မြစ်ကြီးနား ဇွန် ၁၇           ကချင်ပြည်နယ်အတွင်းရှိ တိုင်းရင်းသားမျိုးနွယ်စုပေါင်းစုံ စုပေါင်းပါဝင်ပြီး စည်းလုံးညီညွတ်ခြင်း၊ ငြိမ်းချမ်းပျော်ရွှင်စွာ အတူယှဉ်တွဲနေထိုင်ခြင်းတို့ကို ဖော်ဆောင်သည့်အနေဖြင့် ၂၀၂၆ ခုနှစ်၊ ကချင်ပြည်နယ်ဝန်ကြီးချုပ်ဖလား တိုင်းရင်းသားမျိုးနွယ်စုပေါင်းစုံ အမျိုးသားအလွတ်တန်းဘောလုံးပြိုင်ပွဲအား စည်ကားသိုက်မြိုက်စွာ ကျင်းပနိုင်ရေးအတွက် ဇွန် ၁၇ ရက်  မွန်းလွဲ ၁ နာရီက ပြည်နယ်အားကစားနှင့် ကာယပညာဦးစီးဌာနရုံး အစည်းအဝေးခန်းမ၌ ကျင်းပပြုလုပ်သည်။           အဆိုပါ ဘောလုံးပြိုင်ပွဲ ကျင်းပနိုင်ရေးအတွက် ပြည်နယ်အစိုးရအဖွဲ့ဝင် လူမှုရေးရာဝန်ကြီး ဦးကျော်မင်းခိုင်က ယခင်နှစ်များတွင် တိုင်းရင်းသားရေးရာဝန်ကြီးဖလားအဖြစ် ကျင်းပခဲ့သော မျိုးနွယ်စုပေါင်းစုံဘောလုံးပြိုင်ပွဲကို ယခုနှစ်တွင် အစဉ်အလာမပျက် ကျင်းပနိုင်ရေးအပြင် ပြည်နယ်အတွင်းရှိ ဌာနေတိုင်းရင်းသားများသာမက ချင်း၊ ကရင်၊ ရခိုင်တိုင်းရင်း သားများပါ ပါဝင်နိုင်ရေး ဝန်ကြီးချုပ်ဖလားအဖြစ် ကျင်းပသွားမည်ဖြစ်ပါကြောင်း၊ ပြည်နယ်အစိုးရအဖွဲ့အနေဖြင့် ဘောလုံးအသင်းတစ်သင်းအတွက် ငွေကျပ် ၁၀ သိန်းစီနှင့်…

မြစ်ကြီးနား  ဇွန် ၁၆           ကချင်ပြည်နယ်အတွင်း ဘိလပ်မြေအပါအဝင် အိမ်ဆောက်ပစ္စည်းများသယ်ယူ၍ စနစ်တကျသိုလှောင်ဖြန့်ဖြူးရောင်းချနိုင်ရေး၊ ဈေးကစားခြင်း၊ ဈေးနှုန်းမြှင့်တင်ရောင်းချခြင်းများအား အရေးယူကြပ်မတ်ဆောင်ရွက်နိုင်ရေး ပြည်နယ်အစိုးရဖွဲ့ဝင် စီမံကိန်း၊ စီးပွားရေးနှင့် ဘဏ္ဍာရေးဝန်ကြီး ဦးချန်တန်ခင်ဦးဆောင်သည့် ကချင်ပြည်နယ်အိမ်ဆောက်ပစ္စည်းသယ်ယူသိုလှောင်ဖြန့်ဖြူးခြင်းလုပ်ငန်းကြီးကြပ်ရေး ကော်မတီအဖွဲ့ဝင်များက ယနေ့ မွန်းလွဲပိုင်းက ပြည်နယ်အစိုးရအဖွဲ့ရုံးရှိ အစည်းအဝေးခန်းမ၌ ညှိနှိုင်းဆွေးနွေးခဲ့ကြသည်။ ထိုသို့ ကြီးကြပ်ဆောင်ရွက်နိုင်ရေးအတွက် ကော်မတီဥက္ကဋ္ဌ၊ ပြည်နယ်ဝန်ကြီးက