည်ရွယ်၍ တိုင်းရင်းသားအခွင့်အရေးဆိုင်ရာ (ဖိုရမ်) ဒုတိယနေ့ကို ယနေ့ နံနက် ၉ နာရီခွဲက မြစ်ကြီးနားမြို့ စီတာပူရပ်ကွက်၊ မနောကွင်းအတွင်းရှိ မဂျွယ်ခန်းမ၌ ဆက်လက်ကျင်းပပြုလုပ်သည်။ ရှေးဦးစွာ ဖိုရမ်ကို ပြည်နယ်ဝန်ကြီးချုပ်၊ မြောက်ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ်အောင်ဇော်ထွေး၊ တိုင်းရင်း သားလူမျိုးများရေးရာဝန်ကြီးဌာန၊ ဒုတိယဝန်ကြီး ဦးဇော်အေးမောင်၊ ပြည်နယ်တိုင်းရင်းသားရေးရာဝန်ကြီး ဦးကျော်မင်းခိုင်၊ ဒေါက်တာဆလိုင်းငွန်ကျုံးလျန်၊ စာရေးဆရာ အကြီးကိုကို(ကသာ)တို့က ဖဲကြိုးဖြတ်ဖွင့်လှစ်ပေးကြသည်။ ထို့နောက် ဖိုရမ်ဒုတိယနေ့ကို ဆက်လက်ကျင်းပရာ လော်ဝေါ်ရိုးရာယဉ်ကျေးမှုအကအဖွဲ့က တေးသီချင်းသရုပ် ဖော်အကအလှဖြင့် ဖျော်ဖြေတင်ဆက်ဖွင့်လှစ်ပေးကြပြီး ပြည်နယ်ဝန်ကြီးချုပ် ဦးခက်ထိန်နန်က ယနေ့ ဖိုရမ်ကို…

မြစ်ကြီးနား  အောက်တိုဘာ  ၂၂           ကချင်ပြည်နယ်အစိုးရအဖွဲ့ဝင် သယံဇာတရေးရာဝန်ကြီး ဦးတိန့်ဆောင်သည် တာဝန်ရှိသူများနှင့်အတူ  ဝိုင်းမော်မြို့နယ် လျှပ်စစ်ဓာတ်အား ပို့လွှတ်ရေးနှင့်ကွပ်ကဲရေးဦးစီးဌာနမှ ဝိုင်းမော်ပင်မ ဓာတ်အားခွဲရုံနှင့် မဟာဓာတ်အားလိုင်းမှူးရုံးရှိ ဝန်ထမ်းများနှင့် ယနေ့ မွန်းလွဲ ၁ နာရီက ဝိုင်းမော်မြို့နယ် မိုင်းနားကျေးရွာရှိ အဆိုပါဓာတ်အားခွဲရုံရှိ အစည်းအဝေးခန်းမ၌ တွေ့ဆုံအားပေး ထောက်ပံ့ခဲ့သည်။           ရှေးဦးစွာ ပြည်နယ်ဝန်ကြီး ဦးတိန့်ဆောင်က ဝန်ထမ်းများအနေဖြင့် ဝန်ထမ်းစည်းမျဉ်း စည်းကမ်းနှင့်အညီ အလေး ထားလုပ်ကိုင်ဆောင်ရွက်ကြရန်နှင့် လုံခြုံရေးကိုဂရုပြု၍ နေထိုင်ကြရမည်ဖြစ်ပါကြောင်း မိမိတို့အနေဖြင့် ယနေ့ဝန်ထမ်းများ နေထိုင်စားသောက်မှု အဆင်ပြေစေရေး အလျဉ်းသင့်သလို ထောက်ပံ့ပေးလျက်ရှိရာပါကြောင်း၊ ထို့ပြင် ဝိုင်းမော်မြို့အနေဖြင့်  ဒေသတည်ငြိမ်အေးချမ်းပါက ဖွံ့ဖြိုးတိုးတက်မှု မြန်ဆန်နိုင်သည့်အတွက် မြို့ပြအင်္ဂါရပ်နှင့်အညီ ဖွံ့ဖြိုးတိုးတက်လာစေရေး ဝန်ထမ်းများအနေဖြင့် စနစ်တကျ ကြိုတင်စီမံဆောင်ရွက်ထားကြရမည်ဖြစ်ပါကြောင်း အားပေးပြောကြားပြီး ပြည်နယ်လျှပ်စစ်ဓာတ်အားဖြန့်ဖြူးရေးလုပ်ငန်းမှ ပြည်နယ်လျှပ်စစ်အင်ဂျင်နီယာမှူး ဦးခန့်ထက်က…

မြစ်ကြီးနား အောက်တိုဘာ ၂၂           ကချင်ပြည်နယ်အစိုးရအဖွဲ့၏ ကြီးကြပ်လမ်းညွှန်မှုဖြင့် ပြည်နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် အခြေခံပညာဦးစီးဌာနတို့ ပူးပေါင်း၍ စာကြည့်တိုက်များဖွံ့ဖြိုးတိုးတက်ရေး နှင့် စာဖတ်ရှိန်မြှင့်တင်ရေးပွဲတော်ကို ယနေ့ နံနက် ၉ နာရီခွဲက မြစ်ကြီးနားမြို့ရှိ အမှတ် (၂) အခြေခံပညာအထက်တန်းကျောင်းရှိ နိူင်ငံရတနာခန်းမ၌ ကျင်းပပြုလုပ် သည်။ ရှေးဦးစွာ ကျောင်းသား/ ကျောင်းသူလေးများက “အလှဆုံးပန်းများ ပွင့်ကြပြီ” တေးသီချင်းဖြင့် သရုပ်ပြဖျော်ဖြေ၍ အခမ်းအနားကို ဖွင့်လှစ်ပေးကြပြီး မြစ်ကြီးနားမြို့ ပညာရေးဒီဂရီကောလိပ်မှ ‌ကျောင်းအုပ်ဆရာမကြီး ဒေါ်ဥမ္မာမြင့်က အမှာစကားပြောကြားသည်။ ဆက်လက်၍ ပွဲတော်အတွက် လူထုအခြေပြုဗဟိုဌာန (မြစ်ကြီးနား)တွင် ကျင်းပခဲ့သည့် ကျပန်းနှင့် ပုံပြင်ပြော ပြိုင်ပွဲများတွင် ဆုရရှိခဲ့သော ကျောင်းသား/‌ကျောင်းသူလေးများက ပြိုင်ပွဲဝင်ပုံစံဖြင့် သရုပ်ပြသခဲ့ကြကာ ပြန်ကြားရေးနှင့်ပြည်သူ့ဆက်ဆံရေးဦးစီးဌာနကဦးဆောင်၍ အထက်တန်းအဆင့် ကျောင်းသား/ကျောင်းသူများနှင့်အတူ စာရေးဆရာနန္ဒ၏ ငါ့ဓား၊ ငါ့သွေး၊…