နောက်ဆုံးရသတင်း

မြစ်ကြီးနား   အောက်တိုဘာ ၁             ပြည်နယ်ဝန်ကြီးချုပ်နှင့် တာဝန်ရှိသူများသည် ၂၀၂၅ ခုနှစ်၊ အောက်တိုဘာ ၁ ရက်နေ့ နံနက်  ၈ နာရီက အံတော်ရှင် တောင်တန်းသာသနာပြုကျောင်းတိုက်အတွင်းရှိ တောင်တန်းသာသနာပြု ဓမ္မဗိမ္မာန်တော်၌ “ဘဝ ချမ်းသာအခွင့်အရေးများ ရရှိရေး သက်ကြီးသူများ ဦးဆောင်ပါဝင်ပေး” ဟူသော ဆောင်ပုဒ်ဖြင့် ကျင်းပပြုလုပ်သည့် ၂၀၂၅ ခုနှစ်၊ အပြည်ပြည်ဆိုင်ရာ သက်ကြီးရွယ်အိုများနေ့ အထိမ်းအမှတ်အခမ်းအနားသို့ တက်ရောက်ပြီး ကချင်ပြည်နယ်အတွင်းရှိ အသက် ၈၅ နှစ်နှင့်အထက် သက်ကြီး ဘိုးဘွားများအား ဂါဝရပြုပူဇော်ကန်တော့ခဲ့ကြသည်။            အဆိုပါ ခမ်းအနားတွင် ပြည်နယ်ဝန်ကြီးချုပ် ဦးခက်ထိန်နန်က သက်ကြီးပုဂ္ဂိုလ်များသည် လေးစားထိုက်ဂုဏ်ပြုထိုက်သူများဖြစ်ပါကြောင်း၊ မိမိတို့အနေဖြင့်လည်း သက်ကြီးဘိုး/ဘွားများ၏ ဘဝလုံခြုံမှုရှိစေရေးနှင့် သက်ကြီးရွယ်အိုများ၏ စွမ်းအားနှင့် အတွေ့အကြုံများကို အတုယူ၍ အခွင့်အလမ်းများကို ဖန်တီးဆောင်ရွက်ပေးသွားရမည်ဖြစ်ကြောင်း၊…

မြစ်ကြီးနား   စက်တင်ဘာ ၃၀          “သန့်ရှင်းသော ဖခင်များ” ခေါင်းစဉ်ဖြင့် ကချင်ပြည်နယ်၊ မြစ်ကြီးနားခရိုင် ကချင်နှစ်ခြင်းအသင်းတော်များအဖွဲ့ချုပ် ဖခင်များအတွက် ကျင်းပပြုလုပ်သော ဘောလုံးပြိုင်ပွဲကို မြစ်ကြီးနားမြို့ ၊ မန်ခိန်ရပ်ကွက်၌ စက်တင်ဘာ ၃၀ ရက် ညနေပိုင်းက ဗိုလ်လုပွဲကို ကျင်းပပြုလုပ်ရာ ပြည်နယ်ဝန်ကြီးချုပ် ဦးခက်ထိန်နန် တက်ရောက်အမှာစကားပြောကြားသည်။           ထိုသို့ အမှာစကားပြောကြားရာတွင် ပြည်နယ်ဝန်ကြီးချုပ်က မိမိတို့ ပြည်နယ်အစိုးရအဖွဲ့ အနေဖြင့် ကျန်းမာ‌ကြံ့ခိုင်သော မျိုးဆက်သစ် လူငယ်လူရွယ်အားကစားသမားများကို စဉ်ဆက်မပြတ်မွေးထုတ်ပေးလျက်ရှိသည့်အပြင် မူးယစ်ဆေးဝါးကင်းစင်ရေးကို အလေးထားဆောင်ရွက်လျက်ရှိပါကြောင်း၊ ထို့အပြင်ဖခင်များအတွက် ယခုလို အားကစားပြိုင်ပွဲများ ကျင်းပပြုလုပ်ပေးခြင်းအားဖြင့် ကျန်းမာကြံ့ခိုင်ပျော်ရွှင်လာစေမည့်အပြင် မိမိတို့၏ သားငယ်/သမီးငယ်များကိုလည်း အားကစားဘက်တွင် စိတ်ပါဝင်စားလာအောင် ဆုံးမသွန်သင်လာစေမည်ဖြစ်ပါကြောင်း၊ သို့ဖြစ်ပါ၍ ပြည်နယ်၏ အားကစားကဏ္ဍဖွံ့ဖြိုးတိုးတက်ရေးအတွက် တစ်ဖက်တစ်လမ်းမှ ဝိုင်းဝန်းကူညီ ကြသူများအားလုံးကို အထူးပင်ကျေးဇူး…

မြစ်ကြီးနား   စက်တင်ဘာ ၃၀          အားကစားနှင့် လူငယ်ရေးရာဝန်ကြီးဌာနနှင့် ဟိုတယ်နှင့်ခရီးသွားလာရေးဝန်ကြီးဌာန၊ ပြည်ထောင်စုဝန်ကြီး Jeng Phang နော်တောင်သည် ယနေ့ မွန်းလွဲ ၁ နာရီခွဲက ကချင်ပြည်နယ် မြစ်ကြီးနားမြို့ရှိ ပြည်နယ်အားကစားနှင့်ကာယပညာဦးစီးဌာန အစည်းအဝေးခန်းမ၌ အားကစားဆပ်ကော်မတီအသီးသီးမှ တာဝန်ရှိသူများ၊ ပြည်နယ်/ခရိုင်မြို့နယ်/မြို့ရုံး ဝန်ထမ်းများနှင့် နိုင်ငံတော်၏ အားကစားအဆင့်အတန်း မြင့်မားတိုးတက်ရေးအတွက် တွေ့ဆုံအားပေးခဲ့သည်။ အဆိုပါ တွေ့ဆုံပွဲတွင် ပြည်ထောင်စုဝန်ကြီးJeng Phang နော်တောင်က ပြည်နယ်အတွင်း အားကစားနည်းမျိုးစုံ ဖွံ့ဖြိုးတက်ရေးကို အခြေခံအဆင့်မှစတင်၍ စနစ်တကျလေ့ကျင့်သင်ကြားပေး၍ မျိုးဆက်သစ်ထူးချွန်ထက်မြတ်သော ကစားသမားများ မွေးထုတ်ရန်၊ လူငယ်အားကစားသမားများ၏ အဆင့်မြှင့်စွမ်းရည်မြှင်တင်ရေးနှင့် နိုင်ငံတကာစံနှုန်းများနှင့် ကိုက်ညီသော လေ့ကျင့်ရေးစနစ်များ စီစဉ်ချမှတ်ဆောင်ရွက်နိုင်ရန်၊ ဒေသဆိုင်ရာ တိုင်းရင်းသားရိုးရာ အားကစားများကို ထိန်းသိမ်းမြှင့်တင်ခြင်းနှင့်အတူ ခေတ်မီအားကစားပြိုင်ပွဲများ ပိုမိုကျင်းပရန်လိုအပ်ကြောင်းနှင့် ပြည်နယ်၏ သဘာဝအလှတရားများ၊ ယဉ်ကျေးမှုအစီအစဉ်များ…

မြစ်ကြီးနား     စက်တင်ဘာ ၃၀           နေပြည်တော်ကောင်စီ၊ တိုင်းဒေသကြီး၊ ပြည်နယ်များတွင် ခရီးသွားလုပ်ငန်းများ စနစ်တကျဖွံ့ဖြိုးတိုးတက်ရေး ဆောင်ရွက်လျက်ရှိရာ အားကစားနှင့်လူငယ်ရေးရာဝန်ကြီးဌာနနှင့် ဟိုတယ်နှင့်ခရီးသွားလာရေးဝန်ကြီးဌာန၊ ပြည်ထောင်စုဝန်ကြီး Jeng Phang နော်တောင်သည် ယနေ့ နံနက်ပိုင်းတွင် မြစ်ကြီးနားမြို့၊ ပြည်နယ်ခန်းမ၌ ကချင်ပြည်နယ်အစိုးရအဖွဲ့ ပြည်နယ် ဝန်ကြီးချုပ်နှင့်အတူ ကချင်ပြည်နယ်အတွင်းရှိ ဟိုတယ်နှင့်ခရီးသွားလုပ်ငန်းဆိုင်ရာအသင်းအဖွဲ့များမှ တာဝန်ရှိ သူများ ၊ ဟိုတယ်နှင့် တည်းခိုရိပ်သာလုပ်ငန်းရှင်များနှင့် တွေ့ဆုံခဲ့ရာ အခမ်းအနားသို့ ကချင်ပြည်နယ်အစိုးရအဖွဲ့ဝင် ဝန်ကြီးများ၊ ဟိုတယ်နှင့် ခရီးသွားလာရေးဝန်ကြီးဌာနနှင့် ပြည်နယ်အဆင့်ဌာနဆိုင်ရာအရာရှိကြီးများ ပါဝင်တက်ရောက်ခဲ့ပါသည်။           တွေ့ဆုံရာတွင် ပြည်ထောင်စုဝန်ကြီးက နိုင်ငံတော်အနေဖြင့် မြန်မာနိုင်ငံခရီးသွားလုပ်ငန်း ဥပဒေနှင့်အညီ အမျိုးသားခရီးသွားလုပ်ငန်းဖွံ့ဖြိုးတိုးတက်မှုဗဟိုကော်မတီကို ၂၀၂၅ ခုနှစ် စက်တင်ဘာလ (၂၃) ရက်နေ့တွင် ပြန်လည် ဖွဲ့စည်းပေးခဲ့ပြီး ဖြစ်၍ ခရီးသွားလုပ်ငန်းကော်မတီနှင့် ဒေသဆိုင်ရာခရီးသွားလုပ်ငန်းကော်မတီ…

မြစ်ကြီးနား   စက်တင်ဘာ ၂၉           ပြည်နယ်ဝန်ကြီးချုပ်သည် ၂၉ -၉- ၂၀၂၅ ရက်နေ့ မွန်းလွဲပိုင်းတွင် ပြည်နယ်အစိုးရအဖွဲ့ရုံး မလိခခန်းမ၌ ကျင်ပပြုလုပ်သည့် ပြည်နယ်လယ်ယာမြေနှင့် အခြားမြေများသိမ်းဆည်းခံရမှုများ ပြန်လည်စိစစ်ရေးကော်မတီအဖွဲ့ ဝင်များနှင့် ကော်မတီ၏ (၁/၂၀၂၅) လုပ်ငန်းညှိနှိုင်းအစည်းအဝေးသို့ တက်ရောက်သည်။           အဆိုပါ လုပ်ငန်းညှိနှိုင်းအစည်းအဝေးတွင် ပြည်နယ်ဝန်ကြီးချုပ်က ကော်မတီအနေဖြင့် ချမှတ်ထားသည့် မြေစစ်မူဝါဒလုပ်ငန်းစဉ် (၅၂)ချက်နှင့်အညီ ပိတ်သိမ်းနိုင်မည့် အမှုတွဲများကို ပြီးပြတ်အောင် ပိတ်သိမ်းဆောင်ရွက်နိုင်ရေးနှင့် မရှင်း လင်းသည့် အမှုတွဲများကို ပွင့်ပွင့်လင်းလင်း တင်ပြ၍ လုပ်ထုံးလုပ်နည်းဥပဒေနှင့်အညီ ဆွေးနွေးဆောင်ရွက်ရမည်ဖြစ်ပါကြောင်း၊ ထို့အပြင် ဗဟိုကော်မတီ၏ လမ်းညွှန်ချက်များကို အောင်မြင်ရေးလုပ်ငန်းဆောင်ရွက်သည့်အခါ တစ်ညီတစ် ညွတ်တည်းပေါင်းစည်းဆွေးနွေးတိုင်ပင်၍ ဆောင်ရွက်ပေးကြရန် လိုကြောင်းမှာကြားသည်။           ထို့နောက် ပြည်နယ်အစိုးရအဖွဲ့ အတွင်းရေးမှူးက ဆောင်ရွက်ရမည့် လုပ်ငန်းစာတွဲများကို ရှင်းလင်းတင်ပြပြီး…

မြစ်ကြီးနား   စက်တင်ဘာ ၂၉           ပြည်နယ်ဝန်ကြီးချုပ်နှင့်ဇနီး၊ တာဝန်ရှိသူများသည် မြစ်ကြီးနားမြို့ ရှမ်းစုတောင်ရပ်ကွက်အတွင်းရှိ ယူချိန်တရုတ် စာပေယဉ်ကျေးမှုသင်တန်းကျောင်းတွင် ကျင်းပပြုလုပ်သည့် ရှင်း(င်)ကျူးကျောင်းဆောင်သစ်ဖွင့်ပွဲ အခမ်းအနားသို့ တက်ရောက်သည်။           အဆိုပါ အခမ်းအနားတွင် ကျောင်းအုပ် ဦးရင်းစိန်ပန်းမှ ကျောင်းဆောင်သစ်ဆောက်လုပ်ခဲ့မှုအခြေအနေများကို ရှင်းလင်းတင်ပြပြီး ကျောင်းဆောင်သစ်ကို ပြည်နယ်သံဃနာယက အကျိုးဆောင်၊ မြစ်ကြီးနားမြို့ ဝန်းသိုကျောင်းတိုက်ဆရာတော် ဘဒ္ဒန္တကေတုမာလာအမှူးပြုသော မြစ်ကြီးနားမြို့ တရုတ်ထေရဝါဒဗုဒ္ဓဘာသာ သာသနာပြုကျောင်းဆရာတော် ဘဒ္ဒန္တဦးအာစရိယ၊ပြည်နယ်ဝန်ကြီးချုပ်၊ ပြည်နယ်တရားလွှတ်တော်တရားသူကြီးချုပ်၊ ပြည်နယ်လူမှုရေးရာဝန်ကြီး၊ ယူချိန် ကျောင်းကော်မတီ ဥက္ကဋ္ဌများ၊ ယူနန်-ပေါင်ဆန်း ဟိန်ရိကုမ္မဏီဥက္ကဋ္ဌ ဦးတွမ်ကျိကွေ့၊ ကျောင်းအုပ်၊ ကျောင်းကော်မတီအဖွဲ့မှ တာဝန်ရှိသူများက ဖဲကြိုးဖြတ်ဖွင့်လှစ်ပေးကြသည်။           ထို့နောက် ကျောင်းဆောင်သစ်ဖွင့်ပွဲ အခမ်းအနားကို ခန်းမ၌ကျင်းပပြုလုပ်ရာ ပြည်နယ်ဝန်ကြီးချုပ်က တရုတ်ယဉ်ကျေးမှုစာသင်ကျောင်းသည် ပြည်နယ်အတွင်းရှိ လူငယ်များအား တရုတ်ဘာသာစကားနှင့် ကြွယ်ဝသော ယဉ်ကျေးမှုအမွေအနှစ်များကို…

မြစ်ကြီးနား   စက်တင်ဘာ ၂၉          ၂၀၂၅-၂၀၂၆ ပညာသင်နှစ်၊ ကချင်ပြည်နယ် အခြေခံပညာကျောင်းပေါင်းစုံ ကျောင်းသားအားကစားပွဲတော် ဖွင့်ပွဲ အခမ်းအနားကို ယနေ့ နံနက်ပိုင်းတွင် မြစ်ကြီးနားမြို့ ပြည်သူ့အားကစားကွင်းအတွင်း၌ စည်ကားသိုက်မြိုက်စွာ ကျင်းပပြုလုပ်ရာ မြို့နယ်အလိုက် အခြေခံပညာကျောင်းများမှ ပြိုင်ပွဲဝင် အားကစားအသင်းများနှင့် ဘင်ခရာပန်းပွားအဖွဲ့များက ကွင်းအတွင်းနေရာယူကြသည်။           ရှေးဦးစွာ ပြည်နယ်ဝန်ကြီးချုပ် ဦးခက်ထိန်နန်က အခြေခံပညာကျောင်းများသည် ကျောင်းသား/ကျောင်းသူများကို စာပေတစ်ခုတည်း သင်ကြားပေးခြင်းမျိုးမဟုတ်ဘဲ ဘက်စုံပညာရေးကိုပါ အလေးထားသင်ကြားပေးလျက်ရှိပါကြောင်း၊ ထို့ကြောင့် ကိုယ်ရောစိတ်ပါကျန်းမာကြံ့ခိုင်သူများ ဖြစ်လာစေရန်နှင့် ငယ်စဉ်ကတည်းက ပါဝင်လှုပ်ရှားသင်ယူတတ်သူများဖြစ်အောင် အားလုံးကလေ့ကျင့်ပျိုးထောင်ပေးရမည်ဖြစ်ပါကြောင်း၊ သို့မှသာ နိုင်ငံတော်က မျှော်မှန်းထားသည့် ဗလ ငါးတန်ဖြင့် ပြည့်စုံသည့် လူငယ်များပေါ်ထွက်လာမည်ဖြစ်ပါကြောင်း၊ သို့ဖြစ်ပါ၍ ယနေ့ ပွဲတော်ဖြစ်မြောက်ရေးအတွက် အဖက်ဖက်မှ ဝိုင်းဝန်းကူညီပေးကြသည့် မိဘ၊ ဆရာများ၊ လူပုဂ္ဂိုလ်၊ အဖွဲ့…

မြစ်ကြီးနား    စက်တင်ဘာ   ၂၉ ၂၀၂၅ ခုနှစ် အစိုးရဓမ္မာစရိယ ပါဋိပထမပြန်စာမေးပွဲတွင် ကချင်ပြည်နယ်၊ မြစ်ကြီးနားစာဖြေဌာနမှ ထူးချွန်စွာ ဖြေဆိုအောင်မြင်တော်မူခဲ့ကြသည့် စာအောင်သံဃာတော်များနှင့် စာချသံဃာတော်များအား ချီးကျူးဂုဏ်ပြုပူဇော်ပွဲနှင့် ဆွမ်းဆန်စိမ်းလောင်းလှူပူဇော်ပွဲကို စက်တင်ဘာ ၂၈ ရက် မွန်းလွဲ ၁ နာရီခွဲက မြစ်ကြီးနားမြို့၊ ရန်ကြီးအောင်ရပ်ကွက်အတွင်းရှိ သာသနာ့ဝန်ဆောင် မြို့ဥူးကျောင်းတိုက်၌ ကျင်းပပြုလုပ်သည်။   ရှေးဦးစွာစာအောင်သံဃာတော်များနှင့်စာချသံဃာတော်များအား ချီးကျူးဂုဏ်ပြုပူဇော်ပွဲအခမ်းအနားကို ကျင်းပရာ ပင့်သံဃာတော်များနှင့် စာအောင်သံဃာတော်များ ကြွရောက်တော်မူကြပြီး တက်ရောက်လာကြသည့် ဧည့်ပရိတ်သတ်များနှင့်အတူ အခမ်းအနားကို နမောတဿ (၃) ကြိမ် ‌ဘုရားကန်တော့ပူဇော်ခဲ့ကြကာ နိုင်ငံတော်သံဃမဟာနာယအဖွဲ့ ဒုတိယဥက္ကဋ္ဌ၊ အဘိဓဇမဟာရဋ္ဌဂုရု၊ သ.စ. အဓမ္မာစရိယ၊ အဂ္ဂမဟာအကျော် ဝိနယပါဋိပါရဂူ ခေမာသီဝံစာသင်တိုက် နာယက ဆရာတော်ဘုရားထံမှ ငါးပါးသီလခံယူဆောက်တည်ကာ မေတ္တသုတ် ပရိတ်တရားနာယူခဲ့ကြသည်။ ထို့နောက် ပြည်နယ်တရားလွှတ်တော်တရားသူကြီးချုပ်…