ကချင်ပြည်နယ်အတွင်း ဆောက်လုပ်ရေးလုပ်ငန်းသုံးပစ္စည်းများဖြစ်သည့် ဘိလပ်မြေအပါအဝင် ဆောက်လုပ်ရေးလုပ်ငန်းသုံးပစ္စည်းများ ပြတ်လပ်မှုမရှိစေရေး၊ ဈေးနှုန်းတည်ငြိမ်စေရေး အထူးအလေးထားကြပ်မတ်ဆောင်ရွက်သွားကြရန်နှင့် အိမ်ဆောက်ပစ္စည်းအရောင်းဆိုင်ကိုယ်စားလှယ်များအနေဖြင့် အရည်အသွေး၊ စံချိန်စံညွှန်းပြည့်မီမှန်ကန်သည့် ‌ဆောက်လုပ်‌ရေးလုပ်ငန်းသုံးပစ္စည်းများကိုသာ သယ်ယူဖြန့်ဖြူးရောင်းချနိုင်ရေး စီစစ်ကြပ်မတ်သွားရန် ပြောကြားခဲ့သည်။           ထို့အတူ တက်ရောက်လာကြသည့် ကော်မတီအဖွဲ့ဝင်များက တည်ဆောက်ရေးလုပ်ငန်း ဆောင်ရွက်နေသည့် ဒေသခံများအတွက် ဆောက်လုပ်ရေးလုပ်ငန်းသုံးပစ္စည်းများအားသယ်ယူ၍ စနစ်တကျသိုလောင်ဖြန့်ဖြူးရောင်းချရာတွင် သက်သာသည့် ဈေးနှုန်းများဖြင့် ရောင်းချ‌ပေးနိုင်ရေး၊ အရောင်းကိုယ်စားလှယ်များနှင့် အရောင်းဆိုင်များအား ကြီးကြပ်နိုင်ရေးစသည့်…

မြစ်ကြီးနား ဇွန် ၁၆           ၂၀၂၆ ခုနှစ်၊ ဇွန်လ ၂၆ ရက်နေ့တွင် ကျရောက်မည့် (၃၉)ကြိမ်မြောက်အပြည်ပြည်ဆိုင်ရာမူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ အထိမ်းအမှတ်အား မြစ်ကြီးနားမြို့၌ ကချင်ပြည်နယ်မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများအန္တရာယ်တားဆီးကာကွယ်ရေးအဖွဲ့က ဦးဆောင်ကျင်းပနိုင်ရေးအတွက် လုပ်ငန်းညှိနှိုင်းအစည်းအဝေးကို ယနေ့ မွန်းလွဲ (၁)နာရီက ပြည်နယ်အစိုးရအဖွဲ့ရုံး အစည်းအဝေးခန်းမ၌ ကျင်းပပြုလုပ်သည်။           ရှေးဦးစွာ ပြည်နယ်မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများအန္တရာယ်တားဆီးကာကွယ်ရေးအဖွဲ့ ဥက္ကဋ္ဌ၊ ပြည်နယ်လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးကျော်သူရက အခမ်းအနားအောင်မြင်စွာကျင်းပနိုင်‌ရေး၊ ဆုများချီးမြှင့်နိုင်ရေးနှင့် ကြိုတင်ပြင်ဆင်ဆောင်ရွက်ရမည့် အစီအမံများအား စနစ်တကျပြင်ဆင်ဆောင်ရွက်ထားကြရန် လိုကြောင်း