နောက်ဆုံးရသတင်း

မြစ်ကြီးနား  မေ ၂           ကချင်ပြည်နယ်၏မြို့တော် မြစ်ကြီးနားမြို့အား သန့်ရှင်းသပ်ယပ်ပြီး မြို့တော်အင်္ဂါရပ်နှင့်အညီ သန့်ရှင်းသာယာလှပလာစေရေးအတွက် ကချင်ပြည်နယ်အစိုးရအဖွဲ့အနေဖြင့် လူထုပူးပေါင်းပါဝင်မှုဖြင့် အပတ်စဉ်စနေနေ့တိုင်း စုပေါင်းသန့်ရှင်းရေးလုပ်ငန်းများကို ဆောင်ရွက်လျက်ရှိရာ ယနေ့နံနက်ပိုင်းတွင် ပြည်နယ်ဝန်ကြီးချုပ် ဦးခက်ထိန်နန်သည် ပြည်နယ်ဝန်ကြီးများနှင့်အတူ မြစ်ကြီးနားနှင့် ဝိုင်းမော်မြို့တို့တွင် စုပေါင်းသန့်ရှင်းရေးလုပ်ငန်းများ ဆောင်ရွက်နေမှုကို ကွင်းဆင်းစစ်ဆေးခဲ့ကြသည်။           ရှေးဦးစွာ ပြည်နယ်ဝန်ကြီးချုပ်သည် မြို့သန့်ရှင်းသာယာလှပရေးအပြင် မြို့ပေါ်ရေဝပ်သည့် ရပ်ကွက်များတွင် ရေနှုတ်မြောင်းများ ရေစီးရေလာကောင်းမွန်ရေးအတွက် မြို့ပေါ်ရှိ ရှမ်းစုတောင်၊ အေးစေတီ၊ အောင်နန်း၊ ရမ်ပူ၊ ကြက်ပေါင်ခြံ၊ ခေမာသီရိ၊ ကျွန်းပင်သာရပ်ကွက်များကိုဖြတ်သန်းပြီး ရေကြည်ချောင်းမှတစ်ဆင့် ဧရာဝတီမြစ်အတွင်းသို့ စီးဝင်သော အရှည် ၁၅၄၀၀ ‌‌ပေ၊ အကျယ် ၅ ပေရှိ ကျောက်စီရေနှုတ်မြောင်းဖြစ်သည့် အမှတ် (၄) ပင်မရေနှုတ်မြောင်းအား ရမ်ပူရပ်ကွက်အတွင်း လမ်းသွယ် ၁၃ မှ…

မြစ်ကြီးနား  မေ ၂ ပြည်နယ်ဝန်ကြီးချုပ်၊ ပြည်နယ်တရားလွှတ်တော်တရားသူကြီးချုပ်၊ ပြည်နယ်အစိုးရအဖွဲ့ဝင်များ၊ ပြည်နယ်စာရင်းစစ်ချုပ်တို့သည် မြစ်ကြီးနားကုတင်-၅၀၀ ဆံ့ ပြည်သူ့ဆေးရုံကြီး သွေးလှူဘဏ်ဌာန၌ နှစ်(၈၀)ပြည့် မြန်မာနိုင်ငံမီးသတ်တပ်ဖွဲ့ဝင်များအား ကြိုဆိုဂုဏ်ပြုသောအားဖြင့် ပြည်နယ်/ခရိုင်/ မြို့နယ်မီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ စုပေါင်းသွေးလှူဒါန်းပွဲ အခမ်းအနားသို့ တက်ရောက်ခဲ့ကြသည်။ အဆိုပါ သွေးလှူဒါန်းပွဲတွင် ပြည်သူ့ကျန်းမာရေးဦးစီးဌာန၊ ပြည်နယ်ဦးစီးမှူး၊ ဆေးရုံအုပ်ကြီးနှင့် ကျန်းမာရေးဝန်ထမ်းများက သွေးလှူဒါန်းနိုင်ရေး ကူညီဆောင်ရွက်ပေးနေမှုများနှင့် သွေးလှူရှင်များအား လှည့်လည်ကြည့်ရှုအားပေးခဲ့ကြပြီး သွေးလှူရှင်များအတွက် အာဟာရဖြည့်စွက်အစားအစာများကို လိုက်လံပေးအပ်ခဲ့ကြကာ မီးသတ်တပ်ဖွဲ့ဝင်များနှင့် ကျန်းမာရေးဝန်ထမ်းများအတွက် ဂုဏ်ပြုချီးမြှင့်ငွေများကို ပေးအပ်ချီးမြှင့်ခဲ့သည်။

