မြစ်ကြီးနား          ဇွန် ၅ မြန်မာပြည်မြောက်ဖျားပိုင်း ကချင်ပြည်နယ်၊ ပူတာအိုခရိုင်အတွင်း မေလကုန်ပိုင်းမှစတင်၍ မိုသည်းထန်စွာ အဆက်မပြတ်ရွာသွန်းမှုကြောင့် နောင်မွန်မြို့နယ်၊ ခေါင်လန်ဖူးမြို့နယ်နှင့် မြစ်ကြီးနားမြို့တို့တွင် ရေကြီးရေလျှံမှုများဖြစ်ပေါ်ခဲ့သဖြင့် ‌ ရေဘေးသင့်ပြည်သူများအား ကာကွယ်ရေးဦးစီးချုပ်ရုံး(ကြည်း) မိသားစုများက ပေးပို့ထောက်ပံ့သည့်  စားသောက်ဖွယ်ရာများကို  ဇွန် ၄ ရက် မွန်းလွဲပိုင်းက တပ်မတော်လေယာဉ်ဖြင့် မြစ်ကြီးနားမြို့  နယ်မြေခံလေတပ်စခန်းဌာနချုပ်၌ ရောက်ရှိခဲ့ရာ ပြည်နယ်ဝန်ကြီးချုပ် ဦးခက်ထိန်နန်၊ မြောက်ပိုင်းတိုင်စစ်ဌာနချုပ်၊ ဒုတိယတိုင်းမှူး ဗိုလ်မှူးချုပ်ရာဇာထွန်းတို့က ကြည့်ရှုစစ်ဆေးခဲ့ကြသည်။ ထို့နောက် ပြည်နယ်ဝန်ကြီးချုပ်သည် အဆိုပါ ထောက်ပံ့ရေးပ္စည်းများနှင့်အတူ ပူတာအိုမြို့ သို့ လိုက်ပါပို့ဆောင်ခဲ့ကြပြီး ‌ပူတာအိုမြို့ ဖုန်ကန်ရာဇီခန်းမ၌ နောင်မွန်မြို့နယ်နှင့် ခေါင်လန်ဖူး မြို့နယ်များအတွင်းရှိ ရေဘေးသင့်ပြည်သူများအား ထောက်ပံ့ပေးအပ်ပွဲ အခမ်းအနားကို ကျင်းပပြုလုပ်ခဲ့ကြသည်။ အဆိုပါ အခမ်းအနားတွင် ပြည်နယ်ဝန်ကြီးချုပ် ဦးခက်ထိန်နန်က မိမိတို့အစိုးရအဖွဲ့ အနေဖြင့်…

မြစ်ကြီးနား   ဇွန် ၂          မြန်မာပြည်မြောက်ဖျားပိုင်း မေခနှင့် မလိခမြစ်အထက်ပိုင်းတွင် မိုးအဆက်မပြတ် သည်းထန် စွာ ရွာသွန်းမှုကြောင့် မြစ်ကြီးနားမြို့၌ ဧရာဝတီမြစ်ရေသည် မေလ ၃၁ ရက်နေ့မှ စတင်မြင့်တက်ခဲ့ပြီး ယနေ့ နံနက်ပိုင်းတွင် မြို့၏ စိုးရိမ်ရေအမှတ် ၁၂၀၀ အထက် ၁၂၀၅ စင်တီမီတာထိ မြင့်တက်ခဲ့သ ဖြင့် မြစ်ကြီးနားမြို့၌ ရေဝင်ရပ်ကွက် ဧရိယာတိုးလာပြီး ရေဘေးကယ်ဆယ်ရေးအဖွဲ့စုရပ်အဖြစ် နေရာသစ် (၂) ထပ်တိုးပြီး (၈)နေရာအထိ ဖွင့်လှစ်ကာ ကယ်ဆယ်ရေးလုပ်ငန်းများ ဆောင်ရွက်ခဲ့ရပြီး မြို့ပေါ်ရပ်ကွက်များရှိ ဘုန်းတော်ကြီးကျောင်း၊ စာသင်ကျောင်းများနှင့် ခရစ်ယာန်ဘာသာရေး ကျောင်းများတွင် ရေဘေးကယ်ဆယ်ရေးစခန်း (၃၀)ခုထိ တိုးချဲ့ဖွင့်လှစ်ထားခဲ့ကြောင်း သိရသည်။           ထိုသို့ ဆောင်ရွက်ပေးလျက်ရှိရာတွင် ပြည်နယ်ဝန်ကြီးချုပ် ဦးခက်ထိန်နန်သည် မြောက်ပိုင်း တိုင်းစစ်ဌာနချုပ် တိုင်းမှူး…

