မြစ်ကြီးနား မတ် ၂၃           ကချင်ပြည်နယ်အစိုးရအဖွဲ့က ဒေသတွင်းနယ်မြေအခြေအနေအရ ယာယီတိမ်းရှောင်လာသော မိသားစုများအား နေရာချထားထောက်ပံ့ပေးလျက်ရှိရာ မန်ခိန်ရပ်ကွက်အတွင်း အထွေထွေအုပ်ချုပ်ရေးဦးစီးဌာန(ရုံးချုပ်)ပိုင်မြေနေရာတွင် နေရာချထားပေးခဲ့သော နောင်ချိန်းကျေးရွာမှ အိမ်ထောင်စုများက ယာယီခိုလှုံရာအိမ်ရာအသစ်ရရှိခြင်း ကျေးဇူးတော်ချီးမွှမ်းဆု‌တောင်းပွဲကို အဆိုပါယာယီအိမ်ရာစခန်း၌ကျင်းပရာ ပြည်နယ်ဝန်ကြီးချုပ် ဦးခက်ထိန်နန် တက်ရောက်အားပေး သည်။           ရှေးဦးစွာ အခမ်းအနားတွင် သိက္ခာတော်ရ ဆရာဂျမ်ဘော်ခေါင်ဇောင်းက ယာယီတိမ်းရှောင်စခန်း အိမ်ရာသစ်အတွက် ပြည်နယ်အစိုးရအဖွဲ့အား ကျေးဇူးတင်ကြောင်းနှင့် ကြိုဆိုနှုတ်ခွန်းဆက်စကားပြောကြားပြီး ယာယီတိမ်းရှောင်စခန်းနေလူငယ်များက လော်ဝေါ်ရိုးရာအကဖြင့် ကပြဖျော်ဖြေတင်ဆက်ပြီး ပြည်နယ်ဝန်ကြီးချုပ်က မိမိတို့အစိုးရအဖွဲ့အနေဖြင့် ပြည်နယ်အတွင်း ယာယီတိမ်းရှောင်မိသားစုများနှင့် ဝန်ထမ်းများအား နေထိုင်စားသောက်မှုအဆင်ပြေစေ‌ရေး အတတ်နိုင်ဆုံးကူညီထောက်ပံ့ပေးလျက်ရှိပါကြောင်း၊ ထို့အပြင် မိုးမကျမီ မိုးလုံလေလုံနေထိုင်နိုင်ရေး ယခုလိုစီစဉ်‌ဆောင် ရွက်ပေးခြင်းဖြစ်ပါကြောင်း၊ မကြာမီတက်လာမည့် အစိုးရသစ်နှင့်အတူ တည်ငြိမ်အေးချမ်းရေးနှင့် နေရပ်ပြန်ရေးအတွက် ဝိုင်းဝန်းပူးပေါင်းကြစေလိုကြောင်း အားပေးပြောကြားသည်။           ထို့နောက် ပြည်နယ်ဝန်ကြီးချုပ်က ကျေးဇူးတော်ချီးမွှမ်းဆုတောင်းပွဲအတွက်…

မြစ်ကြီးနား မတ် ၂၂           ကချင်ပြည်နယ်အစိုးရအဖွဲ့အနေဖြင့် ပြည်နယ်အတွင်း စက်သုံးဆီခြိုးခြံချွေတာနိုင်ရေး၊ ဈေးနှုန်းတည်ငြိမ်မှုရှိစေရေးနှင့် စိုက်ပျိုးချိန်တွင် တောင်သူများအတွက် စက်သုံးဆီ ဖူလုံစွာသုံးစွဲနိုင်ရေးအတွက် လုပ်ငန်းညှိနှိုင်းအစည်းအဝေးကို ယနေ့ မွန်းလွဲပိုင်းတွင် ပြည်နယ်အစိုးရအဖွဲ့ရုံး အစည်းအဝေးခန်းမ၌ ကျင်းပပြုလုပ်ခဲ့ကြသည်။           အဆိုပါ လုပ်ငန်းညှိနှိုင်းအစည်းအဝေးတွင်  ပြည်နယ်ဝန်ကြီးချုပ် ဦးခက်ထိန်နန်က မကြာမီကာလအတွင်း မိုးစပါးစိုက်ပျိုးရမည့် အချိန်ကို