နောက်ဆုံးရသတင်း

မြစ်ကြီးနား   မေ ၁၃           ကချင်ပြည်နယ်အစိုးရအဖွဲ့က ကြီးမှူး၍ အသံမစဲ မဟာပဌာန်းရွတ်ဖတ်ပူဇော်ပွဲ ဖွင့်ပွဲ အခမ်းအနားကို မေ၁၃ရက်နေ့ နံနက်၁ဝနာရီက မြစ်ကြီးနားမြို့ သီတာရပ်ကွက်ရှိ လောက မာရ်အောင် ဆုတောင်းပြည့်စေတီတော်၌ ကျင်းပပြုလုပ်ရာ ပြည်နယ်ဝန်ကြီးချုပ် ဦခက်ထိန်နန် ၊မြောက်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်မြတ်သက်ဦးနှင့် ပြည်နယ်အစိုးရအဖွဲ့ဝင် ဝန်ကြီးများ၊ တပ်မတော်အရာရှိကြီးများ၊ ပြည်နယ်အဆင့်ဌာနဆိုင်ရာများ တက်ရောက်သည်။ ရှေးဦးစွာ ဖွင့်ပွဲအခမ်းအနားအား “နမောတဿ” သုံးကြိမ်ရွတ်ဆိုကာ ဘုရားကန်တော့၍ ဖွင့်လှစ်ပြီး ဆရာတော်အရှင်သူမြတ်တို့က မဟာပဌာန်း ရောင်ခြည်တော်ပွင့် ဂါထာဖြင့် ဘုရား ပင့်ဖိတ်ခြင်း ၊ပဌာန်းဒေသနာတော် နာယူကြည်ညိုရန်အတွက် နတ်ဗြဟ္မာများအား ‌ဒေဝနိမန္တနဂါထာ ဖြင့် ပင့်ဖိတ်ခြင်းနှင့် တက်ရောက်လာသည့် ဧည့်ပရိတ်သတ်များက မဟာစည် သာသနာ့ရိပ်သာ ကျောင်းတိုက် ပဓာန နာယက ဆရာတော် အဂ္ဂမဟာကမ္မဌာနာစရိယ…

မြစ်ကြီးနား     မေ ၁၃           ကချင်ပြည်နယ်အတွင်းရှိ နေရပ်စွန့်ခွာယာယီတိမ်းရှောင်စခန်းနေပြည်သူများ  နေရပ်ပြန်ခြင်း နှင့် အသက်မွေးဝမ်းကျောင်းဆိုင်ရာ ပံ့ပိုးခြင်းလုပ်ငန်းများ မြန်ဆန်ထိရောက်စွာဆောင်ရွက်နိုင်ရေး ကချင်ပြည်နယ်အစိုးရအဖွဲ့၊ ဌာနဆိုင်ရာများနှင့် ကချင်နှစ်ခြင်းခရစ်ယာန်အဖွဲ့ချုပ်တာဝန်ရှိသူများနှင့် ညှိနှိုင်းအစည်း အဝေးကို မေ ၁၂ ရက် မွန်းလွဲ ၂ နာရီတွင် ပြည်နယ်အစိုးရအဖွဲ့ရုံး အစည်းအဝေးခန်းမ၌ ကျင်းပပြုလုပ်သည်။           ညှိနှိုင်းအစည်းအဝေးတွင် ပြည်နယ်ဝန်ကြီးချုပ် ဦးခက်ထိန်နန်က နေရပ်စွန့်ခွာယာယီ တိမ်းရှောင်စခန်းနေပြည်သူများ နေရပ်ပြန်လည်နေရာချထားခြင်းနှင့် အသက်မွေး ဝမ်းကျောင်း ဆိုင်ရာ ပံ့ပိုးခြင်းလုပ်ငန်းများကို အဖွဲ့အစည်းအသီးသီးဖြင့် ပေါင်းစပ်စီမံဆောင်ရွက်နေမှုများနှင့် ပတ်သက်၍ နှစ်ခြင်းခရစ်ယာန်အဖွဲ့ချုပ်မှ နီပွန်ဖောင်ဒေးရှင်း၏အကူအညီဖြင့် ဆောင်ရွက်လျက် ရှိသည့် လုပ်ငန်းများ၊ ဆောင်ရွက်ပြီးစီးမှုအခြေအနေများနှင့် ရှေ့ဆက်ဆောင်ရွက်သွားမည့်လုပ်ငန်း စဉ်များအပေါ် ထိရောက်မြန်ဆန်ပြီး အောင်မြင်စွာ အကောင်အထည်ဖော်ဆောင်ရွက်နိုင်ရေး ဝိုင်းဝန်း ပူးပေါင်းကြိုးပမ်းဆောင်ရွက်သွားရန်လိုကြောင်း တိုက်တွန်းပြောကြားသည်။           ထို့နောက်…

မြစ်ကြီးနား     မေ ၁၂           ကချင်ပြည်နယ်၊ မြစ်ကြီးမြို့ရှိ တက္ကသိုလ်များတွင် ၂၀၂၂-၂၀၂၃ ပညာသင်နှစ် တက်ရောက် ပညာသင်ယူကြမည့် မောင်မယ်သစ်လွင်ကျောင်းသား၊ ကျောင်းသူများအား လှိုက်လှဲနွေးထွေးစွာ ကြိုဆို၍ သင်ကြား၊ သင်ယူမှုလုပ်ငန်းများ ယနေ့ မေ ၁၂ ရက် နံနက်တွင် စတင်ရာ ပြည်နယ် ဝန်ကြီးချုပ် ဦးခက်ထိန်နန်နှင့် တာဝန်ရှိသူများက တက္ကသိုလ်များသို့ သွားရောက်ပြီး မောင်မယ် သစ်လွင်များအား ကြိုဆိုနှုတ်ဆက်အားပေးခဲ့ကြသည်။           ရှေးဦးစွာ နည်းပညာတက္ကသိုလ် (မြစ်ကြီးနား) စတင်ဖွင့်လှစ်ပြီး သင်ကြား၊ သင်ယူမှုလုပ်ငန်း များ ဆောင်ရွက်နိုင်ရေးအတွက် မောင်မယ်သစ်လွင်များအား ပါမောက္ခချုပ်၊ ဒုတိယပါမောက္ခချုပ်၊ ဌာနမှူး ဆရာ၊ ဆရာမများဦးဆောင်ပြီး လှိုက်လှဲနွေးထွေးစွာ ကြိုဆိုပွဲတွင် ပြည်နယ်ဝန်ကြီးချုပ်က ပညာရေးကဏ္ဍသည် မိမိနိုင်ငံ၏ အနာဂတ်မျှော်လင့်ချက်ဖြစ်ပါကြောင်း၊ ယနေ့ ပညာခေတ်တွင်…

မြစ်ကြီးနား     မေ ၁၁           လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ ကချင်ပြည်နယ်ရုံး၏ ကြီးကြပ်မှုဖြင့် နိုင်(၄)မှတ်တမ်းပါ နိုင်ငံသားစိစစ်ရေးကတ်ပြားအမှတ်နှင့် အချက်အလက်များ Excel Software ဖြင့် Data Import ရေးသွင်းခြင်းလုပ်ငန်းဆောင်ရွက်လျက်ရှိရာ လုပ်ငန်းအားလုံး၏ ၇၀ ရာခိုင်နှုန်းကျော် ဆောင်ရွက်ပြီးစီးမှုအခြေအနေအား မေ ၁၁ ရက် မွန်းလွဲ ၂ နာရီတွင် ပြည်နယ်ဝန်ကြီးချုပ် ဦးခက်ထိန်နန်သည် မြစ်ကြီးနားမြို့၌ ဝန်ထမ်းများ စုဖွဲ့ဆောင်ရွက်လျက်ရှိသည့် နေရာများသို့ လှည့် လည်ကြည့်ရှုအားပေးခဲ့သည်။           ထိုသို့လုပ်ငန်းဆောင်ရွက်နေမှုများကို ပြည်နယ်ဝန်ကြီးချုပ်သည် ပြည်နယ်လူမှုရေးရာဝန်ကြီး ဦးဝင်းရဲထွန်း၊ ဌာနဆိုင်ရာတာဝန်ရှိသူများနှင့်အတူ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီး ဌာန၊ မြစ်ကြီးနားမြို့နယ်ဦးစီးမှူးရုံးဟောင်း၌ ဝန်ထမ်းများ နိုင်(၄)မှတ်တမ်းပါ နိုင်ငံသားစိစစ်ရေး ကတ်ပြားအမှတ်နှင့် အချက်အလက်များကို Excel ဖြင့် စိစစ်တိုက်ဆိုင် Data Base…

မြစ်ကြီးနား     မေ ၉           မြောက်ပိုင်းတိုင်းစစ်ဌာနချုပ် ၂၀၂၂ ခုနှစ်၊ တိုင်းမှူးဒိုင်း ဘောလုံးပြိုင်ပွဲ ဖွင့်ပွဲအခမ်းအနားကို မေ ၉ ရက် ညနေ ၃ နာရီတွင် မြစ်ကြီးနားမြို့ နယ်မြေခံတပ်အားကစားကွင်း၌ ကျင်းပပြုလုပ်ရာ ပြည်နယ်ဝန်ကြီးချုပ်ဦးခက်ထိန်နန်၊ တိုင်းမှူး ဗိုလ်ချုပ်မြတ်သက်ဦး၊ တိုင်းစစ်ဌာနချုပ်မှ တပ်မတော် အရာရှိကြီးများ၊ ပြည်နယ်ဝန်ကြီးများနှင့်အတူ တက်ရောက်အားပေးခဲ့ကြသည်။           ဖွင့်ပွဲ အခမ်းအနားတွင် စစ်ရေးပြမှူးနှင့် ဘောလုံးအသင်းများက မြောက်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်မြတ်သက်ဦးအား အလေးပြုတန်းအပ်ပြီး တိုင်းမှူးက အဖွင့်အမှာစကားပြောကြား ကာ ပြည်နယ်ဝန်ကြီးချုပ်၊ တိုင်းမှူး၊ ပြည်နယ်တရားလွှတ်တော်တရားသူကြီးချုပ်၊ တပ်မတော် အရာရှိကြီးများ၊ ပြည်နယ်ဝန်ကြီးများ၊ တိုင်းစစ်ဌာနချုပ်မှ အရာရှိ၊ စစ်သည်မိသားစုဝင်များနှင့်အတူ အဖွင့်ပွဲစဉ်အဖြစ် မြစ်ကြီးနားတပ်နယ် အသင်း (က) နှင့် (ဇ)အသင်းတို့၏ ယှဉ်ပြိုင်ကစားမှုကို…