မြစ်ကြီးနား   ဇွန် ၁          မြန်မာပြည်မြောက်ဖျားပိုင်း၊ ဧရာဝတီမြစ်အထက်ပိုင်း မေခနှင့် မလိခမြစ်တို့တွင် မိုးသည်းထန်စွာ အဆက်မပြတ် ရွာသွန်းမှုကြောင့် ဧရာဝတီမြစ်ရေသည် မြစ်ကြီးနားမြို့၌ ယမန်နေ့ နံနက်ပိုင်းမှ စတင်၍ အရှိန်အဟုန်ဖြင့် မြင့်တက်လာခဲ့ပြီး ယနေ့ နံနက် ၈ နာရီတွင် မြို့၏ စိုးရိမ်ရေအမှတ် ၁၂၀၀ စင်တီမီတာအောက် ၁၁၀၅ စင်တီမီတာအထိ မြင့်တက်လာခဲ့သဖြင့် မြို့မြေနိမ့်ရပ်ကွက်များအတွင်း မြစ်ရေဝင်ခဲ့ရာ ရေဘေးကယ်ဆယ်ရေးစခန်း (၁၀)ခု ဖွင့်လှစ်၍ အိမ်ထောင်စု (၈၀၀)ကျော်တို့အား ကူညီကယ်ဆယ်ဆောင်ရွက်လျက်ရှိကြောင်း သိရသည်။           ထို့သို့ မြစ်ရေမြင့်တက်မှုကြောင့် မြစ်ကြီးနားမြို့၏ မြေနိမ့်ရပ်ကွက်များဖြစ်သည့် လယ်ကုန်း၊ ကြက်ပေါင်ခြံ၊ ရမ်ပူ၊ မြို့သစ်ကြီးနှင့် ရေကြည်ရပ်ကွက် မြေနိမ့်ပိုင်းတို့တွင် နေအိမ်များထိ ရေဝင်ရောက်ခဲ့သဖြင့် ကချင်ပြည်နယ်အစိုးရအဖွဲ့၏ ကြီးကြပ်စီမံဖွဲ့စည်းထားရှိသည့် ပြည်နယ်မီးသတ်ဦးစီးဌာနမှ ရှာဖွေကယ်ဆယ်ရေးတပ်ဖွဲ့ဝင်များ၏…

မြစ်ကြီးနား   ဇွန် ၁          မြန်မာပြည်မြောက်ဖျားပိုင်းနှင့် ဧရာဝတီမြစ်အထက်ပိုင်း မေခနှင့် မလိခမြစ်တို့တွင် မိုးသည်းထန်စွာ အဆက်မပြတ် ရွာသွန်းမှုကြောင့် ဧရာဝတီမြစ်ရေသည် မြစ်ကြီးနားမြို့၌ ယမန်နေ့ နံနက်ပိုင်းမှ စတင်မြင့်တက်လာခဲ့ပြီး ယနေ့ နံနက် ၈ နာရီတွင် မြို့၏ စိုးရိမ်ရေအမှတ် ၁၂၀၀ စင်တီမီတာအောက် ၁၁၀၅ စင်တီမီတာအထိ မြင့်တက်လာခဲ့သဖြင့် မြစ်ကြီးနားမြို့ မြေနိမ့်ရပ်ကွက်များအတွင်း မြစ်ရေဝင်ရောက်ပြီဖြစ်ရာ ပြည်နယ်အစိုးရအဖွဲ့နှင့် မြောက်ပိုင်းတိုင်းစစ်ဌာနချုပ်တို့က ဦးဆောင်၍ ကူညီကယ်ဆယ်ရေးလုပ်ငန်းများနှင့် ရေဘေးကယ်ဆယ်ရေးစခန်းများ ဖွင့်လှစ်ဆောင်ရွက်လျက်ရှိသည်။           