မြစ်ကြီးနား  မေ ၁           ကချင်ပြည်နယ်တွင် နှစ်စဉ် မေလ ၁ ရက်နေ့တွင် အပြည်ပြည်ဆိုင်ရာအလုပ်သမားနေ့ကို ကျင်းပပြုလုပ်ရာ ၂၀၂၆ ခုနှစ်၊ အပြည်ပြည်ဆိုင်ရာ အလုပ်သမားနေ့ (May Day) အခမ်းအနားကို ကချင်ပြည်နယ်အလုပ်သမားရေးရာဦးစီးဌာနက ကြီးမှူး၍ မြစ်ကြီးနားမြို့ ပြည်နယ်အစိုးရအဖွဲ့ရုံးဝင်းအတွင်းရှိ ဆမားဒူဝါဆင်ဝါးနော်ခန်းမ၌ ကျင်းပပြုလုပ်ရာ ပြည်နယ်ဝန်ကြီးချုပ် ဦးခက်ထိန်နန် နှင့် တာဝန်ရှိသူများ၊ ကုမ္ပဏီလုပ်ငန်းရှင်များ၊ အလုပ်သမားအဖွဲ့အစည်းများ တက်ရောက်ခဲ့ကြသည်။           ရှေးဦးစွာ ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတ အဂ္ဂမဟာသရေစည်သူ၊ အဂ္ဂမဟာသီရိသုဓမ္မ ဦးမင်းအောင်လှိုင်ထံမှ ပေးပို့သော ၂၀၂၆ ခုနှစ် အပြည်ပြည်ဆိုင်ရာအလုပ်သမားနေ့ သဝဏ်အလွှာအား ပြည်နယ်ဝန်ကြီးချုပ် ဦးခက်ထိန်နန်က ဖတ်ကြားသည်။           ဆက်လက်၍ အလုပ်သမားရေးရာလုပ်ငန်းဆောင်ရွက်မှု မှတ်တမ်းတင်ဗီဒီယိုကလစ် ဖွင့်လှစ်ပြသမှုကို ပြည်နယ်ဝန်ကြီးချုပ်၊ ပြည်နယ်လွှတ်တော်ဥက္ကဋ္ဌ၊ ပြည်နယ်တရားလွှတ်တော် တရားသူကြီးချုပ်၊…

မြစ်ကြီးနား မေ ၁           လာမည့် မိုးရာသီကာလအတွင်း ကချင်ပြည်နယ်၏မြို့တော် မြစ်ကြီးနားမြို့တွင်းရှိ ရေဝပ်နိုင်သည့်နေရာများတွင် အဓိကဖောက်လုပ်ထားသော ပင်မရေနှုတ်မြောင်းများ ရေစီးရေလာကောင်းမွန်ရေးနှင့် ပြည်သူများ ပူးပေါင်းပါဝင်လာစေရေးအတွက် ပြည်နယ်အစိုးရအဖွဲ့ဝင် စည်ပင်သာယာရေးဝန်ကြီး ဒေါက်တာသန်းဌေးအောင်သည် ယနေ့ ညနေပိုင်းက မြစ်ကြီးနားမြို့ ရမ်ပူရပ်ကွက်အတွင်း ဖြတ်သန်းသော အမှတ်(၄) ပင်မရေနှုတ်မြောင်း ရှင်းလင်းခြင်းလုပ်ငန်းဆောင်ရွက်နေမှုများကို လှည့်လည်ကြည့်ရှုစစ်ဆေးခဲ့သည်။           