ရောက်ရှိလာတော့မည်ဖြစ်သည့်အတွက် ထယ်‌ရေးဝင် ထွန်ယက်ချိန်တွင် တောင်သူများ စက်သုံးဆီသုံးစွဲနိုင်ရေး စီမံဆောင်ရွက်သွားရန်လိုကြောင်း၊ ထို့အပြင် ဒေသတွင်း စက်သုံးဆီခြိုးခြံချွေတာရေးအတွက် စီမံဆောင်ရွက်ရာတွင် လမ်းညွှန်ကြေညာချက်များနှင့်အညီ စက်သုံးဆီသုံးစွဲသူ ပြည်သူများ အလေးထားလိုက်နာနိုင်ရေးကိုလည်း စီမံဆောင်ရွက်သွားရမည်ဖြစ်ကြောင်း၊ ထို့အပြင် စက်သုံးဆီဈေးနှုန်း တည်ငြိမ်စေရေး စက်သုံးဆီအရောင်းဆိုင် လုပ်ငန်းရှင်များအား ကြပ်မတ်ဆောင်ရွက်သွားရမည်ဖြစ်ပါကြောင်း တိုက်တွန်းပြောကြားသည်။           ထို့နောက် ပြည်နယ်စက်သုံးဆီ တင်သွင်းသိုလှောင် ဖြန့်ဖြုးခြင်းလုပ်ငန်းကြီးကြပ်ရေးကော်မတီ ဥက္ကဋ္ဌ၊ ပြည်နယ်သယံဇာတရေးရာဝန်ကြီး ဦးတိန့်ဆောင်က…

မြစ်ကြီးနား     မတ် ၂၁           ကချင်ပြည်နယ်၊ မြစ်ကြီးနားမြို့ ဗလမင်းထင်စံပြစိုက်ကွင်းအတွင်း မိုးစပါးအပြီး လယ်သီးထပ် နေကြာ၊ ပဲပုပ်များ စိုက်ပျိုးထားရှိပြီး လယ်သီးထပ် ပဲပုပ်ခင်းမြေသြဇာဖျန်းခြင်း၊ နေကြာသီးနှံ ပျားဖြင့် ဝတ်မှုန်ကူးခြင်း၊ ထယ်ရေးမဲ့ စပါးရိုးပြတ်ရိတ်ဖုံးစနစ်ဖြင့် စိုက်ပျိုးသည့် ပဲပုပ်ခင်း၊ သစ်စိမ်းမြေသြဇာ (ပိုက်ဆံလျှော်) ကြဲပက်စိုက်ပျိုးခြင်း ကွင်းသရုပ်ပြပွဲများနှင့် လယ်သီးထပ်အတွက် စိုက်ပျိုးစရိတ် ထောက်ပံ့ပေးအပ်ခြင်း အခမ်းအနားများကို အဆိုပါ စံပြစိုက်ခင်းအတွင်း ယနေ့ နံနက်ပိုင်းက ကျင်းပ ပြုလုပ်သည်။           ရှေးဦးစွာ လယ်သီးထပ်အတွက် ဆောင်းသီးနှံစိုက်ပျိုးသည့် တောင်သူများအတွက် စိုက်ပျိုးစရိတ် ထောက်ပံ့ငွေ ပေးအပ်ပွဲ အခမ်းအနားကို ကျင်းပရာ ပြည်နယ်ဝန်ကြီးချုပ် ဦးခက်ထိန်နန်က စိုက်ပျိုးသီးနှံများ အထွက်တိုးပြီး ပန်းတိုင်အထွက်နှုန်းရရှိရေးအတွက် မျိုး၊ မြေ၊ ရေ၊ နည်းစနစ်များအပြင် သွင်းအားစုကလည်း…

