သတင်းနှင့်မီဒီယာ

မြစ်ကြီးနား မေ ၁၄           လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ မြစ်ကြီးနားမြို့နယ်ဦးစီးမှူးရုံးမှ ရက် ၁၀၀ စီမံချက်ကာလအတွင်း မြို့နယ်အတွင်းရှိ ပြည်သူများအတွက် ဆောင်ရွက်ပေးခဲ့သည့် နိုင်ငံသားစိစစ်ရေးကတ်ပြားများ ပေးအပ်ခြင်းအခမ်းအနားနှင့် နိုင်ငံသားစိစစ်ရေးကတ်ပြားများ၊ UIDထုတ်ပေးခြင်းလုပ်ငန်းများအား ဆက်လက်ဝန်ဆောင်မှုပေးနေမှုများကို ယနေ့နံနက်ပိုင်းတွင် မြစ်ကြီးနားမြို့နယ် စုပေါင်းရုံးအတွင်းရှိ မနောရွှေပြည်ခန်းမ၌ ကျင်းပပြုလုပ်သည်။           ရှေးဦးစွာ ရက် ၁၀၀ စီမံချက်ဖြင့် နေ့ချင်းအပြီးဆောင်ရွက်ပေးခဲ့သော နိုင်ငံသားစိစစ်ရေးကတ်ပြားများအား ပြည်သူ့များထံပေးအပ်ပွဲ အခမ်းအနားတွင်  ပြည်နယ်ဝန်ကြီးချုပ်က ပြည်သူများလူမှုစီးပွားဘဝဖွံ့ဖြိုးတိုးတက်ရေးအတွက် မဖြစ်မနေလိုအပ်ပြီး အခြေခံကျသည့် နိုင်ငံသားစိစစ်ရေးကတ်ပြားများထုတ်ပေးခြင်းကို ယနေ့နိုင်ငံတော်အစိုးရသစ်ကာလတွင် ရက် ၁၀၀ စီမံချက်ဖြင့် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ ဧပြီ ၂၀ ရက်နေ့မှ ဇူလိုင် ၃၁ ရက်နေ့အထိ အသက် (၁၀)နှစ်နှင့် (၁၈)နှစ်ပြည့် နိုင်ငံသားတိုင်းအတွက် ဆောင်ရွက်ပေးသွားမည်ဖြစ်ပါကြောင်း၊ ထို့အတူ…

မြစ်ကြီးနား မေ ၁၄ ၂၀၂၅- ၂၀၂၆ ပညာသင်နှစ်၏ ကချင်ပြည်နယ်ကိုယ်စားပြု လူရည်ချွန်မောင်/မယ်များသည် လူရည်ချွန်စခန်းအသီးသီးသို့ လေ့လာရေးခရီးသွားရောက်ခဲ့ကြပြီး ယမန့်နေ့က မြစ်ကြီးနားလေဆိပ်၌ ပြန်လည်ရောက်ရှိခဲ့ကြရာ ပြည်နယ်ဝန်ကြီးများနှင့် မိဘပြည်သူများက သောင်းသောင်းဖြဖြသွားရောက်ဂုဏ်ပြုကြိုဆိုခဲ့ကြသည်။ ထိုသို့ သွားရောက်ကြိုဆိုရာတွင် ပြည်နယ်စီမံကိန်း၊ စီးပွားရေးနှင့်ဘဏ္ဍာရေးဝန်ကြီး ဦးချန်တန်ခင်၊ ပြည်နယ်တိုင်းရင်းသားရေးရာဝန်ကြီးများ၊ ပြည်နယ်ပညာရေးမှူး၊ ကျောင်းအကျိုးတော်ဆောင်များ၊ ဆရာ/ဆရာမများ၊ ပြည်နယ်အဆင့်ဌာနဆိုင်ရာတာဝန်ရှိသူများ၊ ကျောင်းသား/ ကျောင်းသူများ၊ မိဘပြည်သူများက ပြင်ဦးလွင်၊ အင်းလေး၊ ငွေဆောင်၊ ‌နေပြည်တော် လူရည်ချွန်စခန်းများသို့ သွားရောက်လေ့လာမှတ်သားသင်ယူခဲ့ကြသည့် လူရည်ချွန်မောင်မယ် ၂၇ ဦး