ကချင်ပြည်နယ်ဝန်ကြီးချုပ် ဧရာဝတီမြစ် ရေကြီးရေလျှံမှုမှ မြစ်ကြီးနားမြို့အားကာကွယ်နိုင်ရေး ရေလျှံတားအုတ်ရိုးစီကာရံခြင်း အလျားအရှည်ပေ (၅၉၀၀) လုပ်ငန်းဆောင်ရွက်နေမှုအခြေအနေများနှင့် ရေထိန်းတမံလုပ်ငန်းများ အရှိန် အဟုန်ဖြင့် တိုးမြှင့်ဆောင်ရွက်နိုင်ရေး ကွင်းဆင်းစစ်ဆေး၊ ပြည်နယ်အစိုးရအဖွဲ့ရုံးနှင့် မြစ်ကြီးနားကုတင်-၅၀၀ ဆံ့ပြည်သူ့ဆေးရုံကြီးတို့၌ Hybrid Solar System တပ်ဆင်နိုင်ရေးတာဝန်ရှိသူများနှင့် လုပ်ငန်းညှိနှိုင်းဆွေးနွေး
မြစ်ကြီးနား ဧပြီ ၁၉ ကချင်ပြည်နယ်အစိုးရအဖွဲ့ မြစ်ကြီးနားမြို့ ရေကြီးရေလျှံမှုမှ ကာကွယ်နိုင်ရေးအတွက် ကျောက်စီရေထိန်းနံရံများ၊ ရေထိန်းတံခါးများနှင့် ရေလျှံတားနံရံများကို မြစ်ကမ်းပါးတစ်လျှောက် ဘဏ္ဍာနှစ်အလိုက် လုပ်ငန်းစီမံကိန်းများ ရေးဆွဲဆောင်ရွက်လျက်ရှိသည့်အပြင် မြို့နေပြည်သူများ၏ ထည့်ဝင်ငွေဖြင့် ကြိုးပမ်းဆောင်ရွက်လျက်ရှိရာ ပြည်နယ်ဝန်ကြီးချုပ် ဦးခက်ထိန်နန်သည် ယနေ့ နံနက် ၈ နာရီက တာဝန်ရှိသူများနှင့်အတူ ကမ်းနားလမ်းတစ်လျှောက် လုပ်ငန်းဆောင်ရွက်နေမှုများကို ကွင်းဆင်းစစ်ဆေးခဲ့ကြသည်။ ထိုသို့ ကွင်းဆင်းစစ်ဆေးရာတွင် ပြည်နယ်ဝန်ကြီးချုပ်သည် ပြည်နယ်အစိုးရအဖွဲ့ဝင် ဝန်ကြီးများ၊ ပြည်နယ်အဆင့်ဌာနဆိုင်ရာတာဝန်ရှိသူများနှင့်အတူ မြစ်ကြီးနားမြို့ မြစ်ရေကြီးမြင့်မှုမှ ကာကွယ်နိုင်ရေး ပြည်နယ်အစိုးရအဖွဲ့နှင့် မြို့နေပြည်သူများ၏ ထည့်ဝင်ငွေများဖြင့် မတ် (၈) ရက်နေ့က ပန္နက်တင်၍ စတင်ဆောင်ရွက်လျက်ရှိသော မင်းရပ်ရပ်ကွက်၊ စည်ပင်သာယာဆိပ်ကမ်းမှ စီတာပူရပ်ကွက်၊ အင်ဂျန်းခချောင်းနေရာအထိ တည်ဆောက်ပြီး ကျောက်စီမြေထိန်းနံရံပေါ်တွင် အလျား (၅၉၀၀) ပေအား မြစ်ရေအမြင့်ဆုံးမြင့်တက်မှု ၁၄၅၀…
