မြစ်ကြီးနား     မေ ၃၀           ကချင်ပြည်နယ်၏ မြို့တော် မြစ်ကြီးနားမြို့အား မြို့တော်အင်္ဂါရပ်နှင့်အညီ သန့်ရှင်းသာယာလှပ ရေး၊ စိမ်းလန်းစိုပြည်လာစေရေးအတွက် ကြိုးပမ်းဆောင်ရွက်လျက်ရှိရာ ပြည်နယ်အစိုးရအဖွဲ့ဝင် စည်ပင် သာယာရေးဝန်ကြီး ဒေါက်တာသန်းဌေးအောင်သည် ယနေ့ နံနက်ပိုင်းက မြစ်ကြီးနားမြို့ပေါ် ရပ်ကွက်များနှင့် အခြေခံပညာကျောင်းများအတွင်း စုပေါင်းသန့်ရှင်းရေးလုပ်ငန်းများ ဆောင်ရွက်နေမှုအား ကွင်းဆင်း ကြည့်ရှုစစ်ဆေးခဲ့ကြသည်။           ထိုသို့ ကွင်းဆင်းစစ်ဆေးရာတွင် ပြည်နယ်ဝန်ကြီးသည် မြစ်ကြီးနားတက္ကသိုလ်ဝင်းအတွင်း စည်ပင်သာယာရေးအဖွဲ့၊ မီးသတ်ဦးစီးဌာနနှင့် တက္ကသိုလ်မှ ဝန်ထမ်းများအင်အားစုစုပေါင်း ၁၂၀ ဦးတို့၏ မြစ်ကြီးနားတက္ကသိုလ် သန့်ရှင်းသာယာလှပရေးအတွက် စုပေါင်းသန့်ရှင်းရေးလုပ်ငန်းများ ဆောင်ရွက်နေမှုကို တက္ကသိုလ်ဒုတိယပါမောက္ခချုပ်၊ ပါမောက္ခဌာနမှူးများနှင့်အတူ ကြည့်ရှုအားပေးခဲ့ကြပြီး ကျောင်း ဝင်းတစ်ခုလုံး ပန်းများဖြင့် ဝေဆာပြီး စိမ်းလန်းစိုပြည်သန့်ရှင်း သာယာလှပစေရေး ဆက်လက်ဆောင်ရွက် ရမည့် အစီအစဉ်များကို ပေါင်းစပ်ဆောင်ရွက်ပေးခဲ့သည်။           ထို့နောက်…

မြစ်ကြီးနား     မေ ၃၀           နိုင်ငံတော်သမ္မတ၏ လမ်းညွှန်မှာကြားချက်များမှ တရားဥပဒေစိုးမိုးရေး၊ နိုင်ငံသားတိုင်း ဥပဒေ အကာအကွယ်ကို အညီအမျှရရှိရေးနှင့် ဥပဒေရေးရာဝန်ကြီးဌာန၏ ပြည်ထောင်စုဝန်ကြီးနှင့် ပြည်ထောင်စုရှေ့နေချုပ်၊ တိုင်းဒေသကြီး/ ပြည်နယ်ဥပဒေချုပ်များ၊ တိုင်းဒေသကြီး/ ပြည်နယ်ဥပဒေ အရာရှိများနှင့် ခရိုင်ဥပဒေအရာရှိများ၏ ညှိနှိုင်းဆွေးနွေးပွဲမှ လမ်းညွှန်မှာကြားချက်များအပေါ် ကချင် ပြည်နယ်ဥပဒေချုပ်က ခရိုင်/ မြို့နယ်ဥပဒေအရာရှိများကို ထပ်ဆင့်ရှင်းလင်းခြင်းအား ယနေ့ နံနက်ပိုင်း တွင် မြစ်ကြီးနားမြို့ ပြည်နယ်ဥပဒေချုပ်ရုံး အစည်းအဝေးခန်းမ၌ ကျင်းပပြုလုပ်ခဲ့သည်။           အဆိုပါ ထပ်ဆင့်ရှင်းလင်းခြင်းအခမ်းအနားတွင် ပြည်နယ်ဥပဒေချုပ် ဒေါ်နန်းလှလှအေးက ဝန်ကြီးဌာနက