ထိုသို့ မြစ်ရေမြင့်တက်မှုကြောင့် မြို့ပေါ် မြေနိမ့်ပိုင်း ရပ်ကွက်များအတွင်း ရေဝင်ရောက်ခဲ့သဖြင့် ပြည်နယ်အစိုးရ အဖွဲ့၏ ကြီးကြပ်စီမံမှုဖြင့် ရေဘေးကယ်ဆယ်ရေးစုရပ်နေရာများ ဖွင့်လှစ်၍ မီးသတ်တပ်ဖွဲ့ဝင်များ၊ တပ်မတော်သားများ၊ ဌာနဆိုင်ရာများ၊ ကြက်ခြေနီတပ်ဖွဲ့ဝင်များနှင့် လူမှုကူညီရေးအသင်း/အဖွဲ့များအား စနစ်တကျစုဖွဲ့၍ ရပ်ကွက်အလိုက်…

မြစ်ကြီးနား   မေ ၃၁          ကချင်ပြည်နယ်၊ မိုးညှင်းခရိုင်အတွင်း အကြမ်းဖက်မှုဖြစ်စဉ်များကြောင့် နေရပ်ကျေးရွာများကို စွန့်ခွာ၍ မိုးကောင်းမြို့နယ်၊ နမ္မတီးမြို့သို့ ယာယီတိမ်းရှောင် ခိုလှုံနေထိုင်လျက်ရှိသော ပြည်သူများအား ကချင်ပြည်နယ်အစိုးရအဖွဲ့က ဆန်၊ ဆီနှင့် စားသောက်ကုန်များ ထောက်ပံ့ပေးအပ်ခြင်းနှင့် ပြည်နယ်အခမဲ့ဆေးဝါးကုသရေးဖောင်ဒေးရှင်းမှ ကျန်းမာရေးစောင့်ရှောက်မှုပေးခြင်းအခမ်းအနားကို ယနေ့ နံနက် ၁၀ နာရီက နမ္မတီးမြို့ မြို့တော်ခန်းမ၌ ကျင်းပပြုလုပ်ရာ ပြည်နယ်ဝန်ကြီးချုပ် ဦးခက်ထိန်နန်နှင့် တာဝန်ရှိသူများ တက်ရောက်ကြသည်။           ရှေးဦးစွာ အခမ်းအနားတွင် ပြည်နယ်ဝန်ကြီးချုပ်က ပြည်နယ်အစိုးရအဖွဲ့အနေဖြင့် ဒေသတွင်း နေရပ်စွန့်ခွာပြည်သူများအားမိုးမကျမီ အမိုးအကာအောက် နေထိုင်နိုင်ရေးနှင့် စားသောက်မှုအဆင်ပြေစေရေး ကြိုးစား၍အတတ်နိုင်ဆုံး ဖြည့်ဆည်းဆောင်ရွက်ပေးလျက်ရှိပါကြောင်း၊ သို့ဖြစ်ပါ၍ လိုအပ်ချက်များကို အတူတကွ ဝိုင်းဝန်းပူးပေါင်းကြိုးစားရေးနှင့် စိတ်ဓာတ်ခွန်အားပေးရန်လာ ရောက်ခြင်းဖြစ်ပါကြောင်း အားပေးပြောကြားသည်။           ဆက်လက်၍ ပြည်နယ်ဝန်ကြီးချုပ်နှင့်ပြည်နယ်အစိုးရအဖွဲ့ဝင် ဝန်ကြီးများဖြစ်သည့်…