မြစ်ကြီးနား    စက်တင်ဘာ   ၂၆           ကချင်ပြည်နယ်အမျိုးသမီးရေးရာအဖွဲ့နှင့် မိခင်နှင့်ကလေးကြီးကြပ်မှုစောင့်ရှောက်‌ရေးအသင်းအနေဖြင့် ယနေ့ မွန်းလွဲ ၁ နာရီတွင် မြစ်ကြီးနားမြို့ စီတာပူရပ်ကွက်ရှိ ဆွတ်ငိုင်တောင် ယာယီတိမ်းရှောင် စခန်းနေမိသားစုများအား အာဟာရဒါန ကျွေးမွေးလှူဒါန်းခြင်းနှင့် ထောက်ပံ့ခြင်းများကို စုပေါင်းဆောင်ရွက်ခဲ့ကြသည်။           ထိုသို့ ဆောင်ရွက်ရာတွင် ဆွတ်ငိုင်တောင်စခန်းနေ အိမ်ထောင်စု (၁၃၇)စု၊ လူဦးရေ စုစုပေါင်း (၄၀၀) ကျော်တို့အား ပြည်နယ်အမျိုးသမီးရေးရာအဖွဲ့နှင့် မိခင်နှင့်ကလေးကြီးကြပ်မှုစောင့်ရှောက်‌ရေးအသင်းနာယက ‌ဒေါ်နန်ဆိုင်းနှင့် အဖွဲ့ဝင်များ၊ အသင်းဝင်များက အာဟာရဒါနအဖြစ် ကြက်သားဆန်ပြုတ်ဖြင့် ဧည့်ခံကျွေးမွေးပေးခဲ့ကြပြီး ချက်ပြုတ်ပေးကြသူများအား ချီးမြှင့်ငွေများကို ထောက်ပံ့ပေးအပ်ခဲ့ကြကြောင်း သိရသည်။

မြစ်ကြီးနား    စက်တင်ဘာ   ၂၆          ၂၀၂၅ ခုနှစ်၊ အောက်တိုဘာလ ၁ ရက်နေ့တွင် ကျရောက်မည့် (၆၁) နှစ်မြောက် မြန်မာနိုင်ငံရဲတပ်ဖွဲ့နေ့ကို ကြိုဆိုဂုဏ်ပြုသောအားဖြင့် ကချင်ပြည်နယ်ရဲတပ်ဖွဲ့အနေဖြင့် ပြည်သူ့အကျိုးပြုလုပ်ငန်းများကို ဆောင်ရွက်လျက်ရှိရာ ယနေ့ နံနက် ၉ နာရီက ကချင်ပြည်နယ်၊ မြစ်ကြီးနားမြို့၊ အမှတ် (၁) တပ်မတော်ဆေးရုံ (ခုတင်-၃၀၀)၌ စုပေါင်းသွေးလှူဒါန်းပွဲကို ကျင်းပပြုလုပ်ခဲ့ကြသည်။           အဆိုပါ စုပေါင်းသွေးလှူဒါန်းပွဲသို့ မြောက်ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ်အောင်ဇော်ထွေး၊ ပြည်နယ်တရားလွှတ်တော်တရားသူကြီးချုပ် ‌ဒေါ်အေးအေးမော်၊ ပြည်နယ်ဝန်ကြီးချုပ်၏ဇနီး ‌ဒေါ်နန်ဆိုင်း၊ ပြည်နယ်အစိုးရအဖွဲ့ဝင် ပြည်နယ်ဝန်ကြီးများနှင့်၎င်းတို့၏ ဇနီးများ၊ ပြည်နယ်ဥပဒေချုပ်၊ ပြည်နယ်အစိုးရအဖွဲ့အတွင်းရေးမှူးတို့ တက်ရောက်ခဲ့ကြပြီး ဆေးကုသဆောင်အတွင်း ကချင်ပြည်နယ်ရဲတပ်ဖွဲ့မှူး ရဲမှူးကြီး မျိုးဆွေ ဦးဆောင်သည့် ပြည်နယ်/ခရိုင်/မြို့နယ်အရာရှိ / အရာခံ/ အကြပ် ရဲတပ်ဖွဲ့ဝင် (၆၂)ဦးတို့အား…