ဆောင်ရွက်မည့် အစီအမံများနှင့် ပြည်ထောင်စုဝန်ကြီးနှင့် ပြည်ထောင်စုရှေ့နေချုပ်တို့၏ လမ်းညွှန်မှာကြားချက်များ၊ ဒုတိယဝန်ကြီးနှင့် ဒုတိယရှေ့နေချုပ်တို့၏ လမ်းညွှန်ချက်များကို ထပ်ဆင့်ရှင်းလင်းပြောကြားသည်။ ထို့နောက် ပြည်နယ်ဥပဒေအရာရှိ ဦးစန်းလွင်ဦးက ဥပဒေရေးရာဝန်ကြီးဌာန၊ အမြဲတမ်း အတွင်းဝန်နှင့်…

မြစ်ကြီးနား     မေ  ၂၉ ကချင်ပြည်နယ် စားသုံးသူရေးရာကော်မတီဥက္ကဋ္ဌ၊ ပြည်နယ်အစိုးရအဖွဲ့ဝင် စီမံကိန်း၊ စီးပွားရေးနှင့်ဘဏ္ဍာရေးဝန်ကြီး ဦးချန်တန်ခင်သည် ယနေ့ နံနက် ၁၀ နာရီက ပြည်နယ်အစိုးရအဖွဲ့ရုံးရှိ အစည်းအဝေးခန်းမ၌ စားသုံးသူအခွင့်အရေးနှင့် အကျိုးစီးပွား ကာကွယ်ပေးနိုင်ရေးအတွက် ရှေ့လုပ်ငန်းစဉ်များနှင့်စပ်လျဉ်း၍ ပြည်နယ်စားသုံးသူရေးရာကော်မတီ၏ (၂/၂၀၂၆) ကြိမ်မြောက် လုပ်ငန်းညှိနှိုင်း အစည်းအဝေးကို ကျင်းပပြုလုပ်ခဲ့ကြသည်။ အဆိုပါ လုပ်ငန်းညှိနှိုင်းအစည်းအဝေးတွင် ကော်မတီဥက္ကဋ္ဌ၊ ပြည်နယ်ဝန်ကြီးက စားသုံးသူအခွင့်အရေးနှင့် အကျိုးစီးပွားကာကွယ်ပေးနိုင်ရေးနှင့် ပိုမိုကောင်းမွန်သည့် စားသုံးသူကာကွယ်ရေးနဲ့ ထုတ်ကုန်လုံခြုံစိတ်ချမှုရှိစေရေးအတွက် ဌာနအနေဖြင့် ၂၀၁၉-၂၀၂၀ ဘဏ္ဍာနှစ်မှ ၂၀၂၅ – ၂၀၂၆ ဘဏ္ဍာနှစ်အထိ စားသုံးသူ တိုင်ကြားမှုပေါင်း (၃၄)မှုအပေါ် စားသုံးသူကာကွယ်ရေးဥပဒေ၊ နည်းဥပဒေ၊ အမိန့်ညွှန်ကြားချက်၊ Sop များနှင့် ဖြေရှင်းဆောင်ရွက်ပေးခဲ့သည်ကို သိရှိရပါကြောင်း၊ သို့ဖြစ်ပါ၍ ကော်မတီအဖွဲ့ဝင်များအနေဖြင့် ပိုမိုကောင်းမွန်သည့် စားသုံးသူကာကွယ်ပေးရေး၊…

မြစ်ကြီးနား     မေ  ၂၇           ကချင်ပြည်နယ်ဝန်ကြီးချုပ် ဦးခက်ထိန်နန်သည် မြစ်ကြီးနားမြို့နယ် ပလနကျေးရွာအုပ်စုအတွင်းရှိ ပုဂ္ဂလိပိုင်ကြက်မွေးမြူရေးခြံများသို့ သွားရောက်ပြီး မွေးမြူရေးလုပ်ငန်းများ တိုးမြှင့်ဆောင်ရွက်နိုင်ရေး ယနေ့ နံနက်ပိုင်းက ပြည်နယ်ဝန်ကြီးများ၊ ဌာနဆိုင်ရာတာဝန်ရှိသူများနှင့်အတူ ကွင်းဆင်းစစ်ဆေးခဲ့ကြ သည်။           ထိုသို့ ကွင်းဆင်းစစ်ဆေးရာတွင် ပလနကျေးရွာအုပ်စု၊ ငွေပျော်စံပြကျေးရွာအနီးရှိ မြေဧရိယာအတွင်း ကြက်ခြံများ တည်ဆောက်ရေး အသားတိုးကြက်မွေးမြူရေးလုပ်ငန်းများ ဆောင်ရွက်လျက်ရှိသည့် အသားတိုးကြက်ခြံ၌ ကြက်များမွေးမြူထားရှိမှု အခြေအနေများကို ကြည့်ရှုစစ်ဆေးခဲ့ကြပြီး ဒေသတွင်း ဖြန့်ဖြူးရောင်းချနိုင်မှုနှင့် ကြက်စာနှင့် ကြက်သားပေါက်များ မှာယူရရှိမှု အခြေအနေများကို မေးမြန်းဆွေးနွေးခဲ့ကြကာ အဆိုပါ မြေဧရိယာအတွင်း ကြက်မွေးမြူရေးလုပ်ငန်းအပြင် ပုဂ္ဂလိကလုပ်ငန်းရှင်များအား စည်းရုံးဖိတ်ခေါ်၍ လုပ်ထုံးလုပ်နည်းနှင့်အညီ နွားနှင့် အခြားမွေးမြူရေးလုပ်ငန်းများ ဆောင်ရွက်စေခြင်းဖြင့် မွေးမြူရေးဇုံကဲ့သို့ နေရာတစ်ခုဖြစ်လာစေရန် ကြိုးစားကြရမည်ဖြစ်ကြောင်း မှာကြားခဲ့ကာ လိုအပ်သည်များကို ဌာနဆိုင်ရာတာဝန်ရှိသူများနှင့် ပေါင်းစပ်ညှိနှိုင်းဆောင်ရွက်ပေးခဲ့သည်။…

ပူတာအို မေ ၂၃           မြန်မာပြည်မြောက်ဖျားပိုင်း ပူတာအိုခရိုင်အတွင်း မိုးစပါးပန်းတိုင်အထွက်နှုန်းရရှိရေးနှင့် ဆီထွက်သီးနှံ ဆီမုန်ညှင်းစိုက်ဧက တိုးချဲ့စိုက်ပျိုးထုတ်လုပ်နိုင်ရေးအတွက် ပူတာအိုမြို့သို့ ရောက်ရှိနေသော ပြည်နယ်ဝန်ကြီးချုပ် ဦးခက်ထိန်နန်သည် ပြည်နယ်ဝန်ကြီးများ၊ ဌာနဆိုင်ရာတာဝန်ရှိသူများနှင့်အတူ မေ ၂၂ ရက် နံနက် ၇ နာရီက အခြေခံပညာအထက်တန်း ကျောင်း (ပူတာအို) ကျောင်းရှေ့၌ ကျောင်းအပ်နှံရေးနေ့ အထိမ်းအမှတ်အသိပညာပေးမြေစိုက်ပိုစတာစိုက်ထူပွဲ အခမ်း အနားသို့ တက်ရောက်ခဲ့ကြသည်။           ရှေးဦးစွာ ပြည်နယ်ဝန်ကြီးချူပ်သည် ပြည်နယ်အစိုးရအဖွဲ့ဝင် စီမံကိန်း၊ စီးပွားရေးနှင့် ဘဏ္ဍာရေးဝန်ကြီး ဦးချန်တန်ခင်၊ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးရဲရင့်ဆွေ၊ ခရိုင်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဋ္ဌ၊ လွှတ်တော်ကိုယ်စားလှယ်များ၊ ဌာနဆိုင်ရာတာဝန်ရှိသူများနှင့် ကျောင်းရှေ့မြေစိုက်ပိုစတာစိုက်ထူမည့် နေရာ၌ နေရာယူခဲ့ကြပြီး ပြည်နယ်ဝန်ကြီးချုပ်က ၂၀၂၆-၂၀၂၇ ပညာသင်နှစ် ကျောင်းအပ်နှံရေးသီတင်းပတ်အဖြစ် မေ…