တိုက်တွန်းမှာကြားသည်။           ဆက်လက်၍ ဒုတိယဥက္ကဋ္ဌ၊ ပြည်နယ်အထွေထွေအုပ်ချုပ်ရေးဦးစီးဌာန၊ ပြည်နယ်အုပ်ချုပ်ရေးမှူး ဦးခင်မောင်လွင်က အခမ်းအနား ပြင်ဆင်ဆောင်ရွက်သွားရမည့် အစီအစဉ်များနှင့်စပ်လျဉ်း၍ ကြိုတင်ပြင်ဆင်ဆောင်ရွက်ရာတွင် လိုအပ်ချက်များကိုလည်းကောင်း၊ ပြည်နယ်အဖွဲ့အတွင်းရေးမှူး၊ ပြည်နယ်ရဲတပ်ဖွဲ့မှူး ရဲမှူးကြီးမျိုးဆွေက အခမ်းအနားအစီအစဉ်များနှင့် စပ်လျဉ်း၍…

မြစ်ကြီးနား  ဇွန် ၁၆           ပြည်ထောင်စုအတိုင်ပင်ခံကောင်စီဝင် ဒေါ်ဒွဲဘူသည် ပြည်နယ်အစိုးရအဖွဲ့ဝင် စီမံကိန်း၊ စီးပွားရေးနှင့် ဘဏ္ဍာရေးဝန်ကြီး ဦးချန်တန်ခင်၊ လူမှုရေးရာဝန်ကြီး ဦးကျော်မင်းခိုင်၊ တိုင်းရင်းသားရေးရာဝန်ကြီးများနှင့်အတူ ယနေ့ နံနက်ပိုင်းက မြစ်ကြီးနား တပ်ကုန်းရပ်ကွက်အတွင်းရှိ ဧဝံဂေလိကျမ်းစာသင်ကျောင်း၌ ခရစ်ယာန်အသင်းတော်များနှင့် တွေ့ဆုံမိသဟာယဖွဲ့ခြင်းနှင့် ငြိမ်းချမ်းရေးအတွက် အထူးဆုတောင်းဝတ်ပြုခြင်းအစီအစဉ်သို့ တက်ရောက်ခဲ့ကြသည်။           အဆိုပါ အစီအစဉ်တွင် ခရစ်ယာန်အသင်းတော်အသီးသီးမှ ဘုန်းတော်ကြီးများ၊ သိက္ခာတော်ရ ဆရာတော်များနှင့်အတူ အသင်းတော်တာဝန်ရှိသူများ၊ ကျမ်းစာသင်ကျောင်း တက်ရောက်နေသော သင်တန်းသား/ သင်တန်းသူများ တက်ရောက်ခဲ့ကြပြီး မိတ်ဆက်တွေ့ဆုံခြင်း၊ ဓမ္မတေးသီချင်းများသီဆိုခြင်း၊ သိက္ခာတော်ရကျောင်းအုပ်ဆရာတိုက်ချွန်းစိန်က ကြိုဆိုနှုတ်ခွန်းကားပြောကြားပြီး ခရစ်ယာန်ငြိမ်းချမ်းရေးနှင့် ကူညီထောက်ပံ့ရေးဗဟိုနာယက ဦးစေထွန်းအောင်မြင့်က ငြိမ်းချမ်းရေးဆုတောင်းခြင်းအတွက် ပြောကြားပြီး ဓမ္မတေးသီချင်းများဖြင့် ဂုဏ်တော်ချီးမွမ်းခြင်းတို့ကို ဆောင်ရွက်ခဲ့ကြသည်။           ထို့နောက် ပြည်ထောင်စုအတိုင်ပင်ခံကောင်စီဝင် ဒေါ်ဒွဲဘူက ငြိမ်းချမ်းမှုရေးသည် ယနေ့လူသားအားလုံးနှင့် သက်ဆိုင်သည့်…