မြစ်ကြီးနား          မေ ၃၀ ကျန်းမာရေးဝန်ကြီးဌာန၊ ကျန်းမာရေးလူ့စွမ်းအားအရင်းအမြစ်ဦးစီးဌာန၏ ၂၀၂၅ ပညာသင်နှစ်တွင် သူနာပြု-သားဖွားသင်တန်းကျောင်း (မြစ်ကြီးနား)၌ ဖွင့်လှစ်လျက်ရှိသည့် သူနာပြု-သားဖွား ဒီပလိုမာသင်တန်းအား တက်ရောက်ခွင့်ရရှိသော သင်တန်းသား/ သင်တန်းသူများအား ဂျူတီကုတ်နှင့် ဦးဆောင်းအပ်နှင်းခြင်း အခမ်းအနားကို ယနေ့ နံနက်ပိုင်းတွင် အဆိုပါ သင်တန်းကျောင်း၊ အစည်းအဝေးခန်း၌ ကျင်းပပြုလုပ်သည်။ ရှေးဦးစွာ ပြည်နယ်ဝန်ကြီးချုပ် ဦးခက်ထိန်နန်က နိုင်ငံတစ်နိုင်ငံဖွံ့ဖြိုးတိုးတက်ရေးအတွက် ကဏ္ဍပေါင်းစုံ ဖွံ့ဖြိုးတိုးတက်ရမည်ဖြစ်သကဲ့သို့ အဆိုပါ ကဏ္ဍများအနက် ကျန်းမာရေးစောင့်ရှောက်မှုပေးသည့်ကဏ္ဍသည် အရေးကြီးသည့်ကဏ္ဍတစ်ရပ်ပင် ဖြစ်ပါကြောင်း၊ သို့ဖြစ်ပါ၍ ယနေ့ သူနာပြုအတတ်ပညာကို သင်ယူနေကြသည့် သင်တန်းသား၊ သင်တန်းသူများအနေဖြင့်  သူနာပြုကောင်းများ ဖြစ်လာစေရန် အတတ်ပညာများကို ကျွမ်းကျင်အောင် လေ့လာဆည်းပူးပြီး ကျင့်ဝတ်များကို ထိန်းသိမ်းရန် လိုအပ်ပါကြောင်း၊ ထို့အပြင် သူနာပြုတစ်ဦး၏ ကျင့်ဝတ်နှင့်အညီ ပြုမှုပြောဆို ကျင့်ကြံ့နေထိုင်လျက် သစ္စာအဓိဌာန်ပါအတိုင်း…

မြစ်ကြီးနား   မေ ၂၉          ၂၀၂၅ ခုနှစ်၊ (၃၃) ကြိမ်မြောက် အရှေ့တောင်အာရှအားကစားပြိုင်ပွဲတွင် ကာယဗလနှင့် ကာယကြံ့ခိုင်မှုအားကစား (၇၀) ကီလိုတန်းတွင် ဝင်ရောက်ယှဉ်ပြိုင်ရန် မြန်မာ့လက်ရွေးစင်အဖြစ် ရွေးချယ်ခံရသော ကချင်ပြည်နယ်မှ ကာယဗလနှင့် ကာယကြံ့ခိုင်မှုအားကစားသမား မောင်မောင်စိုင်းအား ကချင်ပြည်နယ်အစိုးရအဖွဲ့က မေ ၂၉ ရက် ညနေ ၃ နာရီက မေခခန်းမ၌ အခမ်းအနားဖြင့် ဂုဏ်ပြုချီးမြှင့်ခဲ့သည်။           အဆိုပါ ဂုဏ်ပြုချီးမြှင့်ပွဲအခမ်းအနားသို့ ပြည်နယ်ဝန်ကြီးချုပ် ဦးခက်ထိန်နန်၊ ပြည်နယ်တရားလွှတ်တော်တရားသူကြီးချုပ် ဒေါ်အေးအေးမော်၊ ပြည်နယ်အစိုးရအဖွဲ့ဝင် ဝန်ကြီးများ၊ ပြည်နယ်ဥပဒေချုပ်၊ ပြည်နယ်အစိုးရအဖွဲ့ အတွင်းရေးမှူးနှင့် ပြည်နယ်အဆင့်ဌာနဆိုင်ရာများ၊ ကချင်ပြည်နယ်အတွင်းရှိ အားကစားဆပ်ကော်မတီအသီးသီးမှ တာဝန်ရှိသူများ တက်ရောက်ခဲ့ကြသည်။ ရှေးဦးစွာ ပြည်နယ်ဝန်ကြီးချုပ် ဦးခက်ထိန်နန်က ထိုင်းနိုင်ငံဘန်ကောက်မြို့၌ ကျင်းပပြုလုပ်မည့် (၁၉)ကြိမ်မြောက် အရှေ့တောင်အာရှ ကာယဗလပြိုင်ပွဲနှင့်…