နှင့် ကြီးကြပ်ရေးဆရာ၊ ဆရာမ ၈ ဦးတို့အား ဂုဏ်ပြုပန်းကုံး၊ ပန်းစည်းများဖြင့် ဂုဏ်ပြုကြိုဆိုခဲ့ကြသည်။ ထို့နောက် ပြည်နယ်စီမံကိန်း၊ စီးပွားရေးနှင့်ဘဏ္ဍာရေးဝန်ကြီးနှင့် လူရည်ချွန်မောင်မယ်များ၊ ကြီးကြပ်ရေးဆရာ၊ ဆရာမများအား လေဆိပ်ဧည့်ခန်းမ၌တွေ့ဆုံ၍ ဂုဏ်ပြုအမှာစကားပြောကြားခဲ့ပြီး ပြည်နယ်ကိုယ်စားပြု လူရည်ချွန် မောင်မယ်များကိုယ်စား…

မြစ်ကြီးနား မေ ၁၃           ၂၀၂၆ ခုနှစ်၊ တိုင်းဒေသကြီးနှင့် ပြည်နယ် အသက် (၁၈)နှစ်အောက် အမျိုးသားဘောလုံးပြိုင်ပွဲသို့ သွားရောက်ယှဉ်ပြိုင်နိုင်ရေး ကချင်ပြည်နယ်မှ အသက်(၁၈)နှစ်အောက် လက်ရွေးစင် ဘောလုံးအသင်းအား ပြည်နယ်ဝန်ကြီးချုပ် ဦးခက်ထိန်နန်က အောင်နိုင်ရေးအလံနှင့် ချီးမြှင့်ငွေများ ပေးအပ်ပွဲအခမ်းအနားကို ယနေ့ နံနက်ပိုင်းတွင် ပြည်နယ်မိုးလုံ လေလုံအားကစားခန်းမ၌ ကျင်းပပြုလုပ်သည်။           ရှေးဦးစွာ တိုင်းဒေသကြီးနှင့် ပြည်နယ်အသက် (၁၈)နှစ်အောက် အမျိုးသားဘောလုံးပြိုင်ပွဲသို့ ဝင်ရောက်ယှဉ်ပြိုင်ကြမည့် လက်ရွေးစင်ဘောလုံးအသင်း အုပ်ချုပ်သူ၊ နည်းပြများနှင့် အားကစားသမားများက တစ်ဦးချင်းမိတ်ဆက်ခဲ့ကြပြီး  ပြည်နယ်ဝန်ကြီးချုပ်က တိုင်း‌ဒေသကြီးနှင့်ပြည်နယ် အသက်(၁၈)နှစ်အောက် ဘောလုံးပြိုင်ပွဲသို့ ဂုဏ်ယူစွာဖြင့် ပြည်နယ်ကိုယ်စားပြုပါဝင်ယှဉ်ပြိုင်ကြမည့် အားကစားသမားများအနေဖြင့် ယနေ့ပေးအပ်လိုက်မည့် အောင်နိုင်ရေးအလံသည် ကချင်ပြည်နယ်တစ်ခုလုံး၏ စုစည်းမှုနှင့် မျှော်လင့်ချက်များကို ကိုယ်စားပြုသည့်အတွက် မိမိကိုယ်ကိုကိုယ် ဂုဏ်ယူသည့် စိတ်ဖြင့် ကြိုးစားယှဉ်ပြိုင်ကစားကြရန်လိုကြောင်း၊ ထို့အပြင်…

မန္တလေး  မေ  ၁၂ ကချင်ပြည်နယ်၊ ဗန်းမော်ခရိုင်အတွင်း နယ်မြေအခြေအနေအရ မန္တလေးတိုင်းဒေသကြီး မန္တလေးမြို့သို့ ယာယီထွက်ပြေးတိမ်းရှောင်၍ ခိုလှုံနေထိုင်လျက်ရှိသော ယာယီတိမ်းရှောင်ပြည်သူများအား ပြည်နယ်အစိုးရအဖွဲ့ဝင် လူမှုရေးရာဝန်ကြီး ဦးကျော်မင်းခိုင်က မေ ၁၂ ရက်၊ နံနက် ၁၀ နာရီတွင် အောင်မြေသာစံခရိုင်၊ မ‌န္တလေးတောင်ခြေရှိ စိတ္တသုခကျောင်း တိုက်၌တွေ့ဆုံအားပေးပြီး အခြေခံစားသောက်ကုန်များ ထောက်ပံ့ခဲ့ကြောင်းသိရသည်။ ထိုသို့တွေ့ဆုံရာတွင် ပြည်နယ်ဝန်ကြီးက