ထိုသို့ ကွင်းဆင်းစစ်ဆေးရာတွင် ပြည်နယ်ဝန်ကြီးသည် ပြည်နယ်စည်ပင်သာယာရေးအဖွဲ့ ညွှန်ကြားရေးမှူး ဦးကျော်လင်း၊ မြို့နယ်အမှုဆောင်အရာရှိ ဦးလှမိုး၊ စည်ပင်သာယာရေးအဖွဲ့မှ အရာထမ်း/ အမှုထမ်းများနှင့်အတူ ရမ်ပူရပ်ကွက် လမ်းသွယ် ၂၀ နှင့် ၂၄ ကြားတွင် အမှတ်(၄)ရေနှုတ်မြောင်းမကြီးအား စည်ပင်သာယာရေးအဖွဲ့ ဝန်ထမ်းများက ရေစီးရေလာကောင်းမွန်ရေး၊ မြောင်းသွယ်များ ကောင်းမွန်စွာစီးဝင်နိုင်ရေး အမှိုက်၊ သဲနှုန်းများနှင့် သစ်ပင်ငယ်များ ရှင်းလင်းဖယ်ရှားနေမှုကိုလည်းကောင်း၊ အဆိုပါရပ်ကွက် လီဆူစာပေနှင့်ယဉ်ကျေးမှုကွင်းအတွင်း…

မြစ်ကြီးနား  ဧပြီ ၃၀           မြန်မာသက္ကရာဇ် ၁၃၈၈ ခုနှစ်၊ ကဆုန်လပြည့်နေ့ ဗုဒ္ဓနေ့၌ နှစ်စဉ် မြန်မာ့ရိုးရာယဉ်ကျေးမှု ဓလေ့ထုံးစံနှင့်အညီ ကချင် ပြည်နယ်အစိုးရအဖွဲ့ကကြီးမှူး၍ မြစ်ကြီးနားမြို့ သီတာရပ်ကွက်အတွင်းရှိ ရှေးဟောင်းသမိုင်းဝင် လောကမာရ်အောင် ဆုတောင်းပြည့်စေတီတော်၌ ကဆုန်လပြည့် ဗုဒ္ဓနေ့နှင့် ကဆုန်ညောင်ရေသွန်းပွဲတော်ကို စည်ကားသိုက်မြိုက်စွာ ကျင်းပပြုလုပ်ခဲ့သည်။           ရှေးဦးစွာ စေတီတော်ပုရဝုဏ်အတွင်း၌ ကဆုန်လပြည့် ဗုဒ္ဓနေ့အခမ်းအနားကို ကျင်းပပြုလုပ်ရာ ပြည်နယ်သံဃနာယကအကျိုးတော်ဆောင်၊ ဓမ္မရက္ခိတဝန်းသိုကျောင်းတိုက် ပဓာနနာယက ဆရာတော်အဂ္ဂမဟာမဏ္ဍိတ ဘဒ္ဒန္တကေတုလာ အမှူးပြုသော ဆရာတော်သံဃာတော်များ ကြွရောက်တော်မူကြပြီး အခမ်းအနားကို ဗုဒ္ဓသာသနံစိရံတိဋ္ဌတု သုံးကြိမ်ရွတ်ဆို ဘုရားကန်တော့ဖွင့်လှစ်ခဲ့ကြသည်။ ဆက်လက်၍ ဆရာတော်အရှင်သူမြတ်များထံမှ ပြည်နယ်ဝန်ကြီးချုပ် ဦးခက်ထိန်နန်၊ ပြည်နယ်တရားလွှတ်တော်တရားသူကြီးချုပ်၊ ပြည်နယ်လွှတ်တော်ဒုတိယဥက္ကဋ္ဌ၊ ပြည်နယ်အစိုးရအဖွဲ့ဝင် ဝန်ကြီးများနှင့် ၎င်းတို့၏ဇနီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ဌာနဆိုင်ရာများ၊ ဝတ်အသင်းအဖွဲ့များ၊…