မြစ်ကြီးနား မေ ၂၂           ပညာရေးဝန်ကြီးဌာန၏ ဦးဆောင်လမ်းညွှန်မှုဖြင့် မူလတန်းပြ ဆရာ၊ ဆရာမများ အင်္ဂလိပ်စာ သင်ကြားရေးစွမ်းရည်တိုးတက်မြင့်မားလာစေရန်ရည်ရွယ်၍ ဖွင့်လှစ်သင်ကြားပေးခဲ့သည့် အင်္ဂလိပ်စာအရည်အသွေးမြှင့်သင်တန်း သင်တန်းဆင်းပွဲကို ယနေ့မွန်းလွဲပိုင်းက မြစ်ကြီးနားမြို့ ဧရာရပ်ကွက် အမှတ်(၁)အခြေခံပညာအထက်တန်းကျောင်း အေးမြသီတာခန်းမ၌ ကျင်းပပြုလုပ်ရာ ပြည်နယ်လူမှု‌ရေးရာဝန်ကြီး ဦးကျော်မင်းခိုင်တက်ရောက်အမှာစကားပြောကြားသည်။           သင်တန်းဆင်းပွဲတွင် ဦးစွာပြည်နယ်ဝန်ကြီးက အင်္ဂလိပ်စာဟာ ယနေ့ခတ်မှာ ဘာသာစကား တစ်ခုထက်မကဘဲ ဗဟုသုတများလေ့လာရာ တံခါးပေါက်တစ်ခုဖြစ်ပါကြောင်း၊ အထူးသဖြင့် ကလေးများ၏အခြေခံအုတ်မြစ်ကိုချပေးရသည့် “မူလတန်း” အဆင့်တွင် ဆရာ၊ ဆရာမ များ၏ အရည်အသွေးဟာ လွန်စွာအရေးကြီးပါကြောင်း၊ ကလေးများအား အသံထွက် (Phonetics)ကို အခြေခံမှန်မှန်ဖြင့် သင်ကြားပေးနိုင်ရန် ဆရာ၊ ဆရာမများ ကိုယ်တိုင်ကျွမ်းကျင်မှုရှိမှသာ ကျောင်းသား/ကျောင်းသူများ အားယုံကြည်မှုအပြည့်ဖြင့် သင်ကြားပို့ချနိုင်မှာဖြစ်ပါကြောင်း၊ သင်တန်းမှသင်ယူရရှိသောအသိပညာ၊ အတတ်အပညာများအား လုပ်ငန်းခွင်နှင့် မိမိတို့ဘဝတိုးတက်ရေး…

မြစ်ကြီးနား မေ  ၂၂           ကျောင်းကျန်းမာရေးလုပ်ငန်းများကို ကျန်းမာရေးဝန်ထမ်းများနှင့်အတူ ပညာရေးဝန်ထမ်းများတို့မှ အဆင့်အသီးသီးတွင် တက်ကြွစွာလက်တွဲ‌ဆောင်ရွက်ကြစေရန်နှင့် အထူးသဖြင့် ကျောင်းအဆင့်တွင် ဆရာ၊ ဆရာမများနှင့် ‌ကျောင်းသားလူငယ်တို့ ကိုယ်တိုင်ဆောင်ရွက်ကြပြီး ၎င်းတို့မှတဆင့် မိဘပြည်သူများ  တက်ကြွစွာ ပါဝင်ဆောင်ရွက်လာစေရန် ရည်ရွယ်၍ ကျင်းပပြုလုပ်သော ကျောင်းကျန်းမာရေးကော်မတီ လုပ်ငန်းညှိနှိုင်းအစည်းအဝေးကို ယနေ့ နံနက် ၉နာရီက ပြည်နယ်ပြည်သူ့ ကျန်းမာ‌ရေးဦးစီးဌာနမှူးရုံး အစည်းအဝေးခန်းမ၌ ကျင်းပပြုလုပ်ရာ ပြည်နယ်အစိုးရအဖွဲ့ဝင် လူမှုရေးရာဝန်ကြီး ဦးကျော်မင်းခိုင်နှင့် ကျောင်းကျန်းမာရေး ကော်မတီဝင်များတက်ရောက်သည်။           လုပ်ငန်းညှိနှိုင်းအစည်းအဝေးတွင် ဦးစွာ ပြည်နယ်ဝန်ကြီးက ကျန်းမာရေးဝန်ကြီးဌာနသည် လူတိုင်းလွှမ်းခြုံ လက်လှမ်းမီသည့် ကျန်းမာရေးစနစ် (Universal Health Coverage ) ကို အကောင်အထည်ဖော်‌ဆောင်ရွက်လျက်ရှိရာ ကျောင်းသားလူငယ်များသာမက ဆရာ၊ဆရာမများနှင့် ပညာ‌ရေးဝန်ထမ်းများအပါအဝင် ပြည်သူတစ်ရပ်လုံးကို လွှမ်းခြုံ လက်လှမ်းမီစေရန် ကြိုးစားဆောင်ရွက်လျက်ရှိပါကြောင်း…