မြစ်ကြီးနား ဇွန် ၁၅ ကချင်ပြည်နယ် ကလေးအလုပ်သမားပပျောက်ရေးကော်မတီ၊ အလုပ်အကိုင်အခွင့်အလမ်းများ ဖန်တီးပေးရေးလုပ်ငန်းဆပ်ကော်မတီအနေဖြင့် အိမ်တွင်းမှုဆိုင်ရာ အသက်မွေးဝမ်းကျောင်းသင်တန်းများ တက်ရောက်၍ အလုပ်အကိုင်အခွင့်အလမ်းများရရှိစေကာ ကလေးအလုပ်သမားများ လျော့နည်းပပျောက်စေရေး ၂၀၂၆-၂၀၂၇ ဘဏ္ဍာရေးနှစ်အတွင်း သင်တန်း (၄)ခုလျာထားသည့်အနက် ပထမအကြိမ်အဖြစ် အိမ်တွင်းလျှပ်စစ်သွယ်တန်းတပ်ဆင်ခြင်းသင်တန်းကို ဇွန် ၁၅ ရက် မွန်းလွဲ ၁ နာရီက မြစ်ကြီးနားမြို့ အစိုးရနည်းပညာအထက်တန်းကျောင်း၊ သင်တန်းခန်းမ၌ ဖွင့်လှစ်သည်။ အဆိုပါ သင်တန်းဖွင့်ပွဲတွင် ကော်မတီဥက္ကဋ္ဌ၊ ပြည်နယ်လူမှုရေးရာဝန်ကြီး ဦးကျော်မင်းခိုင်က ယနေ့သင်တန်းသည် လျှပ်စစ်ပညာရပ်ဖြင့် ပတ်ဝန်းကျင်၊ လက်တွေ့နယ်ပယ်တွင် ပြန်လည်အသုံးချနိုင်ပြီး ကျွမ်းကျင်မှုအပေါ် မူတည်၍ အလုပ်အကိုင်အခွင့်အလမ်းများ ရရှိလာမည်ဖြစ်သည့်အတွက် သင်ခန်းစာများကို စိတ်ပါဝင်စားစွာဖြင့် ကြိုးကြိုးစားစား လေ့လာသင်ယူကြရန်လိုကြောင်း တိုက်တွန်းပြောကြားသည်။ ဆက်လက်၍ ဆပ်ကော်မတီအတွင်းရေးမှူး၊ ပြည်နယ်အလုပ်သမားညွှန်ကြားမှုဦးစီးဌာန၊ ပြည်နယ်ဦးစီးမှူး ဦးဇော်မျိုးထွေးက သင်တန်းဖွင့်လှစ်ပေးရခြင်း၏ ရည်ရွယ်ချက်များနှင့်…

မြစ်ကြီးနား ဇွန် ၁၅ ကချင်ပြည်နယ်၏ လျှပ်စစ်ဓာတ်အားဖြန့်ဖြူးမှု ပိုမိုတိုးတက်ကောင်းမွန်စေရေးနှင့် ဝန်ဆောင်မှုအရည်အသွေးမြှင့်တင်ရေးအတွက် ကချင်ပြည်နယ်အစိုးရအဖွဲ့ဝင် လျှပ်စစ်၊ စွမ်းအင်၊ စက်မှုနှင့် လမ်းပန်း ဆက်သွယ်ရေးဝန်ကြီး ဦးအောင်နိုင်သည် ယနေ့ မွန်းလွဲ ၂ နာရီက မြစ်ကြီးနားမြို့ရှိ လျှပ်စစ်နှင့်စွမ်းအင်ဝန်ကြီးဌာန၊ လျှပ်စစ်ဓာတ်အားဖြန့်ဖြူးရေးလုပ်ငန်း၊ ပြည်နယ်လျှပ်စစ်အင်ဂျင်နီယာရုံး အစည်းအဝေးခန်းမ၌ ပြည်နယ်/ခရိုင်/မြို့နယ် လျှပ်စစ်ဓာတ်အားဖြန့်ဖြူးရေးလုပ်ငန်း ဝန်ထမ်းများနှင့်တွေ့ဆုံခဲ့သည်။ ထိုသို့တွေ့ဆုံရာတွင် ပြည်နယ်ဝန်ကြီးက ပြည်သူလူထု၏ လူမှုစီးပွားဖွံ့ဖြိုးတိုးတက်ရေးအတွက် လျှပ်စစ်နှင့် စွမ်းအင်သည် နေ့စဉ်မရှိမဖြစ်လိုအပ်ပါကြောင်း၊ သို့ဖြစ်ပါ၍ ဝန်ထမ်းများအနေဖြင့် မိမိတို့၏ လုပ်ငန်းတာဝန်များကို စေတနာအရင်းခံ၍ ပြီးမြောက်အောင်မြင်အောင် ကြိုးစားဆောင်ရွက်ကြရန်လိုကြောင်း တိုက်တွန်းပြောကြားသည်။ ထို့နောက် ပြည်နယ်လျှပ်စစ်အင်ဂျင်နီယာ ဦးခန့်ထက်နှင့် ခရိုင်/မြို့နယ် အင်ဂျင်နီယာများနှင့် တာဝန်ရှိသူများက ၂၀၂၆ -၂၀၂၇ ဘဏ္ဍာရေးနှစ်အတွင်း ဆောင်ရွက်လျက်ရှိသည့် လျှပ်စစ်ဓာတ်အားဖြန့်ဖြူးမှု ပိုမိုတိုးတက်ကောင်းမွန်လာစေရေးလုပ်ငန်းအစီအမံများ၊ လျှပ်စစ်ဓာတ်အားဖြန့်ဖြူးမှု ပိုမိုတည်ငြိမ်ကောင်းမွန်လာစေရေး၊…

မြစ်ကြီးနား ဇွန် ၁၅ တတိယအကြိမ် ကချင်ပြည်နယ်လွှတ်တော် ဒုတိယပုံမှန်အစည်းအဝေး တတိယနေ့ကို ဇွန် ၁၅ ရက် နံနက် ၁၀ နာရီက မြစ်ကြီးနားမြို့ မန်ခိန်ရပ်ကွက်အတွင်းရှိ ပြည်နယ်လွှတ်တော်ရုံး အစည်းအဝေးခန်းမ၌ ကျင်းပပြုလုပ်ရာ ပြည်နယ်လွှတ်တော်ဥက္ကဋ္ဌ ဦးရားဝမ်ဂျုံ၊ ဒုတိယဥက္ကဋ္ဌ ဦးသိန်းထွန်းအေး နှင့် လွှတ်တော်ကိုယ်စားလှယ်များ တက်ရောက်ခဲ့ကြသည်။           ရှေးဦးစွာ ပြည်နယ်လွှတ်တော်ဥက္ကဋ္ဌ ဦးရားဝမ်ဂျုံက ဒုတိယပုံမှန်အစည်းအဝေး တတိယနေ့ အစီအစဉ်များကို ကြေညာပြီး အစည်းအဝေးမတက်ရောက်နိုင်သော ပြည်နယ်လွှတ်တော်ကိုယ်စားလှယ်များက ခွင့်ပန်ကြားခြင်းနှင့် လွှတ်တော်၏ အဆုံးအဖြတ်ကိုရယူကာ အစည်းအဝေးအထမြောက်ကြောင်းနှင့် စတင်ကြောင်း ကြေညာသည်။           ထို့နောက် လွှတ်တော်ကိုယ်စားလှယ်များက လူမှုရေးရာဝန်ကြီးဌာနဆိုင်ရာ မေးခွန်း(၂)ခု၊ လျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီးဌာနဆိုင်ရာ မေးခွန်း (၃)ခုနှင့် စည်ပင်သာယာရေးဝန်ကြီးဌာနဆိုင်ရာ မေးခွန်း (၂)ခုကို မေးမြန်းကြရာ…