အိမ်ထောင်စုများအား အားပေးအမှာစကားပြောကြားပြီး အိမ်ထောင်စုများနေထိုင်စားသောက်ရေးအတွက် လိုအပ်ချက်များတင်ပြဆွေးနွေးမှုအပေါ် ပြည်နယ်ဝန်ကြီး ခရိုင်အဆင့်ဌာနဆိုင်ရာတာဝန်ရှိသူများနှင့် ပေါင်းစပ်ဖြည့်ဆည်းဆောင်ရွက်ပေးခဲ့သည်။ ထို့နောက် ကချင်ပြည်နယ်လူမှုရေးရာဝန်ကြီးနှင့် ဗန်းမော်မြို့နယ်မှ ပြည်သူ့လွှတ်တော်ကိုယ်စားလှယ် ဦးကျော်လင်း၊ အမျိုးသားလွှတ်တော်ကိုယ်စားလှယ် ဦးအောင်ဆန်းထူး၊ ခရိုင်အုပ်ချုပ်ရေးမှူးနှင့် တာဝန်ရှိသူများက ယာယီတိမ်းရှောင်ပြည်သူ အိမ်ထောင်စုတစ်ထောင်အတွက် တစ်အိမ်ထောင်လျှင် ဆန်(၆)ပြည်၊ ဆီ (၅၀)သား၊ ငါးသေတ္တာတို့ကို ထောက်ပံ့ပေးအပ်ခဲ့ကြကြောင်းသိရသည်။

မြစ်ကြီးနား  မေ ၁၂           ကချင်ပြည်နယ်အတွင်း စိုက်ပျိုးမွေးမြူရေးနှင့် ကုန်ထုတ်လုပ်ငန်းများတွင် ရင်းနှီးမြှုပ်နှံ၍ ပြည်နယ်၏စီးပွားရေး ဖွံ့ဖြိုးတိုးတက်လာစေရေးအတွက် နိုင်ငံတော်မှ မတည်ပေးထားသည့် ငွေကျပ် ၈ ဘီလီယံအား စနစ်တကျဖြင့် အရှိန်အဟုန်မပျက် လည်ပတ်နိုင်ရေးအတွက် နိုင်ငံ့စီးပွားမြှင့်တင်ရေးရန်ပုံငွေဖြင့် စိုက်ပျိုးမွေးမြူရေးဆောင်ရွက်သော ပြည်နယ်အဆင့်ကျေးရွာစီမံကိန်းကြီးကြပ်မှုကော်မတီအဖွဲ့ဝင်များ၏ လုပ်ငန်းညှိနှိုင်းအစည်းအဝေးကို ယနေ့ မွန်းလွဲ ၁ နာရီခွဲက ပြည်နယ်အစိုးရအဖွဲ့ရုံး မလိခခန်းမ၌ ကျင်းပပြုလုပ်သည်။           အဆိုပါ လုပ်ငန်းညှိနှိုင်းအစည်းအဝေးတွင် ပြည်နယ်ဝန်ကြီးချုပ် ဦးခက်ထိန်နန်က နိုင်ငံ့စီးပွားမြှင့်တင်ရေးရန်ပုံငွေ ၈ ဘီလီယံကို ကိုဗစ်ကာလနိုင်ငံတော်စီးပွားရေး ပြန်လည်ဦးမော့လာစေရေးအတွက် စိုက်ပျိုးရေး၊ မွေးမြူရေးနှင့် ကုန်ထုတ် လုပ်ငန်းများကို ချေးငွေများဖြင့် မတည်ဆောင်ရွက်ပေးခဲ့ပါကြောင်း၊ ထို့ကြောင့် ကျေးရွာစီမံကိန်းများအတွက် တောင်သူပေါင်းတစ်သောင်းကျော်ထံ မတည်ပေးနိုင်ခဲ့ပြီး လုပ်ငန်းလည်ပတ်နိုင်ခဲ့ပါကြောင်း၊ ထို့အတူ ယနေ့အစိုးရသစ်လက်ထက်တွင် နိုင်ငံ့စီးပွားမြှင့်တင်ရေး ရန်ပုံငွေများကို ပုံမှန်လည်ပတ်နိုင်ရေး၊ စဉ်ဆက်မပြတ်လည်ပတ်နိုင်ရေးနှင့်…