မြစ်ကြီးနား     မေ ၂၂           ၂၀၂၆-၂၀၂၇ ပညာသင်နှစ် ကျောင်းနေအရွယ်ကလေးများအားလုံး ကျောင်းတက်ရောက်နိုင်ရေးနှင့် ကျောင်းအပ်နှံ‌ရေးနေ့ အခမ်းအနား ကျင်းပနိုင်ရေး လုပ်ငန်းညှိနှိုင်းအစည်းအဝေးကို ယနေ့ မွန်းလွဲ ၁ နာရီခွဲကပြည်နယ်အစိုးရအဖွဲ့ရုံး မလိခခန်းမ၌ ကျင်းပပြုလုပ်ရာ ပြည်နယ်အစိုးရအဖွဲ့ဝင် လုံခြုံရေးနှင့်နယ်စပ်ရေးရာဝန်ကြီးဗိုလ်မှူးကြီးကျော်သူရနှင့် တာဝန်ရှိသူများတက်ရောက်ခဲ့ကြသည်။           ပြည်နယ်ဝန်ကြီးက နိုင်ငံတစ်နိုင်ငံ ဖွံ့ဖြိုးတိုးတက်ရန်အတွက် လူ့စွမ်းအားအရင်းအမြစ် ဖွံ့ဖြိုးတိုးတက်ရေးသည် အရေးကြီးဆုံးကဏ္ဍတစ်ခုဖြစ်ပြီး ၎င်းကဏ္ဍမှာ ပညာရေးကဏ္ဍသည် အဓိကအကျဆုံးဖြစ်သည့်အတွက် အလေးအနက်ထားစေလို‌ကြောင်း၊ နိုင်ငံတော်သမ္မတ၏ လမ်းညွှန်ချက်များနှင့်အညီ ၂၀၂၆-၂၀၂၇ ပညာသင်နှစ်ကျောင်းနေအရွယ်ကလေးများအားလုံး ကျောင်းတက်ရောက်နိုင်‌ရေး  အားလုံးဝိုင်းဝန်း ပူးပေါင်းဆောင်ရွက်ရန်လိုကြောင်း သို့ဖြစ်ပါ၍ ခရိုင်/ မြို့နယ်များအလိုက် ကျောင်းနေအရွယ်ကလေးများအားလုံး ကျောင်းတက်ရောက်နိုင်ရေး မြေပြင်ကွင်းဆင်းစာရင်း ကောက်ယူမှု အခြေအနေ၊ ကျောင်းဖွင့်လှစ်နိုင်မည့်အခြေအနေများကို အစည်းအဝေးသို့ တက်ရောက်လာသူများမှ ဆွေးနွေးတင်ပြကြရန် တိုက်တွန်းပြောကြားသည်။           ထို့နောက် ပြည်နယ်လူမှုရေးရာဝန်ကြီး…

ပူတာအို         မေ ၂၁           ကချင်ပြည်နယ်၊ ပူတာအိုခရိုင်၊ ပူတာအိုမြို့နယ်အတွင်း ကျေးရွာများ၌ မိုးစပါးအချိန်မီ စိုက်ပျိုးနိုင်ရေးနှင့် ကျေးရွာများတွင် စိုက်ပျိုးမွေးမြူရေးလုပ်ငန်းများ ဖွံ့ဖြိုးတိုးတက်စေရေးအတွက် ပြည်နယ်ဝန်ကြီးချုပ် ဦးခက်ထိန်နန်သည် မေ ၂၁ ရက်နေ့က ကွင်းဆင်းစစ်ဆေး၍ ဒေသခံများ၏ လိုအပ်ချက်များကို ဖြည့်ဆည်းဆောင်ရွက်ပေးခဲ့သည်။           ထိုသို့ ကွင်းဆင်းစစ်ဆေးဆောင်ရွက်ရာတွင် ပြည်နယ်ဝန်ကြီးချုပ်သည် ပြည်နယ်အစိုးရအဖွဲ့ ဝင် စီမံကိန်း၊ စီးပွားရေးနှင့်ဘဏ္ဍာရေးဝန်ကြီး ဦးချန်တန်ခင်၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဦရဲရင့်ဆွေ၊လွှတ်တော်ကိုယ်စားလှယ်များ၊ ခရိုင်စီမံခန့်ခွဲရေးနှင့်အုပ်ချူပ်ရေးကော်မတီ ဥက္ကဋ္ဌ၊ခရိုင်အဆင့်ဌာနဆိုင်ရာတာဝန်ရှိသူများနှင့်အတူ ရှေးဦးစွာ ပူတာအိုမြို့နယ်၊ နမ့်ထွမ်ခူးကျေးရွာအုပ်စု၊ နမ့်ထွမ်ကျေးရွာသို့ သွား‌ရောက်ခဲ့ကြရာ ပူတာအိုတိမ်ပင်လယ်ရှိရာတောင်မှတစ်ဆင့် နမ့်ထွမ်ခူးကျေးရွာသွားလမ်း ဖောက်လုပ်ထားရှိမှု အခြေအနေများနှင့် ရေမြေတောတောင်သဘာဝများကို ကြည့်ရှုခဲ့ကြသည်။ ယင်းနောက် ကျေးရွာအဝင် နမ်ထွမ်ခူးချောင်းပေါ်တွင် တည်ဆောက်ထားသည့် ကွန်ကရစ်တံတားမှတစ်ဆင့် လယ်မြေများနှင့် ကျေးရွာနေအိမ်များအား ရေတိုက်စားခံရနိုင်သည့်…

မြစ်ကြီးနား     မေ  ၂၁ ကချင်ပြည်နယ် မြစ်ကြီးနားမြို့တွင် ပထမ ရက် ၁၀၀ ကာလအတွင်း မှုခင်းကြိုတင်ကာကွယ်ရေး၊ အရေးကြီးမှုခင်းများ လျော့နည်းကျဆင်းရေး ၊ လုံခြုံရေးနှင့်တရားဥပဒေစိုးမိုးရေး ‌ဆောင်ရွက် မည့် Pilot Project စီမံချက်လုပ်ငန်းစဥ် အသေးစိတ် ချပြရှင်းလင်းခြင်းအခမ်းအနားကို မြစ်ကြီးနား မြို့ ဧရာရပ်ကွက် စုပေါင်းရုံးဝင်းရှိ မနောရွှေပြည်ခန်းမ၌ ကျင်းပပြုလုပ်ရာ ပြည်နယ်အစိုးရအဖွဲ့ဝင် လုံခြုံရေးနှင့် နယ်စပ်ရေးရာဝန်ကြီးဗိုလ်မှူးကြီးကျော်သူရ၊ လွှတ်တော်ကိုယ်စားလှယ်များ၊ ပြည်နယ် ရဲတပ်ဖွဲ့မှူး၊ ပြည်နယ်အဆင့်ဌာနဆိုင်ရာအကြီးအကဲများ၊ ခရိုင်/မြို့နယ်စီမံခန့်ခွဲရေးနှင့်အုပ်ချုပ်‌ရေး ကော်မတီဝင်များ၊ ရပ်ကွက်ကျေးရွာ အုပ်ချုပ်ရေးမှူးများနှင့်ဒေသခံပြည်သူများ တက်ရောက်သည်။ အခမ်းအနားတွင် ဦးစွာပြည်နယ်ဝန်ကြီးက လုံခြုံရေးနှင့်တရားဥပဒေစိုးမိုးရေး ဆောင်ရွက်နေသော အဖွဲ့အစည်းများဖြစ်သည့် တပ်မတော်၊ မြန်မာနိုင်ငံရဲတပ်ဖွဲ့၊ အုပ်ချုပ်ရေးအဖွဲ့ အစည်းများ၊ ဌာနဆိုင်ရာများ၊ ပြည်သူ့လုံခြုံရေးနှင့်အကြမ်း ဖက်နှိမ်နင်းရေးအဖွဲ့များသည် မြို့တွင်း/မြို့ပြင်၊ ရပ်ကွက်/ကျေးရွာ အုပ်ချုပ်‌‌ရေးယန္တရားခိုင်မာစေရန် ပြည်သူလူထုနှင့်…