မြစ်ကြီးနား   မေ ၂၈          ကချင်ပြည်နယ်အနေဖြင့် ၂၀၂၅ ခုနှစ်၊ တိုင်းဒေသကြီးနှင့် ပြည်နယ်အားကစားပြိုင်ပွဲများတွင် ဝင်ရောက်ယှဉ်ပြိုင် နိုင်ရေးအတွက် အားကစားသမားများအား စခန်းသွင်းလေ့ကျင့် ပြင်ဆင်ဆောင်ရွက်လျက်ရှိပြီး ပြည်နယ်ဝန်ကြီးချုပ် ဦးခက်ထိန်နန်သည် ယနေ့ နံနက် ၉ နာရီက မြစ်ကြီးနားမြို့ ပြည်သူ့အားကစားကွင်းအတွင်းရှိ မိုးလုံလေလုံအားကစားခန်းမ၌ တိုင်းဒေသကြီးနှင့် ပြည်နယ်ဘော်လီဘောပြိုင်ပွဲသို့ သွားရောက်ကြမည့် ပြည်နယ်လက်ရွေးစင် အမျိုးသမီးဘော်လီဘောအသင်းအား အောင်နိုင်ရေးအလံနှင့် ချီးမြှင့်ထောက်ပံ့ငွေများကို ပေးအပ်ခဲ့သည်။           ရှေးဦးစွာ ပြည်နယ်ဝန်ကြီးချုပ်က ယနေ့ ဘော်လီဘောပြိုင်ပွဲကို သွားရောက်ယှဉ်ပြိုင်ကြမည့် ပြည်နယ်အမျိုးသမီးဘော်လီဘောအသင်းအနေဖြင့် မိမိတို့ကချင်ပြည်နယ်၏ ဂုဏ်ဆောင်အသင်း (၁) သင်းအဖြစ် သွားရောက်ယှဉ်ပြိုင်ကြမည်ဖြစ်ပါကြောင်း၊ အမျိုးသမီးဘောလီဘောအသင်းအနေဖြင့် မိမိတို့ အစိုးရအဖွဲ့လက်ထက်နှစ်ပေါင်း(၅၀)နီးပါးကြာခဲ့သည့် တံခွန်စိုက်ဆုကြီးကို ရရှိအောင် စွမ်းဆောင်ပေးနိုင်ခဲ့ကြသည့် ပြည်နယ်ဂုဏ်ဆောင် ချန်ပီယံအသင်း (၁) သင်း ဖြစ်သည့် အတွက်…

မြစ်ကြီးနား   မေ ၂၇          ကချင်ပြည်နယ်အစိုးရအဖွဲ့အနေဖြင့် မိုးစပါးစိုက်ပျိုးမှုပန်းတိုင်အထွက်နှုန်းရရှိရေးနှင့် လယ်သီးထပ်ဆောင်းသီးနှံ စိုက်ဧကတိုးချဲ့စိုက်ပျိုးနိုင်ရေး၊ တောင်သူအကျိုးဖြစ်ထွန်းရေးအတွက် ကြိုးပမ်းဆောင်ရွက်လျက်ရှိရာ ပြည်နယ်ဝန်ကြီးချုပ် ဦးခက်ထိန်နန်သည် ပြည်နယ်ဝန်ကြီးများ၊ တာဝန်ရှိသူများနှင့်အတူ ယနေ့ နံနက် ၇ နာရီခွဲက မြစ်ကြီးနားမြို့ ဗလမင်းထင်စံပြစိုက်ကွင်း (တပ်ကုန်းမြောက်ကွင်း)အတွင်းရှိ မိုးစပါးစိုက်တောင်သူများနှင့် သွားရောက်တွေ့ဆုံသည်။           ထိုသို့ တွေ့ဆုံစဉ် ပြည်နယ်ဝန်ကြီးချုပ်က ပြည်နယ်အနေဖြင့် ဆန်ဖူလုံမှုရှိသော်လည်း ဖူလုံနေသည့် ဆန်ကိုလည်း ပိုမိုတိုးတက်ထုတ်နိုင်ရန် လိုအပ်ပါကြောင်း၊ ထို့အပြင် စားဆီဖူလုံမှုမရှိသေးသည့်အတွက် ဆီထွက်သီးနှံကို ယာမြေနှင့် တောင်ယာများတွင် သီးသန့်စိုက်ပျိုးသည့်အပြင် မိုးစပါးအပြီး လယ်သီးထပ်အဖြစ် နှစ်သီးမှ သုံးသီးအနေဖြင့် စိုက်ပျိုးထုတ်လုပ်လာနိုင်ပါက စားဆီဖူလုံမှုရှိလာမည်ဖြစ်ပြီး တောင်သူများအတွက်လည်း အကျိုးစီးပွားဖြစ်ထွန်းလာမည်ဖြစ်ပါကြောင်း၊ သို့ဖြစ်ပါ၍ မိုးစပါးအပါအဝင် သီးထပ်စိုက်ပျိုးရာတွင် ပန်းတိုင်အထွက်နှုန်းရရှိရေးအတွက် မြေဆီလွှာစဉ်ဆက် မပြတ် ဖွံ့ဖြိုးတိုးတက်လာရေးကို မဖြစ်မနေဆောင်ရွက်ကြရမည်ဖြစ်ပါကြောင်း၊…

မြစ်ကြီးနား   မေ ၂၆          ကချင်ပြည်နယ်အစိုးရအဖွဲ့အနေဖြင့် ပြည်နယ်အတွင်းဒေသဝမ်းစာဖူလုံရေးနှင့် ဆီထွက်သီးနှံစိုက်ဧကတိုးချဲ့စိုက်ပျိုးနိုင်ရေး၊ ဆီကြိတ်စက်များ အဆင့်မြှင့်တင်တိုးတက်လာနိုင်ရေးအတွက် ကြိုးပမ်းဆောင်ရွက်လျက်ရှိရာ ပြည်နယ်ဝန်ကြီးချုပ် ဦးခက်ထိန်နန်သည် မေ ၂၆  ရက် မွန်းလွဲ ၁ နာရီက ပြည်နယ်အစိုးရအဖွဲ့ရုံး မလိခခန်းမ၌ ပြည်နယ်အဆင့်ဌာနဆိုင်ရာများနှင့် လုပ်ငန်းညှိနှိုင်းအစည်းအဝေးကို ကျင်းပပြုလုပ်သည်။           ရှေးဦးစွာ ပြည်နယ်ဝန်ကြီးချုပ်က ပြည်နယ်အတွင်း ဒေသအလိုက် ဝမ်းစာဖူလုံလာစေရေး၊ ဆီထွက်သီးနှံစိုက်ဧက တိုးချဲ့စိုက်ပျိုးနိုင်ရေးအတွက် ကြိုးပမ်းဆောင်ရွက်သွားကြရမည်ဖြစ်ပါကြောင်း၊ ထိုသို့ ဆောင်ရွက်ရာတွင်လည်း ‌ဒေသနှင့်ကိုက်ညီပြီး ပန်းတိုင်အထွက်နှုန်းရရှိစေရေန်၊ မိုးစပါးစိုက်လယ်များတွင် တိုးချဲ့စိုက်ပျိုးလာစေရန် အနီးကပ်ကြီးကြပ်ဆောင်ရွက်လျက်ရှိပါကြောင်း၊ ထို့အပြင် သွင်းအားစုများ ဖြည့်ဆည်းပံ့ပိုးပေးနိုင်ရေးနှင့် လိုအပ်သည်များကို အချိန်မီဖြည့်ဆည်းပေးရန် လိုအပ်မည်ဖြစ်ပါကြောင်း၊ စိုက်ပျိုးရေးလုပ်ငန်းအပြင် ဒေသတွင်း ကြိတ်ခွဲထုတ်လုပ်နိုင်ရေး ဆန်နှင့် ဆီကြိတ်ခွဲများကို အဆင့်မြှင့်တင်ခြင်း၊ အသစ်တိုးချဲ့တည်ထောင်နိုင်ရေးအတွက် ပံ့ပိုးကူညီမှုများကို စဉ်ဆက်မပြတ် ဆောင်ရွက်ပေးခဲ့ပါကြောင်း၊…