မြစ်ကြီးနား  ဧပြီ ၃၀ မိုးကောင်းမြို့နယ်၊ နမ္မတီးမြို့ မြို့တော်ခန်းမ၌ ကျင်းပသည့် သဘာဝဘေးသင့် ပြည်သူများနှင့် ယာယီတိမ်းရှောင်အိမ်ထောင်စုများအား ထောက်ပံ့ပေးအပ်ပွဲ အခမ်းအနားသို့ တက်ရောက်ခဲ့ကြပြီး ပြည်နယ်ဝန်ကြီးချုပ်က မြို့နယ်အဆင့်ဌာနဆိုင်ရာများ၊ နမ္မတီးမြို့ခံပြည်သူများ၊ မြို့အတွင်းရှိ ယာယီတိမ်းရှောင်ပြည်သူများအား အားပေးအမှာစကားပြောကြားသည်။ ဆက်လက်၍ ပြည်နယ်ဝန်ကြီးချုပ်နှင့် ပြည်နယ်အစိုးရအဖွဲ့ဝင် ဝန်ကြီးများက မိုးကောင်းမြို့ နယ်အတွင်း မိုးကောင်း၊ နမ္မတီးမြို့တို့အပါအဝင် ကျေးရွာများတွင် လေပြင်းတိုက်ခတ်ခဲ့ပြီး မိုးသည်းထန်စွာရွာသွန်းခြင်း၊ မိုးသီးကြွေကျခြင်းတို့ကြောင့် နေအိမ်၊ အဆောက်အအုံများ ထိခိုက်ခဲ့ရသည့် ယာယီတိမ်းရှောင်မိသားစုများနှင့် ဘေးသင့်ပြည်သူများ အပါအဝင် ဘာသာ‌ရေးအဖွဲ့အစည်းများ စုစုပေါင်း အိမ်ထောင်စု ၁၁၆၈ စုတို့အတွက် ဆန် ၂၄ ပြည်ပါအိတ် ၂၀၀ အိတ်၊ မိုးကာလိပ် ၂၉ လိပ်၊ မျိုးစပါးတင်း ၃၀၀ကိုလည်းကောင်း၊ ဘေးန္တရာယ်ဆိုင်ရာစီမံခန့်ခွဲရေးဦးစီးဌာနက ထောက်ပံ့သည့် ကယ်ဆယ်ရေးပစ္စည်း ၄၄…

မြစ်ကြီးနား     ဧပြီ ၂၉           ဧရာဝတီမြစ်ဆုံ – မြစ်ညာမြစ်ဝှမ်းရေအားလျှပ်စစ် စီမံကိန်းနှင့်စပ်လျဉ်း၍ စီမံကိန်းဆိုင်ရာ အထောက်အကူပြုရေးနှင့် ပူးပေါင်းဆောင်ရွက်ရေး ကချင်ပြည်နယ်ဒေသခံကော်မတီအဖွဲ့ဝင်များက စီမံကိန်းနှင့် ပတ်သက်၍ ဝိုင်းမော်မြို့နယ်၊ နောင်ချိန်းကျေးရွာအုပ်စုအတွင်းရှိ ယာယီတိမ်းရှောင် မိသားစုများ၊ ဒေသခံပြည်သူလူထုများအား တွေ့ဆုံရှင်း လင်းဆွေးနွေးပွဲ အခမ်းအနားကို ယမန်နေ့ ညနေ ၃ နာရီက နောင်ချိန်းကျေးရွာ ကချင်နှစ်ခြင်းခရစ်ယာန်အသင်းတော်ခန်းမ၌ ကျင်းပပြုလုပ်ခဲ့ ကြသည်။           အဆိုပါ ရှင်းလင်းဆွေးနွေးပွဲတွင် ပြည်နယ်ဝန်ကြီးချုပ် ဦးခက်ထိန်နန်က ယနေ့ ခေတ်သည် လျှပ်စစ်စွမ်းအားသည် မိမိတို့အားလုံးအတွက် မရှိမဖြစ် လိုအပ်ချက်ဖြစ်သကဲ့သို့ ဒေသဖွံ့ဖြိုးရေး၊ လူမှု စီးပွားဘဝမြင့်မားလာစေရေးအတွက် အရေးကြီးသည့် အထောက်အပံဖြစ်သည်ကို အားလုံးကသိရှိ နားလည်လက်ခံရမည်ဖြစ်ပါကြောင်း၊ ထို့ကြောင့် ယနေ့ တွေ့ဆုံမှုသည်လျှပ်စစ်စွမ်းအင် အရင်းအမြစ်အတွက် ရေအားလျှပ်စစ်စီမံကိန်းနှင့်စပ်လျဉ်း၍ ဒေသခံကော်မတီအဖွဲ့ဝင်များ၊ ပညာရှင်များက…