မြစ်ကြီးနား မတ် ၂၀           ကချင်ပြည်နယ်လွှတ်တော်၏ တတိယအကြိမ် ကချင်ပြည်နယ်လွှတ်တော်ပထမပုံမှန်အစည်းအဝေးကို ယနေ့နံနက်ပိုင်းက မြစ်ကြီးနားမြို့ မန်ခိန်ရပ်ကွက်အတွင်းရှိ ပြည်နယ်လွှတ်တော်ရုံး အစည်းအဝေးခန်းမ၌ ကျင်းပပြုလုပ်ခဲ့ကြပြီး သဘာပတိတင်မြောက်ခြင်းအပါအဝင် ပြည်နယ်လွှတ်တော်ဥက္ကဋ္ဌနှင့် ဒုတိယဥက္ကဋ္ဌများ ရွေးကောက်တင်မြှောက်ခဲ့ကြသည်။           ရှေးဦးစွာ လွှတ်တော်အစည်းအဝေး ပထမနေ့ကျင်းပနိင်ရေးအတွက် ပြည်နယ်လွှတ်တော်ကိုယ်စားလှယ်များက ပြည်နယ်လွှတ်တော်သဘာပတိအဖြစ် မြစ်ကြီးနားမြို့နယ် ကိုယ်စားလှယ်အမှတ်(၂) ဒေါက်တာသန်းဋ္ဌေးအောင်အား တင်မြှောက်ခဲ့ကြပြီး သဘာပတိကတိသစ္စာနှင့် ကတိသစ္စာပြုလွှာပေါ်တွင် လက်မှတ်ရေးထိုးကာ သဘာပတိက နှုတ်ခွန်းဆက်အမှာစကားပြောကြားသည်။           ထို့နောက် သဘာပတိက တတိယအကြိမ် ကချင်ပြည်နယ်လွှတ်တော်ပထမပုံမှန်အစည်းအဝေး ပထမနေ့ စတင်ကြောင်းကြေညာပြီး လွှတ်တော်ကိုယ်စားလှယ်များက ကတိသစ္စာပြုခြင်းနှင့် ကတိသစ္စာပြုလွှာပေါ်တွင် လက်မှတ်ရေးထိုးခဲ့ကြသည်။           ဆက်လက်၍လွှတ်တော်ကိုယ်စားလှယ်များက ပြည်နယ်လွှတ်တော်ဥက္ကဋ္ဌတစ်ဦးရွေးကောက်တင်မြောက်ရန်နှင့် ဒုတိယဥက္ကဋ္ဌတစ်ဦး ရွေးကောက်တင်မြှောက်ရန် အမည်စာရင်းတင်သွင်းခြင်းနှင့် ထောက်ခံခြင်းတို့ကို ဆောင်ရွက်ခဲ့ကြပြီး သဘာပတိက ပြည်နယ်လွှတ်တော်ဥက္ကဋ္ဌအဖြစ် အမည်စာရင်းတင်သွင်းခဲ့သူ မချမ်းဘောမြို့နယ် ကိုယ်စားလှယ်အမှတ်(၁)…

မြစ်ကြီးနား မတ် ၁၈ ကချင်ပြည်နယ်၊ ပူတာအိုမြို့အား 7th ASEAN ESC Award နှင့် 6th Certificate of Recognition ဆုများအတွက် ထည့်သွင်းယှဉ်ပြိုင်နိုင်ရေး ကြိုတင်ပြင်ဆင်မှုများ ဆောင်ရွက်နိုင်ရန်အတွက် မတ် ၁၇ ရက် ညနေပိုင်းက ပြည်နယ်အစိုးရ အဖွဲ့ရုံး ခါကာဘိုရာဇီခန်းမ၌ ကျင်းပပြုလုပ်သည့် ပြည်နယ်ရွေးချယ်ရေးကော်မတီ၏ ပထမအကြိမ်လုပ်ငန်းညှိနှိုင်း အစည်း အဝေးမှ သိရသည်။           အဆိုပါ ပူတာအိုမြို့အား ထည့်သွင်းယှဉ်ပြိုင်နိုင်ရေးအတွက် ကြိုတင်ပြင်ဆင်ရာတွင် ရွေးချယ်ရေးကော်မတီဥက္ကဋ္ဌ၊ ပြည်နယ်သယံဇာတရေးရာဝန်ကြီးက ပူတာအိုမြို့သည် မြန်မာနိုင်ငံမြောက်ပိုင်းတွင်တည်ရှိပြီး အေးချမ်းသာယာသည့် ရာသီဥတု၊ ရေခဲဖုံးလွှမ်းသည့် တောင်တန်းကြီးများဖြင့် ဝန်းရံနေပြီး ရေမြေတောတောင် သဘာဝအလှတရားများနှင့် ပြည့်စုံနေပါကြောင်း၊ ထို့ကြောင့် ပူတာအိုမြို့၏ သန့်ရှင်းသာယာလှပမှု၊ ပတ်ဝန်းကျင်နှင့် ညီညွတ်မှုကို အာဆီယံနိုင်ငံများအကြား ပြသနိုင်ပြီး နိုင်ငံ၏ပုံရိပ်ကို မြှင့်တင်‌ပေးရာရောက်စေသည့်အပြင်…