မြစ်ကြီးနား မေ ၁၁           နိုင်ငံတော်ဖွံ့ဖြိုးတိုးတက်ရေးအတွက် နိုင်ငံတော်သမ္မတ၏ မိန့်ခွန်းများအပေါ် လိုက်နာအကောင်အတည်ဖော်ဆောင်ရွက်နိုင်ရေး ကချင်ပြည်နယ်အစိုးရအဖွဲ့က ပြည်နယ်အတွင်းရှိ ပြည်နယ်အဆင့်ဌာနဆိုင်ရာအဖွဲ့အစည်းများအား ထပ်ဆင့်ချပြရှင်းလင်းပွဲအခမ်းအနားကို ယနေ့ နံနက်ပိုင်းတွင် ပြည်နယ်အစိုးရအဖွဲ့ရုံး မလိခခန်းမ၌ ကျင်းပပြုလုပ်ခဲ့သည်။           အဆိုပါ ရှင်းလင်းဆွေးနွေးပွဲတွင် ပြည်နယ်ဝန်ကြီးချုပ် ဦးခက်ထိန်နန်ကနိုင်ငံတော်ဖွံ့ဖြိုးတိုးတက်ရေးအတွက် နိုင်ငံတော်သမ္မတ၏ ပြောကြားချက်များ၊ လမ်းညွှန်မှာကြားချက်များနှင့် မိန့်ခွန်းများကို ချပြရှင်းလင်းပြီး နိုင်ငံတော်သမ္မတ၏ လမ်းညွှန်မှာကြားချက်များအတိုင်း မိမိတို့အနေဖြင့် နိုင်ငံတော်နှင့် ပြည်နယ်ဖွံ့ဖြိုးတိုးတက်ရေးကို ယခုထက်ပိုမို အလေးထားကြိုးစားကြရန် လိုအပ်ပါကြောင်း၊ ထို့အတူ ခေတ်အဆက်ဆက်ကြုံတွေ့ခဲ့ရသည်များကို သင်ခန်းစာယူ၍ ကောင်းမွန်သည့် ဦးဆောင်မှုများဖြင့် ကဏ္ဍအလိုက်တိုးတက်မြင့်မားလာစေရေးနှင့် လုပ်ငန်းများအကောင်အထည်ဖော်ရာတွင် ရေရှည်အကျိုးစီးပွားကိုကြည့်၍ စနစ်တကျဆောင်ရွက်ကြရန်လိုကြောင်း တိုက်တွန်းပြောကြားသည်။           ထို့နောက် ပြည်နယ်အစိုးရအဖွဲ့ဝင် ဝန်ကြီးများက သက်ဆိုင်ရာဝန်ကြီးဌာနအလိုက် ဦးစီးဌာန၊ အဖွဲ့အစည်းများမှ ရက်ပေါင်း ၁၀၀ ကာလအတွင်း အကောင်အထည်ဖော်ဆောင်ရွက်လျက်ရှိသည့်…

မြစ်ကြီးနား မေ  ၁၀           ကချင်ပြည်နယ်ဝန်ကြီးချုပ်ဦးခက်ထိန်နန်သည် ယမန်နေ့ ညနေ ၃ နာရီခွဲက မြစ်ကြီးနားခရိုင် အားကစားနှင့်ကာယ ပညာဦးစီးဌာန ငြိမ်းချမ်းသာယာဘော်လီဘောအားကစားရုံ၌ ကျင်းပပြုလုပ်သည့် ၂၀၂၆ ခုနှစ်၊ ပြည်နယ်အစိုးရအဖွဲ့ဝန်ကြီးချုပ်ဖလား (အမျိုးသား/အမျိုးသမီး) ဘော်လီဘောပြိုင်ပွဲ ဗိုလ်လုပွဲနှင့် ဆုချီးမြှင့်ပွဲအခမ်းအနားသို့ တက်ရောက်အားပေးချီးမြှင့်ခဲ့သည်။           ရှေးဦးစွာ ပြည်နယ်ဝန်ကြီးချုပ်နှင့် ပြည်နယ်အစိုးရအဖွဲ့ဝင် ပြည်နယ်ဝန်ကြီးများသည် အမျိုးသားဘော်လီဘောပြိုင်ပွဲ ဗိုလ်လုပွဲစဉ်အဖြစ် လယ်ကုန်းအသင်းနှင့် Golden eagle အသင်းတို့၏ ယှဉ်ပြိုင်ကစားနေမှုအား ဘောလီဘောအားကစားဝါသနာရှင် ပြည်သူများနှင့်အတူ ကြည့်ရှုအားပေးခဲ့ကြရာ Golden eagle အသင်းက