မြစ်ကြီးနား     ဧပြီ ၂၉ ၂၀၂၆- ၂၀၂၇ ဘဏ္ဍာနှစ်အတွင်း ရန်ကုန်၊ တောင်ကြီး၊ ပုသိမ်၊ ဘားအံနှင့် ပဲခူးမြို့တို့တွင် ကျင်းပပြုလုပ်သွားမည့် တိုင်းဒေသကြီးနှင့် ပြည်နယ်အားကစားပြိုင်ပွဲများတွင် ကချင်ပြည်နယ်မှ ဝင်ရောက်ယှဉ်ပြိုင် အောင်မြင်မှုများ ရရှိစေရေးအတွက် ကချင်ပြည်နယ်အားကစားနှင့်ကာယပညာကော်မတီ ဥက္ကဋ္ဌ၊ ပြည်နယ်အစိုးရအဖွဲ့ဝင် လူမှုရေးရာဝန်ကြီး ဦးကျော်မင်းခိုင်သည် ယနေ့ နံနက် ၉ နာရီက ပြည်နယ်အားကစားနှင့်ကာယပညာဦးစီးဌာန အစည်းအဝေးခန်းမ၌ အားကစားဆပ်ကော်မတီ အဖွဲ့ဝင် များနှင့် တွေ့ဆုံသည်။ ရှေးဦးစွာ ပြည်နယ်ဝန်ကြီးက ပြည်နယ်နှင့် တိုင်းဒေသကြီးပြိုင်ပွဲများတွင် မိမိတို့ကချင်ပြည်နယ်အနေဖြင့် ဝင်ရောက်ယှဉ်ပြိုင် အောင်မြင်မှုရရှိစေရေး ကြိုတင်ပြင်ဆင်စုဖွဲ့ရမည့်ကိစ္စများ၊ အားကစားနည်းအလိုက် အားကစားသမားများ စခန်းသွင်း လေ့ကျင့်ပြင်ဆင်ရမည့်ကိစ္စများနှင့် အောင်နိုင်ရေးအတွက် အုပ်ချုပ်၊ ထောက်ပံ့မှုဆိုင်ရာများကို ဖြည့်ဆည်းပေးနိုင်ရေးအပြင် ပြည်နယ်၏ အားကစားကဏ္ဍပိုမိုတိုးတက်အောင်မြင်စေရေး ဆပ်ကော်မတီများနှင့် လက်တွဲညီညီ အကောင် အထည်ဖော်…

မြစ်ကြီးနား     ဧပြီ ၂၈           နိုင်ငံတော်သမ္မတ၏ လမ်းညွှန်မှာကြားချက်များ ထပ်ဆင့်ရှင်းလင်းခြင်းနှင့် ရက်ပေါင်း ၁၀၀ အတွင်း ပြည်သူအကျိုးပြု Quick Win လုပ်ငန်းများ အောင်မြင်အောင် ဆောင်ရွက်နိုင်ရေးအတွက် ကချင်ပြည်နယ်အစိုးရအဖွဲ့ဝင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးရဲရင့်ဆွေက မိမိဝန်ကြီးဌာနကွပ်ကဲမှုအောက်ရှိ ဦးစီးဌာနများနှင့် တွေဆုံဆွေးနွေးပွဲကို ယနေ့ မွန်းလွဲပိုင်းတွင် ပြည်နယ်အစိုးရအဖွဲ့ရုံး အစည်းအဝေးခန်းမ၌ ကျင်းပပြုလုပ်သည်။           အဆိုပါ လုပ်ငန်းညှိနှိုင်းအစည်းအဝေးတွင် ပြည်နယ်ဝန်ကြီးက နိုင်ငံတော်သမ္မတ၏ လမ်းညွှန်မှာကြားချက်များကို ထပ်ဆင့်ရှင်းလင်းပြောကြားပြီး ရက်ပေါင်း (၁၀၀) ကာလအတွင်း အကောင်အထည်ဖော်ဆောင်ရွက်မည့် Quick Win လုပ်ငန်းများ အောင်မြင်စွာဆောင်ရွက်နိုင်ရေးနှင့် စိုက်ပျိုးရေး၊ မွေးမြူရေး၊ မြေယာ၊ ဆည်မြောင်း/ တာတမံရေရှိရေး၊ စိမ့်စမ်းရေသွယ်ယူရေးနှင့် သမဝါယမ၊ စက်မှုလယ်ယာ၊ MSME လုပ်ငန်းများနှင့် ကျေးလက်ဒေသဖွံ့ဖြိုးတိုးတက်ရေးစသည့်…

မြစ်ကြီးနား ဧပြီ ၂၆           ရှမ်းမျိုးနွယ်စုဝင် လူငယ်လူရွယ်များအား ရှမ်စာပေနှင့်စကား ပိုမိုလေ့လာနိုင်ရေးအတွက် ရှမ်းစာပေနှင့် ယဉ်ကျေးမှုအသင်း(တိုင်းလုံ)ကကြီးမှူး၍ ဖွင့်လှစ်ပေးခဲ့သော (၁၆)ကြိမ်မြောက် နွေရာသီရှမ်းစာသင်တန်းဆင်းပွဲကို ယနေ့နံနက်ပိုင်းက မြစ်ကြီးနားမြို့ မြို့သစ်ကြီးရပ်ကွက်၊ နောင်ခမ်းရှမ်းရွာ ရှမ်းစာပေနှင့်ယဉ်ကျေးမှုအသင်းဓမ္မာရုံ၌ ကျင်းပပြုလုပ်ရာ ပြည်နယ်အစိုးရအဖွဲ့ဝင် တိုင်းရင်းသားလူမျိုးရေးရာဝန်ကြီးများဖြစ်သည့် ဦးစိုးသိန်း၊ ဦးတင်အောင်၊ ဦးလီပေါ်ရဲ့၊ ဦးမယစ်ယောရှုတို့ တက်ရောက်အားပေးချီးမြှင့်ခဲ့ကြသည်။           ရှေးဦးစွာ ရှမ်းတိုင်းရင်းသားလူငယ်များက သင်တန်းဆင်းပွဲကို ရှမ်းရိုးရာအကဖြင့် ကပြဖွင့်လှစ်ခဲ့ကြပြီး ပြည်နယ်ရှမ်းတိုင်းရင်းသားလူမျိုးရေးရာဝန်ကြီး ဦးတင်အောင်က ယခုလို ရှမ်းတိုင်းရင်းသားလူငယ်များအား နွေရာသီကျောင်းပိတ် ရက်ကာလအတွင်း မိမိတို့၏စာပေကို ကြိုးကြိုးစားစားလက်ဆင့်ကမ်းသင်ယူကြသည့်အတွက် များစွာဝမ်းမြောက်ဝမ်းသာကြိုဆိုပါကြောင်း၊ မိမိတို့၏စကား၊ စာပေနှင့် ယဉ်ကျေးမှုအမွေအနှစ်များ တိုးတက်ပြန့်ပွားအောင်ဆောင်ရွက်ခြင်းသည် မိမိတို့လူမျိုး၏ လက္ခဏာများမပျောက်ပျက်အောင် ထိန်းသိမ်းစောင့်ရှောက်ခြင်းပင်ဖြစ်သည့်အပြင် မိမိတို့မျိုးနွယ်စုသာမက အတူနေထိုင်ကြသော တိုင်းရင်းသားအားလုံးက စာပေ၊ စကားကို အလေးထားတန်ဖိုးထားကြရန် အရေးကြီးပါကြောင်း၊ မိမိတို့…