မြစ်ကြီးနား ဇွန် ၁၄           ပြည်ထောင်စုအတိုင်ပင်ခံကောင်စီ၊ ကောင်စီဝင် ဒေါ်ဒွဲဘူနှင့် ပြည်နယ်အစိုးရအဖွဲ့ဝင်ဝန်ကြီးများသည် ယနေ့ မွန်းလွဲ ၂ နာရီက မြစ်ကြီးနားမြို့ မန်ခိန်ရပ်ကွက် ပြည်နယ်လွှတ်တော်ရုံးအနီးရှိ အထွေထွေအုပ်ချုပ်ရေးဦးစီးဌာန(ရုံးချုပ်)ပိုင်မြေဧရိယာအတွင်း ယာယီတိမ်းရှောင်စခန်းများ ဖွင့်လှစ်၍ ခိုလှုံ နေထိုင်လျက်ရှိသော စခန်း (၉)ခုမှ အိမ်ထောင်စုများအား ရွေးနုတ်ကယ်တင်ခြင်း ယာယီတိမ်းရှောင်စခန်းရှိ ခန်းမဆောင်၌သွား‌ရောက်တွေ့ဆုံထောက်ပံ့ခဲ့ကြသည်။           ထိုသို့ တွေ့ဆုံရာတွင် ပြည်ထောင်စုအတိုင်ပင်ခံကောင်စီ ကောင်စီဝင်ဒေါ်ဒွဲဘူက ငြိမ်းချမ်းရေးနှင့် နေရပ်ပြန်နိုင်ရေးအတွက် နိုင်ငံတော်အစိုးရ၏ ငြိမ်းချမ်းရေးဖော်ဆောင်ရေးလုပ်ငန်းစဉ်များတွင် အားလုံးက ဝိုင်းဝန်းပူးပေါင်းကြရန် လိုအပ်ပါကြောင်း အားပေးပြောကြားပြီး ပြည်နယ်လုံခြုံရေးနှင့်နယ်စပ်ရေးရာ ဝန်ကြီးဗိုလ်မှူးကြီးကျော်သူရ၊ လူမှုရေးရာဝန်ကြီး ဦးကျော်မင်းခိုင်တို့နှင့်အတူ အဆိုပါမြေဧရိယာအတွင်း ပြည်နယ်အစိုးရအဖွဲ့၏အစီအစဉ်ဖြင့် ယာယီစခန်းများဆောက်လုပ်၍ ဝိုင်းမော်၊ ချီဖွေ၊ ဗန်းမော်မြို့နယ်များမှ ခိုလှုံနေထိုင်လျက်ရှိသော စခန်း(၉)ခုမှ အိမ်ထောင်စု(၆၀၉)စုတို့အတွက် ဆန် (၂၄)ပြည်ပါအိတ် ၂၀၀…

မြစ်ကြီးနား ဇွန် ၁၃           ၂၀၂၆ ခုနှစ်၊ မိုးရာသီ (ပြည်နယ်အဆင့်) သစ်ပင်စိုက်ပျိုးပွဲတော်ကို ကချင်ပြည်နယ်၊ မြစ်ကြီးနားတက္ကသိုလ်ဝင်းအတွင်းကျင်းပပြုလုပ်ရာ ပြည်နယ်တရားလွှတ်တော်တရားသူကြီးချုပ် ဒေါ်အေးအေးမော်၊ ပြည်နယ်လွှတ်တော်ဒုတိယ ဥက္ကဋ္ဌ ဦးသိန်းထွန်းအေး၊ ပြည်နယ်အစိုးရအဖွဲ့ဝင် လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးကျော်သူရ ဦးဆောင်သည့် ပြည်နယ်အစိုးရအဖွဲ့ဝင်များ၊ ပြည်နယ်စာရင်းစစ်ချုပ်၊ ပြည်နယ်လွှတ်တော်ကိုယ်စားလှယ်များ တက်ရောက်ခဲ့ကြသည်။           ရှေးဦးစွာ သစ်ပင်စိုက်ပျိုးပွဲတော်ကို ပြည်နယ်သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဒေါက်တာအောင်ဝင်းက ၂၀၂၆ ခုနှစ်၊ နိုင်ငံတော်အဆင့် မိုးရာသီသစ်ပင်စိုက်ပျိုးပွဲတော်ကို