မြစ်ကြီးနား မတ် ၁၈           ကချင်ပြည်နယ်အတွင်း ၂၀၂၆ ခုနှစ်၊ တက္ကသိုလ်ဝင်စာမေးပွဲကို  တစ်နိုင်ငံလုံး အတိုင်းအတာအနေဖြင့် ကျင်းပပြု လုပ်နိုင်ခဲ့ပြီး စက်မှု၊ စိုက်ပျိုးမွေးမြူရေးတက္ကသိုလ်ဝင်တန်း စာမေးပွဲကိုလည်း စာစစ်ဌာန(၃)ခုဖွင့်လှစ်၍ ဘာသာရပ်အလိုက် ဖြေဆိုလျက်ရှိရာ ယနေ့စာမေးပွဲ နောက်ဆုံးနေ့အဖြစ် မြစ်ကြီးနားမြို့ အစိုးရနည်းပညာအထက်တန်းကျောင်းစာစစ်ဌာန၌ ကျောင်းသား/ကျောင်းသူများ အေးချမ်းစွာဖြေဆိုနေမှုကို ပြည်နယ်အစိုးရအဖွဲ့ဝင် လူမှုရေးရာဝန်ကြီး ဦးမိုးမင်းသိန်းက လိုက်လံကြည့်ရှုစစ်ဆေးခဲ့သည်။           ထိုသို့ လိုက်လံကြည့်ရှုစစ်ဆေးရာတွင် ပြည်နယ်ဝန်ကြီးသည် ပြည်နယ်ပညာရေးမှူး ဦးစိုးသိုက်၊ အခြေခံပညာဦးစီး ဌာနမှ တာဝန်ရှိသူများနှင့်အတူ အစိုးရနည်းပညာအထက်တန်းကျောင်း စာစစ်ဌာန၌ ကျောင်းသား/ ကျောင်းသူများအေးချမ်းစွာဖြေဆိုနိုင်ရေး ဌာနဆိုင်ရာများ၊ ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ရပ်ကွက်အုပ်ချုပ်ရေးမှူးနှင့် အဖွဲ့ဝင်များက ကူညီဆောင်ရွက်ပေးနေမှုအခြေအနေများ၊ စာစစ်ဌာနအတွင်း ကျန်းမာရေးစောင့်ရှောက်မှုဆေးပေးခန်းဖွင့်လှစ် ဆောင်ရွက်နေမှု၊ ကြီးကြပ်ရေးမှူးရုံးခန်းတို့၌ စာမေးပွဲလုပ်ငန်းစဉ်များအတိုင်း ကြပ်မတ်ဆောင်ရွက်ပေးနေမှု အခြေအနေများကို ကြည့်ရှုစစ်ဆေးခဲ့ကြသည်။          …

မြစ်ကြီးနား မတ် ၁၈           (၈၁)နှစ်မြောက် တပ်မတော်နေ့ကို ကြိုဆိုဂုဏ်ပြုသောအားဖြင့် ၂၀၂၅-၂၀၂၆ ဘဏ္ဍာရေးနှစ် ပြည်နယ်အစိုးရ အဖွဲ့၏ငွေလုံးငွေရင်းခွင့်ပြုရန်ပုံငွေဖြင့် မြို့ပြနှင့်အိမ်ရာဖွံ့ဖြိုးရေးဦးစီးဌာနက တာဝန်ယူတည်ဆောက်ပြီးစီးခဲ့သည့် မြစ်ကြီးနားမြို့ ဧရာရပ်ကွက်အတွင်းရှိ မလိခဝန်ထမ်းအိမ်ရာဝင်း အတွင်း (၄)ခန်းတွဲ (၅)ထပ် အဆောက်အအုံသစ်အား ယနေ့ နံနက်ပိုင်းက ဖွင့်ပွဲအခမ်းအနားကို ကျင်းပပြုလုပ်ရာ ပြည်နယ်ဝန်ကြီးချုပ်ဦးခက်ထိန်နန်၊ မြောက်ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ် အောင်ဇော်ထွေးတို့ တက်ရောက်ခဲ့ကြသည်။           ရှေးဦးစွာ ဝန်ထမ်းအိမ်ရာအဆောက်အအုံသစ် ဖွင့်ပွဲအခမ်းအနားတွင် ပြည်နယ်ဝန်ကြီးချုပ်က မြစ်ကြီးနားမြို့တွင် တာဝန်ထမ်းဆောင်လျက်ရှိသော နိုင်ငံ့ဝန်ထမ်းများနှင့် မိသားစုများအတွက် အဆင်ပြေစွာနေထိုင်တာဝန်ထမ်းဆောင်နိုင်ရေး ပြည်နယ်ရန်ပုံငွေဖြင့် နှစ်စဉ်ဆောက်လုပ်ပေးလျက်ရှိပါကြောင်း၊ ယနေ့ ဝန်ထမ်းအိမ်ရာ(၄)ခန်းတွဲ (၅)ထပ် (၂၆)လုံးမြောက်အဖြစ် တိုက်အမှတ် (၂၀) အဆောက်အအုံသစ်အား တပ်မတော်နေ့ကိုကြိုဆိုဂုဏ်ပြုသောအားဖြင့် ဖွင့်လှစ်ခြင်းပင်ဖြစ်ပါ ကြောင်းပြောကြားပြီး ပြည်နယ်မြို့ပြနှင့်အိမ်ရာဖွံ့ဖြိုးရေးဦးစီးဌာန၊ ပြည်နယ်ဦးစီးမှူး ဦးဝင်းနိုင်က အဆောက်အဦဆိုင်ရာ တည်ဆောက်ရေးလုပ်ငန်းများနှင့်စပ်လျဉ်း၍…

မြစ်ကြီးနား မတ် ၁၄           မိုဘိုင်းလက်ကိုင်ဖုန်းသုံးစွဲသူ ပြည်သူများစံချိန်စံညွှန်းနှင့် ကိုက်ညီစစ်မှန်ပြီး နိုင်ငံတော်သို့ ကျသင့်အခွန်အကောက်များ ပေးဆောင်ထားသည့် မိုဘိုင်းလက်ကိုင်ဖုန်းများကို ပြည်တွင်းတွင် စိတ်ချယုံကြည်စွာ အသုံးပြုနိုင်ရေးအတွက် ဗဟိုမိုဘိုင်းစက်ပစ္စည်း သက်သေခံမှတ်ပုံတင်စနစ် (CEIR) လုပ်ငန်းစဉ်နှင့်စပ်လျဉ်း၍ အသိပေးရှင်းလင်းပွဲကို ပြည်တွင်းအခွန်များဦးစီးဌာနက ယနေ့နံနက် ၁၀ နာရီက မြစ်ကြီးနားမြို့ စုပေါင်းရုံးအတွင်းရှိ မနောရွှေပြည်ခန်းမ၌ ကျင်းပပြုလုပ်ခဲ့သည်။           အဆိုပါ အသိပေးရှင်းလင်းပွဲတွင် ပြည်နယ်အခွန်ဦးစီးဌာနမှူး ဦးမြင့်နိုင်က မိုဘိုင်းဖုန်းများ တရားမဝင်တင်သွင်းမှုမှ တားဆီးကာကွယ်ရေး၊ အခွန်အပြည့်အဝ ကောက်ခံရရှိရေးအတွက် သတင်းအချက်အလက်နှင့် ဆက်သွယ်ရေးနည်းပညာအသုံးချ၍ မိုဘိုင်းလက်ကိုင်ဖုန်းများ၏ မူရင်းအမှတ်အသားကို စစ်မှန်မှုရှိ/ မရှိ စစ်ဆေးနိုင်ပြီး၊ အခွန်အကောက်ဆိုင်ရ ကိစ္စရပ်များနှင့် အခွန်ပေးသွင်းမှု ဆိုင်ရာကိစ္စရပ်များကို Online မှတစ်ဆင့် အလွယ်တကူဆောင်ရွက်နိုင်စေရေးအတွက် ဗဟိုမိုဘိုင်းစက်ပစ္စည်းသက်သေခံမှတ်ပုံတင်စနစ် (Central Equipment Identity-CEIR) အကြောင်း…