မြစ်ကြီးနား     မေ ၉           ကချင်ပြည်နယ်သို့ နိုင်ငံတော်အကြီးအကဲများ၊ ပြည်ထောင်စုအဆင့် အရေးကြီးပုဂ္ဂိုလ်များ လာရောက်ပါက တည်းခိုဧည့်ခံနိုင်ရေး ပြည်နယ်အစိုးရအဖွဲ့၏ ရန်ပုံငွေဖြင့် တည်ဆောက်ပြီးစီးခဲ့ သည့် မြစ်ကြီးနားမြို့ ကမ်းနားလမ်းရှိ ဧရာဝတီဧည့်ရိပ်သာ ဖွင့်ပွဲအခမ်းအနားကို မေ ၉ ရက် နံနက် ၉ နာရီတွင် အဆိုပါအဆောက်အအုံရှေ့၌ ကျင်းပပြုလုပ်ရာ ပြည်နယ်ဝန်ကြီးချုပ် ဦးခက်ထိန်နန်နှင့် မြောက်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်မြတ်သက်ဦးတို့က တက်‌ရောက်ဖွင့်လှစ်ပေးကြသည်။           ရှေးဦးစွာ ဧရာဝတီ ဧည့်ရိပ်သာအဆောက်အအုံသစ်ကို ပြည်နယ်အစိုးရအဖွဲ့ဝင် ပြည်နယ်  ဝန်ကြီးများဖြစ်သည့် စီးပွားရေးရာဝန်ကြီး ဦးမျိုးဆွေ၊ သယံဇာတရေးရာဝန်ကြီး ဦးတိန့်ဆောင်နှင့် တိုင်းရင်းသားရေးရာဝန်ကြီး ဦးကျော်မင်းခိုင်တို့က ဖဲကြိုးဖြတ် ဖွင့်လှစ်ပေးကြပြီး ဧည့်ရိပ်သာ ဆိုင်းဘုတ်ကို ပြည်နယ်ဝန်ကြီးချုပ် ဦးခက်ထိန်နန်နှင့် တိုင်းမှူး ဗိုလ်ချုပ်မြတ်သက်ဦးတို့က စက်ခလုတ်နှိပ် ဖွင့်လှစ်ပေးကြသည်။…

မြစ်ကြီးနား     မေ ၉           ကချင်တိုင်းရင်းသားတို့၏ ဂီတ၊ တူရိယာနှင့် အကများကို သက်ဆိုင်ရာတိုင်းရင်းသားဆရာ၊ ဆရာမဖြင့်သင်ကြားကာ မျိုးဆက်သစ်လူငယ်များထံ လက်ဆင့်ကမ်း ပြန့်ပွားရေး၊ ဂီတအနုပညာများ ရေရှည်တည်တံ့ခိုင်မြဲရေးတို့အတွက် အမျိုးသားယဉ်ကျေးမှုနှင့် အနုပညာတက္ကသိုလ်များတွင် သင် ကြားနိုင်ရေး သာသနာရေးနှင့်ယဉ်ကျေးမှုဝန်ကြီးဌာန၊ အနုပညာဦးစီးဌာနနှင့် တိုင်းရင်းသားလူမျိုး များရေးရာဝန်ကြီးဌာန၊ ပြည်နယ်တိုင်းရင်းသားစာပေနှင့် ယဉ်ကျေးမှုဦးစီးဌာနတို့ ပူးပေါင်း၍ မေလ ၈ ရက်နေ့က မြစ်ကြီးနားမြို့ရှိ တိုင်းရင်းသားလူမျိုးများရေးရာဝန်ကြီးဌာန၊ ညွှန်ကြားရေးမှူးရုံး၌ တိုင်းရင်းသားစာပေနှင့် ယဉ်ကျေးမှုအဖွဲ့များနှင့် ညှိနှိုင်းပေါင်းစပ်ဆောင်ရွက်ခဲ့ကြောင်းသိရသည်။           ထိုသို့ ပေါင်းစပ်ညှိနှိုင်း ဆောင်ရွက်မှုကို ပြည်နယ်ဝန်ကြီးချုပ် ဦးခက်ထိန်နန်နှင့် ပြည်နယ် တိုင်းရင်းသားရေးရာဝန်ကြီး ဦးကျော်မင်းခိုင်တို့သည် ဇိုင်ဝါးတိုင်းရင်းသားရိုးရာ ယဉ်ကျေးမှုအဖွဲ့၏ ဂီတ၊ တူရိယာတီးခတ်ခြင်းနှင့် ရိုးရာအကများကို အမျိုးသားယဉ်ကျေးမှုနှင့် အနုပညာတက္ကသိုလ် (မန္တလေး)မှ ပါမောက္ခဌာနမှူး(ဂီတ)ဦးဇော်ဝင်းမင်းနှင့် အဖွဲ့ဝင်များက သုတေသနပြု…

မြစ်ကြီးနား     မေ ၇           ကချင်ပြည်နယ်အစိုးရအဖွဲ့မှ ဦးဆောင်၍ မြောက်ပိုင်းတိုင်းစစ်ဌာနချုပ်မှ တပ်ရင်းတပ်ဖွဲ့များ၊ ဌာနဆိုင်ရာအဖွဲ့အစည်းများ၊ အရပ်ဘက်လူမှုရေးအသင်းအဖွဲ့များ၏ စုပေါင်းအင်အားဖြင့် ပြည်သူ့ အကျိုးပြုလုပ်ငန်းဖြစ်သည့် မြို့ပြသန့်ရှင်းရေးလုပ်ငန်းဆောင်ရွက်ခြင်းကို မေ ၇ ရက် နံနက် ၇ နာရီက မြစ်ကြီးနားတက္ကသိုလ်ဝင်းအတွင်း တစ်ပျော်တစ်ပါး စုပေါင်းဆောင်ရွက်ခဲ့ကြသည်။           ထို့သို့ ပြည်သူ့အကျိုးပြုစုပေါင်း သန့်ရှင်းရေးလုပ်ငန်းဆောင်ရွက်ခြင်းကို ပြည်နယ်ဝန်ကြီးချုပ် ဦးခက်ထိန်နန်၊ မြောက်ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ်မြတ်သက်ဦး၊ ပြည်နယ်တရားလွှတ် တော်တရားသူကြီးချုပ်၊ တပ်မတော်အရာရှိကြီးများ၊ ပြည်နယ်အစိုးရအဖွဲ့ဝင် ဝန်ကြီးများသည် မြစ်ကြီးနားတက္ကသိုလ်ဝင်းအတွင်း ဌာနဆိုင်ရာအဖွဲ့အစည်းများ၊ တပ်မတော်တပ်ရင်း/ တပ်ဖွဲ့များ၊ လူမှုရေးအသင်းအဖွဲ့များ၏ စုပေါင်းအင်အား (၅၅၀)ကျော်တို့နှင့်အတူ သစ်ပင်ကြီးနှင့် ခြုံနွယ်များ ခုတ်ခွင်ရှင်းလင်းခြင်း၊ အမှိုက်များ ကောက်ယူခြင်းတို့ကို တစ်ပျော်တစ်ပါးသန့်ရှင်းရေး ပါဝင်ဆောင် ရွက်ခဲ့ကြသည်။           အလားတူ ပြည်နယ်ဝန်ကြီးချုပ်၊ တိုင်းမှူးနှင့်…

မြစ်ကြီးနား     မေ ၆           ကချင်ပြည်နယ်ဝန်ကြီးချုပ်ဦးခက်ထိန်နန်သည် ပြည်နယ်တရားလွှတ်တော်တရားသူကြီးချုပ်၊ အစိုးရအဖွဲ့ဝင်ဝန်ကြီးများ၊ ပြည်နယ်ဥပဒေချုပ်၊ ဌာနဆိုင်ရာတာဝန်ရှိသူများနှင့်အတူ ဧပြီ ၆ ရက် နံနက် ၈ နာရီက မြစ်ကြီးနားတက္ကသိုလ်ခန်းမဆောင်၌ အသစ်ခန့်အပ်ထားသည့် နည်းပြ၊ သရုပ်ပြ ဆရာ၊ဆရာမမောင်မယ်သစ်လွင်ကြိုဆိုပွဲ အခမ်းအနားသို့ တက်ရောက်အားပေးခဲ့ကြသည်။           