အနိုင်ရရှိခဲ့သည်။ ထို့နောက် ဆုချီးမြှင့်ပွဲအခမ်းအနားကို ဆက်လက်ကျင်းပရာ ပြည်နယ်ရဝမ်တိုင်းရင်းသားလူမျိုးရေးရာဝန်ကြီး ဦးမယစ်ယောရှုက ဒိုင်အဖွဲ့အတွက်လည်းကောင်း၊ ပြည်နယ်လီဆူတိုင်းရင်းသားလူမျိုးရေးရာဝန်ကြီး ဦးလီပေါ်ရဲ့က သရုပ်ပြအကအဖွဲ့အတွက်လည်းကောင်း ဂုဏ်ပြုချီးမြှင့်ငွေများ ချီးမြှင့်ပေးအပ်ခဲ့ကြသည်။ ယင်းနောက် ဆုရအသင်းများအား ဂုဏ်ပြုချီးမြှင့်ရာ…

မြစ်ကြီးနား  မေ  ၁၀ ၂၀၂၆-၂၀၂၇ ခုနှစ် ကချင်ပြည်နယ်အတွင်း စိုက်ပျိုးမည့် မိုးစပါးအပါအဝင် မိုးသီးနှံများ ပန်းတိုင်အထွက်နှုန်းရရှိရေးအတွက် ပြည်နယ်အစိုးရအဖွဲ့ဝင် စိုက်ပျိုးမွေးမြူရေးနှင့်ဆည်မြောင်းဝန်ကြီး ဦးရဲရင့်ဆွေသည် ယနေ့ နံနက် ၉ နာရီက ပြည်နယ်စိုက်ပျိုးရေးဦးစီးဌာနရုံး အစည်းအ‌ဝေးခန်းမ၌ စိုက်ပျိုးရေးဦးစီးဌာန ပြည်နယ်ဦးစီးမှူး၊ တာဝန်ရှိသူများနှင့် လုပ်ငန်းညှိနှိုင်းအစည်းအဝေးကျင်းပ ပြုလုပ်သည်။ အဆိုပါ အစည်းအ‌ဝေးတွင် ပြည်နယ်ဝန်ကြီးက ဒေသတွင်းဝမ်းစာဖူလုံရေး၊ စားသုံးဆီဖူလုံရေး၊ သီးထပ်စွမ်းအား တိုးမြှင့်ရေး၊ စိုက်ပျိုးသီးနှံများ ပန်းတိုင်အထွက်နှုန်းရရှိရေးတို့ကို ဘက်ပေါင်းစုံမှ ပေါင်းစပ်ဆောင်ရွက်ကြရန် လိုအပ်ပါကြောင်း၊ ထို့ပြင် နိုင်ငံ၏ စီးပွားရေးအင်အားတောင့်တင်းစေရေးအတွက် စားနပ်ရိက္ခာဖူလုံရေးအပြင် ပြည်ပရောင်းတန်းဝင် ထုတ်ကုန်များ ထုတ်လုပ်တင်ပို့နိုင်ရေး ဆန်စပါးကိုလယ်မြေအားလုံးတွင် ပန်းတိုင်အထွက်နှုန်းရရှိအောင် စိုက်ပျိုးကြရန် လိုအပ်ပါကြောင်း၊ သို့ဖြစ်ပါ၍ ဒေသရေမြေရာသီနှင့်ကိုက်ညီပြီး ဈေးကွက်လိုအပ်ချက်မြင့်မားသည့် မျိုးကောင်းမျိုးသန့် များကို ပြောင်းလဲစိုက်ပျိုးနိုင်ရေး၊ မြေဆီလွှာဖွံ့ဖြိုးတိုးတက်ရေးလုပ်ငန်းများနှင့် သိပ္ပံနည်းကျ စိုက်ပျိုးနည်းစနစ်များကို…

မြစ်ကြီးနား မေ ၉           ကချင်ပြည်နယ်အတွင်း ငါးစားသုံးမှုဖူလုံလာစေရေး၊ ငါးသယံဇာတတိုးပွားရေးအတွက် ငါးသားဖောက်ဖြန့်ဖြူးရေးလုပ်ငန်းများ ပိုမိုတိုးမြင့်မားအောင်ဆောင်ရွက်နိုင်ရေး ပြည်နယ်အစိုးရအဖွဲ့ဝင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးရဲရင့်ဆွေသည် ယနေ့ နံနက် ၁၁ နာရီခွဲက မြစ်ကြီးနားမြို့၌ ပြည်နယ်ငါးလုပ်ငန်းဦးစီးဌာနနှင့် ပုဂ္ဂလိကပိုင် ငါးကန်များအား ကြည့်ရှုစစ်ဆေးခဲ့သည်။           ရှေးဦးစွာ ပြည်နယ်ဝန်ကြီးသည် မြစ်ကြီးနားမြို့ ဧရာရပ်ကွက်အတွင်းရှိ ပြည်နယ်ငါးလုပ်ငန်း ဦးစီးဌာနရုံး၌ ပြည်နယ်ဦးစီးမှူး ဒေါ်ဥမ္မာမိုး၊ ခရိုင်/ မြို့နယ်ဦးစီးမှူးများ၊ စခန်းတာဝန်ခံများနှင့် ရုံးဝင်းအတွင်း ဌာနပိုင်ငါးသားဖောက်ကန်များ၌ ငါးခုံးမကြီး၊ ငါးမြစ်ချင်းစသည့် ငါးမျိုးများ သားဖောက်ထားရှိမှုအခြေအနေများကို ကြည့်ရှုစစ်ဆေးပြီး ငါးသားဖောက်များ ဖြန့်ဖြူးရောင်းချပေးနိုင်မှု အခြေအနေများကိုမေးမြန်းကာ ပြည်နယ်ဝန်ကြီးက ကျန်ငါးမျိုးစိတ်များဖြစ်သည့်  မြက်စားငါးကြင်း၊ ရွှေဝါငါးကြင်း၊ ငါးကြင်းဖြူများအား ဌာနပိုင်သားဖောက်ကန်များမှတစ်ဆင့် တိုးမြှင့်ဖြန့်ဖြူးနိုင်‌ရေး မှာကြားခဲ့သည်။           ထို့နောက် ပြည်နယ်ရုံး…

မြစ်ကြီးနား မေ ၉           ကချင်ပြည်နယ်အစိုးရအဖွဲ့အနေဖြင့် ပြည်နယ်အတွင်းရှိ မြို့များသန့်ရှင်းသာယာလှပ၍ စိမ်းလန်းစိုပြည်သော မြို့ပြများ ဖြစ်လာစေရေး လူထုပူးပေါင်းပါဝင်မှုဖြင့် ကြိုးပမ်းဆောင်ရွက်လျက်ရှိရာ စုပေါင်းသန့်ရှင်းရေးလုပ်ငန်းများကို အပတ်စဉ်စနေနေ့တိုင်း ဆောင်ရွက်လျက်ရှိရာ ယနေ့ နံနက်ပိုင်းတွင် မြစ်ကြီးနားမြို့တွင်းရှိ စည်ပင်သာယာရေးနယ်နိမိတ်ပိုင် ရပ်ကွက်/ ကျေးရွာများတွင် စုပေါင်းဆောင်ရွက်လျက်ရှိကြောင်း သိရသည်။           ထိုသို့ ဆောင်ရွက်ရာတွင် ပြည်နယ်အစိုးရအဖွဲ့ဝင် စီမံကိန်း၊ စီးပွားရေးနှင့် ဘဏ္ဍာရေးဝန်ကြီး ဦးချန်တန်ခင်သည် မြစ်ကြီးနားမြို့ ဧရာရပ်ကွက်၊ ရုံးကြီးတစ်လျှောက်နှင့် သီတာရပ်ကွက်၊ ရန်ကြီးအောင်ရပ်ကွက်၊ ဒူကထောင်ရပ်ကွက်၊ မြို့မ၊ မင်းရပ်၊ ရှမ်းစုတောင်ရပ်ကွက်များတွင်လည်းကောင်း၊ ပြည်နယ်လျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီး ဦးအောင်နိုင်နှင့် ခရိုင်အုပ်ချုပ်ရေးမှူးတို့သည် မြို့သစ်ရပ်ကွက်၊ အခြေခံပညာအလယ်တန်းကျောင်းနှင့် ရှမ်းစုမြောက်၊ ကချင်စု၊ ကျွန်းပင်သာ၊ အေးစေတီ၊ အောင်နန်းရပ်ကွက်များတွင်လည်းကောင်း၊ ပြည်နယ်သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဒေါက်တာအောင်ဝင်းနှင့်…