မြန်မာနိုင်ငံတစ်ဝှမ်းလုံး(၇၅)နေရာတွင် တစ်ရက်တည်း၊ တစ်ချိန်တည်း၊ တစ်ပြိုင်ပွဲတည်း သစ်ပင်ပေါင်း (၅၄၈၁၀)ပင်စိုက်ပျိုးသွားမည်ဖြစ်သည့်အတွက် ကချင်ပြည် နယ်မှာလည်း မြစ်ကြီးနား၊ မိုးညှင်း၊ မိုးကောင်းနှင့်ပူတာအိုမြို့မှာလည်း တစ်ပြိုင်တည်း စုစုပေါင်းပျိုးပင်မျိုးစုံ ၅၀၀၀ ပင်စိုက်ပျိုးသွားမှာဖြစ်ပါကြောင်း ပြောကြားသည်။           ထို့နောက် ပြည်နယ်တရားလွှတ်တော်တရားသူကြီးချုပ်၊ ပြည်နယ်အစိုးရအဖွဲ့ဝင် ဝန်ကြီးများက သစ်ပင်စိုက်ပျိုးပွဲတော်တွင်…

မြစ်ကြီးနား  ဇွန်  ၁၂           စက်သုံးဆီအရောင်းဆိုင်များတွင် တာဝန်ထမ်းဆောင်နေသည့် ဝန်ထမ်းများအား စက်သုံးဆီများ စနစ်တကျကိုင်တွယ်ထိန်းသိမ်းတတ်စေရန် ရည်ရွယ်ဖွင့်လှစ်ခဲ့သော စက်သုံးဆီကိုင်တွယ်ထိန်းသိမ်းနည်း သင်တန်းဆင်းပွဲ (၂/၂၀၂၆) ကို ယနေ့ မွန်းလွဲ ၂ နာရီက မြစ်ကြီးနားမြို့ရှိ ရေနံထွက်ပစ္စည်းကြီးကြပ် စစ်ဆေးရေးဦးစီးဌာန၊ ကချင်ပြည်နယ်ကြီးကြပ်စစ်ဆေးရေးရုံးခန်းမ၌ ကျင်းပသည်။           အဆိုပါ သင်တန်းဆင်းပွဲတွင် ပြည်နယ်အစိုးရအဖွဲ့ဝင် လျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီး ဦးအောင်နိုင်က စက်သုံးဆီအ‌ရောင်းဆိုင်များအနေဖြင့် စက်သုံးဆီများ ကိုင်တွယ်ရာတွင် ဘေးအန္တရာယ်ကင်းရှင်းရေး၊ သဘာဝပတ်ဝန်းကျင်ထိခိုက်မှုမရှိစေရေး၊ မီးဘေးအန္တရာယ်နှင့် မတော်တဆဘေးအန္တရာယ်ကင်းရှင်းစေရန် သတိပြုလိုက်နာဆောင်ရွက်ရမည့်အချက်များကို စနစ်တကျဆောင်ရွက်တက်စေရန် ရည်ရွယ်ရွယ်ဖွင့်လှစ်ပေးရခြင်းဖြစ်ပါကြောင်း၊ စက်သုံးဆီများကို အလေအလွင့်မရှိစေရေး၊ စက်သုံးဆီသုံးစွဲသူများထံ ဘေးကင်းစွာရောက်ရှိရေးကို ဂရုပြုအလေးထားဆောင်ရွက်ကြရန်လိုကြောင်း ပြောကြားသည်။           ထို့နောက် ပြည်နယ်ဝန်ကြီးက စက်သုံးဆီကိုင်တွယ်ထိန်းသိမ်းနည်းသင်တန်း သင်တန်းသား/ သင်တန်းသူ (၃၆)ဦးနှင့် ထူချွန်သင်တန်းသား/သင်တန်းသူများ(၃)ဦးတို့အား …