အခမ်းအနားတွင် ပြည်နယ်ဝန်ကြီးချုပ်က အသစ်ခန့်အပ်ထားသည့် နည်းပြ၊ သရုပ်ပြ ဆရာ၊ ဆရာမောင်မယ်သစ်လွင် (၄၅)ဦးတို့အား နိုင်ငံဖွံ့ဖြိုးရေးအတွက် လူ့စွမ်းအားအရင်းအမြစ်များမွေး ထုတ်ပေးနေသည့် တက္ကသိုလ်များသည် အဓိကကျသကဲ့သို့ တက္ကသိုလ်များဘက်ပေါင်းစုံမှ ဖွံ့ဖြိုး တိုးတက်ရေးသည် အဓိကကျသကဲ့သို့ ယနေ့ခေတ် လူငယ်လူရွယ်များနှင့်  မိမိတို့ တိုင်းပြည်၏ အနာဂတ်ကောင်းမွန်စေရေး ထုဆစ်ပုံဖော်ပေးကြမည့် ဆရာ၊ ဆရာမလောင်းများအား လှိုက်လှဲစွာ ကြိုဆိုပါကြောင်း၊ ထို့ကြောင့် နည်းပညာခေတ်နှင့် လျော်ညီစွာ ဘက်စုံပညာရည်ပြည့်ဝသည့်၊ တန်ဖိုး…

မြစ်ကြီးနား     မေ ၅           ကချင်ပြည်နယ်တစ်ဝှမ်း သစ်တောသစ်ပင်များဖြင့် စိမ်းလန်းစိုပြေရေး ပြည်နယ်သစ်တော ဦးစီးဌာနမှ မိုးရာသီသစ်ပင်စိုက်ပျိုးပွဲတော်တွင် အရိပ်ရသစ်ပင်ပေါင်း (၈၀၀၀)ခန့် စိုက်ပျိုးသွားမည် ဖြစ်ရာ ပြည်နယ်သယံဇာတရေးရာဝန်ကြီး ဦးတိန့်ဆောင်သည် ဌာနဆိုင်ရာတာဝန်ရှိသူများနှင့်အတူ သစ်ပင်စိုက်ပျိုးပွဲတော်အတွက် ကြိုတင်ပြင်ဆင်ဆောင်ရွက်ထားရှိမှုများနှင့် စပ်လျဉ်း၍ မေ ၅ ရက်က မြစ်ကြီးနားမြို့တွင်း လှည့်လည်ကြည့်ရှုစစ်ဆေးခဲ့သည်။           ထို့သို့ကွင်းဆင်းစစ်ဆေးရာတွင် ပြည်နယ်ဝန်ကြီးသည် ပြည်နယ်သစ်တောဦးစီးဌာန၊ပြည်နယ် ဦးစီးမှူး ဦးဥက္ကာ၊ ပြည်နယ်သဘာဝပတ်ဝန်းကျင်ထိန်းသိမ်းရေးဦးစီးဌာန၊ ပြည်နယ်ဦးစီးမှူး၊ ဌာနဆိုင် ရာတာဝန်ရှိသူများနှင့်အတူ မိုးရာသီသစ်ပင်စိုက်ပျိုးပွဲတော်အတွက် ကြိုတင်ပြင်ဆင်ဆောင်ရွက်ထား ရှိမှုများနှင့်စပ်လျဉ်း၍ မြစ်ကြီးနားမြို့ နည်းပညာတက္ကသိုလ်ဝင်းအတွင်း လည်းကောင်း၊ မြစ်ကြီးနား တက္ကသိုလ်မိုးလုံလေလုံအားကစားကွင်းဘေးရှိ ကွင်းပြင်၌ လည်းကောင်း ကျင်းတူး၍ မြေသြဇာ ရောစပ်ထည့်သွင်းဆောင်ရွက်ထားရှိမှုနှင့် စိုက်ပျိုးသွားမည့် အပင်များ စုစည်းထားရှိမှုကို ကြည့်ရှု စစ်ဆေးခဲ့ကြသည်။           ထို့မှတစ်ဆင့်…